انوي استيراد شحنة من هذه الاجهزة GAIMING و لكن اخشي السوق يرفضها

**yaser 2015** · 21-05-2015, 18:22

اوي ادخال شحنة من اجهزة الجرافيك و ال GAMING بامكانيات عالية مكونة من 25 جهاز من الموديل الاول و 25 من الموديل التاني بس خايف ان السوق المصري يرفضها رغم انها جودة عالية جدا جدا جدا

خصوصا ان سعر الأجهزة عالي و يخص فئة معينة من المستخدمين ما رأيكم يا شباب ؟؟ انا استخرت ربنا و لسة ماوصلتش لقرار

الموديل الاول

الموديل التاني

**مينا منتصر** · 21-05-2015, 18:35

حط فلوسك فشهاده استثمار احسن فالبنك.... هتديك عائد ربح من 5% ل 9% فالميه..... لكن موضوع الاحهزه ده صعب عشان السوق المصري في منافسه و الاجهزه دي كروت الشاشه فيها ضعيفه جدا جدا و فنفس الوقت غاليه يعني ايه اليخليني اجيب جهاز ب 7000/8000 جنيه و كارت شاشه 750 ؟ لما ممكن اجيب جهاز تجميع x99 و فيجا 980 بنفس السعر ؟؟؟

رآيي الشخصي انك تشوف منتج تاني او تحط فلوسك فالبنك فشهادات استثمار و ربنا يوفقك

**hisoo** · 22-05-2015, 02:35

الاجهزه ممتازه والمواصفات ايضا جيده جدا بس اهم حاجه السعر كام وكلام الاخ مينا مع احترامى ينقصه كثير من الواقعيه ف 8000 جنيه مصرى يدوب يجيبوا معالج ولوحه من X99
رجاء تحديد السعر اولا بالمصرى حتى نستطيع الحكم بالمظبوط على ان الاجهزه تمشى هنا بمصر ام لا ؟
ولا تنسى انها من اسوس الشركه العريقه والاجهزه موديلاتها حديثه .

**hisoo** · 22-05-2015, 02:37

المشاركة الأصلية كتبت بواسطة مينا منتصر

حط فلوسك فشهاده استثمار احسن فالبنك.... هتديك عائد ربح من 5% ل 9% فالميه..... لكن موضوع الاحهزه ده صعب عشان السوق المصري في منافسه و الاجهزه دي كروت الشاشه فيها ضعيفه جدا جدا و فنفس الوقت غاليه يعني ايه اليخليني اجيب جهاز ب 7000/8000 جنيه و كارت شاشه 750 ؟ لما ممكن اجيب جهاز تجميع x99 و فيجا 980 بنفس السعر ؟؟؟

رآيي الشخصي انك تشوف منتج تاني او تحط فلوسك فالبنك فشهادات استثمار و ربنا يوفقك

لما ممكن اجيب جهاز تجميع x99 و فيجا 980 بنفس السعر ده فين الكلام ده ؟
اكيد فى الحلم مش فى مصر يا عم ال980 ب5150 جنيه بس غير ثمن اللوحه والمعالج صح النوم .

**Mahmoud 2013** · 22-05-2015, 02:53

بأعتقادي الخاص لن ينجح بسبب ان معظم المصرين ان لم يكن كلهم يحبون التجميع
ويفضلون شراء القطع منفرده والمعظم يشتري كل فترة شئ لكي يصبح لديه جهاز متكامل بدون تكلفة كبيرة دفعة واحده

**hisoo** · 22-05-2015, 03:54

المشاركة الأصلية كتبت بواسطة Mahmoud 2013

بأعتقادي الخاص لن ينجح بسبب ان معظم المصرين ان لم يكن كلهم يحبون التجميع
ويفضلون شراء القطع منفرده والمعظم يشتري كل فترة شئ لكي يصبح لديه جهاز متكامل بدون تكلفة كبيرة دفعة واحده

ده كده كلام منطقى وياخذ بالحسبان

**مينا منتصر** · 22-05-2015, 23:16

انا بتكلم مجازا يا جماعه مش مزبوط يعني. لو قولنا هتجيب كارت شاشه 5000 و بروسيسور 5930 تمنه 3000 و البورده حوالي 2500 يعني إجمالي من غير رامات 10000 جنيه

لو قارناه بالجهاز الاسوس التمنه 1400 دولار هتلاقي ان بعد ما تزود نسبه الربح هتبقي نفس سعر التجميع فمش مستاهله و خصوصا انا كروت الشاشه الموجوده فالاجهزه دي ضعيفه مقارنه بالاجيال الجديده