طلب نصيحة في شراء رام 8 جيجا

[hashoooom]

السلام عليكم
مواصفات جهازي كالأتي :
Intel® Core™ i5-3470 Ivy Bridge 3.2GHz 6MB Cache Desktop Processor
Gigabyte GA-B75M-D3H Socket 1155 Motherboard
Gigabyte AMD Radeon HD 7770 OC 1GB GDDR5
Kingston ValueRAM 4GB DDR3 1333MHz CL9 1.5v

محتاج أزود رام 8 جيجا ..محتاج النوع والسعر والباص المتوافق مع الرام الموجودة
..منتظر ردودكم ولكم جزيل الشكر

[hashoooom]

هل من مجيب ؟!!

[phenomenon]

وعليكم السلام ورحمه الله ..
طيب انت بالفعل عارف اسم ونوع الرامع معاك ... لا تعطى اهتمام للدوال Channel
ابحث عن رامه G-Skill DDR3 Bus 1600MHz وفعل XMP ان كانت اللوحه الام مستعده لها واكيد مستعده
ستحصل على اداء افضل من عمل Fual Channel مع رامه باص 1333MHz

[hashoooom]

أنا متشكر جدا لردك يا فندم..
بس هوا نظرا لقلة خبرتي في الحجات دي أنا محتاج تقولي إسم الرام بحيث إني أنزل أشتريها بالإسم
معلش انا أسف .بس أنا فعلا مش خبير والله
ومتشكر جدا ليك مرة تانية

[mohammed shindy]

و لا يهمك بس الراجل قالك إسمها و إنت مختش بالك G-Skill DDR3 Bus 1600MHz

[phenomenon]

الموضوع بسيط جدا اخى ... الرامه اسمها كما وضحها الاخ الكريم وعموما اغلب الرام حاليا بتدعم Xtreme Memory Profile
بمجرد ماتثبت الرامه وبدون ماتدخل على البايوس .. بكلمك من خلال خبرتى على Gigabyte
هتسطب الادوات اللى بتيجى معاها ( حاول تحدثها من على موقع اللوحه الام المناسبه لنظامك )
بعد تثبيت Utilities هتلاقى خصائص عديده هتقدر تفعل من خلالها XMP
وتحصل على جرعه زائده من الاداء لكل من المعالج والرام اذا اردت عمل اختبارات لفرق الاداء
بتبدا الرامه تقل فى التواقيت عشان تزيد من سرعه نقل البيانات من/ الى المعالج
بيبدا المعالج يثبت نفسه بالعمل على TURBO Frequency لجميع انويته فى الضغط
هتبدا تلاحظ فرق الاداء وقرائه System كل هذا من خلال برامج Utilities اللى بتحملها من صفحه اللوحه الام
وايضا هذا الامر بيكون سهل تفعيله من البيوس

[hashoooom]

G.skill Ares Series 8GB (2 X 4GB) DDR3 1600 CL9 1.50v Dual Channel Memory Kit
G.skill RipjawsX 8GB (1 X 8GB) DDR3 1600 CL9 1.5v Desktop Memory
G.skill RipjawsX 8GB (2 X 4GB) DDR3 1600 CL9 1.35v Dual Channel Memory Kit
G.skill RipjawsX 8GB (1 X 8GB) DDR3 1600 CL9 1.5v Desktop Memory (F3-1600C9S-8GXM)
تمام حضرتك..ماهوا من قلة الخبرة مكنتش واخد بالي إنه قال إسمها
طيب بعد البحث شوفت كذا حاجة مختلفة عن التانية مش عارف مين فيهم المناسبة
ومش فاهم المصطلحات المكتوبة
ولما كنت أقصد إسم الرام أقصد إسمها التجاري كامل زي ما حاططها فوق
معلش إصبرو عليا وساعدوني وشكرا لسعة صدركم..
أختار مين في دول ولا مش ده أصلا المقصود ؟!

[phenomenon]

مجرد اصدارات اخى ...
الرامه الاولى عباره عن KIT ) مجموع دائما بيجى مع بعضه للتمكن من تفعيل Dual Channel automatically
بمجرد تركيبهم لانهم تماما نفس الخصائص ( تقدر تقول مصنوعين على طرابيزه واحده )

ترددها 1600MHz وانت تردد الرامه القديمه القديمه عندك 1333MHz وفى الوقت دا اللوحه الام هتكون متضطره انها تنزل بالتردد بتاعها
لمجموع الرامات على تردد 1333MHz جميعهم الا لو بدات بتفعيل XMA ( لترى ماذا سيحدث حينها وماهى الترددات التى استطاعت اللوحه الام الوصول لها مع الرامه

انت ممكن تكسر سرعه الرام بس تعلى الفولتيه وده امر اخر مينفعشى نشغل نفسنا بيه حاليا ..

CL9 وتعنى CAS Latency 9 ومسؤله عن تواقيت عمل ( memory Cycle ) مع المعالج المركزى
كلما كانت التواقيت ( Timing ) اقل كلما استطاع المعالج استلام وارسال البيانات من والى الرامه اسرع
11 . 11 . 11 . 28 بعد تفعيل XMA تصبح 9 . 9 . 9 . 24
هكذا اصبحت التواقيت اقل فبدا انتظار المعالج لقدوم البيانات المخزنه بالذاكره اقل فيصبح الاداء اسرع اثناء العمل على النظام
كذلك نفس الخاصيه تكون موجوده باكتر من بروفايل كذلك موجوده لمعالج AMD باسم AMP او Accelerated memory profile
طبعا تقدر تشوف التواقيت بتاعتك من خلل البيوس او من خلال امور كثيره وبرامج اخرى كبرانامج CPUz



1.5v كلما كانت الفولتيه اقل كلما كانت هذه الذاكره افضل من غيرها التى استطاعت الوصول لنفس ترددها على فولتيه اعلى
مثال ... رامه 1.5v باص 1600 ورامه 1.65v باص 1600

الافضل هى التى استطاعت الوصول لتردد 1600MHz على الفولتيه الاقل
بعض الناس قالوا انى كنت غلطان لما قولت ان فولتيه 1.65 سيئه ...
فولتيه 1.65v ليست سيئه اطلاقا بل انا دائما بقول الفولتيه الاقل هى الافضل
اذا اردت كسر سرعه الرامه ورفع الفولت فماهى نسبه المساحه الباقيه امامك 1.7 - ده Extremely High and ODD
اما رامه 1.5v او مابالك رامه G-Skill التى تصل لتردد 1600MHz CL11 1.35v امامك مساحه كبيره جدا لرفع الفولتيه ان اردت
بالاضافه انه بعد تفعيل بروفايل الرامه تصبح CL9 او 9 9 9 24

بالاضافه ان انتل حزرت فى بادىء الامر من استخدام اى رامه 1.65v مع معالج ساندى بريدج ثم عادى وقالت اقصى حد مسموح به
يكون 1.5v باضافه 5% زياده فقط ان اردت اى 1.6v ثم عادت وسمحت بفولتيه 1.65v
ولكن هى تريد ان تضمن لك اطول فتره عمر للمعالج بتاعك وعدم التاثير على دوره عمله بارتفاع الفولتيات والحراره العامله للرام

ماهى الرامه = فولتيه اقل - تواقيت اقل - تردد اعلى



نسيت اضيف ان افضل واحده انت جيبتها فى اختياراتك ...
الكيت التالت لانها بنفس التردد - نفس التواقيت ولكنها اقل فولتيه اذن هى الافضل ودى معايا حاليا وهتلاحظ انها اغلى نسبه بسيطه عن غيرها
لان واضح انها تمتلك افضل ماتريال ( مواد خام فى صناعتها ) بسبب استقرار ادائها على نفس التردد العالى والتواقيت ( السريعه ) ولكن على فولت اقل
بنفس الوقت جميعهم جيد جدا واى رامه بفولت 1.5 قياسيه بالاضافه انى نسيت اقولك ان اللوحه الام تضبط الفولت احيانا ( ارغاما ) على 1,5v

بالاضافه اى كلمه فى مشاركتى مكتوبه XMA فده بسبب استعجالى فقط لكن هى اسمها XMP والمقصود بها Extreme memory Profile
عشان متحتارشى كتير اخى ... اى رامه من المذكورين فى مشاركتك اكثر من ممتازه وادائهم واحد وجميعهم بروفايل XMP

[hashoooom]

أنا متشكر جدا على ردك الوافي والكافي بجد
خلتني فاهم أنا عايز أدور على إيه ومحتاج إيه ..وأفهم فروقات الأسعار بين حاجة والتانية إيه سببها
متشكر جدا جدا ليك يا فندم