مساعدة لو سمحتم

[MeR0]

السلام عليكم
اقصي ميزانية محددة : 5000

- استخدامك للجهاز:

الالعاب زي باتل فيلد وجتا وكريد وتش دوج

حجم الشاشة و الدقة

انا لسه هاجيب شاشة بس عملها ميزانية لوحداها 1200 جنيه
ياريت بردو شاشة محترمة تناسب التجميعة

القطع التي ستعيد استخدامها من الجهاز القديم:

الهارد

ميعاد شراء الجهاز:

في خلال اسبوع ان شاء الله

مكان الشراء:

القاهرة

محل سكنك:

طنطا




ارجو النصيحة

[phenomenon]

وعليكم السلام ورحمه الله وبركاته .. التزم جيدا بهذا النص اخى وعدل المشاركه ( الاولى ) ان استطعت
نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

[phenomenon]

Motherboard : Gigabyte-GA-H81-S2pv-= 510 LE
CPU : Core I5-4460 3,2GHz upto 3.5GHz 6mb cash = 1400 LE
RAM : Kingstone Fury Blue 8GB Stick DDR3 1600MHz bus voltage 1.5v = 575 LE
GPU : Gigabyte-G1 Gamng- GTX 960 2GB GDDR5 = 1950 LE
PSU : Seasonic ECO 500W = 425 LE
CASE : Zalman Z3Plus = 400LE

Total = 5250 LE

Monitor : BenQ GL2450HM 24 Inch LED LCD = 1150 LE

[MeR0]

جزاك الله خير علي الرد
بس ليا شوية استفسارات
ايه الفرق بين المازر دي و الي حضرتك مختارها
Gigabyte GA-Z97X-UD3H

والبروسيسور ده من جيل Haswell ولا اقل ؟
وكنت بردو عاوز اعرف الفرق بين Corsair Vengeance Pro 8GB DDR3 1866
و الي حضرتك رشحتهالي
ان كنت شخصيا افضل الكروس و ال g skil


والبور سبلاي ده فيه الي 80 plus ?

اسف علي الاسئلة الكتير دي معلش استحملني

[phenomenon]

الفرق فى الشيب نفسه اخى ..
شيب H81 Chipset مناسبه للجيل الرابع بينما Z97 Chipset مناسبه للجيل الربع والخامس اللى هينزل قريب ..
الفرق فى الاداء بين الجيل الرابع والخامس = مفيش سوى استهلاك الحراره الاقل ومعالج الجرافيك المدمج واكيد السعر الاغلى بدون داعى

ايوه اخى ده الجيل الرابع Haswell واللى جميع المستهلكين بينظروا ليه حاليا لانه الاحدث

نعم بالتاكيد G-Skill هتكون افضل بشرط .. انك تلاقيها فيها التواقيت ( رقمها اقل ) CL وتلاقى فيها الفولتيه اقل والتردد اعلى
يعنى انهى رامه افضل من دول

Ram 8GB DDR3 CL10 1.5v bus 1600MHz
Ram 8GB DDR3 CL9 1.5v bus 1600MHz
الافضل هى صاحبه التواقيت الاقل ولكن انهى رامه فى دول افضل من التانيه

Ram 8GB DDR3 CL9 1.6v bus 1600MHz
Ram 8GB DDR3 CL9 1.5v bus 1600MHz
الافضل هى صاحبه الفولتيه الاقل

التركيز فى اختيار الرامات بدقه لاه اسباب كثيره اخى واحيانا تحتاج مراجعات فقط ان بدانا نبحث عن كسر السرعه والترددات العاليه
لان من خلال المراجعه هتعرف الرامه دى بتقدم تواقيت قد ايه ووصلت لفين اقصى تردد بمجرد تركيبها وفولتيتها كام على التواقيت دى

الرامه الكويسه فى الخامه هى اللى تقدر توصل للتردد ( ده ) على الفولتيه والتواقيت الاقل افضل من اللى وصلت لنفس التردد ( ده ) على فولتيه اعلى او تواقيت اعلى
الامر لا يحتاج الدقه جدا الا فى حاله كسر السرعه
دلوقتى الرامه اللى انت اختارتها 1866MHz اوك مفيش مشكله ولكن .. اعرف نقطه واحده الاول وهى ان متحكم المعالج اقصاه 1600MHz
عشان توصل لتردد 1866MHz اللى هى جايه عليه هتدخل البيوس تفعل بروفايل XMP عشان تقرا اقصى تردد ليها والمعالج والرامه بيدعموا البروفايل
ولكن افترض ان اللوحه الام زى H81 + B85 + H87 + H97 مش بيدعموا غير تردد 1600MHz يبقى عمرنا ماهنقدر نوصل للتردد ده وهيثبت على 1600MHz

متقلقش اطلاقا اخى من نوعيه الرام : كينجستون شركه كبيره .. اذا اردت الحقيقه Crucial تضرب الجميع ارضا الان والسبب
بتقدملك خامه عاليه فى الهاردوير بتاعتها وترددات عاليه وفولتيات جيده وتواقيت قليله

انا فضلت اختارلك رامه ترددها قياسى لمنصه Haswell وجميعنا يعتمد عليه طالما المنصه مش لكسر السرعه
وتواقيتها جيده وفولتيتها مناسبه جدا

مش عاوز اتوهك اخى لكن انت اللى سالت والامر بسيط جدا لكن احيانا معلومه بتجر معلومه وبدون ترتيب بيحصل تشويش
فى فى فرصه لشراء رامه G-Skill واتضح امامك انها افضل فى التواقيت والفولت اذن تمام جدا

الباور سبلاى ايوه 80plus و 85% Efiiciency .. Bronze طيب ليه مش مكتوب جمبه كدا ؟ لانه متعملشى عليه مراجعات فى امريكا
ليه متعملشى عليه مراجعات ؟ لانه تقيمم الفولت فيه 220V~240V وشبكات الكهرباء فى امريكا واكتر دول اوروبا 110V ~ 115V
يعنى لتسهيل الامر ميشتغلشى هناك وطالما ميشتغلشى هناك .. يبقى ليه يتعمله مراجعه ( دائما يتم النظر للمستهلك الامريكى بالمقام الاول )
ولكن فى مراجعات من مواقع اسبانيه او او اندونسيه ثبتت انه 85% Efficiency .. عشان اطمنك اخى Seasonic رقم واحد عالميا حتى الان
لا تصنع ولا تعتمد على اى مكونات صينى او تايوانى فى مكوناتها بالداخل ...
ولكن اذا اردت شراء 450W XFX فهو كافى وممكن ترتاحله نفسيه اكتر وتوفر القلق على نفسك وهيكون اكتر من كاف للكارت
لو سالتنى انا هختار ايه هسالك سؤال هل معاك 500 جنيه لباور XFX 450W ؟ لو الاجابه نعم هقولك اذن مش هتردد فى ECO 600W

[MeR0]

جزاك الله خير يا استاذي

بس بالنسبة للمزربورد انا خايف من الي انت قلته انها بتدعم جيل رابع والخامس لا
وانا حابب اني متزنقش في فترة قصيرة اضطر اغير
بالنسبة للكيسة اكيد انت مختارها تبريد محترم ان كنت انامش عاجبني شكلها

حضرتك انا بردو ممكن ازود 500 جنيه لو في حاجة تقدر تعدلها او تزودها في التجميعة المحترمة بتاعت سعاتك
والف شكر مرة تانية
واسف علي تعبك

[phenomenon]

جزاك الله مثله اخى وكل عام وحضرتك بخير ...
شوف اخى النقطه دى واحسبها كويس وانت اللى هتحدد بنفسك انت ايه افضل ليك

انا افضل الامر شخصيا بهذا الشكل .. لو كنت هشترى معالج I5 الجيل رقم واحد وفى نيه للتحديث بالمستقبل القريب فهيكون الامر كالتالى ..
هل التحديث بتاعى المستقبلى قريب ( السنه الجايه او اللى بعدها ) هل هنتقل لمعالج I7 ام افكر فى معالج I5 الجيل رقم 2

التفكير فى معالج I5 الجيل رقم 2 غلط لكن التفكير فى معالج I7 الجيل رقم 1 او الجيل رقم 2 صحيح .. يبقى هستقر ان التحديث ياما I7 جيل واحد او اتنين
وايه السبب .. ان فرق الاداء بين الجيل رقم واحد والجيل رقم 2 من نفس الطراز مش بيكون ملحوظ اطلاقا .. مابالك ان الاداء بالالعاب واحد لطرازين I5 + I7
ولكن الانتقال الى I7 هيكون فى فرق بوجهه عام فى كل شىء اخر بزياده ايجابيه اثناء شغلك على الويندوز والبرامج ...بوجهه عام دا مبدا انتل المسمى Tick/Tock
لو جيبت Tick متجيبتش Tock لكن تجيب Tick اللى بعده لو جيبت Haswell مجيبشى Broadwell لكن اجيب Skylake او ممكن استنى اللى بعده ( Tock )
لكن لو جيبت I5 وهنتقل الى I7 من نفس الجيل يبقى كويس لو هنتقل للمعماريه الاحدث على نفس الوسكيت وهجيب I7 يبقى افضل وسؤال تانى

السؤال التانى سببه التجاره اللى ظهرت فى الجيل الرابع والخامس لان الرابع والخامس حصل تجاره فيهم على العميل وهى
لو بصينا للجيل التانى والتالت هنلاقيهم بيشتغلوا على ارخص لوحه ام سعرها 400 جنيه تقريبا
بينما فى ناس اشترت لوحات لمعالج الجيل الرابع ( لوحات الجيل التامن من اللوحات الام زى H81 + B85 + Z87 ) باسعار عاليه
وكان المتوقع اننا نلاقى الجيل الخامس مناسب ليهم ايضا ولكن انتل قالت لا هيتوافق فقط على شريحه H97 + Z97 لانها باعت كفايه من الجيل التامن

يبقى السؤال التانى بدل ما اجيب لوحه ام جيل التامن اجيب لوحه الجيل التاسع عشان لو فى فرصه ارقى لمعالج الجيل الخامس I7-Broadwell اشتريه
وبدل ما اجيب لوحه زى H81 بسعر 500 جنيه وارقى بالمستقبل ل I7-4790 او I7-4770 لا هجيب H97 بسعر 900 جنيه وبالمستقبل هرقى I7-5770

يبقى السؤال التانى .. هل فرق 500 جنيه تقريبا فى سعر اللوحه الام يستاهل ؟
طيب هل فرق الاداء بين I7-4770 و I7-5770 يخلينى ادفع 500 جنيه زياده فى اللوحه الام ؟

الجواب .. خلينى اقولك الاول ان الفرق فى Chipset الاعلى دائما جيد طبعا بتلاقى اللوحه الام تمتلك خصائص ومكونات اعلى جيده جدا ان اردت استغلالها
فرق الاداء بين معالج الجيل الرابع والخامس = 0 ( افاده للمستهلك زيى وزيك ) ولكن فى جرافيك مدمج كويس يمكن يتساوى مع R7-250 او افضل

لو فى فرصه تشترى H97 فكره ممتازه طبعا ( اللوحه الام مش مجرد توافق معالج وبس ولكنها توافق معالج بالمقام الاول وبس )


بخصوص الكيس :
شوف اخى مبدايا لو فى ميزانيه اعلى معاك .. اكيد كل ماتعلى الميزانيه كل ماتلاقى اتاحات افضل فى المكونات
بخصوص الكيس = اختيار شخصى جزءا وموضوعا واللى تريحك شكلها واى كيسه متوافقه مع اللوحه الام طالما مش عريضه
ولكن خليك فاكر ان الكيس رفاهيه بعد المتطلبات واقصد انه شكل بعد توفير عامل مهم جدا وهى طريقه تبريده
انا اختارتها لان مواصفاتها بتقول ان فيها مروحتين فى السقف 120 ومروحه فى الامام 120 وفى الخلف 120 وفى
مكان فاضى فى الامام تركب فيها 120
بالاضافه انت ممكن تكتشف اماكن فى الكيس وتضيق انت هتلاقى بردو وفى فرصه لتركيب مشتت مائى ان اردت وفى باب نصفه تقريبا شفاف
عشان تشوف شكل الكيسه شغاله ازاى ومراوحك طول الوقت اخبارها ايه
وفى مكان للاقراص الضوئيه و7 اماكن هاردات وباور تحت وبالامام منفذين USB2 ومنفذ USB3
ولمبه هارد وزراير الباور والريستارت وصفايات الفلترات اسفل الباور وبالامام واعلى سطح الكيس ..

عيوب الكيس : مفيش لكن فى .. مروحه جانبيه مش موجوده واللى عليها عامل كبير جدا فى طرد حراره الكارت واللى بسببها بنفس الوقت بتملى الكيسه تراب
لكن انت ممكن تجيب مروحه زياده او اتنين حسب اى كيس بوجهه عام وتشوف عاوزها طرد = شفط ( Intake ) او عاوزها دفع - تبريد ( Exhaust )
امسك المروحه فى ايدك وخلى ماركتها قدامك حطها فى اخر الكيسه بقت دفع- امشى بيها لغايت مقدمه الكيسه بقت طرد

يمكن يدايقك فيها مشكله التراب بس لو الفلترات كتيره وفى تراب كتير بيدخل الغرفه بتاعتك ..
على العموم انا شايف انها اختيار شخصى ولو فى فرصه NZXT S340 افضل
ولكن مفيش اماكن للاقراص الضوئيه لذلك ممكن Phantom 210 تناسبك ولكن مشكله التراب

تنظيم الاسلاك : اكيد فى اماكن انك تنظم سلوكك والامر دا بيعود للباور والكيس ..
باور Semi Moudlar وفى كابل اللوحه الام 24pin + CPU 88pin راكبين
وباور Full Modular ولا كابل راكب فيه وانت اللى بتركب براحتك ( حسب اختيارك الباور ) المهم يكون باور ماركه جيده لكن كابلاته فيه عادى
المهم الكيس ومن صورها بها اماكن لتنظيم كابلات الباور واحفائها ومروررها باكثر من فتحه فى الكيسه .. ولكن الكيسه اللى تعجبك اشتريها .

[MeR0]

جزاك الله كل خير علي المساعدة والشرح البسيط وعلي تعبك معايا

الف شكر يا باشا
ان شاء الله هظبط كده واتوكل علي الله