الكمبيوتر لا يقلع بعد تنظيف البروسيسور!!!!!!

**bebsi khlaf** · 31-07-2015, 00:32

معلش دة اول مشاركة ليا هطول عليكوا شوية استحملونى....
ان شلت مروحه البروسير عشان انضفها و للاسف شلت بردو البروسيسور من مكانه و وقع منى على الارض جيت اركبو بعد كده لقيت الكيسة بتشتغل بس الشاشة ما بتجبشى حاجة بس مكنشى فيه صوت تصفير ....
بعد كده بقلب البروسيسور لقيت سنون معوجة جيت اعدلها اومت كاسر سن منها صح البروسيسور نوعة phenom x2 555 فروحت وديت البروسيسور بس البستان فى راجل صلحه و خد 50 جنيه جاى اركبه لقيت الكيسه بتصفر و الغريب ان البروسيسور بيسخن بردة !!!!
نفسى حد يفدنى معلش

**MMS-AMMMK** · 31-07-2015, 01:06

تاكد من تركيب الرام بشكل صحيح كذلك قم بتنظيف مكان الرام من الاتربة بفرشاه اسنان قديمة وجافة

**bebsi khlaf** · 31-07-2015, 02:02

الرام سليمة جربتها على كيسة تانية و اشتغلت !!!!!!

**bebsi khlaf** · 31-07-2015, 02:04

انا عايز بس حد يرسينى العيب ممكن يبقى من ايه !!!! و اذا كان العيب فى البروسيسور ازاى بيسخن لما اشغل الكيسة!!!

**محمد فاروق غازي** · 31-07-2015, 03:59

بص طالما البروسيسور نظام سنون مش تاتش يبقى غالبًا في سن أو 2 مش مظبوطين عشان كده مش شغال لكن بيوصله كهرباء وبيسخن عادي
حاول تروح أي محل صيانة يجربلك من عنده بروسيسور نفس السوكيت وشوف الجهاز هيشتغل ولا لا عشان نتاكد إن العيب في البروسيسور

**bebsi khlaf** · 31-07-2015, 09:37

يعنى لو المشكلة فى البروسيسور بيتصلح ولا ايه !!!!!
يعنى ينفع اركب سنون ليه و كده و هل بتأثر على كفأته!!!!

**ahmadrashad** · 31-07-2015, 11:43

المشاركة الأصلية كتبت بواسطة bebsi khlaf

معلش دة اول مشاركة ليا هطول عليكوا شوية استحملونى....
ان شلت مروحه البروسير عشان انضفها و للاسف شلت بردو البروسيسور من مكانه و وقع منى على الارض جيت اركبو بعد كده لقيت الكيسة بتشتغل بس الشاشة ما بتجبشى حاجة بس مكنشى فيه صوت تصفير ....
بعد كده بقلب البروسيسور لقيت سنون معوجة جيت اعدلها اومت كاسر سن منها صح البروسيسور نوعة phenom x2 555 فروحت وديت البروسيسور بس البستان فى راجل صلحه و خد 50 جنيه جاى اركبه لقيت الكيسه بتصفر و الغريب ان البروسيسور بيسخن بردة !!!!
نفسى حد يفدنى معلش

السلام عليكم ورحمه الله

انت كدة عملت قفله في داخل البرسيسور انا مش متخيل اذي ركبت البرسيسور والسنون معوجه انا شغال في الهاردوير وببص علي الاتجاة و السنون اكتر من مرة لحد ما البرسيسور يسقط في مكانه من غير اي ضغط انت كدة كبست كام رجل الي اتعوجو من الوقعه وانت كملت عليهم بتركيبك للبرسيسور وتجربته ليك كمان وهو دة المشكله مش الوقعه لان الوقعه مش هتاثر عليه ذي لما تعمل شورت في دائرة الداخليه بتاعته عموما انا كنت انصحك بدل ماتدفع فلوس علي الفاضي كنت تودي البرسيسور بالمازر بالرامات وتعمل بيهم تست وانت بتستلم البرسيسور كدة انت شخصت و عالجت وهو اخد فلوس علي الجاهز وعادي جدا البرسيسور يسخن ممكن جدا يكون في قفله والقفله دة تاثر علي المازر بورد وخصوصا اي سي المسؤول عن الرامات انت كدة تفك المازر بالبرسيسور بالرامات وتوديهم للي صلح ليك البرسيسور كدة انت هتريح دماغك وتمنع تزويد المشاكل بالتجارب وشكرا

**bebsi khlaf** · 31-07-2015, 11:46

شكرا طبعا لرد حضرتك بس انا عايز افهم كدا فيه امل ماغيرش البروسيسور!!!!! ولا ممكن اركب سنون مكان اللى اتكسرت بس...

**ابوعماد3** · 31-07-2015, 14:11

حضرتك
انا شفطت البروسيسور i5 3450 بالمكنسه
وكان مش عليه معجون وركبته واشتغل
بس بعد كده حطيت المعجون .. انت شوف المعجون واحتمال تكون حراره البروسيسور اللى بتعمل كدا
غير كدا يبقى البروسيسور سنونه اتكسرت
او مكان الرام عايز يتنضف
:eek:

**bebsi khlaf** · 31-07-2015, 14:59

طب لو السنون اتكسرت بتتصلح !!!

**bebsi khlaf** · 31-07-2015, 14:59

طب لو السنون اتكسرت بتتصلح !!!!!

**ahmadrashad** · 31-07-2015, 15:24

المشاركة الأصلية كتبت بواسطة bebsi khlaf

طب لو السنون اتكسرت بتتصلح !!!!!

هو مش انت قولت وديته واخد منك 50 جنيه في ناس متخصصه للحاجات الدقيقه الي ذي كدة وانت بتشوف التصليح بعينك قبل التركيب وانت بتركبها السنون بتتعدل في مكانها بالظبط لانها عباره عن مشط شوف كدة واعمل ذي ما قولتلك في الاول وقولنا عملت اي