هل سعة التحميل 250 جيجا لسرعة 4 ميجا كافية ؟

[HW79]

أرجو المساعدة
حاليا انا مشترك على سرعة 2 ميجا غير محدودة وارغب فى الانتقال الى العرض الجديد من تى اى داتا 4 ميجا لانه بنفس السعر لكن سعة محدودة 250 جيجا.
انا استخدامى للكمبيوتر فترة حوالى 5 او 6 ساعات يوميا. والاغلب للتصفح. وبالنسبة لتنزيل الافلام بنزل الافلام اللى بتهمنى بس مش اى فيلم وخلاص وده ما يزيدش عن 5 افلام فى الشهر متوسط الحجم 1.5 جيجا 1080 بي. كذلك اليوتيوب استعمالى له قليل الى متوسط . بالنسبة للالعاب بنزل الالعاب المهمة فقط ودى مش كل شهر بتنزل طبعا ومش بلعب العاب اونلاين. كمان تنزيل البرامج والتطبيقات بيكون للحاجات المطلوبة زى تحديث ويندوز والانتى فايرس وتعريفات الكمبيوتر وما شابه.
فى جهاز اخر لابتوب يستخدم للتصفح والعمل على فوتوشوب وارسال بعض الملفات ابلود باحجام لا تزيد عن 400 ميجا للملف وده عدد قليل جدا من الملفات.
باستخدم الموبايل wifi من الراوتر فى التصفح و واتساب وفيس بوك ويو تيوب ومعى العائلة من موبايلاتهم بنفس الاستعمالات متوسطة.
اخيرا الانترنت مش بيبقى مفتوح 24 ساعة فى اليومز فقط حوالى 10 الى 12 ساعة فى اليوم وطبعا مش كلهم تحميل افلام او العاب كما شرحت مسبقا .
سؤالى لاهل الخبرة هل العرض الجديد بتاع 4 ميجا بسعة 250 جيجا يكون كافى لى وزيادة كل شهر لانه بنفس المبلغ اللى بدفعه حاليا؟
شكرا

[Ahmed_badawy]

من استخدماتك المطروحة اعتقد انها ستكفيك، تأكد اولاً انه السنترال اللي انت تابع له يدعم السرعة 4 ميجا

[ahmed601]

هو من جهة كافى فهو كافى جدا
بس شركة تى اى دتا شركة حرامية
يعنى ممكن تستخدم مثلا 60 جيجا يقلك استخدمة 120 جيجا عادى جدا و ممكن يقلك استخدمة السعة 250 جيجا و انت مستخدمتهاش اساسن
و بعدين دلوقتى هي 200 جيجا مش 250 جيجا
https://www.tedata.net/eg/ar/Home-AD...SL-Prices-List
و للعلم برضة
انا كنت مشترك مع شركة tedata و اتنصب علية في سعر اشتراك النت 220 جنية سرعة 2 ميجا اشتركة عرض 4 ميجا بى 220 جنية الشهر الية بعدة بعد ما دفعت الاشتراك نزلة السرعة من 4 ميجا الى 360 كيلو بدل من 2 ميجا لغيت الاشتراك مخدتش فلوسى بالرغم انى كنت اول الشهر
مره قبل كده اشتركة عرض ادفع 3 شهور تاخد شهر هدية عملة كده النت فضل يقطع و يقلولى العيب في الخط و فضلة على كده 3 أسابيع و في الاخر اخدت أسبوع بدل شهر هدية
فا دى شركة وسخة متامنش ليهم في اى حاجة و الحمد لله انى عرفة الغى اشتراكى معاهم
و نصيحة خليك على نظامك القديم احسن

[ahmadrashad]

السلام عليكم ورحمه الله

عموما عشان تكون عارف ان شركه تي داتا تعتبر افضل شركه موجودة في الوقت الي احنا موجودين فيه حاليا لانها اكبر شريك للمصريه للاتصلات ولو مش هي افضل شركه تبقي مصيبه لانها تعتبر اكبر قاعدة بيانات موجودة في مصر ومن غيرها كان زمانا علي الانترانت موديم 256 كيلو بايت وال adsl دة في الاحلام اقصد في الشركات والمؤسسات يبقي الي بيروح لشركه غيرها يبقي ذي الي ساب الاصل ومسك في الفروع علي الرغم اني مش بحب الاحتكار بس الفساد الي موجود في مصر المتغلغل يخلي الوضع دة افضل وضع واكبر دليل علي كدة الشبكات الصغيرة محدش بيعرف يديرها يا اما مش عايز يصرف علي الشبكه ياخد منها وبس يا مش عايز يدفع
مستحقات الشركه لحد ما تقع الشبكه وكله يسيبه ويروح لغيرة هو دة الي بيحصل علي كبير لشركات الي عايزة تفرد عضالتها تفاجاء انها بتخسر وبتقع لان الفساد بيدور في كل المؤسسات لاسف الشديد فلازم تكون شركه كبيره ماسكه نفسها وسمعتها والا هنسمع كل شهرين الكبل العمومي اتقطع والحوارات الي الحمد لله قلت كتير وشكرا

[ahmed601]

السلام عليكم ورحمه الله

عموما عشان تكون عارف ان شركه تي داتا تعتبر افضل شركه موجودة في الوقت الي احنا موجودين فيه حاليا لانها اكبر شريك للمصريه للاتصلات ولو مش هي افضل شركه تبقي مصيبه لانها تعتبر اكبر قاعدة بيانات موجودة في مصر ومن غيرها كان زمانا علي الانترانت موديم 256 كيلو بايت وال adsl دة في الاحلام اقصد في الشركات والمؤسسات يبقي الي بيروح لشركه غيرها يبقي ذي الي ساب الاصل ومسك في الفروع علي الرغم اني مش بحب الاحتكار بس الفساد الي موجود في مصر المتغلغل يخلي الوضع دة افضل وضع واكبر دليل علي كدة الشبكات الصغيرة محدش بيعرف يديرها يا اما مش عايز يصرف علي الشبكه ياخد منها وبس يا مش عايز يدفع
مستحقات الشركه لحد ما تقع الشبكه وكله يسيبه ويروح لغيرة هو دة الي بيحصل علي كبير لشركات الي عايزة تفرد عضالتها تفاجاء انها بتخسر وبتقع لان الفساد بيدور في كل المؤسسات لاسف الشديد فلازم تكون شركه كبيره ماسكه نفسها وسمعتها والا هنسمع كل شهرين الكبل العمومي اتقطع والحوارات الي الحمد لله قلت كتير وشكرا

شركة تى اى دتا دعم فنى سئ جدا جدا
و لما بتاخد معاهم عرض بيبوظم لك النت بعد كده عن تجربة اشتراك معاهم لمدة 10 سنين
اخد عرض بعدها يقطعولى النت و يبهدلونى و كل لما اكلمهم يقلى عيب في الخط
يقلك تاخد عرض شهر ادفع 3 شهور تدفع يفضلم يقطعولك النت شهر استخفاف بالعقول علشان بدل ما ياخد حق شهر ياخد حق 3 شهور مقدم و كمان يفصل عنك النت
اشتركة كمان معاهم عرض ادفع حق سرعتك تاخد الضعف بنفس الثمن دفعة حق 2 ميجا اخدت 4 ميجا و تمام التمام الشهر الية بعده دفعة حق 2 ميجا اخدت 360 كيلو بدل 2 ميجا مجرد ما رحت ادفع و روحت البيت القيهم قللم لى السرعة من 4 ميجا الى 360 كيلو و يقلى عيب في الخط !
لغيت الاشتراك في اول الشهر مخدتش فلوسى الية هي 220 جنية نصبم علية فيهم !
دلوقتى مشترك مع فودافون سرعة 8 ميجا بى 299 جنية و لية 120 جيجا الأول كانم موصلين السرعة 2 ميجا رفعوهالى الى 8 ميجا بس الابلود سرعتة 700 كيلو بعدين خلوها 4 ميجا و الابلود 1 ميجا و في الاخر خلوهالى 9 ميجا و سرعة الابلود 1.2 ميجا
و النت شغال تمام التمام بس سعر الاشتراك طبعا غالى المفروض من غير العرض 599 جنية و 120 جيجا مساحة تحميل و بتشترى 15 جيجا بى 35 جنية بعد ما المساحة تخلص في تى اى دتا سعر الجيجا لما تشتريها اغلى من فودافون بس اجمالى السعة 300 جيجا !
الخلاصة فودافون برضة شركة عالمية و النت كويس بس سعره غالى بالمقارنة مع تى اى دتا
تى اى دتا خدمة عملاء اسوء من فودافون بكتير و بيلطعك على الخط و تكلفة الاتصال بخدمة العملاء اغلى من فودافون و لما تاخد معاهم عرض بيطلعوه بعد كده على عنيك دى سياسة تى اى دتا و مع احترامى لكلامك شركة تى اى دتا مش اول شركة دخلة الدى اس ال لا كان قبل منها لينك و ايجى نت بس مقدروش يستمرو في المنافسة و دلوقتى شركة تى اى دتا بعد التخفيض الية عملتة استنى عليهم شهر او شهرين هيبوظم للناس النت و يقلك اصل في انقطاع في الكبلات البحرية اصل في ضغط على الشبكة بسبب التخفيض الخ

[ahmadrashad]

عموما كلامك دة يعتبر تجربه شخصيه مريت بيها انا برضو مشترك مع شركه تي داتا من حوالي 4 سنين ومرتين ادخل عرض ال 3 شهور و شهر ومفيش اي مشكله ولا في السرعه و لا انقطاع الخدمه بس نصيحه استخدم الراوتر بتاعهم كدة انت هتنهي مشاكل كتيره من غير ما تدخل فيها اصلا دة تجربتي انا الصراحه ومقدرش اقول عليهم خدمتهم سيئه لانهم حلولي في البدايه اول ما اشتركت مشاكل كتير لحد ما اتعلمت احل مشاكل لوحدي وبرنامج سوبر سبورت برنامج ممتاز جدا برضو لو انت تنزله عندك,,,, في سعات بيكون في ناس في خدمه العملاء مسطوله دول من ناحيه العميل و الشركه كتير بس مش هما الاصل في الناحيتين في ناس محترمه جدا وفاهمه وبتحللك المشاكل وبتفضل معاك للنهايه وشكرا

[hassan said]

نزل برنامج جلاس واير glass wire وهتلاقى كل كيلو بايت دونلود او ابلود بكل برنامج واخد كام او رفع كام بالاسبوع والشهر واليوم - البرنامج كافى ومجانى - بس كان فيه فيرجن مرا لاحظتو اخد اكتر من جيجا رام فنزلت الاحدث منه - نزل البرنامج وانتا مش هتلاقى اساسا كل الى بتقول عليه يعدى 100 جيجا . وتحدى - انا بعمل كل حاجة - وساعات بخلى الدونلود شغال وبطفى الشاشه ومبعديش ال 100 جيجا وبصراحه مش عاوز اسيبلهم حاجة الشهر الى فات كان 70 بس .
بس يا ريت متزودش عن 2 ميجا بلاش افترا ومتدعمش حراميا

[ahmadrashad]

انا بتكلم عن تجربتي الشخصيه وانا مش بدعم حراميه بس عشان تفصل ما بين السنترال وشركه الانترانت لو لقيت في وووش مع تركيب الاسبليتر موجود وانت بتكلم في التليفون دة بنيه تحتيه متهالكه طبعا لو اتصلت بالسنترال مره واتنين ومفيش حل بتحتاج تغيير الكبل العمومي ذه بيكون مقايسه بتاخد فلوس كتيرة لانها بيكون كبل كبير فيه خطوط شغاله و خطوط مملحه بيتغير بالكامل بمقايسه احنا بقي عندنا البنيه التحتيه متهالكه هو دة الفساد الي بنحكي فيه لو يتعمل جدول وتطوير وتحديث كل فترة زمنيه مش هتلاقي ولا شبكه تقع ولا بنيه تحتيه متهالكه قولي بقي مين الحراميه شركه الانترانت مش متعاقدة علي الكبل الي كل شويه يحفرو جنبه كهرباء و صرف صحي وغاز بس اهو وضع قائم وكل بيحاول يزق عشان العجله متقفش ولازم الجميع يتعاون مينتقدش وبس وشكرا

[HW79]

شكرا لكل الناس اللى ردت عليا وقالولى خبراتهم.

عموما انا سألت الاول على استهلاكى فى شهر 7 اللى فات علشان اخده كمتوسط لاستخدامى اللى قولتيلكو عليه فوجدت انى استهلكت 43 جيجا فى شهر 7.

انا تابع لسنترال الهرم والخط يشغل سرعة 4 ميجا تمام.

انا كنت بدفع 220 جنيه لسرعة 2 ميجا المفتوحة وعموما هى مش مفتوحة لمالا نهاية يعنى اكيد فى حد معين برضه سمعت انه 300 جيجا وده بالنسبة ليا رقم كبير قوى عمرى ما حوصله انا وعائلتى.
بعد التفكير توكلت على الله وحولت لسرعة 4 ميجا بنفس السعر مع سعة 200 جيجا (على حسابى فى تى اى داتا العداد كاتب 250 جيجا). فسواء كده او كده برضه عمرى ما حوصل للرقمين دول.

انا المهم عندى السرعة تبقى اعلى علشان اقلل زمن التحميل والتصفح مش علشان انزل كمية اكبر من الداتا.

فوجدت ان ده عرض مناسب لى ولاسرتى. وانا بتابع الاستهلاك بتاعى على موقع تى اى داتا لقيت استهلكت 4 جيجا من يوم 30/7 اللى فات اللى هو بداية الشهر بالنسبة لى. بكده يكون حوالى جيجا فى اليوم وده مناسب جدا لاستخدامنا فى البيت عندى. زى ما قولتلكم انا مش فاتح النت 24 ساعة.

ممكن يكون العروض الجديدة مش عاجبة كل الناس لكن انا شايف ان كل واحد لازم يقدر استهلاكة فى المتوسط قد ايه وعلى اساس ده يختار اللى يناسبة. مش اننا نرفض العروض الجديدة رفض مطلق وخلاص.

السنة اللى فاتت فى شهر 8 كانت النت عندى فاصلة على طول ولما كلمت خدمة العملاء حجزولى ميعاد مع فنى يجي للبيت يشوف المشكلة فين لان من عندهم مافيش حاجة ومن السنترال مافيش حاجة. طبعا اتاخروا علي وعملت استعجال الشكوى مرتين وفى النهاية جه. ظبطلى سلك التليفون من الالبوكس الى الاسبليتر على طول ولغى الفيشة اللى راكبة فى الحيطة عندى (نظام قديم معلش) ووصل السلك مباشرة بالبوكس ولغى اكستنشن كان راكب قبل الاسبليتر وقاللى ان الخطوط الارضية فى مصر متهالكة لانها قديمة قوى والتوصيلات الفرعية للسبليتر تضعف اشارة الخط. فلغى كل الحاجات دى وظبطلى السلك مباشرة من البوكس الى الاسبليتر وكل حاجة بقت تمام والحمد لله. دى تجربتى مع تى اى داتا وانا مشترك من 2006 وماظهرتش المشكلة دى الا السنة اللى فاتت بس.

يا جماعة البنية التحتية للاتصالات متهالكة وقديمة قوى. الاولى اننا نطالب بتصليحها الاول وتصليح الكبائن بتاعت التليفونات اللى زى الكنافة دى قبل ما نطالب بسعات تحميل كبيرة. ده راى وتجربتى مع الشركة.

وفى النهاية شكرا لكل الاراء المختلفة اللى طرحتوها.

[ahmed601]

عموما كلامك دة يعتبر تجربه شخصيه مريت بيها انا برضو مشترك مع شركه تي داتا من حوالي 4 سنين ومرتين ادخل عرض ال 3 شهور و شهر ومفيش اي مشكله ولا في السرعه و لا انقطاع الخدمه بس نصيحه استخدم الراوتر بتاعهم كدة انت هتنهي مشاكل كتيره من غير ما تدخل فيها اصلا دة تجربتي انا الصراحه ومقدرش اقول عليهم خدمتهم سيئه لانهم حلولي في البدايه اول ما اشتركت مشاكل كتير لحد ما اتعلمت احل مشاكل لوحدي وبرنامج سوبر سبورت برنامج ممتاز جدا برضو لو انت تنزله عندك,,,, في سعات بيكون في ناس في خدمه العملاء مسطوله دول من ناحيه العميل و الشركه كتير بس مش هما الاصل في الناحيتين في ناس محترمه جدا وفاهمه وبتحللك المشاكل وبتفضل معاك للنهايه وشكرا

المشكلة مكنتش لا مشكلة روتر ولا سبليتر عندى 2 سبليتر و عندى 3 روترات
speedtouch 510
3Com
و أخيرا روتر tp-link https://www.tp-link.com/en/products/details/cat-15_TD-W8970.html
شارية بى 750 جنية انضف من الروتر المعفن بتعهم Lan speed 1 Gbs و wifi 450 Mbs
برنامج سوبر سبورت ناس كتير بتقول مبيعملش حاجة في المشاكل و المشكلة كانت عندى باختصار تم تخفيض سرعة الانترنت لانى اخدت عرض و الشركة حبت تعوض العرض ده لصالحها خفضم لى السرعة شغل ضحك على العقول
و تلاقى الموظف بتاع الدعم الفني مكتوب امامه على الكمبيوتر ملحوظة ( تم تخفيض سرعة العميل للاشتراكة في عرض الشهر الية فات التخفيض لمدة شهر ) مثلا علشان كده كانم بيستهبلم علية و يقلولى عيب في الخط و لو هو عيب في الخط الخط هيشتغل نت تبع شركة تانية بسرعة 8 ميجا ؟
ده كفاية سنة من السنين خلونى اغير سلك التليفون مرتين بدون سبب و طلعة المشكلة من عندهم و فنى السنترال قال لى متسمعش كلمهم بيضحكم عليك الخط مفيهوش حاجة و في الاخر طلع كلامة صح !

[ahmed601]

انا بتكلم عن تجربتي الشخصيه وانا مش بدعم حراميه بس عشان تفصل ما بين السنترال وشركه الانترانت لو لقيت في وووش مع تركيب الاسبليتر موجود وانت بتكلم في التليفون دة بنيه تحتيه متهالكه طبعا لو اتصلت بالسنترال مره واتنين ومفيش حل بتحتاج تغيير الكبل العمومي ذه بيكون مقايسه بتاخد فلوس كتيرة لانها بيكون كبل كبير فيه خطوط شغاله و خطوط مملحه بيتغير بالكامل بمقايسه احنا بقي عندنا البنيه التحتيه متهالكه هو دة الفساد الي بنحكي فيه لو يتعمل جدول وتطوير وتحديث كل فترة زمنيه مش هتلاقي ولا شبكه تقع ولا بنيه تحتيه متهالكه قولي بقي مين الحراميه شركه الانترانت مش متعاقدة علي الكبل الي كل شويه يحفرو جنبه كهرباء و صرف صحي وغاز بس اهو وضع قائم وكل بيحاول يزق عشان العجله متقفش ولازم الجميع يتعاون مينتقدش وبس وشكرا

دى سرعة النت تبع فودافون عندى متعاقد على سرعة 8 ميجا !
بس السعر اغلى من تى اى دتا !
ملحوظة مره في تى اى دتا لما اشتكية على ان السرعة مش وصلة 2 ميجا ووصلة 360 كيلو بعد لما اخدت عرض 4 ميجا و كانت السرعة تمام الشهر الية بعده نزلم السرعة من 4 ميجا الى 360 كيلو واحد حمار تبع الدعم الفني في تى اى دتا فرع الدقى قال لى يا فندم في مشكلة في خطك ميستحملش اكتر من سرعة 360 كيلو و كلم السنترال يغير لك كبل التليفون او يوصلك الخط في كبينة تانية !
https://www.speedtest.net/my-result/4552210869

[محمد فاروق غازي]

طبعًا الموضوع كان محدد في طلب نصيحة من الأعضاء بخصوص الانتقال لأحد السرعات المحدودة الكمية الجديدة لكن كالعادة انحرف مسار الموضوع إلى الحكم على حال تقديم خدمات الانترنت في مصر بشكل عام
والحقيقة الموضوع ده كبير ومحتاج عمل موضوع خاص لكن أنا هلتزم بأساس الموضوع وهضيف على كلام الإخوة أصحاب الردود الأولى معلومة بسيطة
وهي إنك بعد ما تنقل على سرعة الـ 2 ميجا محدودة الكمية بسعة 250 جيجا تقدر ترجع لأي سرعة غير محدودة مرة تانية سواء سرعة الـ 2 ميجا الغير محدودة اللي كنت عليها
أو أي سرعة تانية غير محدودة في ماعدا سرعة 512 كيلوا والرجوع بدون أي مصاريف إضافية ومن تاني شهر لو حبيت المهم يكون قبل الميعاد الرسمي لبدأ شهر جديد على حسب تاريخ تجديد اشتراكك
وأنا شايف إن دي ميزة جميلة جدًا بتمكنك من تجربة السرعات الجديدة وتخليك تشوف هتتناسب مع استخدامك ولا لا لو اتناسبت يبقى تمام جدًا استفدت بضعف السرعة ونفس السعر والسعة مكفياك
لو مش هتتناسب معاك هترجع بسهولة من الشهر اللي بعده لسرعتك القديمة بدون أي مصاريف إضافية وده اللي هعمله إن شاء الله في ميعاد تجديد اشتراكي هنقل لضعف السرعة بنفس السعر
وشوف هتتناسب مع استخدامي ولا لا وأقرر من الشهر اللي بعده وفي الأخير المعلومة دي موثوقة ومصدرها قسم الفواتير والمبيعات في تي إي داتا

[HW79]

طبعًا الموضوع كان محدد في طلب نصيحة من الأعضاء بخصوص الانتقال لأحد السرعات المحدودة الكمية الجديدة لكن كالعادة انحرف مسار الموضوع إلى الحكم على حال تقديم خدمات الانترنت في مصر بشكل عام
والحقيقة الموضوع ده كبير ومحتاج عمل موضوع خاص لكن أنا هلتزم بأساس الموضوع وهضيف على كلام الإخوة أصحاب الردود الأولى معلومة بسيطة
وهي إنك بعد ما تنقل على سرعة الـ 2 ميجا محدودة الكمية بسعة 250 جيجا تقدر ترجع لأي سرعة غير محدودة مرة تانية سواء سرعة الـ 2 ميجا الغير محدودة اللي كنت عليها
أو أي سرعة تانية غير محدودة في ماعدا سرعة 512 كيلوا والرجوع بدون أي مصاريف إضافية ومن تاني شهر لو حبيت المهم يكون قبل الميعاد الرسمي لبدأ شهر جديد على حسب تاريخ تجديد اشتراكك
وأنا شايف إن دي ميزة جميلة جدًا بتمكنك من تجربة السرعات الجديدة وتخليك تشوف هتتناسب مع استخدامك ولا لا لو اتناسبت يبقى تمام جدًا استفدت بضعف السرعة ونفس السعر والسعة مكفياك
لو مش هتتناسب معاك هترجع بسهولة من الشهر اللي بعده لسرعتك القديمة بدون أي مصاريف إضافية وده اللي هعمله إن شاء الله في ميعاد تجديد اشتراكي هنقل لضعف السرعة بنفس السعر
وشوف هتتناسب مع استخدامي ولا لا وأقرر من الشهر اللي بعده وفي الأخير المعلومة دي موثوقة ومصدرها قسم الفواتير والمبيعات في تي إي داتا

تمام حضرتك انا مؤيد للحل ده ونفذته فعلا وحشوف حيحصل ايه.

كل واحد يشوف استهلاكة قد ايه ويقدره بمتوسط كده ويختار زى ما هو عايز.

[ayoub_bob]

انتم مش اخذ بالكم
تم الغاء ال250 جيجا اصبحت 200 جيجا فقط على ال4 ميجا

[محمد فاروق غازي]

انتم مش اخذ بالكم
تم الغاء ال250 جيجا اصبحت 200 جيجا فقط على ال4 ميجا

تمام يا أخ أيوب مشكور على التنبيه والـ 200 جيجا معقولين برده لاستخدام منزلي
وفي الأخير هي تجربة والنتائج هتظهر بعد شهر من تطبيق النظام الجديد والحمد لله إنه اختياري