الفرق بين GTX 970 G1 vs R9-390 G1

[Disha 2020]

عايز اعرف الفرق بين
Gigabyte GeForce GTX 970 G1 Gaming 4GB GDDR5 Windforce 3X

Gigabyte AMD Radeon R9 390 G1 Gaming 8G GDDR5

وانا عندى بور
هيمشى ولا ايه cooler master gx650 bronze

شكرا

[Walid DX01]

الكارت الافضل في الاداء R9 390 بفارق حوالي 10 فريمات بمعظم الالعاب
الافضل في استهلاك الطاقه GTX 970 بحوالي 170w
كارت R9 380 يستهلك حوالي 255w
يعني GTX 970 بيستهلك طاقه اقل حوالي 80w
غير كدا الكارتين ممتازين جدا .. واي كارت فيهم هيكون اكثر من ممتاز
علي اعلي جرافيك في جميع الالعاب ..
الباور اللي عندك تمام في الحالتين مش هتحتاج تغيره

كأختيار شخصي لو انا مكانك هشتري R9 390 لأنه اعلي اداء ولو بنسبه بسيطه
والذاكره الأعلي 8 جيجا .. لان اكيد هتبقي مطلوبه في الالعاب
خلال السنين القادمه و هستفاد منها جدا جدا في الدقات العاليه
وجهه نظر تانيه ان المهم عندك استهلاك الطاقه والحراره الاقل
وتضحي بشويه الفريمات .. وخصوصا لو شاشتك 1080p
ومش هتلعب علي دقات اعلي من كده .. يبقي GTX 970 خيار كويس

[Disha 2020]

حضرتك انا كان معايا r9 280x
وطبعا حضرتك عارف الكرت ده بعيبو فعقدني في amd كمان لو حضرتك تذكرلي العيوب بتاعت الكرتين عشان اقدر احدد و فعلا انا عندي الشاشه 1080 و مش ناوي اغير ل 4k و يريت انهي شركه اجيب منها الكرت و معلش حضرتك لو تجبلي الصفحه اللي بتقول ان amd افضل شكرا اسف للاطاله

[Walid DX01]

الجيل الجديد من AMD R9-300 مفهوش مشاكل :D
في حاجه صغيره في كارت GTX 970
الكارت فيه جزئين للذاكرة وهما 3.5 GB و 512 MB
الكارت بيستهلك الـ 3.5GB في الالعاب واذا ضغطت علي الكارت
بيستهلك ال 4GB كاملين .. هي مش مشكله او عيب في الكارت
لكن زي ما بقولك ال 8GB مع R9 390 افضل بكل صراحه
للمستقبل وهترتاح جدا معاه .. السنه الجايه هتلاقي العاب
بتطلب ذاكره اعلي لكروت الشاشه ..
بالنسبه لافضل الشركات نسخ Sapphire و Gigabyte ممتازه
و MSI R9 390 ممتاز لكن لسه منزلش مصر ..
وانتظر رأي الأخوه برضو

مراجعه الكارت نسخه سافيير
https://www.tomshardware.com/reviews...g-d5,4245.html

[Disha 2020]

مشكور جدا و انتظر اراء باقيه الاعضاء

[Disha 2020]

بالنسبه لكارت r9 390 النسخه الجيجا بيت ملقتهاش الا عند محل اسمه النخيلي اللي ف باب اللوق فده مضمون ولا و ياريت لو حد اتعامل معاه قبل كده

[Walid DX01]

افضل نسخ الكارت

Sapphire و Gigabyte و MSI
جيجا بايت نسخه كويسه جدا زي سافيير والتبريد ممتاز
النخيلي مشهور جدا من زمان ومضمون طبعا
وتقريبا هو المحل الوحيد اللي عنده الكارت نسخه جيجابايت
نسخه سافيير موجوده عند اب تو ديت في اسكندريه
و عند رام تكنولوجي في تكنولوجي مول - مكرم عبيد

[Disha 2020]

dx01 مشكور جد على المساعده و سرعه الرد

[phenomenon]

شوف اخى فى مميزات بوجهه عام لمعالج انفيديا زى الحراره الاقل واستهلاك الطاقه الافضل وامكانيه كسر السرعه الاكبر
لكن فى مميزات افضل زى خصائص الجرافيك الاحدث وامكانيه تدعيم الفيزكس والدرايفرات الاحدث باستمرار
لكن انا من رايى بردو انك تشترى اللى انت مرتاحله نفسيا عشان تكون راضى
موضوع الذاكره كما وصفها المشرف وليد بالضبط ( اذا كانت ابعاد الشاشه كبيره بالنسبالك ومع المستقبل واستهلاك ذاكره الكارت كامله ربما فرصتك افضل مع AMD فى تحقيق كام اطار زياده خاصه لو نسخه

الكارت اللى هتقع عليها R9-390 عاليه فى التردد وجيده فى التبريد )
فى نفس الوقت ممكن تتنازل عن الكام اطار دول لو كنت تفضل خصائص الجرافيك الحديثه بمعالج انفيديا
فالموضوع عباره عن الراحه النقسيه لان كلاهما ممكن نقول نفس رنج الاداء الواحد
والباور كافى ان شاء الله

[Disha 2020]

شكرا
Phenomenon
بس فعلا انا كنت ناوى علي nividia عشان انا اتعقدت من amd بسبب r9 280x بس بعد راى الاخ وليد لقيت ان nividia الكارت فيه عيب و انا اتعقدت الصراحه من العيوب المصنعيه + بما ان الamd اعلي في الجيجات فقررت اني اتنازل عن nividia وشكرا مره تانيه + (الكارت اللى هتقع عليها R9-390 عاليه فى التردد وجيده فى التبريد) شهاده حضرت فهتوكل ع الله و هخليني في amd الا لو حضرتك تسمع عنه عيوب

[phenomenon]

اهم شىء تكون راضى عن الاختيار
شوف اخى الكريم ( موضوع عرض النطاق الترددى موضوع غريب جدا )
لا يجب ان نقارن عرض النطاق الترددى الموجود فى معماريه Kepler بعرض النطاق الموجود فى معماريه Maxwell
المهندس اللى طور ده مش هو المهندس اللى طور ده فمابالك لما نتكلم على معالج بشركه اخرى
لدينا كروت من عام 2008 وما قبلها بعرض نطاق 348Bit و 512Bit
ولدينا كروت بعرض نطاق 128BIT تحقق اداء افضل منها لانها انتاج عام 2013 وما قبلها ومابعدها

مثال سريع مش منطقى جدا لكن واضح وسهل
افترض ان عندنا شركه فيها اتنين بوابه فقط ( باب للخروج وباب للدخول ) عرض البوابه فيهم 128bit وعندنا فى الشركه 100 موظف عامل
فلما جينا نحسبها وقت دخول وخروج الموظفين من البوابات لقينا الوقت المطلوب ليهم 10 دقائق فقط وقولنا دى فتره زمنيه ممتازه جدا

لما عملنا شركه تانيه بنفس الميزانيه ونفس نظام التصميم المعمارى وقبلنا 100 موظف جديد لقينا الموظفين بياخدوا 15 دقيقه !!
ولما دورنا على السبب لقينا ان الموظفين الجدد اوزانهم تزيد عن اوزان الموظفين الموجودين بالفرع الاول وبيحصل تكث فى الخروج والدخول
لذلك اتطيرنا نعمل بوابع بعرض نطاق 192BIT او 256BIT الى ان تاكدنا ان الفتره الزمنيه المطلوبه بعد فتح البوابات 10 دقائق ايضا

اللى عاوزين نوصله مش مجموعه بشر ولا اوزان وانما عمليات حسابيه كثيفه جدا
هناك معالج لديه القدره على نقل العمليات الحسابيه بعد تحليلها بطرق سريه فى 10 دقائق من ذاكره عرض نطاقها 128Bit
ولدنيا معالج اخر لديه القدره على تنفيز نفس العمليه ولكن بعد تحليلها يستخرج النتائج بطرق تتطلب ذاكره عرضها 256BIT
لذلك كلما يحدث تجديد فى المعماريه وتمتلك وسائل احدث وتبتكر طرق اسعر فى تحليل البيانات وايجاد طرق مختصره تستطيع ان توفر
من المواد الخام فى التصنيع وبنفس الوقت تعطى نتائج افضل من المعالج القديم اللى كان اضخم بالحجم ولكن بالتاكيد تكون العمليه الجديده مكلفه

سؤال مهم : ماذا يحدث لو كانت الشركه دى فيها 200 موظف او ازيد
ماذا يحدث اذا كانت هذه الشركه هى GTX 960 وارد ان اوسعها من الداخل لتستقبل 100 مكتب اضافى ل 100 موظف جديد
من الداخل لاحظت ان هناك متسع كبير فى الشركه يسمح ل 100 مكتب اما عند فتح البوبات لاحظت اما نتائج ايجابيه او تاخير ملحوظ
هنا يحدث عنق زجاجه واضح جدا وهو عنق زجاجه مصنعى غير مقبول بالتاكيد

فاذا كان معالج GTX 970 يتطلب عرض نطاق 348BIT لكان له هذا
ولكن الواضح فى معماريه Maxwell ان معالج GTX 970 لا يحتاج عرض نطاق 348BIT ليكون افضل بالاداء عن ماهو عليه الان
لان امكانيه المعالج نفسه محدوده فى الاحتياج وفى القوه
حتى عندما انتقلنا الى معالج GTX 980 وجدنا ايضا انه لا يستطيع تحقيق نتائج افضل على شرائح بعرض نطاق 348BIT بل ادائه محدود
فى القوه على اقصى احتياج شرائح بعرض نطاق 256BIT

ولكن عندماانتقلنا الى GTX 980TI وجدنا انه معالج ضخم جدا وقادر على تحليل كم اكبر بكثير من البيانات وارسالها للذواكر فى فتره زمنيه اسرع
ومع شريحه 256BIT وشريحه 348BIT اتضح ان هناك عنق زجاجه على 256BIT وكان لابد من 348BIT
كل ماتكلمنا عنه ينطبق فقط على كل معالج ومعماريه واحده فى طريقه التطوير
المهم النتائج بالنهايه
طبعا انا بحاول افهمك فقط الفكره
نفس الامر ينطبق على الذاكره الاكبر فى الفيديو رام
سنفترض ان لدينا معالج 4 جيجا فيديو رام بالرغم ان المعالج نفسه قوته محدوده على تحليل كم من البيانات اقصى حتياجاته 2GB ثم يطلبها مره ثانيه
وعند زياده اعدادات الجرافيك او ابعاد الشاشه عانى المعالج فى سرعه انهاء معالجه الاطار : هذا وقبل ان حتى تكتمل نسبه كم مخزون البيانات الى 3GB VRAM
لذلك الموضوع ضرورى جدا من حيث المعالج

المهم الواضح انك بتعانى من المعالج لقديم وفى نفس الوقت خايف للانتقال للمعالج الجديد بسبب موضوع الذاكره
لذلك انا رايى تروح للى مرتاحله نفسيا اكتر وحاسس انك مطمئن ليه وطالما فيه كارت خالى من المشاكل قدامنا وسمعته كويسه ومرتاحله اولا واخيرا فبالتوفيق

[Disha 2020]

دانت برنس الف شكر للمره التانيه

[Muhamad_)]

نصيحتى
طالما معاك power supply كويس زى دة ادامك حاجة من اتنين انك لو عندك ماذر ينفع تحط فيها كارتين يبقى هات واحد gtx 970 وواحد تانى كمان سنة او اتنين لان ال power supply يسمح بكدة حتى لو حبيت تعدلة يبقى هيتبدل ب 750w لكن لو ال ماذر كارت واحد يبقى هات r9 390 لانة من الاخر افضل من ال gtx 970 ,و مستقبلة احسن خصوصا مع 8gb vram و الفرق اللى ابتدى يظهر مع direct x 12 و سعرة ارخص و اصبر لحد ماتنزل النسخة الmsi بس رغم كل دة انا بشجع الختيار الاول لانة هيتحلك تجدد فى المستقبل

[H_KIMO]

متنظين مراجعتك لل390