.. اسعار دبلومة الشبكات و MCSE ..

[Eng-Aman]

.. السلام عليكم ورحمة الله وبركاته ..
أنا لسه حالآ . راجع من الأسكندرية .. ( عروس البحر المتوسط ) . و كنت فى مركز يات ..
المهم ..
أنا روحت على مركز يات . وسألت عن دبلومة الشبكات ..
الدبلومة عبارة عن مستويين ..
1- Standard Level ..
2- Expert Level
المهم ..
1- Standard Level .. بحوالى 790 جنيه مصرى .. و هى تحتوى على الآتى .
- Network Basic
- Windows Xp Administration
- Windows server 2003
- windows infrastructure
- network security
- network troubleshooting
- Final Project
- Cv & Interview Skills
- Exam
وده بتدرسوا فى حوالى 82 ساعة ...

2- Expert Level ..
- Network design & security
- IIS server
- ISA Server 2004
- Exchange server 2003
- Wireless Concepts
- network troubleshooting
- Expert Case study
- Exam
وكل ده فى حوالى 102 ساعة ..

وفى كلا المستويين . الـ Standard و الـ Expert . بتاخد مذكرات و كتب .. حوالى 8 كتب .

المهم .. بعد كده سالته عن MCSE . وكام سعرها ..
قالى بـ 2900 جنيه .. تدفع على قسطين ... و طبعآ شاملة للكتب . و الإمتحان فى حدود 25 دولار .

... ملاحظة ياجماعة هامة جدآ ..
أنا جايب المعلومات ديه للإفادة .. و ليست دعاية .. و الله الأعلم بالنفوس .. بس انا حبيت أنقلها علشان إللى يفكر ياخد شبكات يبقى عنده فكرة .. و خلفية ..
و الله ولى التوفيق .

[Alcedo]

شكراً على المجهود العظيم (z) والله كنت هاروح بكره أسأل عن الأسعار فى ياتpls: بس أنا كده كأنى روحت وزياده LooL وأنا عن نفسى مصدق أنك كاتب الموضوع للإفاده مش للدعاية وبصراحه أنا عارف أسعار كيت rule: وكنت هاعمل زيك بس خوفت الناس تفهم الموضوع غلط

[Alcedo]

شكراً على المجهود العظيم (z) والله كنت هاروح بكره أسأل عن الأسعار فى ياتpls: بس أنا كده كأنى روحت وزياده LooL وأنا عن نفسى مصدق أنك كاتب الموضوع للإفاده مش للدعاية وبصراحه أنا عارف أسعار كيت rule: وكنت هاعمل زيك بس خوفت الناس تفهم الموضوع غلط(BB)

[Alcedo]

كنت عاوز أسأل سؤال

هل ال790 ثمن الlevel الواحد ولا الأتنين :q: وكل level بياخد كام أسبوع:q:

[Eng-Aman]

... الـ 790 ثمن الـ Standard Level بس ...
و الـ STandard Level بياخد حوالى 14 إسبوع .. يعنى 3 أيام فى الإسبوع و كل يوم ساعتين ..
أما إذا كانت الدراسة مكثفة فهى 7 أسابيع . يعنى 3 أيام فى الإسبوع و كل يوم 4 ساعات ..

[w-khalil]

السلام عليكم ورحمة الله وبركاته
لو تعرفوا يا جماعه الموضوع ده قد ايه انا كنت فى حاجه اليه ( دورات شبكات تكون فى الاسكندرية )
والحمد لله ان فى حد قال على الموضوع ده
الاسئلة ( طبعا مبتدئ فمعلش )

انا حغتت عليك ونفسى اعرف فين المركز بتاع يات اللى فى سموحة فين فى سموحة بالضبط g:

تانى حاجه المنهج ده يا جماعه لو انا اخذتة طبعا المستوي العادى
Network Basic
- Windows Xp Administration
- Windows server 2003
- windows infrastructure
- network security
- network troubleshooting
اقدر اشتغل بيه على طول ولو اى شغلانة ( اخد فيها خبرة واستعد وانا فيها للشهادات الكبيرة اللى زى سيسكو ) .

المستوى الاول لو انا اخذته مكثف هل يزيد السعر ، ولو اخذته مع المستوى الثاني هل اخد خصم ، طريقة الدفع كاش مرة واحده . انا عارف انك مش شغال فى المركز بس انت اللى جبته لنفسك

[Eng-Aman]

.. ياباشا أنا عنيا ليك .. و لا غتتاتة و لا حاجة ..
المهم .
العنوان بتاع يات .. فى سموحة . 28 شارع عصام حلمى المصرى ..
المركز هتلاقيه فى فيلا هناك ..

و المنهج الأساسى Standard Level . أيوة تقدر تشتغل بيه . لكن من الأفضل إنك تاخد المستويين .. يعنى خلص المستوى Standard و بعد كده الـ Expert .. و تقدر تشتغل بيهم ..

و إنت لو خدت الكورس أو الدبلومة مكثفة . مفيش زيادة فى الفلوس و لا حاجة .. هتبقى زى ماهى ..

ومفيش خصم و لاحاجة .. يعنى كل مستوى له فلوسه المحددة ..

طريقة الدفع على مرتين .. فى الأول و إنت رايح تحجز .. بتدفع نصف المبلغ . و فى نهاية الدبلومة بتدفع النصف التانى ..

انا عارف انك مش شغال فى المركز بس انت اللى جبته لنفسك

LooL

[w-khalil]

تشكر ياباشا وتسلم لى عنيك .

السؤال هنا مهم قوي عشان الواحد يبقى خلاص اترستء على كل حاجه

الدورة دى طبعا تنفع لواحد زى حلاتي ابيض ياورد فى الشبكات لكن هل هى مؤهلة لأى نوع من أنواع الامتحانات الخاصة بميكروسفت او سيسكو .
ولا الواحد يروح ياخد دورات ccna و mcse على طول ؟
لان واحد قالي ان لازم يكون فى خبرة قبل ما اخد اى واحده من اللى فاتوا دول
ايه رايكم !!!!!!!!!

[Eng-Aman]

.. السلام عليكم ..
أخى الكريم .. بعد حصولك على الدبلومتين Standard و Expert .. هتكون عندك قاعدة قوية جدآ فى الشبكات . من وجهة نظرى .. و بعد كده هما فى المركز هيسألوك لو عايز تكمل أو لأ ..
ومينفعش حد يبدأ فى CCNA أو MCSE . من غير ما يكون له خبرة فى الشبكات .. فالدبلومتين بيدوك خبرة ..

و إنت لما تروح لهم .. هيدوك كتيب صغير يشرحوا فيه كل حاجة ..
وبالتوفيق ..

[w-khalil]

يا باش مهندس دلوقتى فى مشكلة الجامعه دول انا بعت ليهم ميل يوم 24 و 25 و 26 و 27 الشهر ده ومفيش حد بيرد مش عارف ليه .
كل سؤالى حول موضوع الشبكات ( طبعا موعد بداية الدبلومة )

ياترى ايه الحل ياعمو فؤاد .. !! ؟؟ !! ..

[mohammedali]

شباب ممكن سؤال

انا عاوز اعرف كل شئ عن الاى تى اى يعنى بكام وشروط الالتحاق بيه ايه
ارجوكم اى حد يعرف اى معلومه عنه يقول لانه مهم جدا بالنسبالى

واشكركم جدا

[الفقير]

.. السلام عليكم ..
أخى الكريم .. بعد حصولك على الدبلومتين Standard و Expert .. هتكون عندك قاعدة قوية جدآ فى الشبكات . من وجهة نظرى .. و بعد كده هما فى المركز هيسألوك لو عايز تكمل أو لأ ..
ومينفعش حد يبدأ فى CCNA أو MCSE . من غير ما يكون له خبرة فى الشبكات .. فالدبلومتين بيدوك خبرة ..

و إنت لما تروح لهم .. هيدوك كتيب صغير يشرحوا فيه كل حاجة ..
وبالتوفيق ..

المفروض عند البداية فى ال MCSE يكون عندك مجموعة معلومات فى الشبكات
و لكن هذه المعلومات لا تتطلب (من وجهة نظرى ) اخذ دورات مدتها كبيرة ب790 جنيه مثلا
كفاية قبل بدء الدورة يكون هناك دورة مدتها اسبوع للتعريف بالشبكات عموما
و معظم الشركات الفعاله بتعملها فى الاسبوع الاول
و بعد كدى هتكون مستعد 100%
ثانيا

قلت المهم .. بعد كده سالته عن MCSE . وكام سعرها ..
قالى بـ 2900 جنيه .. تدفع على قسطين ... و طبعآ شاملة للكتب . و الإمتحان فى حدود 25 دولار .

سعر الامتحان 50 دولار مش 25 دولار (حوالى 290 جنيه)
ربنا يوفق الجميع

[w-khalil]

محمد على حبيب قلبى فى رد موجود فى موضوع ( افضل مراكز التدريب بمصر ) بمنتدي ( الشهادات العلمية ) على موضوع ال iti .

كابتن امان الله فى انتظار حل المسأله .

الفقير

عملت لى قلق ليه كده بس ... انا كنت ناوى اخد الدورات وبعدين ادخل بعديها على الشهادات العالمية .
طيب العمل ايه دلوقتى الناس كلها بتنصح بـ CCNA وبعديها MCSE وطبعا ان يكون فيه خبرة قبلها سواء فى الشغل او فى الدورات ( وهنا السؤال انا كنت ناوى اخد هذه الدبلومة عشان الخبرة ) فهل فى وجهة نظرك فيه دورات تانية ارخص وافيد من كده الواحد ياخذها قبل ما يدخل على الشهادات الكبيرة

وشكرا

[ade2010]

طب يا جماعه ما فيه شركه فى طنطا بتدرس نفس المواد الموجوده فى المستويين فى شهادة MCSE وارخص يعنى نفس المواد بالاضافه الى SQL SERVER ADMINISTRATION وب 2400 بالتقسيط على مدة الدراسه وعندهم كاش زى قسط يعنى هتدفع كاش هما 2400 او هتدفع قسط هما 2400 وكمان بتبدأ الكورس بكتاب 2151 اللى NETWORK ESSENTIALS

[mcse@2006]

محمد على حبيب قلبى فى رد موجود فى موضوع ( افضل مراكز التدريب بمصر ) بمنتدي ( الشهادات العلمية ) على موضوع ال iti .

كابتن امان الله فى انتظار حل المسأله .

الفقير

عملت لى قلق ليه كده بس ... انا كنت ناوى اخد الدورات وبعدين ادخل بعديها على الشهادات العالمية .
طيب العمل ايه دلوقتى الناس كلها بتنصح بـ CCNA وبعديها MCSE وطبعا ان يكون فيه خبرة قبلها سواء فى الشغل او فى الدورات ( وهنا السؤال انا كنت ناوى اخد هذه الدبلومة عشان الخبرة ) فهل فى وجهة نظرك فيه دورات تانية ارخص وافيد من كده الواحد ياخذها قبل ما يدخل على الشهادات الكبيرة

وشكرا

ممكن تقرأ فقط عن الموضوع كتاب بالعربى فى موضوع مستقل بهذا المنتدى فى الصفحة الاولى و هو كافى
المهم تعرف يعنى ايه شبكات و ربط اجهزة ببعض
يعنى لو انت عندك شبكة انترنت مركزى اسأل صاحبها على طريقة ربط الاجهزة ببعض
دى اسهل طريقة