رد مع اقتباسوعليكم السلام ورحمه الله .. اخبارك ايه يا ابو حمزه ؟ انت جايب صوره صعبه ... جدا
عموما انا رايى خليك فى الموديلات المشهوره افضل بيتهيالى انت شوفت الويل مع التليفزيون القديم وبصراحه معنديش فكره عن Ciara يمكن حد يقول رايه بردو احنا منتظرين
السلام عليكم ورحمة الله و بركاته
ايه راى الخبراء هنا فى التلفزيون caira
40 بوصة
ودى صورته
item_XXL_10334278_13171766.jpg
وعليكم السلام ورحمه الله .. اخبارك ايه يا ابو حمزه ؟ انت جايب صوره صعبه ... جدا
عموما انا رايى خليك فى الموديلات المشهوره افضل بيتهيالى انت شوفت الويل مع التليفزيون القديم وبصراحه معنديش فكره عن Ciara يمكن حد يقول رايه بردو احنا منتظرين
اهلا يا هيما منور الموضوع والله ما على يدك الشاشة مكفرانى وعايز اغيرها اللى مخلينى اخترت الشاشة دى انى حبيع القديمة و حكمل فرق مش كبير قووى و شايف ان مواصفاته جميلة بالنسبة للسعر و الحجم نما لو جبت شاشة الموديلات المعروفة و الكبيرة الميزانية حتزيد حوالى الف جنيه كمان على اللى حزوده على دى و صعب بصراحة واعتقد ان الشاشة عمرها ما حتكون بالواحشة اللى عندى دلوقتى بس بردو قولت اسال يمكن فيها عيوب قاتله تخلينى اندم على شراءها او حد يقول رايه فيها و يشجعنى اشتريها اصل مش كل الصناعات الصينى وحشة ؟
رابط الشاشة اهو يا هيما بص عليه و رايك الفنى وانطباعك يهمنى بردو وبعدين يا نجم انت لازم يكون ليك باع فى الشاشات لانه كترت و بقت انواع كتير و مهمة علشان تقدر تفدنا بخبرتك الكبيرة رابط الشاشة https://caira.uk.com/ar/led-tvs/ca-ld5840/#prettyPhoto
ربنا يبارك فيك اخى العزيز ان شاء الله انا متابع معاك
بصراحه انت فاجئتنى بموضوع صناعه صينى .. بص مشكله التصنيع الصينى مش انه وحش دائما بس مشكلته ان استمرار حالته على جودته اللى جاى بيها فتره طويله هى اللى بتقلق بس
عموما هرد عليك تانى باذن الله بس هى ميزانيه التليفزيون كام معاك ؟
بالنسبة للصناعة سالت على صفحتهم على الفيس الراجل قلى كورى صينى A+
مش عارف بقى يقصد ايه بــ A+ دى
الميزانية 2200 اخرى و ده علشان حبيع القديمة واكمل عليها
فاخرى 2200 جنيه
يا ابو حمزه ما تخليك فى توشيبا او سامسونج او ال جى حاجه كده 32 انش مضمونه
فى تليفزيونات جميله فى رنج الميزانيه دى من الشركات العاليه 32 انش اما لو شرطك 40 ومرتاح للشاشه دى نفسيا خلاص بس بصراحه مش هشجعك عليها الشاشه مالهاش اثر على جوجل ولا حتى الشركه
يا هيما انا معاك ان الماركات اضمن واحسن بس متنساش ان اللى عندى توشيبا و مش عجبانى خالص :Dالمشاركة الأصلية كتبت بواسطة Phenomenon
وبالنسبة للشاشة دى انا مش مرتاح ليها ولا حاجة بس فى ناس اشترتها و بتشكر فيها و فى الونها
بس طبعا انا بحب اخد رايك انت بالذات لانك صاحب فكر عالى وليك مقياس ممتاز فى اختيار الاجهزة الالكترونية بصفة عامة وبتهتم بجودة التصنيع و الخامات
على العموم حصبر شوية يمكن القى عروض ولا اى حاجة عليها العين و تكون ماركة كويسة
طيب خلاص مبدا ان كل الناس بتقول انها جميله وراضيه عنها دى شهاده فى حقها تطمن بردو واذا مفيش حاجه بديله ليها يبقى توكل على الله وشوف بدايتها كده
والف شكر يا ابو حمزه على كلامك تحت امرك
على العموم والله انا محتار زيك وعاوز اجيب تليفزيون الفتره الجايه عشان خاطر USB فى المقام الاول بس لسى شويه فمش متابع اوى بصراحه ؟
يبقى عليك و على اقرب فرع كارفور ليك و شوف الشاشات على الطبيعة وقدام عينك وشوف مميزاته وانت اكيد حتعرف تقرر
السلام عليكم
خليك فى الماركات المشهور احسن
وبعدين شوف الامكانيات الى اتنت عايزها الاول وبعدين تقرار
وفى حد قال ليا قبل كدة على شاشة اسمها سيمفونك واخد البوردة بتاعتها من شركة ال جى
ولكن فى كافة الاحوال لازم تشوف الشاشة وهى شغال بنفس الفديو وبنفس الجودة
وركز على اللون الابيض
السلام عليكم
ياريت حضرتك تقولي هل اشتريت التلفزيون الكايرا ده؟ وايه رأي حضرتك فيه لحد دلوقتي؟ وايه الموديل بتاعه وسمارت ولا عادي؟
وشكراً لحضرتك
الى كل الأخوه الذين يستفسرون
عن تلفزيون او شاشات كيرا ( caira )
وهى شاشات محترمه جداا
وأنا أقتنى واحده من أربع سنوات
لدرجه أنى قمت بشرائها لعدد من أفراد العائله
وقصه صناعتها فهى كالتوشيبا العربى ( طاهر العربى )
تقومون بجلب قطع مستورده وتجميعها بمصر
ولقد تعاملت مع التوكيل لكى أقوم بشراء ريموتات أضافيه
وبصراحه المندوب قدم ألى المنزل وقام بتجربه الريموتات أمامى
الشاشه محترمه وبها كل الكماليات التى تحتاجها
أتكلم على موديلات من أربع سنوات بالتأكيد الأن توجد عندهم موديلات أحدث
لاأعلم أن كان ردى جاء متأخراا من عدمه
لكن لعل أحد يريد الأستفسار لذا قمت بوضع ردى هذا
تحياتى للجميع
شكراً لحضرتك على الاهتمام بالرد، جزاك الله خيراً أخي عبدالحليم.
العفو أخى الكريم
ومبروك مقدماا على الشاشه
تحياتى
ضوابط المشاركة
المفضلات