أولا لايجب أن لايتعدى حجم الخط 3
حتى تتجنب المخالفه
ثانياا أذكر موديل المعالج كاملاا
( أكتب رقمه )
تحياتى
من فضلكم ياشباب محتاج اجابة على السؤال دة علشان بقا اسبوع دايخ ومفيش حد عارف يفيدنى وكل واحد برأى البروسيسور core i7 الى فى الجهاز استعمال الخارج البروسيسور دة كويس للالعاب الحديثة زى مثلا gta v وهل ممكن يحصل مشكلة فى تعريف كرت الشاشة الخارجى فى الاجهزة دى هل ممكن بروسيسور الزيون xeon يحل محلة فى الالعاب هوة معروف Xeon ممتاز للريندار بس مش عارف ظروفة اية فى الالعاب
التعديل الأخير تم بواسطة abdalhaliem ; 16-01-2017 الساعة 20:16 سبب آخر: اضافة نصوص
أولا لايجب أن لايتعدى حجم الخط 3
حتى تتجنب المخالفه
ثانياا أذكر موديل المعالج كاملاا
( أكتب رقمه )
تحياتى
مكنتش اعرف موضوع الخط دة انا سؤالى حضرتك على الفرق بين نوعية بروسيسور الزيون بكامل اجيالها واصداراتها ونوعية الكور اى سفين بردة يعنى بروسيسورات الزيون تنفع تشتغل بشكل عام للالعاب وتحل محل الكور اى سيفن على سبيل المثال XEON E5620
يا اخ ماتريكس " بالإضافه إلى سؤال الاستاذ عبد الحليم الضروري وهو ساله لان في 7 اجيال من معالج I7 و كل جيل بداخله طرازات عديده " ولكن سؤالك غلط من الأساس
السؤال عن قوة المعالج المركزي مش بيبقى على شكل " هل هو قوي للألعاب الحديثه ام لا ؟ " وإنما بيكون على شكل " هل هيتسبب في عنق زجاجه للبطاقه الرسوميه أم لا ؟ "
على سبيل المثال لما يكون عندك معالج مركزي كمعالج I7-950 و بطاقه رسوميه GTX 750Ti في الحاله دي هنقول المنصه جيده جداً والمعالج المركزي مناسب للبطاقه
لكن لما تيجي تقول انا عاوز اشتري بطاقه رسوميه قويه زي GTX 1060 / GTX 1070 وأقوى منهم أو حتى أقل منهم بالأداء زي GTX 960 / R9-390 ونسال عن عنق الزجاجه
هنقول أيوه طبعاً في عنق زجاجه ملحوظ هتواجهه مع معالج مركزي زي I7-950 و هيتسبب في ضياع عدد كبير من الإطارات اللي ممكن تحققه اي بطاقه من البطاقات السابقه
وأحياناً نتائج أسوأ من أشكال عنق الزجاجه .
لذلك في الحاله دي هننصحك بترقية المعالج المركزي إلى المعالجات المركزيه الحديثه اللي زي Core I5 / Core I7 سواء الجيل الرابع أو السادس
لذلك لازم تعرف أولاً أنت رايح لمعالج مركزي أسمه ايه بالكامل لان الجيل الأول مش زي التاني و لان I7-920 مش نفس أداء I7-980X بالرغم إنهم جيل واحد
بالضبط زي I7-4770K مش زي I7-5930K بالرغم إنهم جيل واحد ونواة معالجه واحده ولكن مصادر المعالجه تختلف في كل منهم
مع إحترامي لملاك الجيل الأول من معالج Core I7-Bloomfield 45nm / Gulftown 32nm" هذا المعالج تحديداً أصبح بلا قيمه حالياً و نواته المركزيه أصبحت بطيئه جداً مع
البرمجيات الحديثه مقارنة بنواة المعماريات الحديثه من Core I7- IvyBridge 22nm / Haswell nm / SkyLake 14nm
يعني لما يكون معاك بطاقه رسوميه زي GTX 750 و معالج زي I7-920 / I7-950 / I7-980X و قدرت تحقق 60 إطار
فممكن بنفس البطاقه الرسوميه دي تحقق مع معالج مركزي زي Core I7-4770 / Core I7-3770 / Core I7-6700 تقريباً 70 إطار أو أكثر
وكلما كانت نوع الألعاب اللي بنلعبها معتمده على المعالجه المركزيه كلما كانت الخساره أكبر زي الألعاب الاستراتيجي و العالم المفتوح وكلما كانت مشكلة عنق الزجاجه أوضح مع المعالجات القديمه حتى القوي منها
الألعاب تتطلب معالج مركزي قوى لكن في نفس الوقت النواه والمعماريه الهندسيه في التصنيع الحديثه في اسلوب التدعيمات و المعالجه للبرمجيات
وبالتالي معالج I5-4460 بالجيل الرابع قادر على تحقيق نتائج أفضل من معالج Core I7-980X
بالرغم ان الأول أربعة أنويه مركزيه / أربعة خيوط معالجه فقط بينما الثاني ستة أنويه مركزيه / 12 خيط معالجه وأكبر في باقي الخصائص
ولكن الثاني سيفوز في برامج 3D و الريندر والمونتاج ولكنه لن يتفوق على معالج زي Core I7-4790K لانه قديم جداً ومعماريته الهندسيه قديمه جداً
عشان تضمن إنك في السليم واختيارك معالج مركزي للألعاب قادر على تمرير البيانات للبطاقه الرسوميه في أزمانها الصحيحه دون أن يتسبب في عنق زجاجه ملحوظ او ضياع عدد
كبير من الإطارات لازم تبدأ مع معالجات الجيل الثاني من انتل أو الثالث والرابع إلى أن تصل الى السادس
وعلى حسب البطاقه الرسوميه ستحقق نتائج جيده
في رأيي الشخصي ضع أموالك في معالج Core I3-6100 ولا تضعها في معالج Core I7-920 لان الأول هو الأحدث في نظام التصنيع وواجهات التدعيمات ونوافذ التعليمات البرمجيه
بالشكل ده بالرغم ان نواتان معالجه فقط ولكن ممكن تقول انه بيلاقي طريق مختصر لتحسين مستويات الأداء بسرعه أكبر عن المعالجات المركزيه القديمه حتى التي تمتلك عدد كبير من مصادر المعالجه
لذلك في إنتظار معرفة أسم المعالج المركزي بالكااااااااااااااااااامل منك .
شرحك ممتاز يا اخى Phenomenon وتحية لك على هذاة المعلومات القيمة لكن انا لا افهم فى كل هذا بمعنى انى ليس لدى خبرة كى اقارن بين البروسيسورات واجيالها ونواتها لا افقة اى شيئ عن هذا التفاصيل لقد وضعتنى فى حيرة اكثر مما انا فية كل الامر انى يوجد شخص نصحنى بشراء جهاز استعمال خارج ويوجد نوعان منها نوع ال XEON ونوع ال CORE i7 فطرحت الموضوع لم اعرف ان الموضوع متشعب الى هذا الدرجة واحترم الشرح التفصيلى للاخ Phenomenon ولكن كل ما اريد معرفتة انا لدى جهازى كارات شاشة نفيدايا 610 جى فيكس ورامات 8 جيجا كينج ستون وكنت اريد تحديث الجهاز فأردت شراء جهاز استعمال خارح واقوم بدمج الرامات والكرت الشاشة مع البروسيسور فارديت النصيحة اجيب اية من انواع البروسيسورات الى تمشى مع الامكانيات دى بحيث العب لعبة GTA V او الالعاب الجديدة
مبدع اخي ابراهيم شرح و تفصيل و تدقيق في كل جوانب هذا الموضوع الهام فعلا لازم المقبلين علي شراء معالجات العاب يبحثوا عن المعماريه الاحدث و المتناسب مع كرت الشاشه حتي لا يخدعهم احد بقول هذا معالج زينون و يوازي i7 و اقوي بالالعاب
الأخ الكريم
ونحن نريد ان نفهم ماتريد تحديداا لكى
نقدم لك النصيحه اللازمه
لاتوجد حيره ولا أى شىء بأذن اللهلا افقة اى شيئ عن هذا التفاصيل لقد وضعتنى فى حيرة اكثر مما انا فية
*********************
وجد شخص نصحنى بشراء جهاز استعمال خارج ويوجد نوعان منها نوع ال XEON ونوع ال CORE i7
تمام بمعنى أخر ليس لديك هذا الجهاز الأن
***************************
ولكن كل ما اريد معرفتة انا لدى جهازى كارات شاشة نفيدايا 610 جى فيكس ورامات 8 جيجا كينج ستون
أيوه هو ده
تفاصيله أيه هذا الجهاز لكى نستطيع أن نفهم
**********************
كنت اريد تحديث الجهاز فأردت شراء جهاز استعمال خارح
سيبك دلوقتى من جهاز أستيراد الخارج ده
وخلينا فى جهازك
*********************
واقوم بدمج الرامات والكرت الشاشة مع البروسيسور
فارديت النصيحة اجيب اية من انواع البروسيسورات
الى تمشى مع الامكانيات دى بحيث العب لعبة GTA V او الالعاب الجديدة
جاوب أولا ماهى أمكانيات جهازك الذى تحدثت عنه
******************************
ولاحظ عندما تكون الأجابات مرتبه تصل ألينا أسرع
ألاحظت كيف أخذت كلامك أقتباساا
جمله جمله وسألتك بناء عليها
أفعل أيضا أنت كذلك وجاوب على تساؤلاتنا من فضلك
بنفس الوضوح
تحياتى
الأخ الكريم
لمعرفه بعض الفوارق بين معالجات xeon ومعالجات core
قم بمطالعه هذا الموضوع
https://arabhardware.net/forum/showthread.php?t=450140
أما عن الأجهزه الأستيراد ( Workstation ) على وجه الخصوص
فأليك رأييى فيها
أصلا هى أجهزه عملت كثيراا ببلادها
وعند قرب أحالتها ألى التقاعد تأتى ألينا
( أجهزه شقيانه )
ناهيك عن قيام التجار باللعب بالمواصفات
فتاره يضيفون قطع أعلى لتمييز الجهاز
وتاره أخرى يضيفون قطع أقل لتمييز سعر الجهاز
مع أن الجهازين لموديل واحد
بمعنى أخر عند قيامك بالبحث عن موديل معين
ستجد له مواصفات مختلفه كثيره
مع أن هذا الموديل الشركه المنتجه تنتجه بمواصفات واحده
ولكن هذا الأختلاف لتلاعب التجار
أصبح الأن لدينا أجهزه قديمه عملت كثيراا
ومواصفات تتم التلاعب بها
المحصله أجهزه نفايات لاتستحق ثمنها تباع بألوف الجنيهات
أرجوا أن أكون قد أوصلت الصوره لك جيداا
وهذا رأييى وهو غير ملزم لك
لك أن تقبل به من عدمه
وفى رأيى تجميعه جيل رابع مع معالج i5 أكثر من كافيه بالنسبه لك
وستستغل راماتك
وكارتك عزيزى لبس بالكارت القوى بل هو من الكروت المتواضعه
وأن كان هناك من عنق زجاجه مع التجميعه التى أقترحناها عليك
ستكون الكارت نفسه ويستحسن ترقيته
ولم تذكر الباور سبلاى الذى تملكه
من الضرورى وضعه بالحسبان
تحياتى
معلشي انا بعتذرلك إذا كنت سببتلك اي حيره لكن ده ماكنشي مقصدي
لكن دلوقتي أنظر بنفسك إلى ماذا وصلنا ؟
وصلنا أن لديك لوحه أم H61 قادره على دعم معالجات إنتل الجيل الثاني والثالث والموجهه تحديداً للألعاب ولكن تبحث عن Xeon
يا سيدي الفاضل إبحث عن معالج Core I5-3450 / 3550 / 3570
لكن في نقطه احب اوضحها لحضرتك جدا
كارت الشاشه بتاعك GT610 ضعيف جدا جدا و غير موجهه للألعاب و بصراحه شديده هو لا يستحق أكثر من معالج Celeron G550 المتواجد لديك حالياً
بمعنى أخر إذا حاولت شراء معالج Core I5 أو Core I7-2600 فلن تشعر بأي فارق بالاداء إلا بعد تحديث كارت الشاشه أيضاً لكارت شاشه أقوى
طيب اخى تنصحنى اعمل اية لو مش حجيب جهاز استعمال خارج يعنى لو ححدث جهازى اجيب كارت شاشة كام يعنى الكارت مواصفاتة اية بحيث اقدر العب على الاقل لعبة gta v
وهل البوردة دى اسبها ولا اغيرها
يأختصار
علشان اقدر اشغل لعبة gta v مواصفات الجهاز المطلوبة
الرامات كام جيجا
البوردة اقل حاجة اية فيهم يعنى النوع والاصدار وهل ال h61 دى تنفع ولا ارقيها افضل ولو حرقيها الا موديل يكون كويس
كارت الشاشة اجيب كارت شاشة نوعية اية وكام جيجا يعنى حجم الكارت
وطبعا البروسيسور منتهى كدة لازم اجيب ci5 اقل حاجة
يعنى اكتبلى مواصفات الجهاز الى اقدر اجمعها علشان اقدر اشغل اللعبة دى gta v والالعاب الجديدة.
اخي طلبك ليس واضح انت طلبت ان تشغل لعبة gta v والالعاب الجديدة ولكن لم توضح الاداء الذي تريده في الالعاب ولا الدقة التي ستلعب عليها هذه الالعاب ! عموما اذا اردت ان تلعب الالعاب الجديدة على medium اي مستوى متوسط ومقبول من ناحية الفريمات
اشتري منصة جيل سادس بمعالج i3 6100 كما اشار عليك الاخ ابراهيم ومذربورد h110 ورام 8 جيجا وكرت شاشة 750 ti او amd rx 460 شرط ان تكون الكرت برام 2 جيجا واعلى
وبهذه المواصفات تستطيع تشغيل لعبة gta v والالعاب التي تشبهها باداء جيد وفريمات مقبولة على medium
علما ان هناك العاب حديثة والتي تتطلب معالج وكرت شاشة قوي فستجبر وقتها ان تتنازل لتلعب على اداء جودة منخفضة low
التعديل الأخير تم بواسطة OMAR-JO ; 17-01-2017 الساعة 15:15
هقول لحضرتك تعمل ايه لكن أرجوا الإهتمام بالرد على الأسئله اللي هتكون في اخر مشاركتي
إذا كان معاك ميزانيه قويه حالياً فبالتأكيد الإنتقال إلى منصة الجيل السادس فكره جيده كما أشاروا عليك الأخوه الكرام
أما إذا كانت الميزانيه محدوده وتريد تشغيل جميع الألعاب الحديثه على إعدادات جرافيك متوسطه إلى جيده ممكن البحث عن المواصفات الأتيه
1- معالج مركزي من المعالجات الأتيه
Core I5-2500 / Core I5-3450 / Core I5-3470 / Core I5-3550 / Core I5-3570 / Core I7-2600 / Core I7-3770
أي معالج Core I5 من الأسماء السابقه هيكون في حدود 800 إلى 1200 تقريباً
أي معالج I7 من الأسماء السابقه هيكون في حدود 1600 إلى 1800 تقريباً
إذا صادفت معالج Core I5 أو Core I7 من الاسماء السابقه اللي فيهم رقم 3 زي I7-3770 أو I5-3570 يبقى هتعمل أبديت للبيوس أولا
2- البخث عن كارت شاشه في حدود 1000 إلى 1500 جنيه تقريباً زي GTX 750 / GTX 950
في بعض الكروت اللي بتحتاج مزود طاقه قوي وقريبه من رنج الميزانيه زي HD7870 / GTX 660
في رأيي البحث عن الكروت الحديثه الموفره في الطاقه أفضل زي GTX 750 / GTX 950 و مع ذلك لابد من إمتلاك باور سبلاي جيد معهم
3- ترقية الذاكره إلى 8GB DDR3 أو 16GB DDR3
إذا كان معاك قطعة ذاكره حاليا 4GB فيحب البحث عن قطعه أخرى بنفس مواصفات الأولى تماما وبالشكل ده هيبقى معاك قطعتين 8GB
بالشكل ده هتضمن تشغيل ألألعاب الحديثه على إعدادات جرافيك متوسطه وهتستمتع بيها
المطلوب دلوقتي معرفته منك بالتفصيل الاتي
1- أسم اللوحه الأم بالكامل المطبوع على العلبه بتاعتها او على جسم البورده نفسه
لو مش قادر تلاقي الاسم حمل برنامج CPUz و بعد التثبيت ارفعلنا صوره من نافذة Mainboard الموجوده به
2- معرفة أسم مزود الطاقه بالكامل ولو لديك شكوك حول معرفة هويته إرفعلنا صوره من الملصق الجانبي المكتوب على علبته نفسها داخل الكيس و بها جميع القيم
المفضلات