كيفية بناء حاسب الألعاب بأقل تكلفه ممكنه + تجميعات لكافة الإستخدامات 2017

[Karim.Hassan89]

الله يباركلك موضوع فى منتهى الجمال

[ahmeed_top23]

تمام
دلوقتي من خلال المراجعه التاليه في 3 مراحل مختلفه تم مراجعة البرنامج فيهم بموقع تومز

الأولى بإسم 2D Result و الواضح ان اغلى بطاقه هتكون في نفس مستوى ارخص بطاقه السبب أن أغلب البطاقات الرسوميه لا تحتوي على خصائص مدمجه لمعالجة 2D بل D3D فقط
أما الثاني و الثالث إختبار 3D كارت Quadro 4000 كارن أقل بالأداء من كارت زي Radeon HD6970
أما في مراجعه لبرنامج 3D MAX كان كارت كوادرو أقل في الأداء من GTX 680 بفارق كبير جدا

لكن في بعض البرامج الاخرى اللي بيظهر فيها تفوق ملحوظ لكروت الاعمال زي مايا و غيرها
عموما اعتقد مع البرامج اللي حضرتك ذكرتها كارت زي RX460 هيكون مناسب جدا بس المشكله ان تقريبا مرحلة المراجعه اللي معموله بتعتمد على دعم الكودا ودي في راي مشكله لازم التاكد منها
تابع بنفسك هذه المراجعه ( بحر من الإختبارات المختلفه )

تمام هو التركيز دلوقتى منصب على 3d max واعتقد ان الكارت الى فى التجميعة رقم 12 هيفى بالغرض وشكرا ليك وبالتوفيق ديما

[zozo 22]

المشاركة الأصلية كتبت بواسطة zozo 22
بصراحة موضوع رائع وخصوصا بعد ارتفاع الاسعار وسؤالى هل معالج i3 جيل السابع قادر على تشغيل كارت زى 1060 بفريمات عالية بدون عنق زجاجة

عشان اكون صادق هو من ناحية التشغيل اكيد هيكون مناسب ان شاء الله و لكن دائماً المشكله بتكون في بعض الألعاب اللي بيحصل معاها Drop frame بوضوح في المناطق
التقيله داخل اللعبه بسبب ضبط بعض الإعدادات الرسوميه الى مستويات عاليه و اكيد هتكون نسبة هبوط Minimum Frames في I5 أكثر من I7 و I3 هتكون أكثر من I5 و هكذا
لكن ده مش لازم يفرض على المعالج انه يشتغل 100% usage طول الوقت في اللعبه أو حتى يقترب منها " مجرد لحظات "

هنا تحديدا ما اقصد : هتلاحظ أن الفرق بين Core I3-6100 vs Core I5-6600 أجزاء من الإطار لكن لو ركزنا في الصوره هنلاقي أن I3-6300 متفوق على الجميع بفضل 200MHz الأسرع + 4MB Smart cashe
و دي مرحلة إختبار متوسط عدد الإطارات الدال على حساب مستوى متوسط الأداء المتوقع طول اوقات اللعبه




لكن في المناطق التقيله باللعبه هتلاقي بيحصل drop frame لمعالج I3 أكبر بدليل أنه بدأ يفرق بأربع إطارات عن معالج I5 و لكن الظاهر جداً أن المشكله مجرد تردد نواه بدليل إستمرار تفوق I3-6300



لكن في النهايه كلاهما أعلى من 60 اطار يعني في العديد من الألعاب مفيش حالة إختناق هتقلقك لكن في بعض الألعاب هتكون موجوده لكن لابد من المجازفه في الظروف الحاليه
إذا كانت لدي ميزانيه تتحمل شراء I3 + GTX 1060 6GB سأفضل إختيار I5 + GTX 1060 3GB أما إذا لم يكن لدي ميزانيه سوى لـ I3-6100 + GTX 1060 3GB سأذهب غدا لشرائهم
ومتاكد انها صفقه جيده خاصة إذا كانت ابعاد الشاشه اقل من 1080 كابعاد 1440x900 / 1366x768 مازالت الشاشه المستخدمه للعديد من اللاعبين

أشكر جضرتك جدا على طرح هذا السؤال ولفت النظر له أخي الفاضل و ممكن سماع أية إقتراحات أو إنتقادات دون أدنى مشكله
نورت الموضوع

مراجعات إضافيه




اشكر حضرتك على المعلومات القيمة دة وعندى سؤال هل اقتناء معالج i3جيل سابع مع كارت زى 1060 مع شاشة بدقة 1920/1080 افضل ام معالج i5جيل رابع و مازر81مع نفس الكارت والشاشة علما بان التكلفة تعتبر نفس الميزانية

[tyghbn]

موضوع رائع جدا و فيه ناس كتيره عاوزه تعرف ازاى تجمع جهاز الموضوع هيساعدهم جدا

[phenomenon]

بإسم الله ما شاء الله
موضوع روووووعة أخي ابراهيم و حل مثالي لمن يريد تحديد أفضل تجميعية حسب الميزانية المتاحة
شكرا لك أخي ^^

جازاك الله كل خير على مرورك الطيب أخي العزيز

الله يباركلك موضوع فى منتهى الجمال

ده من ذوقك الراقي أخي كريم
ألف شكر على مرورك و تشريف الموضوع

تمام هو التركيز دلوقتى منصب على 3d max واعتقد ان الكارت الى فى التجميعة رقم 12 هيفى بالغرض وشكرا ليك وبالتوفيق ديما

إن شاء الله هيكون أكتر من مناسب - أغلب أعمال الريندر ترهق المعالجات المركزيه و الهاردات عن إهتمامها بالإعتماد على المعالجه الرسوميه
لكن بالتأكيد هي بتكون على حسب البرامج المستخدمه في الريندر وأكيد في العديد من أعمال التصوير المعتمده عليها لكن هذا غير واضح في إختبار 3D-MAX المبين لنا
من خلال معاملتي الشخصيه بالفوتوشوب فدائما المعالجه الرسوميه خامله بعكس المركزيه
توكل على الله فقد أحسنت الإختيار و مفيش مشكله لو في أي إستفسار إضافي بإذن الله

المشاركة الأصلية كتبت بواسطة zozo 22
اشكر حضرتك على المعلومات القيمة دة وعندى سؤال هل اقتناء معالج i3جيل سابع مع كارت زى 1060 مع شاشة بدقة 1920/1080 افضل ام معالج i5جيل رابع و مازر81مع نفس الكارت والشاشة علما بان التكلفة تعتبر نفس الميزانية

في رأيي الشخصي الإجابه واضحه وسهله جداً
أنا لا أحتاج سوى لوحه أم بها سوكيت PCIe X16Lanes متصلين بالمعالج المركزي و هناك أربعه أخرين بين الشريحه المركزيه و المعالج المركزي كحال Z97 نفسها لا توجد أدنى مشكله
H81Chipset + Core I5 + GTX 1060
و لكن إضا كانت البطاقه المنوى شرائها على سبيل المثال كبطاقة Gaming G1 / GAMING X و البطاقات المكسوره لأقصى طاقتها فممكن أفكر بطريقه أخرى
و أبحث عن طريقه لتوفير بطاقه أقل في الكسر مثل Windforce / Armor / Mini و احاول اوفر الفرق لصالح شريحه B85 واضمن دعم 32GB مستقبليا من الذاكره بسهوله .
بالتأكيد الجميع في السعي وراء البطاقات الأفضل في كسر السرعه و لكن كلما تعاملنا مع الأمر ببساطه في هذه الظروف كلما وصلنا إلى مبتغانا بسهوله دون معاناه أو تفكير زائد عن الحد
فجميعهم معالج رسومي واحد GP 106 وما تستطيع أن تقدمه اي بطاقه ستستطيع أن تقدمه الاخرى و العكس صحيح .

موضوع رائع جدا و فيه ناس كتيره عاوزه تعرف ازاى تجمع جهاز الموضوع هيساعدهم جدا

جزيل الشكر على رأيك هذا أخي الفاضل و مرورك الطيب
تمنياتي لكم التوفيق

جاري إضافة نماذج من تجميعات AMD

[N3V3RMiND.2016]

اخى ابراهيم موضوع ممتاز كعادة مواضيعك و سوف تفيد اصحاب الميزانيات المحدوده (اللى هما حاليا عامة الشعب المصرى )

فقط لى تعليق لو تسمح لى و هو ربما يعبر عن وجهة نظرى الشخصيه بخصوص الاتى:



و رأيى الشخصى هو ان بطاقه RX-460 تنافس فى الاداء بطاقه GTX 1050 فقط اما بطاقة GTX 1050 Ti فهى اعلى فى الاداء من بطاقه RX-460

[tamerhany]

اول مرة اشوف موضوع متميز بالشكل دة فى موضوع تجميعات الاجهزة وجزاك الله خير على المجهود . انا اصلا كنت داخل اعمل موضوع عن انى بحاول اجيب جهاز فى حدود 6 الاف يكون جامد للالعاب خصوصا فيفا 2017 ومعروض عليا الجهاز دة
(( برسيسور XEON E5620
كاش 12 ميجا سنجل برسيسور
جهاز للرندر والجرافيك العالي
2.4 / 12 ميجا
رمات : 24 جيجا DDR3 اب تو 98 جيجا
هارد : 250 جيجا ساتا
كارت فيجا : كودرو بالت اوت ddr3
600 بيقراء معك لحد 5 جيجا )))
عايز اعرف تقييمك للجهاز دة ويشغل الفيفا بسهولة ولا اية وكمان الكارت دة واحد جيجا وبيعلى لخمسة ولا 512 وبيعلى لخمسة وشكرا مقدما

[phenomenon]

اخى ابراهيم موضوع ممتاز كعادة مواضيعك و سوف تفيد اصحاب الميزانيات المعدومه (اللى هما حاليا عامة الشعب المصرى )

فقط لى تعليق لو تسمح لى و هو ربما يعبر عن وجهة نظرى الشخصيه بخصوص الاتى:



و رأيى الشخصى هو ان بطاقه RX-460 تنافس فى الاداء بطاقه GTX 1050 فقط اما بطاقة GTX 1050 Ti فهى اعلى فى الاداء من بطاقه RX-460

أشكرك أخي العزيز على هذه الملاحظه " أعتقد اني كنت اقصد كمنافس بالذاكره أو ربما في مايستطيع تقديمه مقابل كل دولار لكن اكيد لم اقصد انه متفوق "
طيب ما انت كمان عندك خطأ في السطر الأول بمشاركتك لكن انا صححتها بالإقتباس
بالتأكيد جاري المراجعه و التعديل و الف شكر لمرورك و ملاحظتك المفيده

اول مرة اشوف موضوع متميز بالشكل دة فى موضوع تجميعات الاجهزة وجزاك الله خير على المجهود . انا اصلا كنت داخل اعمل موضوع عن انى بحاول اجيب جهاز فى حدود 6 الاف يكون جامد للالعاب خصوصا فيفا 2017 ومعروض عليا الجهاز دة
(( برسيسور XEON E5620
كاش 12 ميجا سنجل برسيسور
جهاز للرندر والجرافيك العالي
2.4 / 12 ميجا
رمات : 24 جيجا DDR3 اب تو 98 جيجا
هارد : 250 جيجا ساتا
كارت فيجا : كودرو بالت اوت ddr3
600 بيقراء معك لحد 5 جيجا )))
عايز اعرف تقييمك للجهاز دة ويشغل الفيفا بسهولة ولا اية وكمان الكارت دة واحد جيجا وبيعلى لخمسة ولا 512 وبيعلى لخمسة وشكرا مقدما

سعيد جدا برأيك اخي العزيز وجازاك الله كل خير
الحقيقه المعالج صاحب أداء جيد جدا بالألعاب و من خلال مراجعه لموقع تومز للمعالج في أداء الالعاب فهو موازي بالأداء لمعالج I7-970
و هذا يضعه في مكانه قريبه من معالجات Core I3 بل أحياناً أفضل في الأعمال الشاقه بسبب تعدد مصادر معالجته ولانه مهما كان لا يزال يعتبر خرج العقد الحالي ( 2011 )
و لكن لن افضل بطاقة كوادرو بالتأكيد مهما كان مستويات الأداء لها لان بغض النظر عن لعبة فيفا انت ممكن تلعب العاب حديثه غيرها كتير لو معاك كارت شاشه مناسب للمنصه
فقط نأمل أن هذه المنصه تحتوي على مزود طاقه جيد و تدعم بطاقه خارجيه مثل GTX 750 / R9-270X إذا وجدت الإمكانيه لشراء اي منهم
أما إذا كانت لعبة FIFA17 هي الشغل الشاغل و تأكدت من دعم البطاقه الكوادرو لها في التشغيل فتوكل على الله و لكن تذكر ان هناك بعض الألعاب الاخرى التي يمكن تشغيلها
مع نفس هذا المعالج

[tamerhany]

طيب حضرتك لو انا عامل ميزانية 7 الاف جنية رامات 16 جيجا وكارت يشغل اغلب الالعاب وبروسيسور جامد وطبعا كيسة بالباور سبلاى ومروحة الجهاز ( الفانة ) المناسبة لشغل البروسيسور ... ممكن تعملهوملى فى بوست واحدة جدول بالترتيب زى شغل حضرتك فوق وتقولى الاماكن اللى بتبيع الحاجات دى فى القاهرة . ومتأسف على تعب حضرتك مقدما !

[phenomenon]

طيب حضرتك لو انا عامل ميزانية 7 الاف جنية رامات 16 جيجا وكارت يشغل اغلب الالعاب وبروسيسور جامد وطبعا كيسة بالباور سبلاى ومروحة الجهاز ( الفانة ) المناسبة لشغل البروسيسور ... ممكن تعملهوملى فى بوست واحدة جدول بالترتيب زى شغل حضرتك فوق وتقولى الاماكن اللى بتبيع الحاجات دى فى القاهرة . ومتأسف على تعب حضرتك مقدما !

و لكن اسعار القطع الجديده مرتفعه جدا على حدود الميزانيه المقترحه
يعني بالكاد احنا ممكن نمشي مع التجميعه الاتيه لميزة التحديث مستقبليا عليها وانت ممكن كل عام تشوف المبلغ المتوفر معاك لزيادة القطع او تحديث البروسيسور و هكذا

أعتقد أن التجميعه التاليه مناسبه إن شاء الله و لكن هتحتاج زيادة الميزانيه 1.500 تقريباً و لكن تستطيع تشغيل جميع الألعاب الحديثه والإستمتاع بها

التكلفه تقريباً	النوع	قطع الحاسب
2.150.00EGP	Intel Core I3-6100 3.7GHz 3MB Cashe LGA 1151
1.000.00EGP	MSI H110M PRO-VD- D3 Socket LGA 1151
1.050.00EGP	G.skill Ripjaws 4- 1x 8GB DDR4 1.2v CL15 2400MHz
900.00EGP	WD Caviar Blue 1TB 64mb Cashe
2.400.00EGP	SAPPHIRE Radeon RX 460 2GB GDDR5
1.250.00EGP	Thermaltake Commander MS-III+ 500W PSU
8.750.00EGP

[tamerhany]

متشكر جدا لحضرتك ومجهودك . والقطع دى هتبقى موجودة فى سوق العصر والسخاوى فى مصر الجديدة ولا هلف عليها ودة اخر سؤال

[phenomenon]

غالباً أنا كنت بختار افضل سعر للقطع في الشركات الموجوده بمصر على موقع egpricis أثناء تجميع الموضوع
هتلاقي جميع القطع إن شاء الله ولكن لو كتبت أسم اي قطعه على جوجل بجانبها اسم موقع البيع المصري هيفتحلك اول رابط ليه تشوف بنفسك
افضل سعر للقطعه في شركة ايه وتتوجه عليها او تتصل تليفونيا أولا بيهم

[tamerhany]

متشكر جدا لحضرتك واسف على تعبك معايا

[الواد ميشو]

التكلفه تقريباً	النوع	قطع الحاسب
2.150.00EGP	Intel Core I3-6100 3.7GHz 3MB Cashe LGA 1151
1.000.00EGP	MSI H110M PRO-VD- D3 Socket LGA 1151
1.050.00EGP	G.skill Ripjaws 4- 1x 8GB DDR4 1.2v CL15 2400MHz
900.00EGP	WD Caviar Blue 1TB 64mb Cashe
2.400.00EGP	SAPPHIRE Radeon RX 460 2GB GDDR5
1.250.00EGP	Thermaltake Commander MS-III+ 500W PSU
8.750.00EGP

طبعابلاشك
مواضيعك تعبر عن مدى الثقافة الواسعة والعميقة ...
بارك الله لك والواحد بيتعلم منك اخى الكريم ..
والكلام مش هيوفى حقك
ملحوظة بس صغيرة التجميعة دي فيها البوردا ان الموديل المذكور يدعم DDR3 وليس DDR4 ( والمقصود ان البوردا التى لا تنتهى ب D3 هي الداعمة للDDR4)
وهى ملحوظة صغيرة جدااااااا ولان احتمل يكون فيه فرق سعر بسيط ايضااا
وشكراااا لسعة صدرك
و... تشاه بووه

[phenomenon]

جزاك الله كل خير اخي العزيز و جاري التصحيح