السلام عليكم هل المواصفات حلوه ام لا

[phenomenon]

دي حقيقه فعلاً
أغلب البطاقات الرسوميه بالماضي كانت تأتي بمكثفات Electrolytic Aluminum caps و من اشهر خصائصها المصنعيه بعد تشغيلها فترات عمر طويله
و إرتفاع درجة حرارتها مع الشغل سواء كان بداخلها سائل جلايكول الاثيلين او حمض البوريك بتنشف و بتطرد منها السوائل خارجها بالرغم أن هذا النوع تحديداً من
المكثفات لابد أن يظل من الداخل " Wet " اما حالة Dry الجفاف بالنسباله تعني إنفجار " الشائع عنها منفوخه "

بعد كده أصبحت جميع البطاقات الرسوميه الحديثه والمصانع بتخاف على انتهاء اعمار منتجاتها بسبب هذه المشكله و حتى بطاقات الفئه المتوسطه و الأقل منها
اتجهت الى نوع Solid-Electrolytic Aluminum caps / Tantalum مكثفات ثاني اكسد المنجنيز الصلبه لان عندهم القدره على العمل سنوات طويله تحت تاثير
درجة حراره مرتفعه تصل حتى 105C قبل أن تتلف و لكنها تنفجر أيضاً وصوتها مسموع عن الأولى لكن النوع التاني ده نادر جدا انفجاره لان فترة أعمارها مقدره أكتر من
عمر الإنسان نفسه ( ده في حالة أنها لم تواجهه خطر في إرتفاع الفولت المطلوب منها شحنه )
لكن عموما دي من اشهر اسباب توقف البطاقات الرسوميه عن العمل سواء احتراق مكثفات قنوات التغزيه المسؤوله عن المعالج الرسومي او الملحومه لدوائر الطاقه
وعدد قليل جدا من المستخدمين من يهتمون بمعرفة خصائص دوائر الطاقه للبطاقات الرسوميه واللوحات الام خاصةً من واجهه منهم مشاكل سابقه من نفس النوع ( الملايين )

أما بخصوص البروسيسور فزي ماقولتلك هو بيعادل I7-980 وادائه كويس مع الالعاب الحديثه و هيكون كويس مع البطاقات الحديثه
لكن دعم اللوحه الام نفسها للبطاقات الحديثه المنفصله شيء لا نستطيع التأكيد عليه الا من خلال التجربه
ممكن تحتاج تحديث البيوس وممكن لا يوجد لها بيوس حديث بسبب وقف الدعم من المصنع نفسه عن تحديث هذا النوع و ده الفرق بين الاوريجنال و التجميع

مبلغ 4000 جنيه ممكن تحطهم في منصه جيل تالت او رابع بمعالج I3 / I5 وانت مرتاح جدا و تكمل و تشتري كارت شاشه فيما بعد
لكن على الاقل ضمنت جهاز مش زي ما قال الاخ عبد الحليم نفايات

اجهزة الاوريجنال ليها مستخدميها من اصحاب الأعمال اما هاويين الألعاب و عمليات التحديث بأسترار بالنسبالهم النوع ده من الاجهزه مشكله غير محلوله

والله اعلى واعلم

[N3V3RMiND.2016]

يا جماعه اى حد عايز يشترى حاجه ينزل يشتريها فورا لأن سعر الدولار انخفض لأول مره من 7 شهور و حاليا السعر الرسمى حوالى 17.7 جنيه (يوم 17 فبراير 2017)!!

و للأخ صاحب الموضوع مبلغ 4000 جنيه تقدر تجمع جهاز جديد جيل سادس كمان و تأجل كارت الشاشه و صدقنى مش هاتندم ابدا.
واقترح التجميعه دى:

Gigabyte GA-H110M-S2PH Socket 1151 Motherboard (rev. 1.0) = 1300 اللوحه دى بتدعم الجيل السابع ايضا
Intel Core I3-6100 3M Skylake Dual-Core 3.7GHz LGA 1151 Desktop Processor = 2070
Crucial Ballistix Tactical 8GB DDR4 3000 CL16 1.35V (BLT8G4D30AETA) = 1200

الاجمالى : 4570 جنيه (ملحوظه الاسعار دى قبل هبوط الدولار)

و على فكره سعر الكارت :
SAPPHIRE Radeon RX 460 2GB GDDR5 = 2300
حاليا.

عن نفسى هانزل ان شاء الله اشترى الكارت :
ASUS Expedition GeForce GTX 1050 2GB GDDR5 (EX-GTX1050-2G) = 2750
و بأمانه الكارت ده تحديدا مش عاجبنى لأنه فى المراجعات التهويه فيه سيئه و الجيجابايت افضل لاكن مضطر لأنه هو الموجود حاليا.
و طبعا انا كنت متابع الاسعار على مدى 7 شهور عشان اقدر اشترى الكارت و الكارت بعد هبوط الدولار موجود عند Maximum بسعر 2800 جنيه و الشركه دى هى اغلى شركه فى الاسعار.

[mostafa.kamel77]

شوف حضرتك انا عامل اختبار للمواصفات بتاعة حضرتك على الالعاب


مواصفات حضرتك


مواصفات الجهاز الى فى اول الموضوع خالص




استنا رد حضرتكو على الصور دى

[DMO]

شوف حضرتك انا عامل اختبار للمواصفات بتاعة حضرتك على الالعاب


مواصفات حضرتك


مواصفات الجهاز الى فى اول الموضوع خالص




استنا رد حضرتكو على الصور دى

الجهاز الي في اول موضوع كارت Quadro FX380 ورام 8 جيجا مش كارت 1070 و 12 جيجا رام

[محمد السنهوري]

أولا وهذا رائي شخصي لي ليس ألا
انا لا أعترف بأي مواصفات لاي لعبه لانها مجرد دعايه
ثانيا أنت تقارن معالج i3 مع معالج xeon رغم انه ليس قويا لكن لا يقارن مع i3 هوا يقابل في الأداء معالج مثل i5 3470 تقريبا

[DMO]

ولا انت قصدك فرق البروسيسور بس يعني علي العموم الموقع دا اصلا ساعات بيقول حاجات غلط بيقول علي لعب عتشتغل وهي مش هتشتغل وبيقول علي لعب مش هتشتغل وهي هتشتغل

[phenomenon]

المواقع اللي حضرتك بتعتمد عليها دي مواقع المبتدئين في الهاردوير فقط
لكن احنا اتخرجنا من زمان ولما نحب نعرف اداء شيء بنشوف مراجعاته في اختبارات الأعمال الحياتيه اللي مواقع الهاردوير بتعتمد ليها معامل هاردوير مخصصه لإختبار ادائها
و اسم المراجع يبقى واضح تحت المراجعه عشان نقدر نكلمه ونرد عليه او الشركه نفسها تقدر تواجهه لو استنتج مراجعات خاطئه ممكن تسييء لسمعة المنتج

مواقع كونترولات حساب الاداء اللي بتبني نتائجها بناءً على IPS / AVX / MIPS للتسهيل المواقع اللي بتحسب قوة الأداء بناءً على عدد العمليات الحسابيه اللي المعالج
بيقدر يعالجها في الثانيه الواحده بناءً على أعداد ترانزستورز وحدة المعالجه المركزيه أصبحت منهجيه خاطئه مقارنة بأنواع لغات المرمجه الحديثه اللي بيتم إعتمادها في كود
تطبيقات السوفتوير والألعاب الحديثه و عدم قدرتها على فهم أسرار طرق المعالجه المركزيه بداخل وحدة المعالج

ندخل على المهم

أنا قولتلك أن معالج W3680 معالج كويس و ممكن يساوى الأداء مع معالج I7-980 و هو مناسب للألعاب
لكن الصراحه تتقال هو مش هيقدر يقدم سرعة معالجة عدد إطارات أفضل من معالج I3 الجيل السادس داخل الألعاب ولا حتى الجيل الرابع

السبب أن معظم الألعاب لا تستفيد من عدد الأنويه الضخمه في المعالج
و لكن برامج الأعمال و خوادم السيرفرات تتطلب أكبر عدد ممكن منها

ببساطه شديده نواة المعالح الاحدث قادره على تنفيذ عدد الاوامر الاكبر من النواه الاقدم
ولما نيجي نقارن الداء في بعض البرامج اللي مش بتستفيد من عدد الانويه الاكبر هنلاقي أن المعالج الاحدث صاخب عدد الأنويه أقل بيتفوق في سرعة الأداء عن المعالج القديم صاحب
عدد الانويه الأكبر

لكن مع برامج الرندر و الهندسه الوضع بيتغير لأن نواة المعالجه على شكل جداول مع الحسابات بتختنق و بيحصل فيها تكدث من كثرة البيانات
بالتالي مبرمجين برامج الهندسيه بيوزعوا عمليات البرمجه على عدد الانويه الأكبر قدر المستطاع و بالتالي معالج صاحب عدد انويه كبير له الافضليه
لكن سيظل مبدأ عدد العمليات الحسابيه للنواه قائم عند مقارنة كلاهما

[mostafa.kamel77]

مقارنة تانى برضو على موقع

[abdalhaliem]

عزيزى

من خلال ردودك واضح أنك مقتنع بالطرف الأخر جداا

وأقصد بالطرف الأخر البائع أو التاجر أو حتى المهندس

حسناا مبروك مقدماا

لكن لايسعنى ألا أقتباس كلام أخى Phenomenon

الاخ صاحب الموضوع : كل شيء اتقال ليك و نصيحه واحده الجميع رد عليك عشان مصلحتك فوق كل شيء ارجوا انك تكون متفهم النقطه دي
محدش بيحاول يثبتلك انه عارف او بيدعي المعرفه لانك ممكن تسمع الكلام ده من الطرف الاخر
جميعنا استخدم اجهزه اوريجنال و تجميع و عارفين عيوب الاوريجنال ايه و قد يه هو محدود في امكانية التعديل عليه ( لكن احيانا يفي بالغرض )

أنت أنشأت هذا الموضوع بالأساس للأستشاره

وهذا جيد وقد قمنا بواجبنا تجاهك

ولكن

الناس على ماترى مذاهب

بمعنى مادمت مقتنعاا بما تقوله وتحاول أثبات

وجهه نظرك التى من الواضح أنك مقتنع بها

فلتتوكل على الله

لأننا كما ذكرت لك أعلاه

قد قمنا بواجبنا تجاهك

ولنا لقاء بعد الشراء والتجربه بأذن الله


تحياتى

[DMO]

اخي كلنا هنا عايزين مصلحتك وبننصحك عشان مصلحتك مش احنا المستفدين يعني ولاكن زي ما قال عبد الحليم انت مقتنع جدا بي رئي البائع
يعني الاخوه عملو 39 مشاركه فقط عشان ينصحوك وانت بعد كل دا بتعمل مقارانات بنفس الجهاز الجهاز وبتورهالنا وبتحاول تسبتلنا وجه نظرك !

[ayoub_bob]

اخى العزيز
سوف أقول لك على حل
خذ ال 2 جيم المشار لهم في اول المشاركة
واذهب بهم الى صاحب الجهاز وقم بالتجربة عملى احسن لك
اذا كنت مقتنع بالجهاز
وبعد التجربة
قول لنا
ماذا حصل وهل اللعبتين اشتغلو بسلاسة معك بدون ايرور او خروج من اللعبة اثناء اللعب
ومبروك عليك مقدما
تحياتى لك ولجميع الاخوة الكرام

[mostafa.kamel77]

والله انا اسف جدااا انا تعبكو معايا بس عشان ابقى فاهم وانا بجيب

المشكلة الجهاز ده مفوش كارت حلو عشان اعرف اجرب
ممكن ترشحولى المعالج الكويس فى الاورجينال يعنى ممكن الاقى i3 طيب لو لقيت ايه احسن موديل

وهل لو جيبت الجهاز ده هيشغل كل حاجه على العالى


Gigabyte GA-H110M-S2PH Socket 1151 Motherboard (rev. 1.0) = 1300 اللوحه دى بتدعم الجيل السابع ايضا
Intel Core I3-6100 3M Skylake Dual-Core 3.7GHz LGA 1151 Desktop Processor = 2070
Crucial Ballistix Tactical 8GB DDR4 3000 CL16 1.35V (BLT8G4D30AETA) = 1200
و على فكره سعر الكارت :
SAPPHIRE Radeon RX 460 2GB GDDR5 = 2300

[abdalhaliem]

وهل لو جيبت الجهاز ده هيشغل كل حاجه على العالى

أقولك على الملخص المفيد

جهز 40000 ألف جنيه لكى تحصل على هذا الجهاز

ولكن حتى هذا الجهاز سيتفوق ألى حين

سيأتى من الألعاب من يقهره

هذا المجال لن ينتهى ألى مشاء الله

أنت ليه مش قادر تستوعب أن ميزانيتك ضعيفه جداا ؟؟؟؟؟؟

ياعزيزى يوجد أشخاص أعرفهم معرفه شخصيه

عندهم كرت gtx 1080 ti ( ثمنه حوالى 15000 )

وعندهم أعلى هاردوير ومع ذلك لم ولن يصلوا للمثاليه

لأن كل يوماا يوجد جديداا

أنت ميزانيتك حدود 4000 لهذا تحوم حول الأجهزه الأوريجنال

أمامك خياران ياتصبر وتزود ميزانيتك ( وده صعب )

ياتشترى من المهندس جهاز أوريجنال ( وده سهل )
*******************


لكن تلك الجمله

هيشغل كل حاجه على العالى

أنساها تماما

[N3V3RMiND.2016]

والله انا اسف جدااا انا تعبكو معايا بس عشان ابقى فاهم وانا بجيب
المشكلة الجهاز ده مفوش كارت حلو عشان اعرف اجرب
ممكن ترشحولى المعالج الكويس فى الاورجينال يعنى ممكن الاقى i3 طيب لو لقيت ايه احسن موديل
وهل لو جيبت الجهاز ده هيشغل كل حاجه على العالى
Gigabyte GA-H110M-S2PH Socket 1151 Motherboard (rev. 1.0) = 1300 اللوحه دى بتدعم الجيل السابع ايضا

Intel Core I3-6100 3M Skylake Dual-Core 3.7GHz LGA 1151 Desktop Processor = 2070
Crucial Ballistix Tactical 8GB DDR4 3000 CL16 1.35V (BLT8G4D30AETA) = 1200
و على فكره سعر الكارت :
SAPPHIRE Radeon RX 460 2GB GDDR5 = 2300

اخى العزيز مش لازم تتأسف ابدا و احنا كلنا اخوات بنساعد بعض.
بالنسبه للتجميعه زى ما قالك الاخ الفاضل عبد الحليم و دى حقيقه فعلا انه لا يوجد تجميعه ممكن تشغل (كل حاجه على العالى)
ببساطه الجمله دى نفسها خطأ يا اخى العزيز لأنك هل تقصد ب (كل حاجه) برامج ؟ ولا العاب؟ و لا الاثنين معا ؟
و لو برامج ما هى نوعيتها تصميم ام برمجه ام...الخ؟ و لو العاب ماهى ايضا؟ هل هى العاب تعتمد على كارت شاشه من فئه مرتفعه؟ ام انها العاب تعتمد بشكل اكبر على المعالج المركزى؟ ام انها من فئة الالعاب التى تحتاج كامل طاقة المعالج المركزى و كامل طاقة كارت الشاشه؟

يعنى باختصار الالعاب نفسها بتختلف من لعبه لأخرى فى احتياجتها من كارت الشاشه و ايضا المعالج المركزى لاكن الشئ الاساسى اللى بيحدد انا هاشترى ايه هى ببساطه الميزانيه.
طيب انت مجرد ما حددت ميزانيتك بتشوف ايه هى افضل خيارات متاحه قدامك, و الاخ العزيز Phenomenon وضحلك من البدايه ان المعالج الى انت مقتنع بيه عند التاجر (W3680) هو بالفعل معالج جيد للألعاب بصوره عامه يبقى ليه تجيب مقارنات بينه و بين الi3-6100؟

و انا لما اتكلمت عن الجهاز اللى حضرتك مقتنع بيه يا اخى الفاضل لم اذكر المعالج المركزى (W3680) كل كلامى كان عن كارت الشاشه(GTX 460) انه ليس جيد و دى حقيقه انه لن يستطيع تشغيل على الاقل بعض من الالعاب الحديثه ان لم يكن الكثير منها!
و يجب ملاحظة ان احنا لما بنتكلم عن الالعاب بننظر على الاقل على تشغيل الألعاب بعدد اطارات (Frames) لا تقل عن 30 اطار فى الثانيه لأن اى عدد اقل من ذلك اللعبه هاتكون غير قابله للتشغيل او بمعنى اوضح هاتلاحظ ان اللعبه بتتوقف فجأه فى بعض الاماكن داخل اللعبه و ايضا سوف تلاحظ بطئ فى الشاشه و غيرها من المشاكل.

و لذلك احنا بنبحث عن افضل حل سواء كان جهاز اوريجنال او تجميع يكون فى حدود الميزانيه و يقدر يشغل معظم الالعاب على الاقل على 30 اطار فى الثانيه و بما ان الميزانيه محدوده فيجب التضحيه بأحد المكونات.
و هاتلاحظ فى التجميعه عند التاجر على سبيل المثال تم التضحيه بشكل كبير بكارت الشاشه فى مقابل معالج مركزى جيد, طيب ليه لا يتم الموازنه بين المعالج المركزى و كارت الشاشه؟
يعنى بدل التضحيه بمكون على حساب الاخر ممكن تشوف معالج متوسط و ايضا كارت شاشه متوسط و فى الحاله دى تبقى ضمنت تشغيل معظم الالعاب (ان لم يكن كلها) على اطارات لا تقل عن 30 اطار فى الثاتيه!

و باختصار التجميعه اللى انا اقترحتها مع الكارت الRX-460 هاتقوم بالمهمه دى و هى انها هاتشغل معظم الالعاب (ان لم يكن كلها) على 30 اطار فى الثانيه و طبعا العاب اخرى على 60 اطار و ده حسب اللعبه نفسها زى ما وضحنا.
لاكن طبعا مع الميزانيه دى و هى ميزانيه محدوده نظرا للأسعار المجنونه التى نعيش كلنا تحت رحمتها فا اعدادات الالعاب يجب ان تكون متوسطه على بعض الالعاب و ربما High او اعلى من المتوسط على بعض العاب اخرى حسب الالعاب نفسها و لكن لو ممكن تشتشرى كارت اغلى قليلا و هو افضل من ال RX-460 بشكل عام من خلال التجارب على عدد كبير من الالعاب فهو الكارت GTX 1050 و سعره حاليا يجب ان لا يتعدى 2700 جنيه لأن الدولار سعره ما زال يتهاوى فى مقابل الجنيه و وصل سعر الدولار اليوم 13 فبراير الى تقريبا 16.9 جنيه فقط!

ولكن ملحوظه هامه جدا الرامات اللى انا اقترحتها يجب تغييرها من التجميعه لأنى نزلت قائمة الرامات المتوافقه مع اللوحه H110 من موقع جيجابايت و لم اجد الرامات دى تحديدا فى القائمه على الرغم ان القائمه تضم رامات بنفس المواصفات تماما لكن من تصنيع شركات اخرى غير Crucial
فيمكن استخدام الرامات : G.skill Ripjaws 4 8GB (1 X 8GB) DDR4 2400 CL15 1.20V (F4-2400C15S-8GRR)
او اى رامات بنفس المواصفات و سعرها حاليا فى حدود 1100 بعد هبوط سعر الدولار.

او ممكن حضرتك طبعا تشترى الجهاز الأوريجنال من التاجر و مجرد تغير كارت الشاشه بس المشكله فى الحاله دى انك بتقضى تماما على اى فرصه انك تقدر تحدث الجهاز فى المستقبل و هاتضطر انك تبيع الجهاز بالكامل مجرد عشان تحدثه و طبعا هاتتكلف جهاز جديد فى المستقبل!

و اخيرا الموقع يا اخى العزيز اللى حضرتك عملت عليه اختبار للتجميعه انا اعرفه جيدا و ايضا جميع الاخوه هنا يعرفوه جيدا و انا شخصيا لى حساب قديم عليه و عايز اوضحلك ان نتائجه غير دقيقه بالمره و خصوصا صورة الاختبار ده:


نتيجة الاختبار بتوضح ان المعالج i3-6100 غير قادر على تشغيل لعبة Battlefield 1 و لكن بما انك فى البدايه اخى العزيز قدمت فيديو من اليوتوب لتوضيح وجهة نظرك فأنا سوف اوضح لحضرتك بعدة فيديوهات ان المعالج قادر تماما على تشغيل اللعبه بشكل سلس جدا و لكن بما انى لا اؤمن تماما بمراجعات اليوتيوب فيجب التنويه انك ربما لن تحصل على نفس عدد الاطارات المذكوره فى تلك الفيديوهات بنفس التجميعه المذكوره فى كل فيديو!

و لكن على اى حال و للتوضيح فقط :

لعبه Battlefield 1 على معالج i3-6100 و كارت شاشه GTX 1050 و اعلى اعدادات(Ultra)و دقه 1080p و النتيجه لعب بدون اى مشاكل مع عدد اطارات لا تقل عن 45 اطار فى الثانيه تقريبا
(ملحوظه هامه اللعبه مضبوطه للعمل مع دايركت اكس 11 فقط [Directx 11] وليس 12 و هى تفرق كثيرا:


GTX 1050 G1 Gaming OC + i3 6100 Battledield 1:


Battlefield 1: GTX 1050 + i3 6100


GTX 1050 2GB + i3 6100: Battlefield 1


و فى النهايه المسأله يا اخى العزيز ليست ان انا بحاول اقنعك بشئ مخالف لقناعاتك الشخصيه انا احترم قناعاتك تماما لكن انا اخذت الوقت لكتابه الشرح المفصل ده لأنى اعتبرك و جميع الاعضاء اخوه حقيقيين و فعلا لا ابحث الا عن الافضل لهم و لا يوجد احد منا فى المنتدى هايكسب اى شئ او هايخسر اى شئ لما ياخد الوقت فى الرد على احد الاعضاء غير الثواب من الله فى افادة اخ عزيز لنا.

ربنا يجعل الافضل ليك من نصيبك و بالتوفيق ان شاء الله.

[abdalhaliem]

أخى الكريم N3V3RMiND

أكلمك أنت طالما صاحب الموضوع زمانه أشترى أساسا

المشكله ياعزيزى أنه داخل بياخد رأينا

ويريد أقناعنا بوجهه نظره أو وجهه نظر المهندس

أنا أكلمه وأناقشه

أنت تكلمه وتناقشه

الأخ Phenomenon كذلك

نحاول نرشحله الأفضل يقدم مراجعات

محاولا أثبات وجهه نظره

أذا مادام مقتنعاا مافائده هذا الموضوع ؟؟؟؟

والسؤال هنا

هل لنا أى مصلحه خلاف مصلحه العضو نفسه ؟؟