هل كدا الفولت تمام قبل الضغط وبعده
التعديل الأخير تم بواسطة hany5y ; 11-02-2017 الساعة 22:11
فولت 3.3V Rail+ شارد بنسبة 11% بالرغم أنه لازم يفضل داخل 5% و ممكن يتسببلك في مشاكل اثناء الشغل
على كل حال كمل شغل عادي طالما مفيش مشكله
لكن إذا لاحظت أي حالة خطأ في الشغل غير الباور سبلاي فوراً و من الأفضل تغيره إذا كنت قادر على كده طالما قيم الفولتيات بتخرج عن النسبه المسموح بيها أثناء نسبة متطلبات مواصفات الجهاز
هل الجهاز بيحناج كام وات وافضل باور
التعديل الأخير تم بواسطة hany5y ; 11-02-2017 الساعة 21:41
هل بتلاحظ مشكله أثناء شغلك على الجهاز ( حالة تجميد في حركة الماوس أو شاشه BLUE BSOD / Black Screen أو Crash وخروج مفاجىء وانت داخل اللعبه ؟)
أي مشكله قريبه من المشاكل السابقه يبقى تستدعي التغيير للباور أما لو مش ملاحظ وجود أي مشاكل و النظام مستقر تماماً فمفيش مشكله كمل معاه لحين ميسره و تغييره
ربما القرائات ليست نموذجيه بالرغم أن HWiNFO من أفضل الادوات خبره لكن ربما ( حاول إستخدام برنامج أخر زي Aida64Extreme وشوف قرائات الفولتيات عامله فيه ايه )
لا مش بيقبلنى اى مشاكل الحمد لله بس الباور كويس ولا اغيرو
طيب حضرتك تفهم المثال ده لأن تحديد القرار يرجعلك كلياً لكن لو محتاج إجابه صريحه على سؤالك فالأجابه هي طبعاً تغييره و فوراً
انت أول لما تدخل عصاره و تطلب كوب عصير من البائع ايه اللي بيحصل ؟
البائع بيشيل عود من القصب و هنتخيل عود القصب هو تيار الفولت
و بيدخله داخل العصاره و هنتخيل العصاره انها مزود الطاقه المسؤوول عن عزل عصير القصب عن القشر
بالنهايه يسكبه في كوب العصير و هنتخيل أن الكوب هو اللوحه الأم و كروت الشاشه و الهاردات الخ
لازم العصاره و الصفايه بتاعتها تكون سليمه وإلا هتنزلك قشر في قلب العصير صح كده ؟
بالنسبالك دلوقتي مزود الطاقه بيتسبب في نزول قشر في العصير
هل أنت موافق بكده ؟ يعني عندك المقدره على شرب كوب عصير بقشره ؟ أكيد لا
تماماً مكونات الكومبيوتر لا توافق بالأمر و لكن
لحسن الحظ دائرة طاقة اللوحه الأم و كارت الشاشه قادره أيضاً على عزل القشر من منسوب العصير و تهيئته او تصفيته و لكن مش دايماً
يعني في أي لحظه ممكن تخسر أي شيء كلما كانت نسبة القشر مرتفعه جداً لعزلها ( القشر هو نسبه مرتفعه من Ripples/Noise/Spikes )
دلوقتي النسبه معاك لفولتية 3.3V فرق 11% و ده فرق خطير جداً في حالة الضغط على الجهاز لكن انت في الأمان لحد دلوقتي لأن اللوحه الأم
قادره على تهيئة التيار اللي مواصفاتك بتطلبه لمنسوب وتيار صالح للمكونات لكن العمليه دي مرهقه جداً لمكثفات اللوحه الأم كارت الشاشه
لذلك إذا كانت لديك الإمكانيه على شراء مزود طاقه أقوى يجب عليك و فوراً أما إذا لا تمتلك ميزانيه جيده فترقب حالة الجهاز ولا تزيد مكونات هاردوير بدون داعي
إلا بعد التأكد من شراء مزود طاقه قوي
للمره التانيه بطلب منك التأكد من نتائج Aida64Extreme أيضاً لعله يطمئنك و يتضح ان هناك خطا بقرائات HWiNFO
نفس النتائج معAida64Extreme
ما استطيع أن أنصحك به ( شراء مزود طاقه خاضع للمواصفات المسموح بيها ) أي مزود عالي الجوده ماركه معروفه CORSAIR CX / XFX / Seasonic / EVGA
كنت عايز اعرف فولت 3.3V Rail+ مسؤل عن تغزيه ايه ايه ممكن يضر
المشاركة الأصلية كتبت بواسطة hany5y
مش محسوبه كده بالظبط يا اخ هاني
عموما بيغزي احد اهم قطع المنصه زي المعالج و الشيبايه و الرامات وكروت PCIe و اي مصنع هاردوير ممكن يعتمد على اكتر من تيار فولت حسب خطته في التصنيع دون توضيح
لكن بطبيعة الحال اللوحه الام مسؤوله عن معالجة تيار 12V / 5V / 3.3V من خلال منظم الجهد المدمج في دائرة VRM بها و تحويل الفولتيات إلى فولتيات أقل أو أعلى من 1.0V فقط
مناسب للهاردوير الحديث و غالباً أول المتضررين إذا حدث ضرر لكن أحياناً تفشل
نفس الأمر بيحصل مع دوائر طاقة كروت الشاشه إذا فشلت في تمرير تيار منتظم للمعالج الرسومي
انا جربت باور بتاع صاحبى جاما 450 وات وادانى نفس القيم هل اجرب باور اخر ولا اعمل ايه
Gamma / HEC واحد
حاول تتأكد بتجربة الأمر على باور سبلاي ماركه معتمده و مشهور جودتها واستقرار فولتياتها زي Seasonic / EVGA
إذا إتضح ان نفس النتائج بالضبط يبقى الواضح ان برامج القرائه مش قادره تتعرف بشكل سليم على Sensors اللوحه الأم وبالتالي هنستنتج ان مفيش أي مشكله من الباور الأول وإنما فقط عدم تدعيم
نموذجي من ادوات القرائه نفسها
انا فصلت كارت الشاشه واشتغلت على الداخلى ونفس النتائج يعنى اشترى باور ولا اعمل ايه
هو أنت بتصعب الرد عليا بصراحه لأني مرضاش ليك الخساره في الحالتين سواء خسارة أموال جديده دون داعي أو أكون سبب في خسارة هاردوير بسبب توانينيا عن الاهتمام بالمفروض عمله
فأنا بقولهالك تاني يا أخ هاني
أتمنى لو تقدر تختبر المنصه على باور سبلاي أكثر إحترافيه لو حتى عند اي فني هاردوير صدقني مش هيقولك حاجه خاصة لو ليك تعامل معاهم دائم
و إذا إتضح أنه يعطيك نفس النتائج فحينها فقط نتوقع أن المشكله في إستشعار و التعرف على القيم الحقيقيه للفولتيات بسبب عدم دعم برامج القرائه لأنواعها
أما إذا إتضح أن برمجيات القرائه قادره على قرائة نتائج صحيحيه داخل القيم المسموحه مع الباور الإحترافي الأخر إذن هنعيب في الباور الحالي و هنقرر شراء الباور الإحترافي فوراً
أما إذا كنت متيسر الحاله الماديه والتحديث لن يشكل عائقاً مادياً لك فحينها أنصحك بشراء باور سبلاي محترم زي XFX / EVGA / Seasonic لأنهم بجميع الأحوال مكسب و ليست خساره
حتى وإن لم تكن في حاجه لمميزاتهم و لكن هذه الأنواع قادره على توفير الأمان و وسائل الحمايه للهاردوير حتى مع أصعب و أسوأ حالات الأخطاء الكهربائيه
التعديل الأخير تم بواسطة phenomenon ; 12-02-2017 الساعة 22:03
شكرا لزوق حضرتك والمواضيع الى زى كدا مفيدا جدا للاعضاء كلهم وشكرا
ضوابط المشاركة
رد مع اقتباس
المفضلات