استفسار عن مجال الشبكات و كورس ccna
السلام عليكم ورحمة الله وبركاته
اهلا بكل الناس الي موجودة بالمنتدي والكيان الرائع دا
انا محمد 23 سنة بكالريوس سياحة وفنادق من الاسكندرية مصر
لو سمحتو يا شباب محتاج تفيدوني في شوية حجات بما ان هنا موجود ناس كتير عظيمة في مجال الشبكات وهما اعلم مني
اولا انا عايز ادخل مجال الشبكات وحبيت سيسكو وقررت ابدء ccna ولقيت كورسات كتير هايلة بس انا قررت احضر ي سنتر
اولا عشان شهادات الحضور ثانيا عشان يكون فيه محاضر قدامي اقدر اسئله في اي حاجة وقفت معايا
فا سمعت ان السنترات تعطي شهادة حضور عادية معتمدة ومختومة باسم السنتر بس
وبعدين لقيت سنتر معتمد من سيسكو وقال انه بيديني اربع شهادات مش واحدة
والشهادات دي معتمدة من سيسكو نفسها طبعا دا غير الامتحان الدولي
وقال ان دي افضل من شهادات الحضور اسمها شهادة اجتياز المستوي
لان الكورس تقريبا مقسم لاربع مستويات وكل ما اخلص مستوي
بمتحن ولو نجحت باخد شهادته ولو كملت في المجمل 75% باخد خطاب شكر من سيسكو مع الاربع شهادات
فا اول سؤال عايز اعرف هل فعلا في فرق بين الدراسة الاكاديمية وبين الكورسات العادية وايه ميزة الشهادات دي عن شهادات الحضور
تاني سؤال هل الشركات ممكن تقبلني بالشهادات دي لمدة مؤقتة لو مقدرتش ادخل الامتحان
تالت سؤال اذا اجتهدت احتاج مدة اد ايه عشان اقدر ادخل سوق العمل
رابع سؤال هل اصلا كورس ccna كافي اني اشتغل لحد ما اخد ccnp
واسف اني طولت في الكلام بس انا لسه جديد ومش فاهم وحسيت ان المنتدي فيه ناس ممتازة هتقدر تساعدني
وربنا يجازي كل واحد هيساعدني خير وشكرا
التعديل الأخير تم بواسطة Mohamed Zayn ; 17-02-2017 الساعة 13:01
رد مع اقتباس
المفضلات