تعرف على طريقه مجربه لشراء كارت شاشه بسعر رخيص

[N3V3RMiND.2016]

بسم الله الرحمن الرحيم

اخواتى الكرام انا لى مده احاول شراء كارت شاشه نظرا للأسعار الفاحشه فكنت ابحث عن افضل كارت بأرخص سعر.
و لذلك بحثت فى كل الخيارات المتاحه و فى النهايه قررت الشراء من الخارج عن طريق موقع امازون لأنى وجدت فرصه جيده فى شراء كارت متوسط بسعر رخيص او على الاقل ارخص كثيرا من السعر فى السوق المصرى و اردت ان اشارككم هذه الطريقه لعلها تنفع احد الباحثين عن كارت شاشه خاصه فى الوقت الحالى حيث زاد سعر الجنيه قليلا امام سعر الدولار ليسجل الدولار اليوم 20 فبراير حوالى 15.77 جنيه!

و هنا سوف اقوم بشرح مفصل لطريقه الشراء و لكن الطريقه هى عن طريق شركة (ادفعلى) و هى شركه وسيطه تقوم بشراء اى سلعه تريدها من الانترنت و تقوم بتوصيلها الى بيتك حيث انهم يقوموا بالتخليص الجمركى و لذلك باستخدام هذه الطريقه يتوجب عليك فتح حساب على موقع ادفعلى(فقط فى حالة الشراء و لكن يمكنك معرفه السعر الكامل بالجنيه للسلعه التى ترغب فى شرائها دون فتح حساب و الطريقه فى الشرح التالى) و فتح الحساب طبعا مجانى بلا اى مصاريف و هو تسجيل عادى مثل اى موقع.

الى الشرح:
شركة ادفعلى تقوم يوميا بعمل عروض توفير على صفحة موقعهم الرسمى فحاول ان تشترى ما تحتاج عند عرضهم عرض مميز و سوف اوضح كيف يمكنك اقتناص افضل فرصه:

كمثال اليوم 20 فبراير يوجد عرض بعدم دفع رسوم مصاريف ادفعلى و التى تحصلها مقابل خدماتها فى شراء طلباتك حيث ان الرسوم التى تتقاضاها ادفعلى هى نسبه 14% (14 بالمئه) من قيمة السلعه التى ترغب فى شرائها و هنا شرح بالصور:



فاللاستفاده من ذلك العرض على سبيل المثال فقط قم بنسخ الكود فى المربع ثم اضغط فى الاعلى على (عربة التسوق)
الان اذهب الى صفحة السلعه التى ترغب فى شرائها (او مجرد لمعرفة سعرها الكامل بالجنيه المصرى دون شرائها) و قم بنسخ لينك صفحة السلعه وكمثال:


تأكد من مواصفات الكارت و هو هنا Boost Clock 1430MHz

بعد نسخ لينك الصفحه قوم بالذهاب الى عربة التسوق فى موقع ادفعلى و ضع رابط امازون فى المربع كما فى الصوره:



بعد الضغط على (اضف منتج) ستظهر لك سعر السلعه بالتفصيل و بالجنيه المصرى ايضا حسب سعرالدولار لكل يوم فالسعر طبعا غير ثابت:



الان كل ما عليك عمله هو ادخال كود الخصم الذى قمت بنسخه من الصفحه الرئيسيه فى موقع ادفعلى و اضغط على تطبيق.

و الان شرح تفصيلى للسعر:
1-سعر الكارت على موقع امازون.

2- ضريبة المبيعات على الجمارك و هى نسبه 13% من سعر الكارت تقوم بتحصيلها هيئة الضرائب المصريه و يجب توضيح ان منتجات الكمبيوتر لا يوجد عليها (جمارك) فهناك جمارك يتم تحصيلها من هيئة الجمارك المصريه تطبق على السلع التى تأتى من الخارج و قيمتها تختلف حسب نوع كل سلعه, و هناك ضرائب على الجمارك يتم تحصيلها من هيئة الضرائب المصريه و لكن الميزه هنا ان منتجات الكمبيوتر لا يوجد عليها جمارك حيث انك سوف تقوم بدفع ضرائب فقط.

3- رسوم خدمة ادفعلى و هى 14% من سعر الكارت (تم خصمها بالكامل عن طريق العرض بمجرد ادخال كود العرض و الضغط على تطبيق)

4- الشحن الدولى هو حسب وزن الكارت و يمكنك معرفة الوزن فى موقع امازون بالنزول اسفل فى صفحة الكارت ستجد من ضمن خصائص الكارت يوجد الوزن و يتم دفع 10 دولار على كل نصف كيلو و وزن الكارت هنا هو 1 كيلو و لكن حساب الشحن لا يتم توضيحه الا فى حالة تسجيلك فى موقع ادفعلى و شروعك فى الشراء و لكن الوزن معروف هنا عن طريق امازون و هو 1 كيلو. اذا سيتم اضافه 20 دولار على القيمه الاجماليه الظاهره.

5- تم توضيحها و هى كود الخصم الخاص بالرض اليومى على موقع ادفعلى.

6- سعر الصرف الظاهر لا يتم الاخذ به فهو دائما خاطئ و اذا قمت بحساب سعر الصرف الظاهر فى اجمالى السعر للكارت بالدولار ستجد انه يختلف عن السعر الاجمالى بالجنيه المصرى و هنا مثلا :
16.99x158.19 = 2687.6 يعنى سعر الصرف المذكور هو خاطئ حيث يؤخذ فقط بالسعر الاجمالى الظاهر.

و يجب ملاحظة مهمه هنا و هى ان شركة ادفعلى تقوم بمحاسبتك بسعر دولار اعلى من السعر الرسمى دائما و لكن ايضا سيختلف سعر الدولار على حسب طريقة دفعك للاجمالى المطلوب فالطرق كاتالى:
يمكنك الدفع عن طريق خدمة فورى او عن طريق ايداع بنكى او ان تطلب محصل يأتى الى بيتك (خدمة المحصل مجانيه و لكنه قد يتأخر لعدة ايام) او عن طريق البطاقات الائتمانيه Credit cards

فى حالة دفعك عن طريق فورى او ايداع بنكى(بالجنيه المصرى) او عن طريق المحصل سيتم محاسبتك بأعلى قيمه للدولار و هى القيمه المذكوره هنا بالجنيه المصرى.
اما اذا قمت بالدفع عن طريق اى بوابه دوليه مثلا بالبطاقه الائتمانيه سيتم محاسبتك بأقل قيمه للدولار (اقرب قيمه للسعر الرسمى) يعنى هاتوفر اكتر من المبلغ المذكور.

شخصيا عند شرائى قمت بالدفع عن طريق فورى و انت تدفع فقط القيمه الظاهره امامك مع ملحوظه هامه جدا جدا ان القيمه الظاهره بالجنيه ستتغير يوميا بتغير سعر الجنيه مقابل الدولار.
اخيرا انت لا تقوم بدفع سعر الشحن الدولى الا بعد وصول المنتج الى مصر و لذلك سنقوم باضافة سعر الشحن الدولى(1 كيلو ب20 دولار) الى الاجمالى الظاهر و الذى هو 158.19 فيكون اجمالى سعر الكارت حتى وصوله اليك 178.19 دولار
اى يعادل اجمالى تماما 3062 جنيه مصرى!!
و الان لنقارن هذا السعر بالسعر المحلى فالكارت المتوفر فى السوق المصرى حاليا من نفس النوع هو :ZOTAC GeForce GTX 1050 Ti Mini 4GB GDDR5


مع العلم للأسف ستجد بعض الشركات تقوم بعرض كروت على موقع اسعار مصر بسعر رخيص و لكن هذا ليس سعر الكارت الحقيقى!!
نعم لقد قمت بالاتصال باحدى الشركات من يومين لسؤالهم عن كارت شاشه GTX 1050Ti النسخه اللى بمروحتين و كان معروض بسعر 3500 جنيه فقط على موقع اسعار مصر و كما توقعت قالى السعر ده للكارت لما تشتريه مع جهاز كامل!!
لكن لو عايز تشتريه لوحده يبقى السعر 3700 جنيه!

رساله للسوق المصرى انا اشتريت الكارت من الخارج و وفرت 700 جنيه! شكرا لتعاونكم

فقط ملحوظه الكارت فى المثال ليس الكارت الذى قمت بشرائه انا استفدت من عرض على موقع ادفعلى من عدة ايام(العرض كان خصم الشحن الدولى و ايضا خصم رسوم خدمة ادفعلى) و اشتريت الكارت :
(Gigabyte Geforce GTX 1050 Ti 4GB OC Graphic Card Black (GV-N105TOC-4GD

و دفعت اجمالى 2960 جنيه(متضمن مصاريف خدمة فورى) الكارت ما زال فى الطريق ادامه حوالى اسبوعين او 3 للوصول.
(بالمبلغ ده تشترى من السوق المصرى فقط الكارت (GTX 1050) و النسخه هاتكون غير مكسوره السرعه.


و طبعا كما هو واضح العروض تجدد يوميا على موقع ادفعلى و لكن لاحظ انك لن تستفيد من اى عرض يخصم الجمارك لأنه لا توجد جمارك على منتجات الكمبيوتر من الاساس و لكن لو فيه عروض خصم على الضرائب سوف تستفيد منها.
اخيرا وجب التنويه ان الكارت سيكون بلا ضمان لانه وارد الخارج (الضمان دولى اذا كانت الشركه المنتجه توفر ضمان للمنتج)!

اى حد ليه استفسار اهلا و سهلا بيك الموضوع معمول اساسا من اجل المساعده.

[Eslam Mohamd]

الف مبروك اخى الكريم وربنا يباركلك فيه وتتهنى بيه يارب وشكرا على الشرح الرائع والمميز انا برده عملت كده لما جيت اشترى الكارت بس اشتريت مباشر من امازون ووصلنى من خلال ارامكس من غير مادفع مصاريف زيادة لان المنتج ده كان بيتشحن لمصر مباشر ولما حسبتها مع ادفعلى لاقيت نفسى هدفع بالزيادة برده مش هوفر حاجه فدفعت مباشر لأمازون والكارت وصلنى فى خلال 10 ايام والحمد لله مفيش فيه مشاكل بالعكس حتى لو مفيش ضمان امازون لوحده ضمان لانها معروفة على مستوى العالم ونصيحة للى عاوز يشترى يعمل مقارنة الأول ويشوف الأسعار والتكلفة هتبقى زى ماهتشتريه من مصر ولا لا
وشكرا ليك مرة تانيه أخى الكريم

[abdalhaliem]

شكرا جزيلا لك أخى الفاضل

لتقديم وشرح تلك التجربه

لعلها تكون مفيده للأخوه هنا

كما أنى أقدم لك التهنئه بالكارت الجديد

وطمنا عند وصوله

تحياتى لك أخى الفاضل

ومبروك مره أخرى على الكارت

[roby2010]

شكراً اخي العزيز على الشرح الوافي وهيوفر على ناس كثير فعلاً
لكن لي اقتراح اخر وهو طالما المنتج امازون بيقوم بشحنه لمصر فالافضل الشرا عن طريق امازون على طول وتوفير الـ13% نسبة ادفعلي وتوفير الوقت الكبير اللي بياخده ادفعلي علشان يوصلك المنتج
غير ان في عيب في ادفعلي رخم جداً وهو ان لو مثلاً في عرض مع كارت لعبة مجانية للاسف الشديد ادفعلي مش بتبعتلك الكود بتاعها وهما فعلاً كاتبين كدة في القوانين بتاعتهم ودة عيب في نظري كبير لأن اغلب البطاقات المتوسطة والعليا بيبقى معاها اكواد للالعاب

[phenomenon]

تجربه ممتازه لعلها وسيله ارخص بالنسبالنا لكن ما هو السبب في عدم وجود ضمان للكارت ؟

[roby2010]

تجربه ممتازه لعلها وسيله ارخص بالنسبالنا لكن ما هو السبب في عدم وجود ضمان للكارت ؟

ومين قال ان مفيش ضمان؟
بالعكس الضمان موجود من الشركة المصنعة والمدة حسب كل شركة
الفكرة فقط في تكاليف شحن القطعة للضمان في بلده بيبقى حوالي ظ¦ظ  او ظ§ظ  دولار على ما اتذكر
احيانا الضمان بيرجعهم واحيانا لا
وطبعا بتاخد حقك كامل بنفس القيمة اللي دفعتها بدون اي تخصيم زي ما بيحصل عندنا
المهم يكون معاك العلبة بتاعت القطعة ويا حبذا لو معاك الفاتورة

[Eslam Mohamd]

تجربه ممتازه لعلها وسيله ارخص بالنسبالنا لكن ما هو السبب في عدم وجود ضمان للكارت ؟

لا بيبقى فى اخى الكريم بس الى بيشترى مش بيبقى واخد باله منها قبل مابتضيف السلعة على امازون فى خيار بيقولك include 2 years protection وبتدفع عليه مثلا 10 دولار او ممكن زيادة حسب المنتج المعروض بس هو مش مهم اوى لان فى إمكانية انك ترجع السلعة لو فيها عيب فى خلال شهر تقريبا بس الشحن لامريكا بيبقى على حساب المشترى وبيرجعوا يشحونها تانى لما يتأكدوا ان فعلا السلعة فيها عيب بس غالبا مش بيحصل لانها بتكون جديدة والبائع بيكون امازون نفسه

[phenomenon]

واخد بالي يا جماعه جزاكم الله كل خير لكن صاحب الموضوع أشترط في تجربته تنويهه بعدم وجود ضمان فأنا عاوز أتأكد منه عن السبب

اخيرا وجب التنويه ان الكارت سيكون بلا ضمان لانه وارد الخارج!

[N3V3RMiND.2016]

واخد بالي يا جماعه جزاكم الله كل خير لكن صاحب الموضوع أشترط في تجربته تنويهه بعدم وجود ضمان فأنا عاوز أتأكد منه عن السبب

منورنى والله اخى ابراهيم.
انا اللى اقصده انه ضمان دولى و فى الحاله دى مش كل الشركات بتضمن منتجاتها على حسب علمى و عشان كده كتبت التنويه عشان لو فى حد فاكر ان فى ضمان محلى ممكن يستفيد منه يبقى عارف انه دولى فقط.
ده غير ان فى حاجه انا مش فاهمها على موقع امازون فى خيار لزياده السعر بمبلغ من اجل حمايه الكارت لو حد ممكن يقولنا هو ده الضمان و لا ايه؟



تعديل:

لا بيبقى فى اخى الكريم بس الى بيشترى مش بيبقى واخد باله منها قبل مابتضيف السلعة على امازون فى خيار بيقولك include 2 years protection وبتدفع عليه مثلا 10 دولار او ممكن زيادة حسب المنتج المعروض بس هو مش مهم اوى لان فى إمكانية انك ترجع السلعة لو فيها عيب فى خلال شهر تقريبا بس الشحن لامريكا بيبقى على حساب المشترى وبيرجعوا يشحونها تانى لما يتأكدوا ان فعلا السلعة فيها عيب بس غالبا مش بيحصل لانها بتكون جديدة والبائع بيكون امازون نفسه

لم الاحظ ردك اخى الفاضل كده اتضحت الرؤيا الضمان هو بمبلغ اضافى جزاك الله خير.

الف مبروك اخى الكريم وربنا يباركلك فيه وتتهنى بيه يارب وشكرا على الشرح الرائع والمميز انا برده عملت كده لما جيت اشترى الكارت بس اشتريت مباشر من امازون ووصلنى من خلال ارامكس من غير مادفع مصاريف زيادة لان المنتج ده كان بيتشحن لمصر مباشر ولما حسبتها مع ادفعلى لاقيت نفسى هدفع بالزيادة برده مش هوفر حاجه فدفعت مباشر لأمازون والكارت وصلنى فى خلال 10 ايام والحمد لله مفيش فيه مشاكل بالعكس حتى لو مفيش ضمان امازون لوحده ضمان لانها معروفة على مستوى العالم ونصيحة للى عاوز يشترى يعمل مقارنة الأول ويشوف الأسعار والتكلفة هتبقى زى ماهتشتريه من مصر ولا لا
وشكرا ليك مرة تانيه أخى الكريم

الله يبارك فيك اخى العزيز نورتنى بالنسبه للتوصيل هى المفروض تكون فى خلال من عشر ايام الى اسبوعين تقريبا او حتى اقل لكن فى كتير من المتعاملين مع ادفعلى وضحوا ان المده ربما تستغرق 3 اسابيع.

شكرا جزيلا لك أخى الفاضل
لتقديم وشرح تلك التجربه
لعلها تكون مفيده للأخوه هنا
كما أنى أقدم لك التهنئه بالكارت الجديد
وطمنا عند وصوله
تحياتى لك أخى الفاضل
ومبروك مره أخرى على الكارت

الله يبارك فيك اخى عبد الحليم شرفتنى بوجودك و ان شاء الله لما يوصل هاحاول اعمل مراجعه للمنتدى على عدة العاب مختلفه.

شكراً اخي العزيز على الشرح الوافي وهيوفر على ناس كثير فعلاً
لكن لي اقتراح اخر وهو طالما المنتج امازون بيقوم بشحنه لمصر فالافضل الشرا عن طريق امازون على طول وتوفير الـ13% نسبة ادفعلي وتوفير الوقت الكبير اللي بياخده ادفعلي علشان يوصلك المنتج
غير ان في عيب في ادفعلي رخم جداً وهو ان لو مثلاً في عرض مع كارت لعبة مجانية للاسف الشديد ادفعلي مش بتبعتلك الكود بتاعها وهما فعلاً كاتبين كدة في القوانين بتاعتهم ودة عيب في نظري كبير لأن اغلب البطاقات المتوسطة والعليا بيبقى معاها اكواد للالعاب

هو للأسف الشحن من امازون بيكون عن طريق شركة اراميكس و هما ممتازين حسب واحد قريبى اشترى من امازون قبل كده(لم يشترى شئ خاص بالكمبيوتر) لكنه اكدلى انه تفاجئ من المبلغ اللى بتتقاضاه اراميكس فى الشحن الدولى و انا فاكر انى فعلا بحثت عن مصاريف الشحن فى اراميكس و وجدتها مرتفعه جدا عن ادفعلى.
و كلامك صحيح بخصوص ان ادفعلى كاتبين فى القوانين انهم لا يضمنوا توصيل الالعاب المجانيه التى تأتى مع الكروت و لكن الكارت اللى اشتريته لا يوجد معه العاب.
بالنسبه لل13 % انا لم ادفعهم يا اخى العزيز بسبب الخصم الذى تم تطبيقه حتى فى المثال الذى قمت بشرحه الكود الذى تم استخدامه قام بخصم كامل قيمة خدمة ادفعلى و انا شخصيا استفدت بعرض مكنى من دفع فقط سعر الكارت على امازون + الضرائب فقط لا غير حيث تم خصم حتى الشحن الدولى!

[phenomenon]

ألف مبروك لك تتهني بيه إن شاء الله

[hamdy1959]

شكرا على هذه المعلومات

[roby2010]

هو للأسف الشحن من امازون بيكون عن طريق شركة اراميكس و هما ممتازين حسب واحد قريبى اشترى من امازون قبل كده(لم يشترى شئ خاص بالكمبيوتر) لكنه اكدلى انه تفاجئ من المبلغ اللى بتتقاضاه اراميكس فى الشحن الدولى و انا فاكر انى فعلا بحثت عن مصاريف الشحن فى اراميكس و وجدتها مرتفعه جدا عن ادفعلى.
و كلامك صحيح بخصوص ان ادفعلى كاتبين فى القوانين انهم لا يضمنوا توصيل الالعاب المجانيه التى تأتى مع الكروت و لكن الكارت اللى اشتريته لا يوجد معه العاب.
بالنسبه لل13 % انا لم ادفعهم يا اخى العزيز بسبب الخصم الذى تم تطبيقه حتى فى المثال الذى قمت بشرحه الكود الذى تم استخدامه قام بخصم كامل قيمة خدمة ادفعلى و انا شخصيا استفدت بعرض مكنى من دفع فقط سعر الكارت على امازون + الضرائب فقط لا غير حيث تم خصم حتى الشحن الدولى!

مبلغ الشحن ملهوش اي علاقة بشركة الشحن ولكن اللي بيحدد دة بيبقى أمازون نفسها ولو في اي زيادات بعد السعر اللي كاتباه امازون هما اللي بيتحملوه بل بالعكس لو في اي مبلغ فاض بعد الجمارك بيرجعوه ليك اوتوماتيك بعد ما يوصلهم وصل الجمارك ودي حصلت مع ناس كثير اعرفهم
وللعلم امازون مش بتشحن مع اراميكس فقط
امازون بتتعامل مع DHL كمان وانا شخصياً جالي اوردرات كثير من الاتنين بس كان الاغلب هو DHL
هما عندهم سرعة كبيرة في توصيل الاوردر حوالي 3 ايام من تاريخ استلامهم للاوردر من امريكا ولكن اهتمامهم بالمنتج بيكون اقل شوية وفي بعض الاحيان العلبة بتبقى جاية مخبوطة او متنية ولما ببعت لامازون بيرجعولي فلوس الشحن كاملة
اراميكس ابطأ شوية في التوصيل ولكن اهتمامهم بالحاجة اللي بتيجي من برة بيكون اكبر والحاجة بتيجي كأنك شاريها من مصر بعلبتها مفيهاش خدش

[N3V3RMiND.2016]

مبلغ الشحن ملهوش اي علاقة بشركة الشحن ولكن اللي بيحدد دة بيبقى أمازون نفسها ولو في اي زيادات بعد السعر اللي كاتباه امازون هما اللي بيتحملوه بل بالعكس لو في اي مبلغ فاض بعد الجمارك بيرجعوه ليك اوتوماتيك بعد ما يوصلهم وصل الجمارك ودي حصلت مع ناس كثير اعرفهم
وللعلم امازون مش بتشحن مع اراميكس فقط
امازون بتتعامل مع DHL كمان وانا شخصياً جالي اوردرات كثير من الاتنين بس كان الاغلب هو DHL
هما عندهم سرعة كبيرة في توصيل الاوردر حوالي 3 ايام من تاريخ استلامهم للاوردر من امريكا ولكن اهتمامهم بالمنتج بيكون اقل شوية وفي بعض الاحيان العلبة بتبقى جاية مخبوطة او متنية ولما ببعت لامازون بيرجعولي فلوس الشحن كاملة
اراميكس ابطأ شوية في التوصيل ولكن اهتمامهم بالحاجة اللي بتيجي من برة بيكون اكبر والحاجة بتيجي كأنك شاريها من مصر بعلبتها مفيهاش خدش

شكرا جزيلا على المعلومات بس انا عندى شوية استفسارات:
1- هل يوجد طريقه للدفع على امازون غير البطاقه الائتمانيه؟
2- هل يمكن دفع مبلغ اعلى من 100 دولار (لأن كان فى ناس اكدت ان فى قرار بمنع دفع اكثر من 100 دولار) للشراء من الخارج.
3- لو ممكن اخى العزيز تعملنا شرح يوضح طريقه الشراء من امازون بشكل عملى عشان نقدر نحدد فرق السعر هل هو افضل ام لا؟
4- ممكن توضحلنا ما هى مصاريف الشحن من امازون بما انك اتعاملت معاهم و لك جزيل الشكر.
او اى حد اتعامل مع امازون لو ممكن يكون فى توضيح للموضوع ده بشكل عملى (فى ناس كتير هاتستفيد و هاتدعيلك )

و اخيرا دى اول مره اتعامل فيها مع ادفعلى فا ان شاء الله بعد وصول الكارت هاعمل تحديث يوضح التجربه كامله بمميزاتها و عيوبها.
بس طبعا فى ميزه حاليا و هى انى دفعت فقط سعر الكارت على امازون و ضريبة المبيعات على الجمارك فقط و لم ادفع شحن دولى و لا رسوم خدمه بس طبعا دا كان عرض من كام يوم على ادفعلى و احتمال فى المستقبل يظهر عرض ايضا مماثل لكن زى ما قولت انا هاحكم على التجربه كامله بلا اى مجامله.

[roby2010]

شكرا جزيلا على المعلومات بس انا عندى شوية استفسارات:
1- هل يوجد طريقه للدفع على امازون غير البطاقه الائتمانيه؟
2- هل يمكن دفع مبلغ اعلى من 100 دولار (لأن كان فى ناس اكدت ان فى قرار بمنع دفع اكثر من 100 دولار) للشراء من الخارج.
3- لو ممكن اخى العزيز تعملنا شرح يوضح طريقه الشراء من امازون بشكل عملى عشان نقدر نحدد فرق السعر هل هو افضل ام لا؟
4- ممكن توضحلنا ما هى مصاريف الشحن من امازون بما انك اتعاملت معاهم و لك جزيل الشكر.
او اى حد اتعامل مع امازون لو ممكن يكون فى توضيح للموضوع ده بشكل عملى (فى ناس كتير هاتستفيد و هاتدعيلك )

و اخيرا دى اول مره اتعامل فيها مع ادفعلى فا ان شاء الله بعد وصول الكارت هاعمل تحديث يوضح التجربه كامله بمميزاتها و عيوبها.
بس طبعا فى ميزه حاليا و هى انى دفعت فقط سعر الكارت على امازون و ضريبة المبيعات على الجمارك فقط و لم ادفع شحن دولى و لا رسوم خدمه بس طبعا دا كان عرض من كام يوم على ادفعلى و احتمال فى المستقبل يظهر عرض ايضا مماثل لكن زى ما قولت انا هاحكم على التجربه كامله بلا اى مجامله.

1- للاسف الطرق المتاحة فقط هي الدفع بالفيزا
2- طالما البنك اللي انت بتتعامل معاه فاتح الليميت للشراء من الخارج فمفيش حاجة اسمها 100 دولار فقط ( مثلاً بنك CIB اللي بتعامل معاه عامل الليميت على الكريدت كارد الجولد 150.000 جنيه مصري وما يعادلها بالدولار شهريا )
3- هحاول ان شاء الله اعمل شرح قريب واحط فيه الطريقة بالظبط
4- مصاريف الشحن بتختلف من سلعة لاخرى فمفيش سعر محدد وبتبقى على حسب وزن السلعة نفسها فممكن تلاقي سلعة الشحن فيها 20 دولار وسلعة تانية 50 دولار وسلعة تالتة 100 دولار

انا اتعاملت مع ادفعلي كثير وعارفهم كويس وكانوا زمان بيعملوا عروض كويسة جداً لدرجة اني جبت عن طريقهم مرة كارت GTX970 نسخة EVGA SSC ووقفت عليا ساعتها بحوالي 2000 جنيه برغم ان سعرها في السوق جديد وقتها كان 3500 جنيه
ولكن دلوقتي الكلام دة كله مبقاش موجود حتى وقت العروض الكبيرة