ماعنديش خبره فنيه لكن الترانس بيطلع9V-800mA وماتور اللعبه بحجرين قلم عادى فمن هنا اعتقد مافيش توافق ....ايه الغرض من تشغيل الماتور ؟ جايز يكون هناك بديل عند احد الاخوه
انا عندي ترانس الراوتر القديم و عاوزة اوصله بمحرك موتور اخدته من عربيه كانت بتشتغل بحجارتين ، ودا اللي مكتوب علي الترانس
LEADER ELECTRONICS INC I.T.E. POWER SUPPLY MODEL : A41090080-C5 INPUT : 220-240V-50Hz 90mA OUTPUT : 9V-800mA (E)
فيه حد يقدر يفدني اني اتاكد اذا كان ينفع الموتور بالطريقه دي يشتغل بالترانس دا بدل الحجارة و لا لقه
ماعنديش خبره فنيه لكن الترانس بيطلع9V-800mA وماتور اللعبه بحجرين قلم عادى فمن هنا اعتقد مافيش توافق ....ايه الغرض من تشغيل الماتور ؟ جايز يكون هناك بديل عند احد الاخوه
عندي مضرب نسكافيه بحجارتين و خليته يشتغل بال usb علي اللاب توب و دا بيخليني اشغل الاب مخصوص
فقولت استفسر لو عاوزة اخليه بالكهرباء عن طريق شاحن موبايل او عن طريق اي ترانس اجيبه كام فولت ليه
يعني لو شاحن بيطلع 5 فولت كويس لو وصلته بالموتور و لا كتير عليه
مفيش مشكله هيشتعل بس المفروض هتجيب ترنس متعدد من 1.5فولت الى 12 فولت
ةتركب عليه اى حاجه انت عايزة وتوفر الحجارة
المتور بيشتغل ب3 فولت ووهيستحمل لحد 6فولت بس 9كتير عليه هيرحق ملفته فى وقت قصير
تحياتى لك
شكرا علي مساعدتك و ردك السريع و توصيلك المعلومه بطريقه استوعبها
بس للتاكيد اللينك ادناه فيه صورة الموتور اللي بداخل مضرب النسكافيه عاوزة اتاكد ان هو دا اللي بيشتغل ب 3 فولت
https://m.aliexpress.com/s/item/32467995097.html?trace=wwwdetail2mobilesitedetail& productId=32467995097&productSubject=A13-1-pcs-High-Quality-1V-6V-DC-Hobby-Motor-Type-130-Micro-Motor-Toy-Motor&spm=2114.51010208.4.96.0tVuex
هتعبك بس عاوزة اتاكد عشان الموتور اللي باللينك هو اللي بداخل المضرب
التعديل الأخير تم بواسطة nancyنانسي ; 23-02-2017 الساعة 13:30
الترانس بيخرج 9 فولت و الماتور بيشتغل على 3 فولت فقط(الحجر القلم الواحد بيخرج 1.5 فولت يعنى حجارتين قلم بيخرجو 3 فولت) يبقى الترانس غير مناسب للماتور لو تم توصيل الماتور بالترانس ده الماتور هايشتغل بسرعه كبيره جدا و هايسخن فى وقت قصير و هايتحرق و ممكن ما يشتغلش من الاساس.انا عندي ترانس الراوتر القديم و عاوزة اوصله بمحرك موتور اخدته من عربيه كانت بتشتغل بحجارتين ، ودا اللي مكتوب علي الترانس
LEADER ELECTRONICS INC I.T.E. POWER SUPPLY MODEL : A41090080-C5 INPUT : 220-240V-50Hz 90mA OUTPUT : 9V-800mA (E)
فيه حد يقدر يفدني اني اتاكد اذا كان ينفع الموتور بالطريقه دي يشتغل بالترانس دا بدل الحجارة و لا لقه
الماتور اللى فى اللينك مكتوب فى المواصفات انه بيشتغل على 6 فولت و الUSB اصلا بيخرج 5 فولت يعنى الماتور لو كان شغال على الUSB فمفيش مشاكل اطلاقا.
لو الماتور هو فعلا اللى فى اللينك يبقى اى شاحن 5 فولت هايشغله لان الماتور 6 فولت و لكن فى حل ممتاز جدا و هو ان حضرتك تشرى شاحن موبايل بيحول من 220-230 فولت اللى هى الكهربا العاديه فى البيت الى 5 فولت و لكن الميزه انه بيخرج مش بسلك و انما بيخرج USBعندي مضرب نسكافيه بحجارتين و خليته يشتغل بال usb علي اللاب توب و دا بيخليني اشغل الاب مخصوص
فقولت استفسر لو عاوزة اخليه بالكهرباء عن طريق شاحن موبايل او عن طريق اي ترانس اجيبه كام فولت ليه
يعني لو شاحن بيطلع 5 فولت كويس لو وصلته بالموتور و لا كتير عليه
انا عندى واحد و الميزه هنا ان حضرتك تقدرى توصلى الماتور بالUSB وقت ما تحتاجى و تقدرى توصليه على الكهربا وقت ما تحتاجى و دى صور للتوضيح :
طب في حاله ابقاء usb لاعطاء مساحه اكبر فاستخدامه علي الاب او كهرباء هل استطيع توصيله بشاحن نوت 3 و لا الشاحن يتلف
ام الافضل توصيله بشاحن الفولت الخاص بيه اقل من الفولت الخاص بشاحن النوت للحفاظ علي كلا من الموتور و الشاحن
حسب موقع سامسونج مواصفات شاحن النوت 3 هى انه بيدخل 5 فولت (شاحن الUSB) و بيخرج 4.35 فولت يعنى مناسب للموتور اللى هو 6 فولت بلا مشاكل و لاكن يفضل للاحتياط شراء شاحن زى اللى تم توضيحه فى الصوره و هو مش هايكون بأكثر من 25 جنيه اى شاحن صينى عادى جدا زى اللى فى الصور.
اشكركم جميعا للاهتمام و المساعدة و توصيل المعلومه بطريقه سهله ليا
بناء على طلب صاحب الموضوع
تم فتح الموضوع مره أخرى
عدم توافر محول حاليا لاعطائي 3 فولت هل بامكاني ربط موتورين معآ فولت كل واحد 3 ليتم استخدام شاحن 5 فولت
حد يعرف فيه امكانيه ربط موتورين ببعض كل واحد منهم 3 فولت ازاي
الماتور بيبقى فيه وصلتين بس في شئ مهم يجب توضيحه اولا
و هو ان الكهربا بتبقى نوعين نوع اسمه DC و هى اختصار ل(Direct Current) او التيار المباشر
و دى اللى الماتور ده بيشتغل عليها و النوع ده ببساطه اتجاه الاسلاك اثناء التوصيل مهم لأنه هايفرق فى اتجاه دوران الموتور نفسه يعنى لو الموتور خارج منه سلكين واحد احمر والتانى ازرق فوصلت السلك الاحمر بالطرف السالب فى البطاريه (-) و السلك الازرق فى الطرف الموجب للبطاريه (+) لو الموتور فى الحاله دى بدأ يلف فى اتجاه عقارب الساعه مثلا يبقى لو انا عكست السلكين و وصلت الازرق بالطرف السالب(-) و الاحمر بالطرف الموجب فى البطاريه اللى هايحصل ببساطه ان الموتور هايلف العكس يعنى عكس عقارب الساعه.
يبقى السؤال هنا هل حضرتك محتاجه الموتورين يلفوا فى نفس الاتجاه زى بعض؟ لو نعم يبقى حضرتك بتوصلى الطرفين الموجب(+) فى كلا الموتورين مع بعض و بتوصليهم فى البطاريه و الطرفين السالبين(-) للمتورين يتم توصيلهم مع بعض و يتم توصيلهم فى الطرف الاخر للبطاريه.(سواء بطاريه او شاحن فوظيفة الشاحن هى فى الاساس تحويل التيار من نوع AC الى DC و ايضا تقليل الفولت من 230 فولت الى اى فولت مناسب حسب الشاحن.) طيب فى حالة الشاحن هاعرف ازاى الطرف الموجب من السالب لو مش مكتوب على الشاحن يبقى عن طريق التجربه اوصل موتور بخرج الشاحن مره بتوصيل الاسلاك فى اتجاه لو الموتور ملفش فى الاتجاه المطلوب يبقى اعكس اتجاه توصيل الاسلاك.
و صوره للتوضيح:
و فقط بس للتوضيح كمعلومه النوع التانى من الكهربا اسمها AC و هى اختصار ل(Alternative Current) يعنى التيار المتردد و هو الموجود فى البيت فى الكهربا فى البيوت و الشوارع و هو بيكون اتجاه توصيل الاسلاك فيه مش بيفرق يعنى انا لما اوصل اى جهاز عندى فى البيت فى الكهربا مش بهتم اطلاقا هل انا بوصل الفيشه سالب و لا موجب لأنه لا يوجد سالب و لا موجب يعنى لو بوصل مثلا كمبيوتر و طبعا يوجد طرفين انا مش بشوف انا هاوصل الفيشه فى البريزه اللى فى الكهربه فى اى اتجاه لأنها هاتشتغل على الاتجاهين يعنى لو فى طرف ازرق و طرف احمر سواء وصلت الطرف الازرق فى الفتحه العلويه من البريزه و الاحمر فى افتحه السفليه و الجهاز اشتغل بردو هايشتغل عادى جدا لو و صلت العكس.
المفضلات