طلب تسعير جهاز بغرض البيع

[memooalaa]

أرجو من حضارتكم تسعير جهازى المستعمل لغرض البيع ولكم خالص الشكر وهذه مكوناته :

AMD phenom ii x4 955 (3.2 gh

silver stone 500w 80plus

Kingston -KVR1333D3N9 - 1333MHz DDR3 DIMM 4 gb - 2*2


ASUS M4A88T-M/USB3

SAMSUNG DVDR

SAMSUNG HD503HI ATA Device 500GB 16MB SATA

JAGUAR CASE الباور سبلاى متغير طبعا باللى مكتوب بالاعلى


اسف لو الموضوع مكتوب بطريقة غير منظمة ومستنى ردودكم ونصيحتكم فى البيع علما بان الكيسة بحالة ممتازة ولم تظهر اى مشاكل بأى قطعة من القطع

[memooalaa]

بقالى حوالى 3 ايام حاطط الموضوع ومفيش أى ردود بالرغم من كثرة المشاهدات هل فيه اى مشكلة فى الموضوع أو أى حاجة مش واضحة ؟

[phenomenon]

يا اخي الفاضل والله العظيم ما احنا تجار و مع ذلك مش بنتأخر في الرد عليكوا بخصوص التسعير
لكن عدم الرد معناه احيانا عدم القدره على معرفة او تحديد السعر للقطع و عشان منظلمكشي
يمكن متابعين اسعار تجميعات انتل بشكل افضل

طيب ممكن نقول الاتي مع اني مش واثق و مش متاكد

معالج AMD Phenom IIX4 955 ممكن يوصل لنفس سعر C2Q 9550 و مشعارف سعره حالياً كام

الباور سبلاي لو حالته كويسه و منهج جديد ATX 2.1V أو أعلى ممكن 400 جنيه بصراحه مش متأكد لأنه عمره ما نزل مصر

اللوحه الأم ممكن 500 جنيه

مقدرشي احدد الباقي

الحل الوحيد لتحديد السعر انتظر ردود اخرى او تابع قسم القطع المستعمله عندنا شوف الاعضاء بتبيع القطع الشبيهه ليها بكام
لو مش لاقي فالحل الصحيح هو انك تراسل عضو عنده خبره و ممكن حتى يشتري منك القطع والاعضاء الخبيره عندنا عضويتها بارزه بالخبره التجاريه لكن في ناس كتير خبيره لكنها لم تحصل على العضويه حتى الان

في حالة تاخير الرد على موضوعك راسل اي حد مننا من الطاقم الاشرافي على الخاص

[memooalaa]

حضرتك مشكور جدا على الرد ومقدر ومتفهم اللى بتقوله لكن انا مقولتش ان فيه تقصير من جانب الإدارة انا كنت مستغرب ان فيه مشاهدات كتير ومفيش ولا رد واحد وكنت شايف ردود على مواضيع شبيهة ويمكن اجهزة وقطع اقدم من بتاعتى بكتير فافتكرت ان فيه مشكلة فى عرضى للموضوع أو حاجة بس كنت عاوز اقول لحضرتك على حسب ما فهمت من كلامك ان الباور سبلاى انا اشتريته من مصر جديد من ماكسيمام مع كرت شاشة بيعته من فترة يعنى اكيد نزل مصر فى كذا ستور على العموم انا هستنى يمكن ربنا يسهل وحد يعرف يقولى سعر مناسب للقطع عشان اعرض للبيع على اساسه ومشكور مرة أخرى أخى الفاضل

[abdalhaliem]

الأخ الكريم

بعضنا ينشغل بأمور الحياه

والغالبيه كما قال لك أخى phenomenon

تخشى أن تظلمك

أنت أدرى الناس بمحدوديه أنتشار ( amd )

أتكلم عندنا بمصر

عموماا

هذا تقييم شخصى قابل للذياده والنقصان

حسب حاله السوق


معالج من 500 ألى 550
*******************

الباور من 300 ألى 350
************************

الرامات من 200 ألى 220
هذا أذا كانت بدون هيت سينك ( Heatsink )
*****************************

اللوحه الأم من 400 ألى 450
******************

الديفيدى 70
**********************

الكيسه حسب الحاله أذا كانت جيده من 70 ألى 100

الأجمالى من 1540 ألى 1740

لكن وقت البيع من يقوم بالشراء على بعضه

لو بسعر 1300 توكل على الله وقم بالبيع

تحياتى

[memooalaa]

ألف شكر ليكم منتدى اكثر من رائع سعيد بانضمامى للمنتدى ويارب اكون مفيد لاعضاء المنتدى كما تكرمتم بافادتى شكرا جزيلا

[abdalhaliem]

ألف شكر ليكم منتدى اكثر من رائع سعيد بانضمامى للمنتدى ويارب اكون مفيد لاعضاء المنتدى كما تكرمتم بافادتى شكرا جزيلا

لاشكر على واجب أخى الكريم

وأهلا بك بيننا تفيد وتستفيد

يغلق للأفاده