مساعدة في شراء لابتوب

[AmirEd]

مساء الخير
انا عايز اشتري لابتوب جديد و محتار في نوعين
HP Notebook 15-ay108ne
و
Lenovo Ideapad 310 15ikb

الاتنين مقاربين في السعر
استخدامي للابتوب بشكل اساسي في شغل تطوير و برمجة المواقع .. برامج السيرفرات و قواعد البيانات و IDE لبعض لغات البرمجة
و مشاهدة الافلام و الفيديوهات
ماليش في الالعاب اوي لكن ممكن انزل العاب زي Assassins Creed , Battle Field و بلعب كل فين و فين
ناس كتير سمعتها بتشتكي من اللينوفو و خصوصا في البطارية لان البطارية built-in و بالتالي ده بيقلل من عمرها الافتراضي لانها دايما متوصلة على عكس ال HP
HP كارت الشاشة بتاعه AMD مش NVIDIA زي لينوفو و انا اعرف ان NVIDIA افضل
اتمنى حد يساعدني في الاختيار او يرشحلي انواع تاني في نفس الرينج
الميزانية اقصاها 10000 جنيه مصري و يفضل لو اقل من كده و مش عايز مستعمل
شكراً

[البعد الخامس]

مساء النور

لاب توب لينوفو كارت الشاشه الخاص به ضعيف

وبشكل عام هذه اللابات

ليست مخصصه للإداء العالى لان البيروسسورالخاص به ينتهى بحرف U وهو مصمم لتوفير الكهرباء اكثر .

كما انها 4 جيجا رامات فقط

اقترح على حضرتك تنتظر وتراقب الاسعار فى الامكانيات الاعلى من هذه اللابات حتى انتهاء العيد القادم

لعل تقدر تشترى جهاز بموصفات اعلى من هذه وبنفس السعر الذى خصصته له .

او تشترى جهاز مستعمل كسر زيرو او لم يتم عمل صيانه له من قبل

ويكون بموصفات اعلى وافضل من هذه

ولاختبار الاجهزه المستعمله اتفضل الادوات من الموضوع التالى

[[[[[[[[[ أهم الأدوات اللازمه لإختبار قطع الهاردوير الجديده و التأكد من إستقرار عملها ]]]]]]]]]

[AmirEd]

مساء النور
شكراً على ردك
لاب توب لينوفو كارت الشاشه الخاص به ضعيف

وبشكل عام هذه اللابات

ليست مخصصه للإداء العالى لان البيروسسورالخاص به ينتهى بحرف U وهو مصمم لتوفير الكهرباء اكثر .

انا عارف ان سلسلة U ليست الافضل و لكن باقي الانواع مثل HQ اسعارها مرتفعة

كما انها 4 جيجا رامات فقط

لاب توب لينوفو 8 جيجا رام و ليس 4

اقترح على حضرتك تنتظر وتراقب الاسعار فى الامكانيات الاعلى من هذه اللابات حتى انتهاء العيد القادم

انا خايف انتظر لان الاسعار هترفع في نهاية شهر 6 بسبب رفع الدعم عن البنزين فخايف لو انتظرت اندم

لعل تقدر تشترى جهاز بموصفات اعلى من هذه وبنفس السعر الذى خصصته له .

او تشترى جهاز مستعمل كسر زيرو او لم يتم عمل صيانه له من قبل

ويكون بموصفات اعلى وافضل من هذه

انا لا افضل المستعمل او كسر الزيرو لان انا هشتري من مكان بعيد عني حوالي 8 ساعات سفر فمش هيبقى سهل لو فيه مشكلة ارجع تاني عشان اصلحه او ارجعه و ايضاً ليس لي خبرة في اللابتوبات عشان اكتشف المشكلة فانا عايز اشتري من مكان مضمونو اخيراً عندي كام سؤال
1- ايه الفرق بين بروسيسور الجيل السابع و السادس من حيث الاداء ؟
2- ناس كتير حذرتني من الnotebook 15 في ال HP هل فعلاً في مشكلة في الاجهزة دي بوجه عام ؟
3- هل البطارية المدمجة عمرها الافتراضي اقل من من الخارجية ام انه لا يوجد فارق بين الاثنين ؟
شكراً

ولاختبار الاجهزه المستعمله اتفضل الادوات من الموضوع التالى

[[[[[[[[[ أهم الأدوات اللازمه لإختبار قطع الهاردوير الجديده و التأكد من إستقرار عملها ]]]]]]]]]

[abdalhaliem]

الأخ الكريم

رمضان كريم

- ايه الفرق بين بروسيسور الجيل السابع و السادس من حيث الاداء ؟

الفرق بسيط للغايه أخى الكريم

- ناس كتير حذرتني من الnotebook 15 في ال HP هل فعلاً في مشكلة في الاجهزة دي بوجه عام ؟

لا أخى الكريم هذا غير صحيح بالمره

- هل البطارية المدمجة عمرها الافتراضي اقل من من الخارجية ام انه لا يوجد فارق بين الاثنين ؟

لا أخى الكريم بالعكس الأجهزه ذو البطاريات المدمجه

تكون مصممه أكثر لحمايه البطاريه وأعطائها عمر أكبر


وفى النهايه أرجو الألتزام بأقصى حجم للخط 3


وكل عام وأنتم بخير

[البعد الخامس]

ارشح لحضرتك شراء لاب توب

Lenovo Ideapad 310 15ikb