اجماعة حد هنا يعرف يحل مشكلة السرعة فى ميجا بلاص

[hamadaabbass]

ياجماعة حد هنا يعرف يحل مشكلة السرعة فى ميجا بلاص انا متعاقد جديد مع تى زفت من 21/5/2017 والسرعة اللى وصلة 5 ميجا والخط يستحمل سرعات عالية وهم نفسهم قالوا الخط مفيوش مشكلة ورغم مش عارف اوصل معاهم لحل ياريت الافادة

[hamadaabbass]

[Mr_D]

عندي نفس المشكله

ده رد احد الاخوه هنا سوف انقله لك بعد اذنه
QUOTE=محمد فاروق غازي;3116774]عليكم السلام ورحمة الله وبركاته
وأنت بخير أخي الكريم
جرب الحل دا وإن شاء الله خير،
إتصل بـ 111 وأدخل على قسم أعطال التليفون الأرضي، متدخلش على أعطال الإنترنت خالص،
وبعدين أدخل على قسم الشكاوى ولما تكلم ممثل خدمة العملاء، قوله بإختصار شديد محتاج فني يجيلي عشان يظبطلي فراعات الخط لأن الإنترنت متأثر عندي وفيه مشكلة، هيسجلك الشكوى وخلال 48 ساعة عمل هيجيلك الفني إن شاء الله،
لما يجي ركز في نقطة واحدة إنه يغيرلك مكان الكيبل بتاع خط التليفون في منفذ تاني في البوكس اللي في الشارع، وافضل واقف معاه واتأكد إنه غير مكان الكيبل في منفذ آخر داخل البوكس، وإن الخط الأرضي والإنترنت شغالين تمام،
وخليه يقيسلك الثلاث فراعات الخاصة بخطك ( أظن المفترض يكون كل فرع 218 على ما أتذكر) ويتصل بالسنترال بغرفة التحكم ويسألهم عن قراءة فراعات خطك، ولازم تحسسه إنك فاهم عشان أغلب الفنيين أصلًا إما مش فاهمين أو مش بيشتغلوا بضمير،
وإن شاء الله بعد الخطوة دي السرعة ترفع معاك تدريجي خلال ساعات،
المشكلة دي كانت عند بن خالي وكانت سرعته ثابتة على 6 ميجا تقريبًا مع تشويش شديد في الخط الأرضي وتم الحل بعد تغير مكان الخط في البوكس وضبط الفراعات.

[/QUOTE]