حرارة الهارد عالية

**kan_zaman** · 09-06-2017, 18:16

السلام عليكم
انا عندى مشكلة فى الهارد اولا انا عندى هاردين واحد 1تيرا نوع هتاشى والتانى 3 تيرا نوع سيجيت هارد هتاشى الحراة بتاعته بتوصل احد 45 وسعات 52 وكان هارد سيجيت حرارتة لاتتعدى 40 فشيلت هارد الى حراته عالية وسيبت هارد سيجيت ونزلت علية نسخة وبعد كدا اشتغلت علية لواحده فكانت حرارتة بتكون 42 و43 ده كانت حرارة مش بتعدى 40 لما كان شغال مع الهارد هتاشى فركبت الهارد هتاشى لكن مش خليتة اساسى يعنى مش بشتغل علية وشغال على السيجيت فلاحظت ان هارد هتاشى الحرارة بتاعته بتوصل 45 مع انة مش علية ضغط ولا شغال علية وهارد سيجيت حرارته لاتتعدى 40 ممكن اعرف اية المشكلة الغريبة دى وممكن اعرف درجه حرارة الهارد تكون مقلقة لما توصل كام وشكرا

**N3V3RMiND.2016** · 09-06-2017, 18:51

و عليكم السلام و رحمة الله و بركاته,

الاخ الكريم ارتفاع حرارة الهارد هى كارثه للهاردات بشكل عام و حراره 50 للهارد هى مقلقه بالفعل مع ملاحظة ان تحمل الهاردات لدرجات الحراره هى تختلف باختلاف نوع و موديل الهارد.
فلى تجربه العام الماضى فى هارد ويستيرن اخضر 2 تيرا درجة حرارته وصلت 45 فاختفت جميع الدرايفات على الهارد و حصلت مشكله و هى ان الهارد ظهر عندى فى Device Manager على هيئة مساحه غير مقسمه!!

كل هذا بسبب ارتفاع الحراره و انا حينها بحثت على النت لأجد ان هذه المشكله ظهرت للعديد من مستخدمين الحاسب بشكل عام و خاصه لمستخدمين الحاسب المحمول لأن الهارد فى داخله ليس له تهويه مناسبه.
و لذلك سوف تجد ان جميع الكيسات الحديثه تهتم بوضع مراوح تهويه خاصه بالهاردات للحفاظ عليها و هو الحل الوحيد الذى امامك الان و هو توفير مراوح لتهوية الهاردات و خاصه ان اليوم و البارحه الحراره لدينا فى مصر ربما تجاوزت ال50 درجه مئويه!

انا وفقت العام الماضى بعد تلك المشكله من استرجاع كافة البيانات على الهارد بالفعل و لكن ظهر على الهارد باد سيكتور (ليس حقيقى اى يمكن اصلاحه)
و لكن نصيحه لك لا تترك ابدا الهاردات لديك تسخن اخى الفاضل فقد تضيع منك كل البيانات على الهارد.

اخيرا بعض الاشياء التى تساعد فى ارتفاع حرارة الهارد هى لعب الالعاب و استخدام البرامج الثقيله التى تقوم بتحميل الكثير من الملفات بين قرائه و كتابه بشكل كبير
و ايضا اليك نصيحه حاول ان تجعل الهارد الذى عليه نظام التشغيل غير الهارد الذى عليه البرامج و الالعاب و بذلك لا ترهق الهارد الذى عليه نظام التشغيل بتحمل عبئ التشغيل للنظام و ايضا اعباء البرامج و الالعاب و هى الطريقه التى استخدمها لدى.

بالتوفيق و كل عام و حضرتك بخير.

**abdalhaliem** · 09-06-2017, 20:11

درجه حراره 45

هى فى حدود المعقول ألى حد ما

زياده عن هذا تدخل بدائره الخطر

الحل الوحيد أمامك التهويه الجيده للكيس

كما أنه توجد مراوح للهارد نفسه

وكل عام وأنتم بخير

**phenomenon** · 09-06-2017, 20:17

وعليكم السلام ورحمة الله وبركاته
ربنا يبارك فيك يا اخ مصطفى ويزيدك من علمه
كان عندي امل ان 45C ليست مشكله إطلاقاً أو على الاقل تبدأ الخطوره مع 50C
أعتقد أن ده السبب في إستقرار درجة حرارة الهارد دائماً في رنج 40C مهما زاد ضغط العمل إذن كل ما هو أ‘لى دليل على سوء التهويه او فناء عمره تدريجياً

الاخ صاحب الموضوع إختلاف درجة حرارة الهارد درجه او درجتان شيء متوقع حينما تتحول وضعية عمله من أساسي إلى رفيق و العكس صحيح

**kan_zaman** · 09-06-2017, 20:29

كل الى حضرتكم قولتو علية كويس على العموم انا مركب مروحة تبرد على الهاردات فى الكيسة وغير كدا الغرفة الى فيها الجهاز فيها تكيف وبشغلة لما اشغل الجهاز وكمان فية برنامج اسمه hard disk sentinel جايب فية ان العمر المتبقى المخمن للهارد فاضل علية اكصر من 95 يوم وكمان انا مش شغال على الهارد الى حرارته عالية وبرده حرارته بتعلى يعنى مش علية الويندوز

**phenomenon** · 09-06-2017, 21:27

المشاركة الأصلية كتبت بواسطة kan_zaman

كل الى حضرتكم قولتو علية كويس على العموم انا مركب مروحة تبرد على الهاردات فى الكيسة وغير كدا الغرفة الى فيها الجهاز فيها تكيف وبشغلة لما اشغل الجهاز وكمان فية برنامج اسمه hard disk sentinel جايب فية ان العمر المتبقى المخمن للهارد فاضل علية اكصر من 95 يوم

كويس جداً راقب درجة الحراره بإستمرار و فترة عمر 95 يوم متبقيه تعني فتره عمر قليله فهي أقل من %10 من عمره و لكن خفف عليه التحميل فقط احتياطيا