المشاركة الأصلية كتبت بواسطة deplome
الموضوع من اكتر من شهر و تلاقيك دلوقتي عرفت اللي انت عاوز تعرفه
بس علي اي حال :
الفرق بين تراكرات التورنت العامه او المفتوحه وبين تراكرات التورنت الخاصه في المحتوي مش كبير او قد يكون مافيش فرق في المحتوي اصلا
يعني بالنسبه للمستخدم العادي اللي داخل يحمل لعبه او فيلم او اي حاجه كده هيلاقيها في العام وفي الخاص
الفرق هو الجوده
في التراكرات الخاصه اي حاجه بتترفع بتتراجع ( وفي بعض التراكرات لازم تكون مستوفيه بعض الشروط )
عكس المواقع العامه اي حاجه بتترفع ممكن تلاقي ملفات سبام او برامج مضروبه او فيها فيروسات وهكذا
المواقع الخاصه مافيهاش تكرار لنفس الملف ابدا ( فيلم بجوده مختلفه مايعتبرش تكرار )
في التراكرات العامه ممكن تلاقي نفس الفيلم بنفس الجوده بنفس كل حاجه مرفوع تلات اربع مرات كل ملف منهم علي سيدر ولا اتنين وماتعرفش تحمل اي واحد من الاربعه
بالنسبه لشخص عادي ( مع كامل احترامي ) اقصد عادي في متطلباته
عادي في الحاجات اللي بيحملها اللي هو فيلم جديد يحمله لعبه جديده يحملها وبس
مش غاوي افلام قديمه نادره مثلا او بيحمل جودات عاليه جداااااا
في اي تراكر هيقضي الغرض وزياده
حتي لو تراكر خاص بس مستواه مش عالي قوي او مش صعب تجيبه يعني
زي IPT مثلا هيقضي الغرض وزياده
نقطه الخداع دي حوار تاني خالص
المفضلات