مشكلة غير معروفة .. فجأه لا توجد أي صور على الشاشه .

**m.abuelhana** · 26-06-2017, 09:29

السلام عليكم ورحمة الله وبركاته ...
امبارح كنت شغال على الجهاز عادي وفجأة وانا بشغل فيديو الشاشة ابيضت والجهاز رستر لكن مظهرش بعد كده على الشاشة حاجة.
مواصفات الجهاز كالاتي:
Asus p5Q deluxe
intel core 2 quad
ram ocz 4gb ddr2
Amd sapphir readeon hd 4730
والباور hec rapter ll 500w
ومركب 2 هارد ديسك
المشكلة حصلت ومن ساعتها بحاول اكتشف فين العيب .. شكيت في كارت الشاشة لكن المراوح شغاله .. قلت ممكن الباور مش قادر يشيل ففصلت الهاردات وبرده الوضع زي ما هو .. مع العلم انه بيجيلي اشعار من الكيبورد ان الجهاز حمل لما الثلاث لمض بتنور .. شكيت في الرامات غيرتها وركيتها تاني بس اكيد شغاله طالما الجهاز بيحمل .. غيرت كابل dvi وحطيت الكابل الازرق العادي وبرده مفيش حاجة بتظهر .. جربت الكيسة على شاشة التلفزيون بمنفذ hdmi من الناحيتين وبرده مفيش صورة .. فدلوقتي انا مش عارف فين المشكلة بالضبط رجاء افيدوني. ولو كنت حابب اجدد حاجة في المواصفات دي ايه اللي المفروض اغيره بس الباقي يتوافق مع اللي حيفضل.

**phenomenon** · 26-06-2017, 21:55

وعليكم السلام ورحمة الله وبركاته

نرجوا كتابة عنوان واضح للمشكله بالمره القادمه

الحقيقه تخميني للمشكله انها متعلقه بكارت الشاشه الحالي

فلو البورده تمتلك كارت شاشه مدمج انقل عليها وصلات عرض الشاشه سواء VGA / DVI

و شوف ايه هيحصل

**m.abuelhana** · 27-06-2017, 07:05

شكرا لك يا بشمهمدس هوه تقريبا فعلا كده لاني نقلت كارت الشاشة لجهاز تاني وعمل نفس الحوار بس هل يا ترى ده ليه صيانه بسيطه وتستحق ولا اجدد واشتري كله حديث وبالنسبة للي في السوق حاليا لو كارت جرافيك مثلا سعره 1200 حيكون ايه.

**abdalhaliem** · 27-06-2017, 07:08

كما قال الأستاذ phenomenon

المشكله تنحصر بكارت الشاشه من خلال وصفك لماحدث

ومع الأسف بوردتك تحمل الشريحه P45

وتلك الشريحه ليس بها كارت شاشه مدمج

قم بتجربه كارت أخر

أو قم بتجربه كارتك على جهاز أخر

عيد مبارك

**abdalhaliem** · 27-06-2017, 07:12

المشاركة الأصلية كتبت بواسطة m.abuelhana

شكرا لك يا بشمهمدس هوه تقريبا فعلا كده لاني نقلت كارت الشاشة لجهاز تاني وعمل نفس الحوار بس هل يا ترى ده ليه صيانه بسيطه وتستحق ولا اجدد واشتري كله حديث وبالنسبة للي في السوق حاليا لو كارت جرافيك مثلا سعره 1200 حيكون ايه.

أثناء كتابتى لردى أعلاه

لم ألحظ ردك هذا

عموماا حاول أن تذهب به لأى محل صيانه

ولو أن الكارت لايستحق

أذا وجدت كروت ك 6850 أو 6870 أو أعلى منهم قليلا

توكل على الله

عيد مبارك