استشارة هامة في تحديث الجهاز

[m.abuelhana]

السلام عليكم ورحمة الله وبركاته ..
دي مواصفات جهازي الحالية...
Intel core 2 quad 8mb cache
asus p5Q deluxe
ram ddr2 4gb
amd saphire readeon hd 4730
Power 500 w

انا كنت ناوي احدث الجهاز بالكامل بس بعد ارتفاع الاسعار المخيف ده مبقتش عارف اعمل ايه .. بس انا عايز اجدد الجهاز حاجة حاجة .. بس مش عارف ايه المفروض اغيره الاول .. يعني لو غيرت المازربورد على سبيل المثال لازم ايه اللي يتغيرمعاها.
بالنسبة لي انا عايز اغير المازربورد وكارت الشاشة بس هل ينفع اغيرهم والرامات والبروسيسور يفضلوا زي ما هما لفترة مؤقتة.
انا مش عايز مواصفات عالية لان شغل الجرافيك يالنسبة ليه بسيط يعني اقصى حاجة الفوتوشوب وياريت تكون الميزانية في حدود 2000 جنية.

[abdalhaliem]

لا أخى الكريم

المعالج الذى لديك

يعمل على منصات lga 775

ولايعمل على أى منصه خلاف ذلك

كما أن رامات ddr2

لاتعمل مع أى منصه بعد 775

أنصحك ببيع جهازك

ومحاوله شراء بندل

بورده + رام + معالج

من عائله ( corei )

جيل ثانى أو ثالث

وممكن تستعمل كارت الشاشه الحالى ألى أن تتحسن الأمور

عيد مبارك

[m.abuelhana]

شكرا لحضرتك يا بشمهندس .. بس للاسف انا عايز اجدد عشان كارت الشاشة يحتمل انه فيه مشكلة يعني الحاجة اللي ينفع تفضل تطلع اللي فيها المشكلة .. شر البلية ما يضحك. طب ياريت لو جضرتك تذكر لي ترشيح كويس للبروسيسور و للمازربورد بنفس قوة p5Q ويكون في المازربورد كرت مدمج عشان الميزانية مش حتمكنني نهائيا من اني اشتري الاجزاء الاربعة. بحيث اني ممكن اضيف لها فيما بعد كارت شاشة. وشكرا لحضرتك.

[abdalhaliem]

الشكر لله أخى الكريم

لم تذكر أعلاه موديل المعالج الذى لديك تحديداا
******************


نظراا لضعف الميزانيه

ستكون أختياراتك بين الجيل الثانى والثالث

ولايوجد منهم جديد مع الأسف

لذلك ستذهب مع المستعمل

ولانستطيع أن نرشح لك شى بعينه

تابع قسم البيع بالمنتدى

وأى بندل يحوز أعجابك جيل ثان أو ثالث

ويناسبك سعره

قم بأرفاق رابط الموضوع هنا ونحن نرشدك

عيد مبارك

[m.abuelhana]

يا بشمهندس مهيه طالما كدا كدا مش نافعة الجأ بقى ليه للقديم حضرتك وانت بتقلي حتغير كله .. يعني انا اصلا مضطر اشتري زي ما حضرتك قلت لي بروسيسور ومازر ورام وكارت جرافيك .. طب انا اصلا ايه اللي يخليني الجأ للمستعمل طالما حيتكرر معاية نفس الموضوع فيما بعد انا عايز ترشيح من حضرتك يكون لمازربورد وبروسيسور وكارت جرافيك ورام تقريبا تكون بقوة او اقوى من مواصفاتي القديمة دي يعني مثلا اشتري رامات 4 جيجا ddr3 بحيث فيما بعد ممكن ابيعها واقدر اجيب اكتر .. والمثال ذاته مع المازربورد الجديدة لو كانت مثلا فيها كارت مدمج فهي ممكن تسعفني لغاية ما اقدر كارت جرافيك اللي حضرتك حتذكره لي وطبعا البروسيسور يكون جديد برده.

[abdalhaliem]

يا بشمهندس مهيه طالما كدا كدا مش نافعة الجأ بقى ليه للقديم حضرتك وانت بتقلي حتغير كله .. يعني انا اصلا مضطر اشتري زي ما حضرتك قلت لي بروسيسور ومازر ورام وكارت جرافيك .. طب انا اصلا ايه اللي يخليني الجأ للمستعمل طالما حيتكرر معاية نفس الموضوع فيما بعد انا عايز ترشيح من حضرتك يكون لمازربورد وبروسيسور وكارت جرافيك ورام تقريبا تكون بقوة او اقوى من مواصفاتي القديمة دي يعني مثلا اشتري رامات 4 جيجا ddr3 بحيث فيما بعد ممكن ابيعها واقدر اجيب اكتر .. والمثال ذاته مع المازربورد الجديدة لو كانت مثلا فيها كارت مدمج فهي ممكن تسعفني لغاية ما اقدر كارت جرافيك اللي حضرتك حتذكره لي وطبعا البروسيسور يكون جديد برده.

الأخ الكريم

ترشيحنا لك للمستعمل

بناء على تلك الجمله من مشاركتك الأولى

وياريت تكون الميزانية في حدود 2000 جنية.

ثم أن البورد الحديثه والمعالجات الحديثه

كلها ddr4 وليس ddr3

وحقيقه الأمر سيكون السعر أبعد كثيرا عن ماقمت بأقتراحه

لذا يرجى تحديد ماتريده بالظبط مع وضع ميزانيه محدده

حتى نرشح لك بورده حديثه + معالج i3 أو i5 + رام ddr4

بالتوفيق

عيد مبارك

[N3V3RMiND.2016]

و عليكم السلام و رحمة الله و بركاته,
الاخ الكريم بعد التحيه,

حضرتك المشكله ان الميزانيه اللى حضرتك محددها قليله جدا لشراء بندل جديد نظرا لارتفاع الاسعار بشكل كبير
و لذلك انا هاقترح على حضرتك تجميعه بندل جديد حسب طلبك مع العلم المتوفر فى السوق جديد هو فقط الجيل السادس و الجيل السابع
و لا يوجد فارق فى السعر بينهم تقريبا و لذلك البندل المقترح هايكون ارخص بندل جيل سادس و لكنه يقبل ايضا معالجات الجيل السابع

حضرتك ممكن تبيع البندل الموجود عندك حاليا و تضيف المبلغ على ال2000 جنيه لشراء هذا البندل الجديد
البندل المقترح (ملحوظه المعالج ضعيف و يجب عمل تحديث له فى المستقبل و يمكنك التحديث لأى معالج i3 او i5 او i7 من الجيلين السادس و السابع)
Intel Pentium G4400 Skylake Dual-Core 3.3GHz LGA 1151 Desktop Processor = 1025
Gigabyte GA-H110M-S2PT Socket 1151 Motherboard = 1200
Crucial Ballistix Sport 8GB DDR4 2400 CL16 1.2V = 1200

الاجمالى : 3400

بالتوفيق و عيد مبارك.

[abdalhaliem]

تمام كما رشح لك الأخ الفاضل أعلاه
****************

لكنى كنت أحب فقط أن أنوه

أنى كنت أتمنى

أن ذهبت للترقيه أن تذهب مع معالج i3 أو i5

لذلك كنت أتمنى أن تحدد ميزانيه جديده

فأذا لايوجد أمكانيه

فما المانع أن تصبر قليلا ألى أن تتحسن ميزانيتك

وخصوصاا أن منصتك تعمل معك

نصيحتى أليك أصبر قليلا

وعندما تقوم بالتحديث قم بنقله نوعيه

حتى تحس بالفارق

عيد مبارك

[m.abuelhana]

جزيل الشكر لحضراتكم وانا فعلا المفروض كنت اوضح الميزانية الجديدة بما اني خلاص لازم احدث كله .. اولا سبب رغبتي في التحديث ان في عطل في كارت الشاشة ومش عارف حيتصلح ولا لاء .. اما الميزانية الجديدة فممكن تكون 3000 مثلا + سعر البندل اللي عندي واللي اتمنى حضراتكم تدوني سعر تقريبي له). بس اللي خلاني مذكرش ميزانية تاني لاني عايز امسك العصاية من النص يعني اشتري بندل حديث وسعره معقول اقدر مثلا استخدمه في شغلي ( لاني كاتب ومصمم اغلفة ومنتج مسلسلات اذاعية ) وشغلي متوقف تماما .. بس لما احب اضيفله كارت شاشة او رامات اكتر اقدر اعمل كدا من غير ما اضطر اغير كل حاجة تاني. فدا اللي قصدته اني عايز اقل المواصفات اللي يمكن تقويتها بالاضافات او باستبدال جزء منها بجزء اقوى دون الحاجة لتغيير الكل.
فدلوقتي بالنسبة لاقتراح nevermind .. ممكن استخدم رامه 4 جيجا وبعدين ابقى ازود. فياريت لو ترشدوني لمحل كويس بيهتم بالزبون وسمعته كويسه سواء في مول سفنكس او اي مكان تاني.
سؤال : هيه الاسعار دي عالية عشان ارتفاع الدولار ولا عشان ده جيل حديث .. يعني i5 مثلا في الجيل القديم بقوة i3 من الجيل الجديد. وشكرا لسعة صدركما

[abdalhaliem]

سعر البندل اللي عندي واللي اتمنى حضراتكم تدوني سعر تقريبي له

لهذا سألناك عن موديل المعالج الذى لديك

ولم تجبنا

أذكر موديله تحديداا

حتى نذكر لك سعر مناسب لقطعك

بأنتظارك

[abdalhaliem]

وبالنسبه لأرتفاع الأسعار

أعطنى أسم سلعه واحده بمصر

لم يرتفع سعرها أرتفاعاا جنونياا

فبالأضافه للدولار

نحن بمصر فى سباق دائم مع الأسعار

ربنا يرحمنا

[m.abuelhana]

intel core 2 quad q6600 2.4ghz 8mb cache + المشتت

[zozo 22]

هات بندل مستعمل جيل رابع هتحس بفرق كبير معا

[m.abuelhana]

لو جبت جيل رابع مش حعرف احدثه جزء جزء وحفضل برده مقيد بالجهاز ككل زي ما حصل مع جهازي الحالي وعشان اجدد حاجة فيه لازم اغير كله مرة واحدة. انا ببحث عن مواصفات يمكن تحديثها بشكل سنوي مثلا كمثال اني ادفع الفين جنيه كل سنة واكون بعيد عن المخاطرة بضرورة تحديث الجهاز ككل

[Black_Spy]

مهما كان جهازك حديث هيفوت عليه وقت وهتلاقي نفسك مضطر تحدث الجهاز كله مره تانيه لان الموضوع مسالة وقت وكل سنه بيطلع جيل جديد .

لو فى اى عرض مناسب وصفقه رابحه بالنسبالك هاته على طول طالاما السعر مناسب .