رد: استفسار عن كيفية البداية في مجال امن المعلومات
السلام عليكم
لو تحب رائي متواضع
اولا. يجب ان نعرف الوضع الحالي واقصد بية مدي معرفتك بالمجال.
يعني هل مثلا لديك فقط خلفية وتريد البداية من الصفر ؟ ان كان كذلك ابداء بقرائة A+ و Network + فى حالة كونك جديد تماما وليس ليك علاقة بالمجال.
الاحتمال الثاني لو انك بتعمل فى المجال مثلا ك دعم فني ولديك معرفة يمكنك البدء مباشرة فى MCSA ثم بعد ذلك Linux
-----
الفرق بين MCSA و MCSE
كان زمان. زمان كان الكورس مقسوم اتنين يعض الاشياء كانت موجودة فقط فى ال MCSE وال MCSA الحالية بقا فيها الدومين والبنية التحية للشبكة عموما وعلية تقريبا معدش يوجد فرق كمان مايكروسوفت غيرت نظام الشهادات
يعني حاليا تصميم ال Images والتحديثات بقت شهادة وليها اسم وال SQL سيرفر شهادة والبريد الالكتروني شهادة وهكذا ولما بتاخد شهادة MCSA وبعدين تعمل اي واحدة من دول بتتحول ل MCSE.
بيئة العمل:
عادة فى الشركات الكبيرة بيكون في نوع من التخصص يعني ادارة الانظمة ناس مهتهم ادارة الانظمة والدومين وخلافة وليس لة علاقة مثلا ب قواعد البيانات او باللينكس بيكون تخصص ناس اخري.
فى الشركات الصغري بتكون نقدر نقول بتاع كلو يعني ادارة الانظمة سواء ويندوز او لينكس وممكن قواعد بيانات مايكروسوفت او شبكات سيسكو
طبعا التخصص افضل ولكن لأن متعرفش ظروف العمل اية اتعلم الاتنين افضل واي مهارة وخبرة فى النهاية هيا اضافة ليك.
ابداء ب MCSA وبعد كدة لينكس مفيش مشكلة.
المحتوي العلمي.
موجود كل الكتب على الانترنت وفديوهات.
نصيحة ممكن تسمع الفديوهات كبداية لفتح الطريق ليس اكثر ولكن اقراء الكتاب جيدا لأن الفديوهات غير ملمة بكل شئ ويفضل الانجليزي. اعمل عملي كتير جدا وحاول تشوف الناس اللى فى الشركات بتشتغل ازاى عشان تتعلم من بيئة عمل حقيقية ومشاكل عمل حقيقية مش نظري
لو قدرت تحصل على فرصة تدريب فى شركة هتكون مفيدة جدا.
بعد كدة لما تكتسب كل المهارات تقدر تتقدم للأمتحان.
خلي فكرك فى المادة العلمية والخبرة العملية اكتر من الشهادة .. ببساطة الشهادة مسئلة وقت وهتاخدها. ولكن تاخدها وانت فعلا متمكن وعارف تشتغل افضل من كلام على ورق بالتأكيد.
بعد كدة تقدر تنتقل للخطوة التالية مثلا لينكس ونفس الشئ تختار منهج تكتسب المهارات ثم اختبار لغاية لما تصل للنقطة المطلوبة وهي امن المعلومات.
ضوابط المشاركة
رد مع اقتباس
المفضلات