محتاج نصيحتكم للحفاظ على هاردات الباك اب

[arabsup]

السلام عليكم ورحمه الله وبركاته
لدى هارد

KINGSTON 120 GB SSD
مخصوص للويندوز
وبفضل الله ثم بمساعده الاخوه الكرام هنا اشتريت هارد 4 تيرا بلاك

Western Digital (WD) Black WD4003FZEX 4TB 64MB Cache

كان عندى هاردين
هارد 2 تيرا بلاك ( عمره اقل من سنه )
+ هارد 1 تيرا بلاك ( عمره 3 سنين )
وحالتهم الحمد لله كويسه جدا
عن طريق برنامج Hard Disk Sentinel
The hard disk status is PERFECT 100%

وجعلت الهاردات دى للباك اب ونقلت عليهم الملفات ( كل يوم 1 فى الشهر انقل عليهم نسخه كامله من الملفات باذن الله )
دا نظامى وانا ماشى عليه بقالى سنين
هل اكتفى انى اخفى الهاردين من خلال برنامج EaseUS Partition Master 10.1
ولا اعمل ايه بالظبط علشان احافظ عليهم ؟
من خلال power options
عامل turn off hard disk after
minutes 30
هل دا كفايه ولا تنصحونى بايه ؟
تحياتى وتقديرى للجميع

[abdalhaliem]

الأخ الكريم

مبارك عليك الهارد ال 4 تيرا

نصيحه أخى الكريم أجعل الهاردات داخل الكيس

للحفاظ عليهم من الصدمات

ولكن بدون توصيل كابل الباور

وأجعل توصيل كابل الباور عند اللزوم

( عند توصيل الباور أغلق الجهاز أولا تجنباا للمشاكل )

لأن الهارد سيظل يعمل بحال أمداده بالطاقه

صحيح بدون ضغط ولكنه سيظل يعمل

تماما كما يعمل المعالج بحاله الخمول التام

لذلك فصل الباور عنهم وتوصيله عند اللزوم

أحد أهم أسباب أطاله عمر الهارد

بالتوفيق أخى الكريم

تحياتى

[arabsup]

الله يبارك فيك استاذى الغالى عبد الحليم
والف شكر للتوضيح
بالفعل الهاردات دائما داخل الكيس ولا احركها
واكيد لما اجى اضع كابل الباور بكون قافل الجهاز + قافل الكهرباء كمان انها توصل للكيس
لدى سؤال هل من الممكن اقفل الجهاز على وضع Hibernate
واركب كابل الباور لهاردات الباك اب ؟
ولا لازم اكون قافل الجهاز على shut down ؟
تحياتى وتقديرى لشخصك الكريم

[phenomenon]

الف مبروك اخي العزيز و مبارك عليك الهارد الجديد إن شاء الله

بخصوص إستفسارك فلابد من إزالة كابل الكهرباء تماماً من سوكيت الحائط أثناء إزالة أو توصيل أية كابلات أو كروت بداخل الحاسب أو هاردات

[arabsup]

الله يبارك فيك استاذى الغالى ابراهيم
سوكيت الحائط موصل بـ SystemMax SL (SMU-800SL ومن ثم موصل به مشترك من شركه SystemMax
والكمبيوتر موصل بالمشترك
وانا بطبيعه الحال بفصل المشترك من خلال الزر الخاص به ( on / off ) لانه فى هذه الحاله لا يمر كهرباء الى الكيس ( على حد علمى )
هل هذا صحيح ام فيه اى خطأ ؟
وهل يجب ازاله كابل الباور و كابل الساتا للهارد ام كابل الباور فقط يكفى ؟

[phenomenon]

شخصياً بنفس حالتك تقريباً إلى ان اكتفيت من الفك و التركيب و ستلاحظ دخول هاردات التخزين بحالات الخمول التااااام وقت عدم إستخدام اي قطاعاتها أو فتحها
و لكن بيني وبين نفسي مازالت افضل فصل تيار الكهرباء عنها طالما لا احتاجها كثيراً و لكن للاسف بين الوقت والآخر احتاجها لذلك قررت توصيلها طول الوقت و الاكتفاء بدخولها
وضع الخمول وقت عدم الحاجه لها

" لا يشترط فصل الساتا و لكن كابل الباور اهم فصله "

[arabsup]

الف شكر استاذ ابراهيم للمتابعه
انا مش فاهم قصدك من الكلام دا

شخصياً بنفس حالتك تقريباً إلى ان اكتفيت من الفك و التركيب و ستلاحظ دخول هاردات التخزين بحالات الخمول التااااام وقت عدم إستخدام اي قطاعاتها أو فتحها
و لكن بيني وبين نفسي مازالت افضل فصل تيار الكهرباء عنها طالما لا احتاجها كثيراً و لكن للاسف بين الوقت والآخر احتاجها لذلك قررت توصيلها طول الوقت و الاكتفاء بدخولها
وضع الخمول وقت عدم الحاجه لها

[phenomenon]

أقصد اني كنت محتار في البدايه عندي افصل الباور من هاردات الباك اب واسيبها في الكيس زي ما هي ولا افضل موصل ليها باور برغم اني مشبحتاجها كتير
في النهايه اكتفيت بتوصيلها طول الوقت و هتلاحظ في حالة عدم إستخدامك انه بيدخل مراحل خمول وتوقف تام عن العمل
لكن لو حاولت تفتح اي بارتيشن من هذا الهارد هياخد باور من جديد وهتبدا تسمع صوت دوران ميديته

[arabsup]

تسلم استاذى الغالى ابراهيم للتوضيح
انا هعمل كدا انا كمان .. لان الحركه دى هى اللى كنت عاملها قبل كدا
لانى مش حابب موضوع افصل كابل الباور واركبه
هل حضرتك عامل الحركه دى ولا ملهاش لازمه ؟
من خلال power options
عامل turn off hard disk after
minutes 30

وما هو الهارد الاساسى لديك وما هو هارد الباك اب ؟
وبتاخد باك اب كل كام يوم ؟
تحياتى وتقديرى لشخصك الكريم

[phenomenon]

الله يسلمك اخي العزيز

شغال على هذا الوضع من سنوات

بعد فتره قليله من إقلاع الحاسب و الدخول إلى النظام هتلاحظ ان الهارد من نفسه اصبح OFF تماماً

لو حاولت تفتح اي شيء من عليه او الدخول إلى قطاعاته هتلاحظ تأخير واضح لمدة لحظات في إستجابته و بعدها بيرجع لسرعته الطبيعيته الى ان يدخل حالة خموله مره تانيه

انا اعتقد ان الهارد من القطع المقدر لها فترة عمر إفتراضيه منذ بداية إستقبالها للداتا

بمعنى ممكن يعيش 3 او 6 او 10 سنوات سواء متصل دائما بالطاقه او في حالة خمول " ان في عوامل كثيره بتأثر على عمر الهارد تماماً مثل تأثير حالات الإستخدام "

في ثلاثة هاردات انتقل بينهم غالباً 1TB WD + 1TB WD + 240GB Intel للنظام و الميديا و التطبيقات و الداونلود
في هارد واحد Storage لحفظ الملفات المهمه 2TB WD

بتعامل عادي جداً على حسب مستجدات الامور - لكن غالبا ممكن تقول كل ثلاثة او اربعة شهور لما بفكر احتفظ بالاشياء المهمه

[arabsup]

تسلم استاذى الغالى ابراهيم للتوضيح
والف شكر للمتابعه
بارك الله فيك
تحياتى وتقديرى لشخصك الكريم