مشكلة بباور سبلاي seasonic 520W 80+ Bronze

[princeboy47]

المشكلة عندي ان الباور سبلاي بحتاج اعمل لها ريستارت اكتر من مرة عشان يفتح بالمدة الطبيعية اللي بياخدها من بعد ما ادوس عالباور..لا يفتح ابدا من اول مرة..وللاسف هو بره الضمان لا اظن ممكن اصلاحه من التوكيل..هل يوجد طريقة لاصلاح هذه المشكلة؟

[Yasser]

في سبب انك حصرت العيب في الباور يعني جربت باور تاني؟

[princeboy47]

انا عموما متأكد ان الباور هو اللي كان فيه عيب فني ومن اول ما اشتريته وكان بيتجرب قدامي اتعمل له كذا مرة ريستارت عشان يقوم..انا لما غيرت الباور واشتريت معاه كارت شاشة جديد على نفس التجميعة والباور القديم كان تمام الجديد بقا هو اللي فيه المشكلة دي..

[abdalhaliem]

ياأخى الكريم

كنت سأجيبك وماأدراك أن السبب هو الباور

لأن قصه الريستارت لها أسباب عدبده

لكن عندما ذكرت تلك المشاركه

انا عموما متأكد ان الباور هو اللي كان فيه عيب فني ومن اول ما اشتريته
وكان بيتجرب قدامي اتعمل له كذا مرة ريستارت عشان يقوم..انا لما غيرت الباور
واشتريت معاه كارت شاشة جديد على نفس التجميعة والباور القديم كان تمام الجديد بقا هو اللي فيه المشكلة دي..

كان المفروض عندما وجدت به هذا العيب

لاتقوم بشراؤه

قم بتغيير الباور أخى الكريم

تحياتى

[princeboy47]

انا معاك ان انا الغلطان طبعا لاني خدته منه على عيب كدا وانا ماليش خبرة انه فني او غير فني وقت ما اشتريته..لكن مش دي المشكلة..
انا عايز اعرف فقط هل يمكن اصلاحه ولا شراء واحد جديد بلا مفر؟؟

[الواد ميشو]

اعتقد صيانة الباورات هنا قد لا تجدي على الاطلاق فطالما سبب المشكلة الباور عن يقين فيتم تغييره أفضل
رأي الشخصي وربنا يوفقك لفيه الخير

[zozo 22]

مع راى الاخ الفاضل ميشو لان الا هيعمل صيانة هيركبلك حاجة من باورات شعبية

[hany5y]

بص يا باشا العيب دا اكيد فى مكثف ضارب او منفوخ انت حاول تفك الباور وشوف المكسف المنفوخ واعرف رقمه وحاول تشوف باور اورجنال بايظ ويكون فى نفس المكثف وخلى اى حد بتاع صيانه يغيرهولك لان الموضوع دا حصل معايه فى باور hec وركبت مكثف شعبى وكان الباور مش مظبوط ولما لقيت باور ديل اورجنال فى نفس المكثف غيرته والحمد لله بقاله اكتر من خمس سنين شغال تمام

[Black_Spy]

رأيي الشخصي الباور بالذات اذا حصل فيه مشكله الافضل انك تجيب واحد جديد

تصليح الباور مش هيخليه يرجع لنفس الكفاءه وممكن لما يتصلح يبوظ حاجه فى جهازك لان الاداء مش هيكون زي زمان