السلام عليكم ورحمة الله وبركاته
دى امكانيات جهازى
i5 2400 3.30ghz
8gb kingston fury
amd gigabyte radeon hd 6850
asrock pci express h61m-hvs
Thermaltake V3 BLACK EDITION mid tower + 450w PSU
وكنت بستفسر من حضراتكم بالافادة فى شراء كارت شاشة جديد علما بان كارت الشاشة
اللى عندى مع الالعاب الجديدة كلها نوعا ما مش قادر عليها تماما زى bf1 , overwatch
فهل فيه امكانية اجيب كارت شاشة جديد يمشى مع متطلبات جهازى وميعملش اى عنق زجاجة معايا لانى من 4 سنين بالظبط ايام عرب هاردوير فى اجمل ايامه فعلا كنت عامل موضوع وماشاء الله ناس كتير اوى فادتنى فى التجميعة ولكن كان فيه رد
من عضو قالى لو غيرت البطاقة هتضطر تغير المعالج
مع العلم ان يكون الباور بتاعى يقدر يتحمل الكارت الجديد و ميكنش كارت الشاشة غالى اوى مثلا ولا رخيص يعنى عايز حاجة تمشى معايا فى الالعاب الجديدة وتدينى فايدة الكارت كلها .
ودا لينك الموضوع القديم
https://arabhardware.net/forum/showthread.php?t=254373&page=3
وشكرا وجزاكم الله خيرا
التعديل الأخير تم بواسطة elmoftare77 ; 19-07-2017 الساعة 11:26
وعليكم السلام ورحمة الله وبركاته ...
غالبا الكارت المناسب هيبقى اما GTX 1050 Ti او حتى العادي منه حتى لا تضطر الى تغيير المعالج
والاداء عمتا هيبقى مرضي جدااا مع الجهاز وكمان ممكن يقعد فترة مقبولة قبل التغيير الجذري
وانتظر آاراء أفضل ( ولو امكن ذكر الباور ونوعه)
وبالتوفيق ...
ميرسى جدا لزوق حضرتك وهعدل الموضوع ان شاء الله وهكتب نوع الباورالمشاركة الأصلية كتبت بواسطة الواد ميشو
مع العلم انى بردو مش عايز كارت شاشة غالى اوى وعايز حاجة تمشى مع امكانيات الجهاز عشان احساسى هيبقى كارت 1050 كتير اوى على امكانيات جهازى والله اعلم
وفى انتظار باقى رد الاعضاء
الأخ الكريم
المعالج الذى لديك صحيح أنه جيل ثاتى
لكنه معالج رباعى النواه
وسيكون جيداا معك مع الكارت
الذى رشحه لك الأخ ميشو
فقط سؤالين
موديل الباور وصوره الملصق أذا أمكن
وهل هو باور منفصل أم أشتريته مع الكيس
السؤال الثانى ماهى ميزانيتك ؟؟
ايام عرب هاردوير فى اجمل ايامه
أيام عرب هاردوير ستظل جميله بوجودكم معنا
بأنتظارك
تحياتى
ميرسى جدا لزوق حضرتك وردك الجميل دا
وفعلا عرب هاردوير هيفضل طول عمره منبع الناس المحترمة والمفيدة ان شاء الله
وبالنسبة لموديل الباور
Thermaltake 450w
Model : TT - 450 PL1NH-1
وبخصوص الميزانية ممكن مثلا تقولى من 1500 الى 2000 مثلافأهم حاجة عندى ميبقاش بس فيه عنق زجاجة والالعاب الجديدة دى تشتغل من غير متهنج
لانى اما بجرب دلوقتى باتلفيلد 1 او اوفر واتش الكارت بيسخن واللعبة بتتقل اوى وانا بلعب على اقل الاعدادات
فخايف ميكنش من الكارت
وشكرا لزوق حضرتك جزيلا
الشكر لك أخى الكريم
لطيب كلماتك وأدبك الجم وذوقك العالى
لم تجبنا أولا
هل قمت بشراء الباور منفصل أم مدمج بالكيس ؟؟؟
وبخصوص الميزانية ممكن مثلا تقولى من 1500 الى 2000
للأسف أخى الكريم
الأسعار تصاعدت بصوره فلكيه
الكارت ال 1050ti سعره الأن تخطى ال 4000 جنيهاا
لكنك ممكن تتابع قسم البيع بالمنتدى لعلك تجد مايناسب ميزانيتك
وأذا وجدت شيئا أذكره هنا لنتناقش به
فائق تقديرى وأحترامى
طيب كان فيه موضوع تانى الاعضاء كانت بتنصحنى اشترى
gtx 950 2gb
او
RX 460 4GB
وقالولى مش هيكون معاهم عنق زجاجة عشان كدا كنت بستفسر عن الحاجة الكويسة ليا ومش عالية اوى
أخى الكريم
كلا الكارتين
gtx 950 2gb
او
RX 460 4GB
مناسبان لك
وأن كنت شخصياا أفضل rx 460
لكن الأسعار لم تترك شيئاا على حاله
حتى تلك الكروت ستجد أسعارها مرتفعه أن وجدت
لكن بمتابعتك لقسم البيع حتما ستجد مايناسبك
ممكن تجد أيا من الكارتان أعلاه بسعر مناسب
لاتتعجل وأنتظر ألى أن تجد مايناسبك
بالتوفيق
يعنى اتوكل على الله ان شاء الله واجيب واحد من ال 2 دول وهيشتغلو كويس باذن الله
ومش هيبقى فيه مشاكل ان شاء الله
نعم توكل على الله
ومبروك مقدماا
بالتوفيق
تحياتى
بستاذن حضرتك ممكن تقولى اسم موديل الكارت دا بالظبط لان فيه كذا واحد بنفس الاسم بس الاسعار مختلفة او ياريت تجبلى لينك ليه او صورة
وجزاك الله خيرا
RX 460 4GB
الأخ الكريم
نعم هذا أسم الكارت
ولكن توجد شركات عديده تنتجه وتضيف عليه لمستها الأخيره
لذا ستجد مسميات عديده منه
كمثال
XFX AMD Radeon RX 460 4GB GDDR5
ASUS ROG Strix Radeon RX 460 4GB OC
SAPPHIRE NITRO Radeon RX 460 4GB GDDR5 OC
Gigabyte Radeon RX 460 WINDFORCE OC 4GB GDDR5
ألخ ألخ ............
والكارت الذى ينتهى أو به هذان الحرفان ( oc )
فهو مكسور مصنعياا
وطبيعى تجد أختلافاا بأسعار الكارت
كلما أختلفت الشركه المصنعه
وتستطيع الأطلاع أكثر
من هنا
لكن أنتبه لابد أن يكون الكارت
In Stock
أى متوفر
وليس
Out of stock
أى غير متوفر
وهذا ليكون السعر حقيقى وليس قديم
بالتوفيق
تحياتى
يعنى ان شاء الله لو جبت OC
هيبقى افضل من اللى من غير عشان مكسور سرعته مصنعيا ولا مش هيفرق معى كتير لان
فرق السعر قدامى ميتعداش ال 50 جنيه
لانى ان شاء الله نويت اجيبو وبجد بشكرك جدا للمساعدة الرائعة دايما دى
ووجودك دايما وردك على الاسئلة بمنتهى الذوق والامانة ما شاء الله
لو كل الناس كدا فعلا زى حضرتك محدش هيتضحك عليه ابدا
جزاك الله خيرا
ياأخى الكريم
أشكرك جزيل الشكر على أطرائك وكلماتك الطيبه
أنما نحن نجتهد لنحوز على رضاكم
وبالنسبه للكارت أكيد المكسور مصنعبا أفضل ولو بنسبه طفيفه
والفارق لايعتبر فارقاا
بالتوفيق أخى الكريم
وألف مبروك مقدماا
تحياتى
بعد اذن حضرتك يا استذ عبدالحليم محتاج استفسار ضرورى جدا معلش بتعب حضرتك معايا
النهارده فكيت كارت الشاشة بتاعى والبروسيسور ونضفتهم وحطيطلهم العجينة اللى فى الحقنة دى mx-4 شاريها بحوالى 250 جنيه
المهم نضفت وحطيط وخلصت وشغلت الجهاز الحمدلله اشتغل بس جيت اشوف الحرارة اطمن اشوف ايه الاخبار لقيت ان البروسيسور حرارتة فى العادى بتبقى مثلا 45 - 53 وكارت الشاشة فى العادى 50 - 55
فا اللى مش مطمنى موضوع كارت الشاشة لانه الاول مكنش بيعلى كدا كان اخرو 40 مع العلم ان قبل محط المعجون دا جبت التجارى اللى ب 10 جنيه لقيت الحرارة بقت 60 بس دلوقتى قلت شوية الحمدلله
فهل انا حطيط المعجون ف حته واحده بس ولازم احطة على الباقى مع العلم انى حطيطة فى النص زى اللى فى الصورة كدا وقفلت , فياريت حضرتك تطمنى كدا مظبوط ولا لا او اى حد لو سمحت يا رجالة عرب هاردوير
انتو دايما بتلحقونا ف ازماتنا بصراحة عشان كدا دايما بنلجألكو ربنا يباركلكو
وجزاكم الله خيرا
ضوابط المشاركة
رد مع اقتباس
المفضلات