بعض الحلول لمشكلة السرعات الوهمية لشركة تي داتا + تحسين ال SNR

[Sayedmego]

السلام عليكم :

حدثت معي مشكلة ان السرعة المتعاقد عليها 4 ميجا و فجأة اجد ان السرعة 12 ميجا و لكن في Speed Test هي 4 ميجا فقط ما هذا التهريج و عرفت ان هذا حدث بعد عملية اختراق للشركة في اواخر 2016 و مازالت الشركة تعاني من المشكلة حتي يومنا هذا دون وجود حل فعلي للمشكلة و كل مرة الموظف يقولك تفسير غير منطقي منهم ان هذا سيستم جديد للشركة لمتابعة جودة الخطوط و اخر يقولك ان دي مشكلة من الخط الأرضي نفسه و الخ و تنتهي بشكوي و زيارة فنية و يجي الفني المشكلة تتحل لمدة 24 ساعة و علي الساعة 6 صباحا الروتر يرستر و تعود نفس المشكلة و تكرر نفس الكلام تاني و مع بعض المحاولات لقيت حل قد لا ينهي المشكلة لأنها مشكلة من الشركة و لكن مجرد تحسين للمشكلة من خلال الروتر ذات نفسه نبدء :

1- بالنسبة للأشخاص التي سرعتهم لا تتعدي 2 ميجا (1 ميجا او 512 كيلوبت ) :
يوجد في الروتر اوبشن اسمه ADSL Modulation و لو مش عارف توصله ممكن توضحلي نوع الروتر الخاص بك و انا اقولك مكانه بالظبط حتلاقي قائمة فيها عدد من الأختيارات تشمل G.Lite , G.dmt , Adsl , Adsl2 , Adsl2 Plus و هنا سنختار G.Lite هذا الأختيار سيجعل الروتر لا يري سرعة اكبر من 1.5 ميجا و كما هو موضح مناسب للأشخاص الأقل من 2 ميجا بت فقط علي سبيل المثال انت مشترك علي سرعة 1 ميجا و الروتر شايف السرعة 10 ميجا مثلا و هذا يؤثر سلبا علي ال SNR مما يسبب بطئ في التصفح و لاج و احيانا انقطاع في الخدمة بعد هذا الأختيار سوف يقوم الروتر بتحديد اقصي سرعة 1.5 ميجا فقط مما يضمن استقرار للخط


2- - بالنسبة للأشخاص التي سرعتهم تتعدي 2 ميجا (2 ميجا او اكثر حتي 8 ميجا ):
ستقوم بأختيار ال G.dmt و هذا الأختيار يقوم بأخذ اقصي سرعة يتحملها الخط دون التأثير علي استقرار الخدمة يعني لو انت سرعتك 4 ميجا و الروتر شايفها 12 ميجا مع هذا الأختيار ستكون السرعة 8 ميجا فقط و ده طبعا حيحسن بنسبة كبيرة جودة الخط كما حيرفع من قيمة ال SNR لأن كل الرواتر يكون الأختيار الأفتراضي ADSL2 Plus و هذا الأختيار يقوم بأخذ اعلي سرعة متاحة دون النظر لأستقرار الخدمة يعني لو واصلك 12 ميجا و خطك اخره 10 ميجا هو ملهوش علاقة حيختار ال 12 ميجا بغض النظر ان السرعة عندك حتكون غير مستقرة و حيحصل انقطاع مستمر في الخدمة

[coucou]

شكرا جزيلا يا غالي

علما انا كذلك اقوم باستعمال هاته الطريقة

[Sayedmego]

شكرا جزيلا يا غالي

علما انا كذلك اقوم باستعمال هاته الطريقة

العفو اخي العزيز دائما عند حسن ظنك ان شاء الله

[khaled tareq]

طيب ممكن التضويح علما ان الاختيارات كانت كلها مختاره من قبل الشركه
https://prntscr.com/g4ab6a

[Sayedmego]

طيب ممكن التضويح علما ان الاختيارات كانت كلها مختاره من قبل الشركه
https://prntscr.com/g4ab6a

حضرتك لو سرعتك اكبر من 1 ميجا حتختار الأوبشن ده بس و تلغي الباقي



لكن لو سرعتك 1 ميجا او 512 كيلوبت حتختار ده و تلغي الباقي

[khaled tareq]

حضرتك لو سرعتك اكبر من 1 ميجا حتختار الأوبشن ده بس و تلغي الباقي



لكن لو سرعتك 1 ميجا او 512 كيلوبت حتختار ده و تلغي الباقي

طيب انا ميجا بلس 16m

[Sayedmego]

طيب انا ميجا بلس 16m

لا يبقي حضرتك مش محتاج تغيير الأعدادت لأن الروتر بيختار الأفضل لكن الكلام ده للناس اللي وصلها سرعة كبيرة و هما مشتركين علي 1 ميجا مثلا و الروتر شايف السرعة 10 ميجا ده بيعمل مشاكل في ال snr و بيخلي النت يفصل كل فترة

[whiteknights]

شكرا أخى الكريم على موضوعك.. لكن للأسف عندى مش نافع غير إختيار ال G.DMT .. لو قمت بأى إختيار تانى غيره لمبة الإنترنت لا تضىء... سرعتى 512 كيلو بايت

[Sayedmego]

شكرا أخى الكريم على موضوعك.. لكن للأسف عندى مش نافع غير إختيار ال G.DMT .. لو قمت بأى إختيار تانى غيره لمبة الإنترنت لا تضىء... سرعتى 512 كيلو بايت

العفو اخي هو فعلا في بعض الرواتر و خصوصا روتر تي داتا بيكون لا يدعم خيار ال G.Lite و لكن G.DMT ستكون افضل من ADSL2+ و ستعمل علي جعل الخط اكثر استقرار من قبل

[SeniorFigo]

وعليكم السلام ورحمة الله وبركاته


بارك الله فيك أخي الكريم ، كفيت ووفيت ..

بس بلاش تقول :

اختراق للشركة في اواخر 2016 و مازالت الشركة تعاني من المشكلة حتي يومنا هذا دون وجود حل فعلي للمشكلة

عشان فيه ناس هنا بتـزعل ، وبتقولك لا يمكن الشـركة يتم أختراقها ، بالرغم من أن الصحف نزلت الخبر وقت الاختراق ،
وخدمة العملاء نفسها من الشـركة أكدت دا وقالت ان فيه مشاكل حصلت في السيستم ، ولسة من يومين كنت بتابع مشكلة وممثل الخدمة قالي ان المشكلة مازالت في الاجهزة لحد دلوقتي ومأثرة على جودة الخدمة عندي

لكن كلنا بنكدب طبعاً ، والشركة صادقة ما شاء الله .. زي ما احد الافاضل تفضـل ووضح الكلام دا

[whiteknights]

العفو اخي هو فعلا في بعض الرواتر و خصوصا روتر تي داتا بيكون لا يدعم خيار ال G.Lite و لكن G.DMT ستكون افضل من ADSL2+ و ستعمل علي جعل الخط اكثر استقرار من قبل

خيار ال G.DMT هو اللى عندى من البداية و لا استطيع اختيار اى خيار آخر غيره للأسف.. و الراوتر TP-Link

[Sayedmego]

خيار ال G.DMT هو اللى عندى من البداية و لا استطيع اختيار اى خيار آخر غيره للأسف.. و الراوتر TP-Link

هو غالبا المشكلة في الروتر ممكن حضرتك تجرب اي روتر اخر و لو اشتغل معاك كويس ممكن تعمل upgrade لل firmware الخاص بالروتر و ان شاء الله يشتغل كويس

[Sayedmego]

وعليكم السلام ورحمة الله وبركاته


بارك الله فيك أخي الكريم ، كفيت ووفيت ..

بس بلاش تقول :

عشان فيه ناس هنا بتـزعل ، وبتقولك لا يمكن الشـركة يتم أختراقها ، بالرغم من أن الصحف نزلت الخبر وقت الاختراق ،
وخدمة العملاء نفسها من الشـركة أكدت دا وقالت ان فيه مشاكل حصلت في السيستم ، ولسة من يومين كنت بتابع مشكلة وممثل الخدمة قالي ان المشكلة مازالت في الاجهزة لحد دلوقتي ومأثرة على جودة الخدمة عندي

لكن كلنا بنكدب طبعاً ، والشركة صادقة ما شاء الله .. زي ما احد الافاضل تفضـل ووضح الكلام دا

كلام حضرتك مظبوط اخي العزيز و الشركة ذات نفسها اعترفت بذلك و نزلت علي الصفحة الخاصة بها طريقة اعدادت رواتر ال hg532n لأن معظم الأشخاص المستخدمين لهذا النوع من الروتر اكتشفوا ان الروتر اتعمله Reset و محتاج كونفجرشن و لو اتكلمت مع اي فني في هذا الموضوع حيأكد نفس الكلام و دول اكتر ناس عارفة اللي حصل بطبيعة شغلهم

[mibellil]

شكرا أخى الكريم على موضوعك