محتار بين نوعين من البلاور CROWN و APT

[ironfighter]

يا جماعة انا النهارده روحت شارع الجمهورية في رمسيس علشان اسال علي بلور كويس فسالت في محلات و معارض المعدات الخاصة بالبناء عن بلاور INGCO 400W كان الاخ العزيز abdalhaliem الله يجزيه الخير اشار علي بالنوع ده علي اعتبار انه متوسط السعر(230ج) ويفي بالغرض فقال لي صاحب المعرض انه مش كويس النوع ده وعرض عليه نوعين اخرين وانا محتار ما بينهم

الاول
بلاور هواء CROWN معدل تدفق 3.5 متر مكعب/دقيقه - 550 وات
https://egypt.souq.com/eg-ar/%D8%A8%...AA-23462214/i/

والثاني
بلاور ومكنسه شفط وطرد الاتربهAPT سرعات 600وات
https://egypt.souq.com/eg-ar/%D8%A8%...%AA-7265297/i/
الاسعار متقاربه CROWN سعره 390ج لكن مافيهوش تحديد السرعة
والثاني APT سعره 380ج
وانا محتار مش عارف اختار اي نوع افضل من حيث القوة والمتانه طبعا صاحب المحل عايز يبع قالي خد CROWN افضل وانا الان اريد رايكم اختار اي نوع من الاثنين افضل

[phenomenon]

بلاور كراون عندي تقريبا من تلات سنين وبيشتغل كتير و ماشي الحال بدون اي مشاكل

الشفط فكرته ممتازه لانه مشهيملي الدنيا تراب و هتقدر تتخلص من الاتربه من الفلتر بسهوله و لكن بالتأكيد مش هتكون بنفس كفائة الدفع لكن في نفس الوقت التجربه خير دليل ولم يكن لي سابق تجربه

Crown ممتاز ولو عاوزني ارفعلك منه صور مفيش مانع

[Yasser]

الاتنين مصنع واحد حسب ما قاللي البياع وانا اشتريت الازرق اما الرمادي او كراون ده اغلي وافضل والله اعلم

[ironfighter]

شكرا للاخ الفاضل phenomenon والاخ الكريم Yasser
هل ممكن استاذي الفاضل phenomenon بعد اذنك ان ترفع لي صورة عن البلور الذي عندك انا الذي رايته في شارع الجمهورية هو ذلك الذي بالصوره هذه

[phenomenon]

شوف المروحه دي تقيله جدا ولا رياح تسونامي تقدر عليها بس عشان اثبتلك قوته
عيبه الوحيد زرار التثبيت لو حاولت تشغله او تفصله وانت شغال عشان كده مشبحب اثبته لو ثبته هتحس انك ماسك صاروخ لحام

[ironfighter]

الف الف الف شكر ليك استاذي العزيز phenomenon لي طلب بسيط جدا عند حضرتك لو امكن ان تضع صورة للعلبة الكارتون الخاصة بالبلاور بتاعك علشان اعرف الموديل والمواصفات الي عند حضرتك هل تطابق للبلاور الي حجيبه ام لا ثاني شيء هل شركة CROWN تغير اسمها الي APT CROWN
لاني لاحظة علي الصورة التي صورتها للبلاور انه مكتوب عليها بالاحمر APT CROWN اقصد ان ماركة APT CROWN تختلف عن ماركة APT ولك جزيل الشكر

[phenomenon]

مفيش مشاكل دي صورة الكرتونه اعتقد انه نفس صورة المعروض

[ironfighter]

الف الف الف شكر لك استاذي الفاضل واخي الاكبر phenomenon الله يبارك فيك ويجعله في ميزان حسناتك

[ironfighter]

ارجوا من الاخ الفاضل الكريم phenomenon شرح لي طريقة تشغيل البلاور كشافط للاتربة و ليس طارد و انا الحمد لله اشتريته بسعر كويس بس مش عارف ايه فائدة الشيء الي موجود في الصورتين وهل من نصائح تنصحني بها للتعامل او تنظيف ذلك البلاور ولك الف الف الف شكر علي كل ما قدمته لي من خدمات جليلة

[phenomenon]

الف مبروك
للأسف معنديش فكره لأن مفيش مانوال بس ممكن يكون ليها وظيفة زيادة او تقليل جهد البلاور كمثال لكن مش متاكد لاني مجربتش
بالنسبه للشفط لوازمه مش كامله لان المفروض الشفاط بيتركب في الجانب بس مفروض يكون في كيس اضافي بيركب في الامام عشان يحوش الاتربه و لكن مش موجود
فمش متاكد من وظيفة الشفط هل مجرد منظر و لا المفروض انك توفر اي كيس على حسابك تجمع في التراب بصراحه مش متاكد مجربتش

[ironfighter]

الله يبارك فيك يا استاذ phenomenon انا جبته جديد لانج ب 350 ج بس من محل محترم وده سعر ما لاقتهوش عند اي محل تاني غيره انا كده فهمت الموضوع حكاية تركيب الكيس من الامام و الاسطوانه الطويلة الكوتش من من الجنب بس بجد انا مش فاهم موضوع الزرار الاسود الي في الصورتين وظيفته ايه بالضبط متهيألي مافيش داعي اجي جنبه لي سؤال تاني اذا سمحت هو توكيل البلاور ده موجود فين في القاهره ولو امكن رقم تلفونه اذا كان مع حضرتك
وده فيديو وضحلي طريقة التشغيل لكن لبلاور بوش والف شكر لحضرتك
https://www.youtube.com/watch?v=XTRFHlvVPP4

[phenomenon]

والله يا اخي العزيز الفكره اني اشتريت هذا البلاور من صديق على حالته
لم اهتم بضمانه او وكيله او اي شيء من هذا القبيل لان هذا النوع من الاجهزه مثل المكواه / ماكينات الحلاقه الكهربائيه / المكانس الكهربائيه
جميعها بضمان عام واحد و لكنها تعيش اعوام طويله بسبب استخداماتها القليله فلم اجد داعي للسؤال عن كل هذه الاشياء
ولم اهتم بمكان المفتاح الخلفي سابقاً - ربما اثناء الصيانه والفك و التركيب ليه دور لكن مش متاكد برضو

[ironfighter]

phenomenon تسلم يا غالي والف شكر لحضرتك