استفسار عن توافق بين بوردة ومعالج

**karkour** · 18-08-2017, 10:46

السلام عليكم......

انا عندي البوردة ديه

gigabyte g41mt - s2pt --- rev 2.1

نزلت أدور على بروسيسور core 2 quad

المهم لقيت صاحب محل صيانة بيقولي بلاش البروسيسور دة على البوردة ديه لانها ضعيفة وممكن يحصل بطئ في الجهاز وعنق زجاجة

لو فيه شكوك في الموضوع دة ممكن ترشحولي بروسيسور يشتغل مع البوردة كويس

الجهاز عليه كارت نفيديا geforce 210
giga ram DDR3 4
جزاك الله خيرا

**Yasser** · 18-08-2017, 13:42

المهم لقيت صاحب محل صيانة بيقولي بلاش البروسيسور دة على البوردة ديه لانها ضعيفة وممكن يحصل بطئ في الجهاز وعنق زجاجة

يعنى الكواد لو مش بيشتغل على الg41 هايشتغل على ايه ؟ يشتغل عادى لكن يمكن قصده عنق زجاجه لكارت قوى ولا حاجه ....الباور لو قديم مافيش مانع تغيره وطالما نويت الاهتمام بالجهاز ممكن تجيب كارت شاشه زى gt 630 اقوى من الحالى ان شئت

**karkour** · 18-08-2017, 18:26

المشاركة الأصلية كتبت بواسطة Yasser

يعنى الكواد لو مش بيشتغل على الg41 هايشتغل على ايه ؟

شكرا أخي لردك

هو قالي البروسيسور دة يشتغل على بوردة p45 أفضل لانها أقوى من g41

وياريت تقولي اجيب باور مع كيسة ماركة ايه؟ حاجة تكون معتمدة ومش غالية

جزاك الله خيرا

**Yasser** · 18-08-2017, 18:36

p45 فقط تختلف بانها خاليه من الفجا المدمجه ...... اشترى اى كيسه فارغه جديده واحرص على باور لكن كلمه معتمده ومش غاليه صعب .....لو باور مثل جاما 300 جديد بيكون ب600 وهناك باور 2b ب325 والاقل مثل creative لكنه شعبى = 95

**karkour** · 18-08-2017, 18:45

ايه نوع الفيجا المدمجة اللي في g41 ? وكام vram ?

**Yasser** · 18-08-2017, 19:31

فجا للاغراض المكتبيه من انتل لو الحديث عن الالعاب فكأنها غير موجوده وvram متشارك من رامات النظام ولا دخل له فى تقويه الكارت للعلم

**karkour** · 18-08-2017, 20:55

لقيت بروسيسور q9400 وان شاء الله هجيبه ... ينفع أنا أركبه بنفسي ولا فيه حاجات هتتغير في البيوس و كلام كبير ؟؟

**Nour Eldeen tarek** · 18-08-2017, 22:11

بالنسبة للبوردة فأنها تقدر تشغل بروسيسور core2quad وبكفائة لأنها تقريبا من ضمن اخر البورد تقبل c2d&c2q
ولو قدرت انك تجيب بروسيسور q9650 يبقي افضل من حيث الكاش والسرعة والافضل كما قال الأخ الفاضل ياسر انك تحاول تعلي الكارت قليلا وان تقتني باور سبلاي معتمد او علي الاقل موثوق فيه للحفاظ علي مكونات الجهاز بشكل عام

**karkour** · 18-08-2017, 22:24

المشاركة الأصلية كتبت بواسطة Nour Eldeen tarek

بالنسبة للبوردة فأنها تقدر تشغل بروسيسور core2quad وبكفائة لأنها تقريبا من ضمن اخر البورد تقبل c2d&c2q
ولو قدرت انك تجيب بروسيسور q9650 يبقي افضل من حيث الكاش والسرعة والافضل كما قال الأخ الفاضل ياسر انك تحاول تعلي الكارت قليلا وان تقتني باور سبلاي معتمد او علي الاقل موثوق فيه للحفاظ علي مكونات الجهاز بشكل عام

أنا عايز اجيب q9650 أو q9550 بس للاسف مش لاقي

**phenomenon** · 18-08-2017, 23:10

ممكن توضحلنا اخي الكريم هل انت تقصد انك ركبت المعالج الجديد ؟
الف مبروك و لكن درجة حرارة 70C لو كانت في حالة الخمول لأن ده معناه انه هيوصل لفوق 90C في حالات الضغط

اما لو تقصد ان درجة حرارته 70C وقت حالات الضغط فهي امنه تماماً وياريت ترفعلنا صوره من درجات الحراره لقرائة اقصى الدرجات

**karkour** · 18-08-2017, 23:49

المشاركة الأصلية كتبت بواسطة phenomenon

ممكن توضحلنا اخي الكريم هل انت تقصد انك ركبت المعالج الجديد ؟
الف مبروك و لكن درجة حرارة 70C لو كانت في حالة الخمول لأن ده معناه انه هيوصل لفوق 90C في حالات الضغط

اما لو تقصد ان درجة حرارته 70C وقت حالات الضغط فهي امنه تماماً وياريت ترفعلنا صوره من درجات الحراره لقرائة اقصى الدرجات

لا لسة هركب المعالج بس بسأل هل ينفع أركب دة مكان دة وخلاص ولا لازم أدخل أعدل حاجات في البيوس ؟؟

على البروسيسور القديم pentium 4 630 درجة حرارته بتكون 60 أو 70 في وضع الخمول وبيسخن طبعا ويوصل ل 80 درجة أو أكتر لو شغلت أي لعبة... وكارت الشاشة بيكون 55 درجة بدون تشغيل أي حاجة على الجهاز ...

فهل لو غيرت البروسيسور وركبت q9400 على نفس المازربورد ونفس كارت الشاشة هلاقي نفس السخونة والتهنيج دة ؟ و مفيش أي برنامج لقياس الحرارة بيتوافق مع البروسيسور القديم ..... جزاك الله خيرا

**Yasser** · 19-08-2017, 01:00

اختناق المعالج القديم ووصوله 100% مع الالعاب لن يحدث مع نفس الالعاب على المعالج الجديد ولا اجراءات من البيوس تحتاجها بعد التركيب .....اما مشكله السخونيه فبترجع للمروحه لكن جرب اولا على المروحه القديمه

**Nour Eldeen tarek** · 19-08-2017, 03:51

الي فهمته من كلامك انك تعاني من مشكلة درجة حرارة البروسيسور تمام مبدأيا انت لو غيرت البروسيسور لحاجة اعلي زي core2quad q9650 او q9550 ده يبقي افضل لأن البروسيسورالي معاك قديم وبالتالي معمارية قديمة وحرارته عاليه
تاني حاجة انت مركب مشتت ايه لو تجاري الاحسن تركب مشتت انتل الأصلي ويكون حجمه كبير وثقيل في نفس الوقت وتغير معجون والاحسن الي بيجي في انبوب وليس الكيس الارخص
وبالنسبة لحرارة كارت الشاشة في درجات حرارة الجو في الصيف حاليا هي كويسة

**phenomenon** · 19-08-2017, 04:44

80C ليست مشكله
أمتلك نفس المعالج بالضبط يعمل بدرجة حرارة 85C دون إنقطاع فلا تقلق

شيء طبيعي كما تفضلوا الاخوه الكرام في معاناتك من اختناق المعالج اثناء تادية ابسط الاعمال وإن شاء الله هتكون الاوضاع افضل مع المعالج الرباعي

تذكر فقط تحديث البيوس من الآن قبل الشراء لآخر إصدار متوافق مع فيرجن اللوحه الأم و بعد الشراء هتشيل القديم و تركب الجديد بنفس الشكل تماماً " السهم الاصفر الصغير
المرسوم اسفل يسار المعالج لابد ان تكون
وجهة شعاعه تجاه اسفل يسار اللوحه الأم أيضاً " = بنفس طريقة تركيب المعالج القديم بالضبط و مبروك مقدما

المعالج الجديد يستهلك طاقه أعلى وإن إستطعت توفير مشتت اقوى يكون افضل خاصةً لو هتشتريه من اجل الالعاب

**karkour** · 19-08-2017, 04:52

شكرا جدا للأخ phenomenon والأخ ياسر والأخ نور الدين

على الردود والنصايح

هو للأسف مشتت مش كبير وشكله تجاري وهغيره ان شاء الله

هو مشتت انتل والمروحة سعرهم في حدود كام لو جديد ؟ ويركبوا على أي كيسة عادية ولا لازم كيسة كبيرة ؟

وسؤال للأخ phenomenon يعني ايه أحدث البيوس ؟ يعني ايه الخطوات ؟