يعنى مفيش ردود من خبراء المنتدى اللى انا دايماً بثق فيهم وفى سرعة ردهم وحلهم للمشاكل .. اتمنى الاهتمام بالمشكلة زى ما عودنا عرب هاردوير دايماً .
الجهاز عندى بيفتح عادى جداً وبسمع صوت صفارة البيوس اللى بتعرفنى ان كل شىء تمام وبيدخل على الويندوز تمام بس المشكلة ان الشاشة بتبقى فاصلة مش جايبة اى حاجة واللمبة بتاعتها بتطفى وتنور وحصل معايا الموضوع ده مرتين المرة الاولى دخلت على القائمة بتاع الشاشة عشان اتأكد ان الكابل DVI مظبوط على PC وعملت ريستارت للجهاز وبرده ما اشتغلتش الا لما دوست على زر تشغيل الشاشة يعنى طفتها وشغلتها تانى لقيت الصورة اشتغلت والمرة التانية امبارح وبرده بفتح الجهاز نفس المشكلة وعملت زى المرة اللى فاتت بالظبط بس المرة دى ما اشتغلتش فطفيت الجهاز وفكيت الكابل من كارت الشاشة الخارجى وركبته تانى وفتحت الجهاز واشتغلت الحمد لله الخوف هنا انى عندى كارت الشاشة بتاعى GTX 970 خايف تكون المشكلة منه وهو مكملش سنتين ناس هتقولى كارت الشاشة علاقته ايه بالموضوع طالما الجهاز بيدخل على الويندوز عادى هقولكم ان اول مرة حصل الموضوع ده الايقونات كبرت جداً ولقيت علامة تعجب على اسم تعريف الكارت من device manger والمرة دة تعريف انفيديا اختفى لما الشاشة اشتغلت من تحت بس التعريف من device manger كان سليم ومفهوش اى علامات فياريت الخبراء يفيدونى عشان انا قلقان جداً من الموضوع ده وعايز اعرف ايه السبب ومنتظر الردود المفيدة وشكراً لكم .
يعنى مفيش ردود من خبراء المنتدى اللى انا دايماً بثق فيهم وفى سرعة ردهم وحلهم للمشاكل .. اتمنى الاهتمام بالمشكلة زى ما عودنا عرب هاردوير دايماً .
*هل الشاشه مع تشغيل الجهاز تبتدى مطفئه ام فقط تطفى مع الويندوز ؟
*هل توصل dvi بكيبل مباشر ام تستخدم مشترك تحويل ؟ وهل جربت كيبل hd مثلا واختبرت المشكله ؟
* ممكن تمسح التعريف من جذوره ببرنامج ddu بعد الدخول للsafe mode ثم تثبت تعريف كان مستقر ومتجرب معك لفتره ؟
[ إضافه الردود ليست للخبراء فقط إنما للجميع فكلنا خبير بما علمه وجرَبه بنفسه فى موقفِِ ما ]
ثغرتى المعالجات الحديثه [Meltdown & Spectre ]
طريقه بسيطه لرفع صور على المنتدى باستخدام حساب الفيسبوك
ياريت قبل ماانجاوب حضرتك تقولنا مواصفات جهازك بالتفصيل من بروسيسور ورامات ونوع الباور يعنى كام وات وماركته ومركب هارد واحد ولا كذا هارد
للأسف الشديد الأعراض التي ذكرتها تجعل كارت الشاشة في مرمي الاشتباه .............
ولكن الشيئ الجيد هنا هو انا هناك احتمالية كبيرة بوجود الخلل في تعريف الكارت و ليس الكارت نفسه ...........
رأيي الشخصي هو تنزيل نسخة ويندوز جديدة وتثبيت التعريف مرة أخري و ليس الاكتفاء بمسح التعريف السابق فقط ..........
[ إضافه الردود ليست للخبراء فقط إنما للجميع فكلنا خبير بما علمه وجرَبه بنفسه فى موقفِِ ما ]
ثغرتى المعالجات الحديثه [Meltdown & Spectre ]
طريقه بسيطه لرفع صور على المنتدى باستخدام حساب الفيسبوك
انا بشكر حضرتك على ردك وبقول لحضرتك ان الشاشة بتبتدى مطفية مع تشغيل الجهاز وكابل الــ DVI متوصل مباشر لكارت الشاشة بدون مشترك تحويل والشاشة للأسف مفيهاش مكان للــ HD وبالنسبة للتعريف انا اعتقد ان التعريف ملوش علاقة بالمشكلة والويندوز ايضاً لأن الشاشة بتبتدى مطفية مع تشغيل الجهاز يعنى قبل الدخول على الويندوز من الأساس ومنتظر رد حضرتك .
هذه الجملة هي التي استوقفتني وجعلتني أضع أحتمالية وجود خلل في الكارت نفسه ..........علما بأن أعطال الGPU تكون بالفعل تدريجية عن طريق ظهور عيوب متقطعة علي فترات متباعدة و لمرات قليلة ......و بعدها تحدث الكارثة !!!
عموما قم بتغيير الكابل الخاص بالشاشة علي سبيل الاحتياط .........و لا تنسي التأكد تماما من سلامة وقوة الباور الخاص بك فهو متهم تماما مثل الكارت نفسه وعليك تجربته علي كارت أخر قوي أو باستخدام مقياس للأحمال يتناسب مع استهلاك الكارت من الطاقة .....
بالاضافه لما ذكره الاخوه وكله سليم تحضرنى مقوله لاستاذنا الفاضل عبد الحليم العلاج بالاستبعاد
ابتداءا بارجاع اعدادات البيوس للافتراضى ثم تنصيب نظام جديد واحدث تعريف
نبتدى بما لايكلفنا مال ثم نتابع الى ان نصل الى المشكله
شكرا لكم جميعاً على الردود السريعة والتفاعل المفيد وسأقوم بتجربة حلول الأعضاء الكرام وربنا ان شاء الله يعمل اللى فيه الخير .
المفضلات