مشكلة ظهرت بعد انقطاع الكهرباء ارجوكم ساعدوني علشان هاتجنن

[Gunner1]

السلام عليكم
كل شيئ كان ماشي تمام التمام بس بعد ما الكهرباء قطعت اثناء فتح لعبة حصل مشكلة رخمة قوي, بعد ما الكهرباء جات فتحت الجهاز لقيت الريسولوشن نزل لل Low ولما رفعتو لل high لقيت فية اماكن بالطول (رأسيا) مش واضحة كأن الشاشة عليها ضباب واماكن بالطول برضو واضحة عادي طبيعي ولما افتح فيديو بلاقي تقطيع بالعرض في الصورة كأني مشغل لعبة بفريم عالي جدا والكلام دة لازم تدقق فية علشان تلاحظة
بالنسبة للسوفت وير مافيش سلييب اوبشن Sleep ومافيش NVIDIA control panel في ال ٌRight Click ولما احاول افتحها من جوة يظهر رسالة كأن مافيش شاشة متصلة
وال Device Manager فية مثلث اصفر بجانب كرت الشاشة ومثلثات بجانب ال PCI e انما في ويندوز 10 كان بجانب كرت الشاشة فقط
ولما حاولت اعمل Install لل INF driver حصل خطأ في نسخ الملفات
غيرت الشاشة بشاشة تانية واشتغلت بدون مشكلة الصورة فقط انما باقي المشكلة كانت لسة موجودة

ودة الجهاز :
Processor I5 4th
Galaxy GTX 660 2gb
4gb kingston ram
Power supply Seasonic 520W
ASRock B85M mother board
Samsung S19B300 monitor

الحلول اللي جربتها وفشلت
- مسحت التعريف و ثبتة تاني (كامل من موقع نيفيديا)
- غيرت الويندوز من 8.1 ل 10
- نظفت الجهاز بالبلاور كويس جدا جدا

انا عايز اعرف مصدر المشكلة هل هي اللوحة الام ام كرت الشاشة وهل الشاشة ينفع استخدمها ؟ ولا ممكن يحصل ضرر علي العين ؟؟
ارجوكم يا جماعة انا هاشد في شعري بجد حالتي النفسية سيئة بسبب المشكلة دي ومش عارف اتصرف ازاي
وشكرا مقدما

[abdalhaliem]

أخى الكريم

هًون عليك

وقم بأخد الأمور ببساطه

قم بأزاله كارت الشاشه تماما

وقم بالعمل على المعالج الرسومى المدمج بالمعالج المركزى

وأخبرنا بالنتيجه

ولو توجد أمكانيه قبل ذلك بتجربه رام أخرى

وأريد منك رفع صور من برنامج AIDA64 Extreme

من تبويب sensor

كما بالصوره







بأنتظارك

بالتوفيق

[Gunner1]

للاسف مش متوفر رام للتجربة
وبالنسبة بتوصيل الشاشة للعمل علي المعالج الرسومي المدمج بالمعالج المركزي ف ممكن حضرتك توضح اية الفائدة ؟
و حرارة الجهاز جيدة بدليل صوت المراوح مش عالي
المشكلة اكيد بسبب قطع التيار الكهربي بس انا مش متأكد
ولو حضرتك قرأت كلامي السابق كويس هاتلاقي ان الشاشة الاخري اشتغلت كويس من حيث وضوح الصورة فقط فاعتقد ان الشاشة باظت للاسف وغالبا كمان كرت الشاشة و/او اللوحة.
وشكرا علي اهتمام حضرتك

[RVD150]

حضرتك الفائدة لما تجرب الكارت المدمج مع المعالج عشان نعرف المشكلة فين لو الكارت المدمج اشتغل كويس يبقى المشكلة فى الكارت بتاعك

تانى حاجة حضرتك قولت فى كلامك انك لما جربت شاشة تانية فى عيوب اختفت و فى مشاكل زى ما هى يبقى لسة فى مشكلة ولو حضرتك جربت شاشة تانية و الجهاز اشتغل معاك كويس و حضرتك عرفت المشكلة فين طيب لية عملت موضوع و بتسأل المشكلة فين

[Gunner1]

حضرتك الفائدة لما تجرب الكارت المدمج مع المعالج عشان نعرف المشكلة فين لو الكارت المدمج اشتغل كويس يبقى المشكلة فى الكارت بتاعك

تانى حاجة حضرتك قولت فى كلامك انك لما جربت شاشة تانية فى عيوب اختفت و فى مشاكل زى ما هى يبقى لسة فى مشكلة ولو حضرتك جربت شاشة تانية و الجهاز اشتغل معاك كويس و حضرتك عرفت المشكلة فين طيب لية عملت موضوع و بتسأل المشكلة فين

طيب ما يمكن الكارت المدمج يشتغل كويس وتكون المشكلة في المازر بورد بدليل تعريف ال INF مش راضي يتسطب اساسا
وانا مش فاهمك صدقني

[abdalhaliem]

بصراحه أنا مش فاهمك

؟؟؟؟؟؟؟؟؟؟؟؟

أنت سألت سؤال

ونحن أجبناك وطلبنا منك شىء بسيط للغايه

و تجادلنا فى ماهى فائدته

ياعزيزى نحن نعمل بالصيانه منذ أمد بعيد

وبصراحه لم يقابلنى من يجادل هكذا

نطلب منك تجربه الفيجا الداخليه

تجاوب أيه الفايده

نطلب منك صوره لدرجات الحراره

تجاوب أن الدرجات كويسه لأن المراوح صوتها مش عالى ؟؟

بل وتحدد العيب

طيب ما يمكن الكارت المدمج يشتغل كويس وتكون المشكلة في المازر بورد

حسنا مافائده هذا الموضوع ؟؟؟؟؟؟؟


عموماا براحتك

السبب الكهرباء

البورده بايظه

الشاشه بايظه

كما تحب !!!!

[Gunner1]

انا بصراحة مش شايف هي فين المشكلة لما حضرتك ترد علي اسئلتي ! واية المشكلة اني اجادل ؟ انا احب اني اكون فاهم الاول قبل ما افعل اي شيئ ودة في حياتي كلها مش في الكمبيوتر بس
اعتبرني جاهل ياسيدي وفهمني!
وفائدة الموضوع اني مش عارف فين العطل بالتحديد
ولو كان السبب ارتفاع درجة الحرارة كان هايكون في اعراض تانية وعلي العموم زي ماطلبت مني هاشوف درجة الحرارة
ولو انا من النوع غير المرغوب فية هنا فا ممكن تقفل الموضوع او تمسحة خالص مافيش مشاكل ^_^

[Gunner1]

https://imgur.com/a/rUg18

[RVD150]

ياريت حضرتك تهدى شوية انا مش فاهم حضرتك سالت و بتقول فى مشكلة عندك و احنا عشان نساعدك لازم بنقولك تجرب حاجات عندك عشان نفهم فين العطل عشان الحاجة مش شايفينها قدمنا فا لازم حضرتك تجرب و تقولنا لكن حضرتك مش عايز انك تجرب طيب نساعدك ازاى و عمال تقول يمكن العيب هنا يمكن العيب هنا طيب بدل يمكن و معرفش اية ماتجرب الى نقولك علية اكيد احنا فى النهاية عايزين نساعدك مش اكتر

[abdalhaliem]

الأخ الكريم

أنت مرحب بك بيننا كعضو من أعضاء عرب هاردوير

ولايوجد هناك أى سبب لتكون غير مرغوب فيك

الموضوع تحول من أستفسار ألى جدال

أنت عندما تذهب ألى فنى صيانه

وتطلب منه فحص جهازك لوجود عطل به

أتطلب منه أن يفعل هذا ولايفعل ذاك ؟؟؟

المشكله أننا نتحاور من وراء الشاشات

ولانعلم أعمار بعضنا ولاالمهن التى نمارسها

ياأخى الكريم أنا مهنتى الأساسيه صيانه الكمبيوتر

وعملنا هو تطوعى لوجه الله تعالى

كما أننا بسن كبير وعندنا أولاد بنهايه مراحل تعليمهم

لكل تلك الأعتبارات أعلاه أنا لاحب الجدال

النقاش والفهم شىء والجدال شىء أخر؟؟؟

وأنظر بنفسك كم رد قمنا بالرد عليك وقمت أنت بالرد ؟؟؟

أليس من الأجدى بمشاركه واحده كنت نفذت ماطلبناه منك

ألا ترى معى أن الموضوع أنحرف عن مساره ؟؟؟

هذا سبب قوى لأغلاقه

وليس بسبب أنك غير مرغوب بك

بالعكس نحن نرحب بالأعضاء الجدد

نرحب بهم لنجعلهم يستمرون معنا

وليس ننفرهم من المكان

ونخن نخاطب هذا بأخى الكريم

وذاك بأخى العزيز

ولايوجد بيننا من هو غير مرغوب به

ألا من خرج عن القيم وقوانين المنتدى

بالنهايه لن أغلق الموضوع

ولو انا من النوع غير المرغوب فية هنا فا ممكن تقفل الموضوع او تمسحة خالص مافيش مشاكل

أما نحن فيفرق معنا جداا

أستمر لعل الأخوه الكرام يساعدونك

أنصحك فقط بالتروى والأسلوب الهادىء

فنحن كل هدفنا مساعدتك

نصيحه رجل له عشرات السنوات بهذا المجال

بالتوفيق

[Gunner1]

يا استاذي عبد الحليم انت علي راسي من فوق سواء سن حضرتك كبير او صغير سواء خبرتك 100 سنة او صفر وانا مش طفل صغير بردو بس للاسف اظاهر كدة مافيش فايدة كأني ماقولتش شيئ
اسلوب حضرتك زي اسلوب ابويا تماما وصدقني لو كنت رديت علي اسئلتي من الاول كان هايبقي اسهل بكتير بس علي العموم خلاص اعتبرني ماسجلتش هنا اصلا

سلام .

[RVD150]

لو حضرتك رديت على أسئلة بتاعتنا من الاول كان أسهل حضرتك طرحت مشكلة و احنا اللى بنقولك تجرب و تعمل اية و حضرتك تجرب و ترد علينا لكن تيجى حضرتك تطرح مشكلة و تيجى نساعدك تقولنا لا انا مش مقتنع طيب عايزنا نعمل اية نساعدك ازاى هو دة الى فى ايدينا

و استاذ عبد الحليم فعلا استاذ و بروفيشنال فى الكمبيوتر و بيعرف كل صغيرة و كبيرة فى الكمبيوتر و انا اتعلمت منو حاجات كتير و على العموم براحتك

[abdalhaliem]

الأخ RVD150

أشكرك أخى الكريم على كلماتك الطيبه

أنما أنا أقلكم علما

أجاهد لنيل أستحسانكم ورضاكم


الأخ Gunner1

بصراحه لاأعلم كيف أخاطبك

كل ماتفعله أنك تذهب بعض الوقت وتأتى برد خارج الموضوع

!!!!!!!

أنا أعترف أنى أخطأت

أخطأت لأنى لم أغلق الموضوع

عندما طلبت أنت ذلك

كنت قد فكرت أنى عندما أخاطبك برقى ستتفهم

لكن من الواضح انى أخطأت

عموما لابأس

الناس على ماترى مذاهب

عموماا سيتم غلق الموضوع كما طلبت

لأنه من الواضح أنه ليس هناك موضوعاا

وعليك مستقبلا سواء شئت أن تشاركنا أم لا

فهذا شأنك أنت فقط !!!

أن تكون متعاوناا والرد على طلبات من يريدون حل مشكلتك


يغلق

[Yasser]

فعلا اخي عبد الحليم كما قال الاخ غير المسجل اصلا:

"مافيش فايده"

[abdalhaliem]

فعلا اخي عبد الحليم كما قال الاخ غير المسجل اصلا:

"مافيش فايده"

أليس كذلك ؟؟؟

فعلا مافيش فايده

هكذا مواضيع لايجب أن تكون

بمنتدى عرب هارد وير