السلام عليكم و رحمة الله و بركاته
انا عندي المشكله إني استلمت الراوتر te data يوم الخميس 12/10 و لحد النهاردة عندي مشكلة في انقطاع الخدمة بشكل متكرر بسبب إن كل شوية على مدار اليوم لمبة adsl تطفي و ترستر مع نفسها و ترجع تشتغل تاني مع لمبة الانترنت لمدة بسيطة و ترجع ترستر تاني ايه السبب معرفش .
المهم بحثت كتير على النت و دخلت على اليوتيوب إلي ان توصلت الي تغيير مود adsl من إعدادات الراوتر و جربت مود G.Dmt و G.Lite :-
في حالة مود G.Dmt بلاحظ إن Downstream line rate (kbit/s) = 700 يعني السرعة مش واصلاني كاملة من السنترال لأن خطي 1 ميجا يبقى المفروض تكون 1024 بالإضافه إلي Upstream SNR (dB) = 25 و Downstream SNR (dB) = 12 يعني معناته إن فيه تشويش جامد على الخط لأن المفروض قيمة Downstream SNR (dB) تكون ما بين 15-40 . وفي حالة مود G.Lite بلاحظ إن Downstream line rate (kbit/s) = 1024 يعني تقريبا السرعه واصله كامله بس للأسف بتكون Downstream SNR (dB) = 6 يعني خلاص لمبة adsl هتفصل . طبعا كلمت الدعم الفني و حولوني على قسم الزيارات الفنيه و بالفعل جالي الفني النهاردة و بص عندي على صفحة الراوتر و قالي كله تمام و نزل فتح البوكسة اللي ف الشارع و فك الوصلات و ركبها من جديد و برضو مفيش جديد قالي بإختصار المشكلة في الفرعات اللي واصلة لحضرتك من السنترال خصوصا إن السنترال اللي انا تابع ليه موجود في قرية جمبنا يعني إمكانياته مش عاليه زي المدينه .
أنا بصراحة زهقت من المشكلة دي و احترت معاها لأني مش عارف استخدم الخط ساعة على بعضها ومعدش ينفع الغي الخدمة لازم اقعد معاهم سنة على الاقل .
يا ترى ايه أنسب حاجه المفروض تتعمل ؟
و دول صورتين من على صفحة الراوتر عندي لتوضيح المشكلة بشكل أوضح :-
file:///C:/Users/mms/Desktop/bandicam%202017-11-01%2015-00-10-358.jpg
file:///C:/Users/mms/Desktop/bandicam%202017-11-01%2015-03-13-387.jpg
ممكن حد يساعدني بخصوص المشكلة و ازاي اوصل الصورة للسنترال بخصوص الفرعات عشان يفهموا قصدي لانه ممكن يقولي ما دام الحرارة واصلة خلاص يبقى مفيش مشكلة من عندنا .
ازاي ارفع الصور من على الكمبيوتر كل مرة باجي اختار ادراج صورة اللي موجود بس ادراج صورة من رابط url مفيش خيار من على الكمبيوتر ؟
الأخ الكريم
هذا الموضوع الذى أنت بصدده
مرينا به مرات عديده وأصبح شسئا أعتيادياا
وأليك الملخص المفيد
ولن تصدق أين الحل ؟؟؟
الحل مع فنى التليفونات بالمنطقه
حاول تتواصل معاه وتفهمه المشكله بهدوء
( مع وعد أنك حاتظبطه بعد حل المشكله )
بعد تجارب وممارسات عديده بل وشكاوى عده
لم يحل هكذا مشاكل
ألا فنى التليفونات الذى يتولى عمليات صيانه المنطقه التى تتبعها
وبالنسبه لرفع الصور
قم برفعها ألى أى موقع رفع صور
ومن ثم أرفاق الرابط داخل مربع url
بالتوفيق
تحياتى
بالفعل الاستاذ محمد نصحني بكد و الفني انا على معرفه بيه و جه اول مرة اول ما استلمت الراوتر وكانت مشكلة السلك من البوكسة لحد عندي فوق و طبعا غيره و اديته 60 جنيه و النهاردة جه معايا من السنترال و غير الفرعات بتاعت التلفون من الكابينه و اتصل بالعامل ف السنترال عشان ينقلني برضو و تقريبا فيه ثبات ف السرعة بس قيمة Downstream snr ما زالت منخفضه عند 6 .
دي صور للمشكلة قبل ما يجي الفني يغير الفرعات النهاردة :-
ودي صورة للنهاردة بعد ما الفني جالي و غير الفرعات من الكابينه و السنترال :-
يا ترى العمل هيبقى ايه دلوقتي ؟
ودي صورة حالا لقيت النت فصل فجأة دخلت اشوف Downstream snr لقيت قيمتها 3.1 يعني خلاص لمبة adsl فصلت .
الأخ الكريم
المشكله عندك تنحصر بين ثلاث أحتملات
الأحتمال الأول من السنترال والمشاكل التى تنجم بين الكابينه والسنترال
والفرعات التى أنت عليها وسلك التليفون
وتلك بيد الفنى كما أسلفنا
*************
والأحتمال الثانى من الشركه المزوده للخدمه نفسها
****************
والأحتمال الثالث بالراوتر والسبليتر المستخدم
ولابد من تجربه الأحتمال تلو الأخر
أذا لم تحل المشكله
أذهب ألى الدعم الفنى مباشره
وأطلب منهم بصوره حازمه حل المشكله
تلك هى الطرق التى عليك ان تسلكها
بالتوفيق
والله جربت كل دول و الشركه لا بتقدم ولا بتأخر و الفرعات غيرتها من الكابينه و السنترال و الوصلات عندي و السلك من البوكسة و الراوتر سليم . طب تبقى المشكلة من ايهالمشاركة الأصلية كتبت بواسطة abdalhaliem
و ازاي قيمة Downstream max rate في الصورة دي قيمته 1076 يعني ازاي اقصى سرعة يتحملها خطي في السنترال 1 ميجا ؟
ممكن حد يفيدني لأني زهقت من المشكلة دي بصراحه و الله دافع لفني السنترال اول مرة 60 شغل ايده مع حساب تمن السلك اللي غيره و النهاردة عشان غير الفرعات 50 و عمال اصرف و نفس النتايج ف الاخر لحد ما زهقت لاني جربت كل الحلول الممكنه ومش عارف اعمل ايه ؟
قسمه line atteniation سيئه جدا
هو انت الوحيد الى موصل ؟
مش فاهم حضرتك تقصد إيه . انا موصل لوحدي و عملت كل حاجه و غيرت الفرعات من السنترال و غيرت الخط من الكابينه و غيرت السلك عندي من البوكسه و جربت إني اوصله مباشر للراوتر و برضو كل شوية لمبة adsl تطفي و ترستر مع نفسها مش بتثبت حتى نص ساعه على بعضها و يوم ما بيشتغل بتكون السرعه مش واصله كاملة .
حسبي الله و نعم الوكيل والله مستلم الراوتر من يوم 10/12 دلوقتي عديت الشهر و الواحد ع الحال دا و دافع بمقدم التقديم ع الخط و إكراميات فني السنترال يجي 250 جنيه و كله ع الفاضي محدش بيخدم ولا بيحل المشكلة .
و الدعم الفني شوية بهايم أهون حاجه عليه يقفل شكوى و يفتح غيرها و يقولي معاك 3 ايام عمل على ما الاعطال تفحص الخط ونا عارف إنهم مش هيعملوا حاجه .
الواحد زهق ومبقتش عارف ايه تاني فاضل ممكن يتعمل .
ضوابط المشاركة
رد مع اقتباس
المفضلات