بخصوص كيسة Hp workstaion z400 برجاء الرد

[kerolos gerges]

السلام عليكم انا من مصر حبيت اشتري كيسة hp workstation z400
كنت طالب من الراجل المواصفات دي بسعر 4150 جنيه مصري
Cpu Xe5650
ram 8
hd 250
viga qudro nivdia
اتفجأت لما شحن الكيسة لقيت البريسوسور E5620 وبيقولي ده برضو Cash 12 بس اختلاف الكور طبعا
اتفاجأت برضو كارت الشاشة Amd Radeon Hd 7000 series وبيقولي ده احسن من نيفيديا كواردو
حد يفيدنا كارت الشاشة ده افضل ولا نيفيديا
وياريت حد يقولنا الcpu الي طلبته X5650 اغلي من فلوس الكيسة عشان كده بعت E5620

[abdalhaliem]

الأخ الكريم

لقد تلقيت تحذيراا لتكرارك المواضيع التى تحمل نفس المضمون

تحنب تكرار ذلك تفادياا للمخالفه

بالنسبه لسؤالك

طبعا المعالج 5650

أقوى بكل المقاييس

دائما مانحذر بالنسبه لتلاعب التجار بمواصفات تلك الأجهزه

وتريد مقارنه كارت Hd 7000 ( ماهو موديله تحديداا )

بكارت كوادرو

لايجوز المقارنه بالمطلق

خصوصاا أنك لم تذكر نوع كارت الكوادرو

بالتوفيق

[kerolos gerges]

فالبداية اعتذر عن تكرار المواضيع لأني جديد هنا
ثانيا اخي بالنسبة للفلوس الي انا دافعها 4150 فمن حقي اخد كارت ايه او بمعني تاني علي قد فلوسي اخد كارت كوادرو رقمه ايه
وهل الكارت الAmd HD 7000 علي قد الفلوس بتاعتي ولا ارخص والمفروض يديني حاجة اعلي

[abdalhaliem]

ياأخى الكريم

بلاش رأيى أنا بتلك الأجهزه بالله عليك

حتى لاتزعل

أنا أرى أن تلك الأجهزه هى صناديق نفايات

ولاتستحق المبالغ التى تدفع فيها

( ارزاق )

ثم Amd HD 7000

ماهوموديله تحديداا ؟؟؟؟

توجد كروت عديده من الفئه ( 7000 )

هو عموماا الأسعار مولعه

ولاأعتقد أنك تستطيع أرجاع الجهاز

لذلك تعامل مع الأمر الواقع

بالتوفيق

[kerolos gerges]

الكيسة انا دفعت عربون فقط وبالفعل رجعتها لصاحبها بس محتاج رقم حضرتك اكلمك فون

[abdalhaliem]

تم أرسال رساله خاصه

تحياتى

[saidzkralh]

السلام عليكم
اولا بالنسبة للبرسسور
x5650 سعر تقريبا فى الوقت الحاضر حوالى 600 جنية لانة 6 كور كاش 12
اما البرسسور e5620 فسعر تقريبا حوالى 175 جنية لانة اداء ضعيف

بالنسبة للكارت لازم اعرف نوع الكارت الكودرة المتفق علية اية
اما بالنسبة لسعر الكيسة على المواصفات اللى باعهلك البايع فغالية جدا

[Frankenstien]

السلام عليكم انا فهمت حضرتك عاوز تعرف ايه عمتا
بعد اذن الاداره و الاستاذ عبدالحليم
البروسيسورين زي ما وضحلك الاستاذ عبدالحليم ميتقارنوش ببعض تحت اي ظرف
و الكرت الي المفروض يجي مع الكيسه بلسعر دا بلأمكانيات الي وعدك بيها المفروض يبقى كا حد ادنى quadro fx 580
و كا حد اقصى fx 4600 او fx 3800
و لو تعرف ترجع الجهاز هيبقى احسنلك طبعا لانها صناديق زباله فعلا و بتبقى اتهرت شغل قبل ما تجيلك مصر
و مشاكلها كتير و المصيبه الاكبر ان اسعارها بقى مبالغ فيها بشكل غير طبيعي الاول الناس كانت بتتجهلها علشان سعرها قليل انما دلوقتي بنفس سعرها انتا ممكن تجيب بندل بدون رامات و لو اتضافله رامات هيبقى اقوى منها بكتييير جدا
و شكرا و اسف على الازعاج