اللاب لو فصل كهرباء .. يشتغل لكن لا يظهر اي شئ على الشاشة والمروحة تشتغل على التربو

[mazen.sameh]

السلام عليكم ورحمة الله وبركاته

اللاب بتاعي HP Probook 450 G1
processor i5 4200MQ

اللاب اصلا 8 جيجا رام بس انا اشتريتله من شهرين رام كمان 8 جيجا يعني هو دلوقت 16 جيجا وكان شغال كويس

من يومين حصل انه فصل من الشاحن ولأن البطارين بايظة فصل الجهاز في ثواني
بعد توصيل الكهرباء مرة تانية ازرار الجهاز بتنور والمروحة بتشتغل على التربو اعلى حاجة بس مفيش حاجة بتظهر على الشاشة خالص والجهاز مش راضي يفتح
فصلت الكهرباء عنه لسااعات وجربت افتحه فتح
اتكرر الموضوع كل ما يتهز الشاحن او الكهربا تفصل اللاب ما يرضاش يفتح الا لما افصل كهربا بالساعات
جربت اشيل الرامات واحطها تاني واشتغل فعلا في ساعتها
عملت test على الرامات و windows memory diagnostic وما طلعوش اي مشاكل .. الجهاز قاري 16 رام عادي وبيحمل على الاتنين عادي
ايه المشكلة والعيب اللي الرام مش فاهم
ملحوظة : الرام نفس النوع والبس ونفس كل حاجة من الرام الاصلي بس ماركة kingstone والاصلي صيني من HP
ارجوا الايفادة واسف للايطالة وشكرا

[abdalhaliem]

مرحبا اخى الكريم

لاأعتقد أن تلك المشكله خاصه بالرام

مشاكل الرام تتلخص بالشاشه الزرقاء

وتجمد الجهاز وماشابه

قبل الحديث عن أى أحتمال

تأكد من سلامه الهارد

وفحصه ببرنامج

Hard Disk Sentinel

أو

HD Tune Pro

بأنتظارك

تحياتى

[mazen.sameh]

نسيت اذكر ان زرار caps lock وزرار num lk بتاع الارقام اللي على اليمين بينوروا 3 مرات وانا بفتحه وما بيجبش حاجة..
انا خمنت انها الرام بعد ما الموضوع اتكرر معايا اكتر من 4 مرات والجهاز مش بيرضى يفتح فعلا الا لما افصل الرامتين من الجهاز واحطهم تاني .. غير كدا كان بيقعد بالساعات ومايرضاش يفتح وتفضل المروحة على التربو .. وما جربتش افصل الجديدة واسيب القديمة او افصل القديمة واسيب الجديدة

وشكرا لرد حضرتك السريع وانا هنفذ اللي حضرتك قلتلي عليه واقولك

[mazen.sameh]

تم فحص الهارد باستخدام بؤنامج Hard Disk Sentinel PRO 5.01.8

[abdalhaliem]

تمام أخى الكريم

فضلا وليس أمراا

هلا فصلت الرام الجديده تاره والقديمه تاره أخرى

مع العمل على كلاهما

على أنفراد فتره من الوقت وتبين

حدوث نفس المشكله من عدمه

ولكن أولا

وعن طريق برنامج cpuz

قم بأرفاق صور لخصائص الرام

وذلك من تبويب ( memory ) وتبويب ( spd )

والرامتين راكبين سوياا

بالنسبه لتبويب ال ( spd )

ستختار ال ( slot ) الذى به الرام الأولى وتصويره

ثم تختار ال ( slot ) الذى به الرام الأخرى وتصويره

بأنتظارك

تحياتى

[mazen.sameh]

شكرا جدا لحضرتك ومعلش بتعبك معايا





زي ما حضرتك شايف solt1 |solt2 مش بيظهروا اي حاجة في البرنامج لكن 16 جيجا رام شغالين سوا وبكفاءة وبشهادة برامج الجرافيكس زي CAD و After Effect
عايز بس افكر حضرتك ان المشكلة دي مش عند فتح اللاب كل مرة .. بتحصل بس لو اللاب فصل كهربا من الشاحن والبطارية بايظة فبيفصل فثواني .. الفتح بعد الفصل اللي بيحصله بيكون فيه المشكلة
وشكرا جدا واسف مرة تانية لتعب حضرتك معايا

[abdalhaliem]

زي ما حضرتك شايف solt1 |solt2 مش بيظهروا اي حاجة في البرنامج

غريبه جداا تلك الجزئيه ؟؟؟؟

ولاأجد تفسيراا لها ؟؟؟؟

هل جربت فيرجن للبرنامج أحدث ؟؟؟

****************


الذى فهمته من كلامك أن البطاريه تالفه

( كأنها غير موجوده )

واللاب متصل بالشاحن بصفه مستمره لكى يعمل

وعندما يهتز الشاحن أو يتم نزعه

عند تشغيل الجهاز مره أخرى

تحدث المشكله المذكوره

أنا فاهم صح ؟؟؟؟

هل عند قيامه مره أخرى لاتظهر أى بيانات ؟؟؟

هل تستطيع الدخول ألى البيوس مثلا ؟؟؟؟

أو لابد من الأنتظار تلك الفتره الطويله ؟؟؟

ولاداعى لأى أسف أخى الكريم

نحن أخوه وأنت مرحب بك دائماا

ولك علينا واجب النصح والأرشاد

تحياتى

[mazen.sameh]

غريبه جداا تلك الجزئيه ؟؟؟؟

ولاأجد تفسيراا لها ؟؟؟؟

هل جربت فيرجن للبرنامج أحدث ؟؟؟

للاسف البرنامج هو احدث نسخة من الموقع الرسمي

الذى فهمته من كلامك أن البطاريه تالفه

( كأنها غير موجوده )

واللاب متصل بالشاحن بصفه مستمره لكى يعمل

وعندما يهتز الشاحن أو يتم نزعه

عند تشغيل الجهاز مره أخرى

تحدث المشكله المذكوره

أنا فاهم صح ؟؟؟؟

صح جدا

هل عند قيامه مره أخرى لاتظهر أى بيانات ؟؟؟

هل تستطيع الدخول ألى البيوس مثلا ؟؟؟؟

أو لابد من الأنتظار تلك الفتره الطويله ؟؟؟

لا يظهر اي بيانات حتى ان كلمة hp لا تظهر .. والمطلوب اني افصل الكهربا بالساعات لفراغ كل شحناته او افصل البطارية
بس بعد فصل الكهرباء لساعات الجهاز بيفتح عادي كأنه كان عامل sleep وكل النوافذ اللي انا فاتحها بتفضل موجودة
انما لما فصلت الرام اول مرة فتحت معايا كل حاجة كأنه عامل sleep والمرة التانية فتح الجهاز من الاول
بس في كل الاحوال بيشتغل كويس عادي

هو اضاءة زر caps lock ثلاث مرات ليها اي معنى ؟!

وشكرا لمجهودك معايا وجزاك الله كل خير

[abdalhaliem]

أخى الكريم

بالنسبه لأجهزه ( hp )

فتوجد دلالات نتبعها بالصيانه كمثال

زرى Caps Lock/Num Lock

بمعنى كحالتك

إذا أضاء المفتاحان أو الزران

Caps Lock/Num Lock

ثلاثة مرات تكون المشكلة فى الرام او الدائرة الخاصة بها

عموماا قم بفعل ماطلبناه منك لهذا الخصوص

فضلا وليس أمراا
هلا فصلت الرام الجديده تاره والقديمه تاره أخرى
مع العمل على كلاهما
على أنفراد فتره من الوقت وتبين
حدوث نفس المشكله من عدمه

وأيضاا قم بمراجعه تلك الصفحه

https://support.hp.com/emea_middle_e...ment/c03568726


بالتوفيق أخى الكريم

تحياتى

[mazen.sameh]

شكرا جدا لحضرتك

انا ديما بدور في موقع HP بقرا كتير في صفحات الدعم الفني اول مرة اقابل الصفحة دي
شكرا جدا جدا لحضرتك ولتعبك معايا جزاك الله كل خير

[abdalhaliem]

شكرا جدا لحضرتك

انا ديما بدور في موقع HP بقرا كتير في صفحات الدعم الفني اول مرة اقابل الصفحة دي
شكرا جدا جدا لحضرتك ولتعبك معايا جزاك الله كل خير

لاشكر على واجب أخى الكريم

جزاك الله وأيانا خير الجزاء

بالتوفيق

تحياتى

[mazen.sameh]

السلام عليكم ورحمة الله

حبيت اشرك حضرتك في الموضوع من جديد
تقريبا مش مشكلة رام
بعد تكرار الموضوع كتير وفصل الرامات واعادة تركيبها اصبحت امر غير مفيد والجهاز برضه ما بيشتغلش
جبت جهاز من نفس النوع وبنفس المواصفات وجربت عليه
1- فصلت الكهربا عليه والرامات بتشتغل عادي
2- افصل الرام عندي الجهاز ما يرضاش يشتغل افكها واركبها في الجهاز التاني تشتغل
3- جربت تغيير الشاحن وبرضه نفس المشكلة
4- جربت الرام الجديدة والرام القديمة وبرضه نفس المشكلة

انا بس عايز اعرف احتمال يكون العيب فين عشان الموضوع مش منطقي خالص
وشكرا مقدما

[abdalhaliem]

مرحبا مره أخرى أخى الكريم

هل لم تقم بعرض جهازك على فنى من حينها

أنا عندى شكوك تجاه دائره الباور

ولابد من فنى لفحصها والتأكد من سلامتها

لكن أولا هلا تفضلت

بأرفاق صور لحاله الجهاز

من هذا البرنامج بعد تفعيله

AIDA64 Extreme

وأريد الصور لتبويب ( sensor )

وقم بالعمل على الرامات التى كانت بالأساس على الجهاز

( القديمه )

بأنتظارك

[mazen.sameh]

في الحقيقة لأ ما ودتهوش لحد يشوفه حابب الاول اعرف ايه المشكلة اللي فيه ..وهل ضروري موضوع اني اشتغل على رام واحدة دا لاني بنعلم جرافيكس وبحتاجها جدا
.. انا عملت تجربة جديدة .. اخدت رام الجهاز التاني وشغلتها عندي وفصلت الشاحن وظهر نفس المشكلةالقيم دي اقل واعلى قيم شوفتها اثناء مراقبتي للعدادت لعدة دقائقCPU CORE :1.007v-1.031v | CPU VID : 1.007v-1.031v | CPU Package : 9.56-19.12 | CPU IA Core : 3.25-10.12 | CPU GT Cores : 0.02-2.06 | CPU Uncore : 4.77-5.82 | DIMM : 1.63-2.48

[abdalhaliem]

تلك الصوره بحاله الضغط أم بحاله الخمول ؟؟؟

أذا كانت بحاله الخمول

فدرجات الحراره للمعالج مرتفعه جداا

لكن بكل الأحوال درجات الحراره لاتسبب هكذا مشكله

ألا بحاله الأرتفاع المفرط بدرجات الحراره

ويحدث وقتها غلق للجهاز فجائى

وعدم أقلاعه من جديد ولكن لثوانى

( الفتره المفترض بها رجوع المعالج ألى معدلاته الطبيعيه )

لكن بحالتك الأمر مرهون بنزعك للبطاريه

لكن لماذا تقوم بتركيب البطاريه من الأساس ؟؟

طالما الجهاز يعمل مباشره من التيار الكهربائى

جرب تعمل مع الجهاز بدون بطاريه

والمقصود بالعمل على الرام الأصليه للجهاز

هو تحييد الأحتمالات وصولاا للمشكله الحقيقيه

بالتوفيق