طلب ترشيح بندل للألعاب AMD ومدى كفاءته مقارنة بنظيره من إنتل

[ryko2]

السلام عليكم

كنت دايما بسمع ان عيوب AMD مع الاجيال السابقة ارتفاع الحرارة عندنا فى مصر وفى الدول العربية بس قرأت مقالة مشجعة للإتجاه لمعالجاتAMD Ryzen

بس عايز اعرف البنادل هتكون فعالة بنفس كفاءة بنادل كور أى5 من انتل مع الالعاب ولا هتكون فيه منها مشاكل

ولو كارت الشاشة الخارجى انفيديا ممكن اواجه عدم تناسب بينهم

الميزانية 7000 جنيه

[RVD150]

حضرتك من رأى الخاص معالجات انتل أفضل فى الألعاب ام AMD فهى أفضل مع البرامج

انا شخصيا أفضل معالجات انتيل

ملحوظة لا يعنى الكلام ان AMD لا تنفع مع الألعاب

و الاختيار فى الاخر ليك و عموما المقارنة لا تنفع بهذا الشكل يجيب المقارنة بين معالج من انتيل و معالج من AMD لكن فى العموم كدا لا يجوز المقارنة

[ryko2]

تم إضافة الميزانية لتسهيل المقارنة

طبعا انا فاهم قصد حضرتك بس الفكرة انى سمعت ان الجيل الجديد من AMD Ryzen متفوق على الانتل

[Yasser]

مازال اداء النواه الواحده لمعالجات انتل افضل فى الالعاب لكنها ليست افضليه شاسعه او توجه تفكيرك بشكل قطعى لانتل ,ومايميز اجيال رايزن انها صدَرت للسوق معالجات بمصادر معالجه اكثر وفى بعض الشرائح العاليه وفرت ميزه سعر عن انتل وهو الامر الذى استدعى من انتل ان تغير توجها وبت تسمع عن i3 رباعى من انتل وغيره , القصد انه لن تجد ميزه سعريه فى اسواقنا بين الاثنين لكن تأكد عند مقارنه معالجين من الشركتين انك على الاقل تقارن رباعى امام رباعى وهو الافضل للالعاب والكروت المتوسطه والعليا طالما ان لا فارق يذكر فى السعر ! وللمزيد طالع متابعاتنا للرايزن والمقارنات فى المنتدى هنا .