استفسار عن معالجات الجيل الثامن من انتل

[TheCoder]

واضح إن الرد من AMD هيكون قريب جداً بنزول Ryzen 2 بإسم Pinnacle Ridge ودقة تصنيع 12nm والمتوقع في الربع الأول من 2018 وتعمل على نفس السوكيت AM4 كما وعدت AMD .. وبالتالي نقدر نقول وداعاً لإحتكار إنتل

[abdalhaliem]

واضح إن الرد من AMD هيكون قريب جداً بنزول Ryzen 2 بإسم Pinnacle Ridge ودقة تصنيع 12nm والمتوقع في الربع الأول من 2018 وتعمل على نفس السوكيت AM4 كما وعدت AMD .. وبالتالي نقدر نقول وداعاً لإحتكار إنتل

لاتقلق سرعان ماسترد أنتل

وسندور بفلك المنافسه بينهم

نحن الضحايا ياعزيزى

معالجات جديده

تعنى منصات جديده

تعنى نقود كثيره

الله المستعان

[phenomenon]

وأنت بألف خير وسلامه

فينك ياأخى الكريم

الموضوع نور فجأه

أنت ردك الأن بمعالجات الدنيا كلها

ياريت ماتحرمناش من وجودك معانا

فائق تحياتى لك

الموضوع منور بوجودك يا ابو احمد والله وربنا يبارك في حضرتك
بعتذر جدا عن قلة دخولي بسبب ضيق الوقت في الفتره الحاليه لكن بالصدفه السؤال لفت انتباهي لاني فكرت فيه برضو

وكل عام و انت بكل خير اخى الغالى و الله زى ما قال اخى عبد الحليم الدنيا كلها منوره بوجودك.
و على فكره كان نفسى فعلا الناس تعرف ان معالجات الجيل الثامن هى زيادة عدد انويه او خيوط معالجه يعنى زيادة مصادر معالجه عن الاجيال السابقه
و فعلا المعالج الi3-8100 على سبيل المثال اصبح تماما مثل معالج الi5 من الاجيال السابع و السادس
اما المعالج i5-8400 فقد رأيت مقارنه له تفوق فيها بالفعل على المعالج i7-7700 فى الاعمال و هذه نقطه لا يعرفها الكثير من المقبلين على الشراء
فالمعالج ال i5-8400 يحمل 6 انويه و 6 خيوط معالجه اما المعالج I7-7700 فيحمل فقط 4 انويه و لكن 8 خيوط معالجه!
و زيادة عدد الانويه الحقيقيه فى معالج لا يمكن تعويضها بزياده عدد خيوط المعالجه فى معالج اخر.
اضافه الى ان المعالج i5-8400 يعمل عند تردد 2.8GHz و ترتفع سرعته عند الحاجه بالتربو لتصل الى 4GHz !!!
و السرعه القصوى لجميع الانويه السته هى 3.8GHz و هى اكثر من ممتازه


اما المعالج i7-7700 فأقل تردد له هو 3.6GHz و اعلى تردد له هو 4.2GHz وهو مرتفع الحراره من خلال المراجعات و غالبا سوف تحتاج له مبرد احترافى!
و طبعا ارى فى ذلك ميزه كبيره جدا و هى توفير الطاقه عند عدم الحاجه و ايضا انخفاض الحراره معظم الوقت.
فالمعالج i5-8400 له معدل TDP 65W فقط!
و ان تحدثنا عن الذاكره الداخليه للمعالج (الكاش) فأيضا المعالج i5-8400 يتفوق بوجود 9MB
و الان عند مقارنة السعر فالمعالج i5-8400 سعره فى السوق المصرى حاليا 4000 جنيه اما المعالج i7-7700 فسعره فى حدود 5600 - 5800 جنيه!
اسف على الاطاله و لكن اتفتحت نفسنا للنقاش بوجودك معانا اخى ابراهيم.

ربنا يخليك يا اخ مصطفى
بصراحه مفيش بعد اللي قلته ( كعادتك )
انا فكرت ابيع المعالج لانه I5 جيل رابع والكلام ده من شهر 7 تقريباً لكن ترددت لاسباب كتير
طبعاً معالج بستة خيوط معالجه و ستة انويه يتفوق على معالج بأربعة انويه حتى ولو كان 8 خيوط معالجه
يمكن حالياً مش كل السوفتوير مهتم بالبرمجه من اجل الستة انويه لكن بمرور الوقت كل ماهو قبل الجيل الثامن هيكون تاريخ
يعني النقله اللي حصلت مع الجسر الرملي ممكن نقول حصلت مع ترعة القهوه XD أقصد بحيرة القهوه

بس الميزه ان نقلة الجيل الثاني كانت تحسين معماري شامل المعالج وشريحة النظام في تقنياته الحديثه وتدعيماته وطريقة عمل وظائفه
لكن الجيل الثامن مجرد Copy / Paste الجيل السابع لكن بمسميات احدث الشكل الوحيد اللي تنفع تنافس بيها AMD

في نفس الوقت RYZEN لا يزال يستحق كل الاحترام والتفكير فيه واي عاشق للشركه ليس عليه التفكير سوى به
R5 1600X لا يزال صاحب نصيب الاسد وسعره عالمياً ممتاز ومازال صفقه رابحه لاصحاب الشاشات الضخمه حتى لو هاويين الالعاب

اعتقد ان النقله المعماريه الحديثه مش هتيجي الا مع تقنية 10nm او أقل
عموما اعتقد برضو ان معالج I7-SKUs الاجيال السابقه هتكون بديل كويس عن I5-SKUs الجيل الثامن
بس كل شيء متوقف على عدد او قوة كروت الشاشه اللي بتفكر فيها مستقبلاً
لحد انهارده معالج I7 كافي جدا على 1080Ti ومع كسر السرعه فرصته افضل ومش هيخلينا نتضطر لتغير المنصه
لكن المشكله في الرامات وبالنسبه للجيمرز كمان سنتين من الآن هنحتاج 32GB / 48GB ومتطلبات الرامات هتكون شكلها وحش

اعتقد اننا هنبدأ نشوف رامات 64GB / 128GB السنين الجايه لان كده الاجهزه هيبقى شكلها وحش جدا بسبب كترتها
اهم نقطه ان عدد كبير من مستخدمين االطبقه العليا حتى لو مكرهشي انتل لكن على الاقل مش هيشكر فيها تاني

الكلام ده يا خونا بالنسبه للمعالجات الرقميه
اما المعالجات البشريه التى لانستطيع ان نعرف ترددها مطلقا من فرط قوتها وسرعتها وادبها كالاستاذ ابراهيم
فلا نستطيع الا ان نرسل له اسمى مشاعرنا القلبيه متمنين له دوام الصحه والعافيه والتوفيق فى اى مكان هو موجود به

ربنا يخليك يا استاذ جمال أمال حضرتك ايه ؟ يبقى اكيد مفاعل نووي
مليون شكر لحضرتك وسعيد جدا برؤيتك في الموضوع

[TheCoder]

لاتقلق سرعان ماسترد أنتل

وسندور بفلك المنافسه بينهم

نحن الضحايا ياعزيزى

معالجات جديده

تعنى منصات جديده

تعنى نقود كثيره

الله المستعان

أتفق معاك أستاذ عبدالحليم، فعلاً نحن الضحايا للأسف

فلك أن تتخيل أنه حتى من يقوم بتجميع جهاز إنتل جيل ثامن في هذه الأيام فهو للأسف سيعتبر جهازه قديم ولا يقبل التحديث بعدها ب 6 أو 9 أشهر فقط !!!!
وذلك عند صدور الجيل الجديد من لوحات إنتل بالرقاقة Z390 في النصف الثاني من 2018 لتكون هي الرقاقة الوحيدة التي ستدعم الجيل الجديد من معالجات إنتل Ice lake ذات الثمان أنوية و 16 خط معالجة ودقة تصنيع 10nm.
ويكون من اشترى لوحة برقاقة Z370 أقصى طموحة هو المعالج ذو الست أنوية وال 12 خط معالجة!

بكل صراحة إنتل في حالة فوضى بعد نزول معالجات رايزن.

[abdalhaliem]

تسلم أخى الكريم على المعلومات المفيده

بكل صراحة إنتل في حالة فوضى بعد نزول معالجات رايزن

لاأبداا القصه ليست لها علاقه برايزن أو غيره

القصه أن قطارالتقنيه

لن يقف أبداا بالنسبه لتلك الشركات

قطار التقنيه يحمل كل يوم جديداا

فبخلاف التنافس الشرس بينهم

يأتى التفنن بسبل التربح المختلفه

هكذا الحال بالنسبه لأجزاء الحاسوب من بدايه ظهوره

تستطيع أن تقول

أن وتيره ذلك قد زادت بشكل مستفز جداا

لدرجه أننا لانستطيع ملاحقتهم

ودراسه مابين أيدينا من تطور لنفاجأ

بأن هناك تطوراا قادم

ولاأخفى عليك أن المستخدم هو المسئول الأول عن ذلك

التهافت الشديد على كل ماهو جديد

أنا ألى الأن أعمل على الجيل السادس

وأداؤه يصل معى ألى حد الكمال

وستجد غيرى مع الجيل الرابع نفس الشىء

لكن شهوه الشراء واللهث وراء كل ماهو جديد

هو ما يشجع تلك الشركات على ذلك

لاأقصد المستخدم العربى والمصرى على وجه الخصوص

( فهو يناجى ربه ويشكوا له أرتفاع الأسعار المعيشيه )

لكنى أقصد المستخدم بأنحاء العالم

أتمنى فقط أن يقنع

مستخدموا الأجهزه بما بين أيديهم

أشكرك مره أخرى

تحياتى