التورنت واقف لعملاء tedata

[SanSiro20]

بعيدا عن مشكلة النت بس الواحد مفتقد ايام المنتديات جدا
أفضل مليااااااااااار مرة من الفيس
تحياتى لعشاق المنتديات
................

أخيراً لاقيت حد رأيه زي رأيي في الحكاية دي
فيسبوك إيه وهباب إيه ده إنت لا تقدر
تكتب بخط كبير ولا ملون ولا تغير شكل الخط
فين الفيسبوك من المنتدى اللي يبقى متقسم
أقسام كل قسم فيه مواضيعه الخاصة وكل موضوع
تقدر تقرا فيه رد بعد رد بدل الفيس اللي عشان تدور
على مشاركة في صفحة واحد يطلع عينك

[alyaldeen]

يا اخونا استاذنا عبد الحليم بيشتغل ببرنامج avast والبرنامج مزود vpn لذلك فالتورنت يعمل معه بشكل جيد
قلتلهم على المستخبى يا ابو احمد

[على السيد جمعه]

هذا ماأقوله

القصه ليست واحده مع الجميع

أنا أيضاا لاأعانى أى مشكله مع التورينت ؟؟؟؟؟

والفيس واليوتيوب وتويتر وعده مواقع يعانون من الشلل المتقطع

بالمناسبه المشكله متواجده أيضا بشركه Linkdsl

بعض عملائها قاموا بالشكوى

الخبر السعيد أن المنتدى شغال تمام

نحمد الله

الحمد لله المشكله عندى أتحلت بس أحلى حاجه ان الواحد رجع للمنتدى تانى بعد ماكنت بعدت عنه فتره كبيره

[على السيد جمعه]

بعيدا عن مشكلة النت بس الواحد مفتقد ايام المنتديات جدا
أفضل مليااااااااااار مرة من الفيس
تحياتى لعشاق المنتديات
................


اورانج التورنت عندها تعبان
واليوتيوب سريع
واي حاجة تانية بطيئة بشكل مقرف

تحاتى ليك رايك زى

[abdalhaliem]

يا اخونا استاذنا عبد الحليم بيشتغل ببرنامج avast والبرنامج مزود vpn لذلك فالتورنت يعمل معه بشكل جيد
قلتلهم على المستخبى يا ابو احمد

مرحبا بالأستاذ جمال

الظاهر الجماعه الفيس به مشاكل كبيره

لأن الموضوع ماشاء الله به من الوجوه الجديده

العديد من الأخوه الأفاضل الذين نتشرف بأنضمامهم ألينا

ندعوا الله أن يتم حل مشاكل الأنترنت جميعها

ماعدا مشكله الفيس

كى نسعد بمشاركتهم معنا دائماا

يا اخونا استاذنا عبد الحليم بيشتغل ببرنامج avast والبرنامج مزود vpn لذلك فالتورنت يعمل معه بشكل جيد

بالحقيقه الأفاست برنامج يشار له بالبنان

وله عده ملحقات وبرامج قويه جداا

ومن بينها

Avast SecureLine VPN

وهى أداه ليست مجانيه






https://www.avast.com/ar-ww/secureline-vpn#pc


وأنا بحقيقه الأمر لاأستخدمها

وأنا لاأستخدم التورينت ألا للحاجه أليه

البرامج + الأنظمه فقط

وعندما وجدت مشاركه الأخ صاحب الموضوع

قمت بتنزيل ملفين لاأحتاجهم

ولكن من أجل الفضول فقط

ووجدت أن القصه تسير على مايرام

ولاتوجد أى مشكله بالتورينت تحديداا

لذلك قمت بالرد وذكرت دلك

وأحد الأخوه أيضا ذكر ذلك

المشاركة الأصلية كتبت بواسطة على السيد جمعه
أنا لا فيس ولا تويتر بيفتح من اصله اليوتيوب شغال بالعافيه التورنت شغال بسرعه كامله

طبعا بدون أى أستخدام لل ( vpn )

الحسنه الوحيده لمشاكل الأنترنت تواجد الأخوه معنا

قلتلهم على المستخبى يا ابو احمد

فائق تحياتى للجميع

[Moly_Cam5]

أخيراً لاقيت حد رأيه زي رأيي في الحكاية دي
فيسبوك إيه وهباب إيه ده إنت لا تقدر
تكتب بخط كبير ولا ملون ولا تغير شكل الخط
فين الفيسبوك من المنتدى اللي يبقى متقسم
أقسام كل قسم فيه مواضيعه الخاصة وكل موضوع
تقدر تقرا فيه رد بعد رد بدل الفيس اللي عشان تدور
على مشاركة في صفحة واحد يطلع عينك

تحاتى ليك رايك زى

اكتر حاجة مفتقدينها هي البحث فى جوجل والوصول لنتيجة والمنتديات بشكل عام
زى ما كلنا جينا هنا عن طريق جوجل
للأسف الفيس لو قفل فالمحتوى العربي اضرب وهنبدأ من ايام 2000

النت بيهبل بطريقة كبيرة ومحتاجين محللين وابحاث عشان يفهمو ليه ناس عندها مواقع شغاله بسرعه ومواقع لا
لان موقع avast بيحمل زى الصاروخ انما اي موقع رفع تان صفر

[Black_Spy]

بالفعل كان فى مشكله فى الانترنت بوجه عام وخصوصا مع شركة TEData واصلا المشكله ظهرت بالاساس فى بداية الامر مع شركة TEData

وجربت وقت ظهور المشكله انترنت الموبايل من شركة فودافون وكانت الامور طبيعيه جدا ولا يوجد مشاكل كما الحال مع خط TEData

والي الان المشكله مازالت موجوده ولكن تحسن الوضع بشكل جيد الى حد ما ولكن مازال هناك بطء ملحوظ على مواقع عديده

التورنت يعمل بشكل جيد جدا معي ولا توجد به اى مشكله

خدمات ال VPN اتقفلت على كل الشركات ومن فتره واذا كان هناك بعض المشتركين مازالوا يستخدمونها فهي مجرد مسالة وقت وسيتم التعميم على الكل

احتمال ان يكون سبب بطء الانترنت هو بالفعل عطل فى احد الكابلات البحريه او الكابلات الكبري واحتمال ايضا ان يكون هناك تحضير وتجهيز لاضافة اجهزه من شانها التحكم اكتر فى الخدمات التي تقدم لنا

[ramydarkness]

ياجماعه الموضوع فيه غموض كبير لكن للأسوأ .. ما هو يا إما مفيش مشكله حصلت في مصر بسبب الكابل اللي فيه عطل والشركة بتستغل الموقف عشان تتحكم وتتجسس أكتر على المستخدمين .. أو إن فيه مشكلة فعلا والشركة بتحاول تصلح لكن برضه بتحاول تتحكم في المستخدمين أكتر عن طريق التحديد والتضييق ووقف الخدمات القسري كأنها بتقول إن كان عاجبكو .. لكن في الحالتين كان لازم ان الشركة تصارح المستخدمين بالتفاصيل اكتر عن العطل ده لكن تكتمها ده بيزود سمعتها السيئه أكتر ماهي سيئه .. وانا مع الاحتمال الأول نظرا للأحوال السياسية السيئه اللي بتمر بيها مصر .. وربنا يعديها على خير ويهديها .. شكرا للجميع .. انا بجد مبسوط اني رجعت المنتدى من تاني .. ويارب دايما عالي منتدانا الغالي ..

[abdalhaliem]

ايضا ان يكون هناك تحضير وتجهيز لاضافة اجهزه من شانها التحكم اكتر فى الخدمات التي تقدم لنا

مرحبا أخى Black_Spy

أنا مع هذا الرأى بشده

فائق تحياتى لك أخى الكريم

انا بجد مبسوط اني رجعت المنتدى من تاني .. ويارب دايما عالي منتدانا الغالي

ونحن أكثر منك سعاده

ونتمنى دوام الأستمرار معنا

بالتوفيق دائماا

تحياتى

[mohamed mms]

@mohamed mms
أنا معنديش نفس مشكلتك دي أنا سرعتي كاملة
بس كانت حصلت معايا قبل كده من فترة
وكان كل مرة أفتح الراوتر وأقفله ألاقي سرعة مختلفة
وكان رقم عشوائي مثلاً 894 أو 742 حاجة زي كده
وكان المشكلة من خط التليفون، جبت واحد صلح التليفون
من البوكس اللي في الشارع والحمد لله المشكلة اتحلت

أنا أعتقد - وأنا مش خبير عشان مضحكش عليك - بس أعتقد المشكلة دي
بسبب خط التليفون يعني مثلاً السلك قديم جداً أو فيه عيب
أو البوكس في الشارع مفتوح أو سلوكه متداخله
بص اتصل بالسنترال وقلهم التليفون عندي بيوش وعايز حد يصلحه
على فكرة لو كلامي صح المفروض التليفون بتاعك يكون بيوش فعلاً

انا عملت دا كله و مغير السلك من البوكسة الي المصرية للإتصالات و اكيد جربت السلك مباشر للراوتر من غير اسبلتر و غيرت الخط في الكابينه برغم من قبل ما اغيره في الكابينه مكنش فيه اي تشويش على خط التلفون . و رحت السنترال و هناك قولت للفني الموجود غيرلي الفرعات بتاعت خطي و فعلا غيرها على ايدي ونا واقف و قالي روح شوف السرعه برضو و رد عليا .
للأسف اللي يحير في المشكلة انها من اول 4 الفجر لحد المغرب تمام و السرعه قارئة 1024 كيلوبايت يعني سرعتي 1 ميجا واصله كاملة و من اول المغرب لحد 4 الفجر السرعه بتنزل ل 400 او 600 كيلوبايت ولما كلمت الفني بنفسي اخر مرة و قولتله دا اللي بيحصل قالي مفيش حاجه اسمها كدا . انا قدامي ع الورق يا يشتغل يا ميشتغلش .
الله اعلم بقى لو فيه مشكلة في جودة خط التلفون بتاعي هتأثر عليه بالنهار برضو ولا مش هتأثر لإني بصراحه احترت اشمعنا من اول المغرب لحد 4 الفجر المشكلة بتحصل .
طب هل لو غيرت مكاني ف البوكس او نقلت لبوكس تاني هيحل المشكلة ولا هيبقى الوضع كما هو عليه ان السرعه ليلا بتنخفض للنص ؟

دي صورة من سرعتي حالا و هي على 416 كيلوبايت فقط /


و دي صورة لسرعة خطي بالنهار و هي 1024 كيلوبايت يعني واصلي سرعتي كاملة /


اتمنى حد ينصحني و يقولي اعمل ايه لأني تقريبا المشكلة دي معايا من اول شهر من ساعة ما استلمت الراوتر و حالا داخل على الشهر التالت معاهم و ملقتش حل لا من السنترال ولا من الشركة ولا عرفت احدد سبب المشكلة ايه ؟

[Moly_Cam5]

بالفعل كان فى مشكله فى الانترنت بوجه عام وخصوصا مع شركة TEData واصلا المشكله ظهرت بالاساس فى بداية الامر مع شركة TEData

وجربت وقت ظهور المشكله انترنت الموبايل من شركة فودافون وكانت الامور طبيعيه جدا ولا يوجد مشاكل كما الحال مع خط TEData

والي الان المشكله مازالت موجوده ولكن تحسن الوضع بشكل جيد الى حد ما ولكن مازال هناك بطء ملحوظ على مواقع عديده

التورنت يعمل بشكل جيد جدا معي ولا توجد به اى مشكله

خدمات ال VPN اتقفلت على كل الشركات ومن فتره واذا كان هناك بعض المشتركين مازالوا يستخدمونها فهي مجرد مسالة وقت وسيتم التعميم على الكل

احتمال ان يكون سبب بطء الانترنت هو بالفعل عطل فى احد الكابلات البحريه او الكابلات الكبري واحتمال ايضا ان يكون هناك تحضير وتجهيز لاضافة اجهزه من شانها التحكم اكتر فى الخدمات التي تقدم لنا

تقصد موقع شركات vpn يتحجب ولا الخدمة نفسها تتمنع؟ ولو تتحجب ازاي اصلا دة نفسه vpn

[Moly_Cam5]

انا عملت دا كله و مغير السلك من البوكسة الي المصرية للإتصالات و اكيد جربت السلك مباشر للراوتر من غير اسبلتر و غيرت الخط في الكابينه برغم من قبل ما اغيره في الكابينه مكنش فيه اي تشويش على خط التلفون . و رحت السنترال و هناك قولت للفني الموجود غيرلي الفرعات بتاعت خطي و فعلا غيرها على ايدي ونا واقف و قالي روح شوف السرعه برضو و رد عليا .
للأسف اللي يحير في المشكلة انها من اول 4 الفجر لحد المغرب تمام و السرعه قارئة 1024 كيلوبايت يعني سرعتي 1 ميجا واصله كاملة و من اول المغرب لحد 4 الفجر السرعه بتنزل ل 400 او 600 كيلوبايت ولما كلمت الفني بنفسي اخر مرة و قولتله دا اللي بيحصل قالي مفيش حاجه اسمها كدا . انا قدامي ع الورق يا يشتغل يا ميشتغلش .
الله اعلم بقى لو فيه مشكلة في جودة خط التلفون بتاعي هتأثر عليه بالنهار برضو ولا مش هتأثر لإني بصراحه احترت اشمعنا من اول المغرب لحد 4 الفجر المشكلة بتحصل .
طب هل لو غيرت مكاني ف البوكس او نقلت لبوكس تاني هيحل المشكلة ولا هيبقى الوضع كما هو عليه ان السرعه ليلا بتنخفض للنص ؟

دي صورة من سرعتي حالا و هي على 416 كيلوبايت فقط /

مش لازم المشكلة تكون من البوكس بس
ممكن يكون الخط بتاعك فى بورت سئ فى اجهزة الانترنت فى السنترال من البداية اصلا
واضح ان خط التليفون كدة عندك تمام مفيهوش حاجة

مفيش حاجة اسمها يا يشتغل يا ميشتغلش (موظف بطيخه فعلا)
معنى كدة ان النت السلحفة اللى فيه دة اسمه شغال؟
ارجع لتي داتا ومفروض هيا تبعت فنى ويصلح المشكلة دى

[mohamed mms]

مش لازم المشكلة تكون من البوكس بس
ممكن يكون الخط بتاعك فى بورت سئ فى اجهزة الانترنت فى السنترال من البداية اصلا
واضح ان خط التليفون كدة عندك تمام مفيهوش حاجة

مفيش حاجة اسمها يا يشتغل يا ميشتغلش (موظف بطيخه فعلا)
معنى كدة ان النت السلحفة اللى فيه دة اسمه شغال؟
ارجع لتي داتا ومفروض هيا تبعت فنى ويصلح المشكلة دى

انا بحس فعلا الوقت من اول المغرب لحد 4 الفجر فيه حاجه لما بتشتغل بتأثر على خطي . الله اعلم بقى دي في البوكسة ولا من السنترال خصوصا ان معروف اول ما الليل بيدخل الضغط بيزيد على خطوط النت . انا نفسي اعرف الحاجه اللي بتشتغل دي بتأثر على خطي منين عشان نقدر نعالجها .
كده مفيش حل غير اني اغير مكاني في البوكسة و أمري لله ولو ما زالت المشكلة هفصل من الشركة دي لان محدش عندنا ف بلدنا بيشكر فيها ابدا لان السنترال بتاعنا ف قرية و اجهزة تي داتا فيه زي الزفت الاغلب موصلين عندنا اورانج و اتصالات .

[Black_Spy]

تقصد موقع شركات vpn يتحجب ولا الخدمة نفسها تتمنع؟ ولو تتحجب ازاي اصلا دة نفسه vpn

علي حد علمي السنه اللى فاتت المسئولين فى مجال الاتصالات قاموا بتفعيل تقنية اسمها Deep Packet Inspection يعني فحص دقيق للبيانات اللى بتعبر الانترنت عشان يتم حظر الاتصالات المشفره زي ال VPN او ال Tor لان الخدمات دي بتساعد على حماية خصوصية بيانات المستخدمين على الانترنت .

[SanSiro20]

انا بحس فعلا الوقت من اول المغرب لحد 4 الفجر فيه حاجه لما بتشتغل بتأثر على خطي . الله اعلم بقى دي في البوكسة ولا من السنترال خصوصا ان معروف اول ما الليل بيدخل الضغط بيزيد على خطوط النت . انا نفسي اعرف الحاجه اللي بتشتغل دي بتأثر على خطي منين عشان نقدر نعالجها .
كده مفيش حل غير اني اغير مكاني في البوكسة و أمري لله ولو ما زالت المشكلة هفصل من الشركة دي لان محدش عندنا ف بلدنا بيشكر فيها ابدا لان السنترال بتاعنا ف قرية و اجهزة تي داتا فيه زي الزفت الاغلب موصلين عندنا اورانج و اتصالات .

بص اللي مفروض إنك تعمله دلوقتي تسأل أي حد
معاك في البيت أو حتى في الشارع
بس مشترك معاك في نفس بوكس التليفون
وياريت يكون تي داتا
تسأله أخبار النت طبيعي ولا لأ وتوضح له مشكلتك
عشان مايردش بالنت زفت وخلاص
لو حاله زي حالك يبقى العيب في البوكس أو من السنترال
لو النت في الحالة "الطبيعية بتاعت النت المصري"
يبقى أحسن لك تريح دماغك خالص وتركب خط تليفون جديد
واشتراك جديد في النت