التورنت واقف لعملاء tedata

[memmud]

شركة tedata المبجلة من 10 صباح الاربع لغاية اللحظة دي وقفت التورنت من تلقاء نفسها ! كل اللي اعرفهم تبع tedata نفس الكلام و هيشدوا في شعرهم ! كل المكالمات معاهم نفس القصة مشكلة في بعض الراوترات و متأسفين و نفي ان الشركة وقفته! رغم اني عندي راوتر tedata نفسه و عندي راوتر dlink ! مش هتكلم عن مواقع معينة مبقتش تفتح من وقتها زي rarbg.to ! هم فاهمين الموضوع هيعدي كدة و الناس مش هتاخد بالها! 60% من الناس الانترنت يعني تورنت بالنسبالهم و مش هيستمروا معاهم بالشكل ده! حد يعرف ايه انضف شركة غيرهم بتقدم الانترنت في مصر بسعة مبتقلش عن 150 جيجا و مش اكتر من 200 جنيه شهريا؟

[abdalhaliem]

تصدق وتأمن بالله

أنا نزلت ملفين تورينت للتجربه

ولم أكن أحتاجهم

لكن الملفين نزلوا بدون أى مشاكل

الخبر غير صحيح أخى الكريم

بالتوفيق

[memmud]

لا اسأل اي حد ال P2p كان واقف انبارح تماما لحد كتابة البوست اللي فوق ده! انا و 3 اصحابي تبعهم. انا لسة ببص دلوقتي لقيته رجع طبيعي الحمد لله! مش بس ال p2p كان واقف كذا موقع تورنت مكانش شغال يعني العملية مكانتش مشكلة زي ما اتقالي على التليفون في الشركة لما كلمتهم! يلا الحمد لله اهم حاجة انه رجع انا كنت ناوي الغي الاشتراك النهاردة فعلا

[abdalhaliem]

ياأخى صادق من غير ماأسأل

المشكله ليست بالتورينت

المشكله بالأنترنت عموماا

على فكره الأنترنت من أمس ليس طبيعياا

ثقل كبير حتى على أصحاب السرعات العاليه

بصراحه نحن نعانى

ربنا المستعان

[TheCoder]

أنا فعلاً عندي نفس المشكلة .. ومازالت مستمرة حتى اللحظة
والمشكلة الأكبر إن شركة تي إي داتا محتكرة الإنترنت في المنطقة بعد تغيير الكابلات للفايبر، يعني حتى التغيير لشركة ثانية غير متاح.

وأظن إن سبب بطئ الإنترنت عموماً هذه الأيام هي التجارب للإستعداد لكارثة "إلغاء حيادية الإنترنت" (

[abdalhaliem]

تمام

واضح أننا مقبلون على كارثه

ينقل للقسم المناسب

[memmud]

المشكلة عندنا في مصر مفيش حد بييراقب ولا بينظم ولا يقدر يمنع جشع اي مقدم خدمات في مصر ! سايبين الناس تحت رحمتهم! يلا ربنا يسهل

[ابو معتز]

انا معنديش تورنت بس النت عندى زبله بقالو 3 ايام تى ادتا

[HW79]

انا كمان التورنت واقف عندي من امبارح.
يا ترى الموضوع ده مؤقت ولا حيبقى على طول ؟
ارجو الافادة اذا توافرت لكم معلومات.
شكرا

[SanSiro20]

أنا من إمبارح بحاول أعمل بحث على جوجل عن عنوان "التورنت لا يعمل TE Datat"
عشان أشوف المشكلة من عندي بس ولا لأ
والنهاردة لاقيت الموضوع ده اللي خلاني أسجل مخصوص في الموقع

فعلاً التورنت عندي مش شغال وجربت ملفات كتيرة
و 3 برامج تورنت مختلفة وجهازين كمبيوتر مختلفين
وقلت الكلام ده للشركة النهاردة يقولولي أكيد العيب
من البرنامج بتاع التورنت بتاعك (حسبي الله ونعم الوكيل)

أنا مشترك في باقة ميجا بلس تحميل 100 جيجا بسرعة 16 ميجا
وبعد كده السرعة بتبقى 1 ميجا بعد الباقة ما تخلص
سؤالي لولاد الحلال اللي عندهم المشكلة دي ...
هل التورنت وقف عندكم عشان الباقة الأساسية خلصت
ولا الشركة قفلته نهائي على الكل؟؟؟
أنا استخدامي للنت عبارة عن 100% تورنت
وكده يبقى سنة حلوة يا جميل!

[HW79]

أنا من إمبارح بحاول أعمل بحث على جوجل عن عنوان "التورنت لا يعمل TE Datat"
عشان أشوف المشكلة من عندي بس ولا لأ
والنهاردة لاقيت الموضوع ده اللي خلاني أسجل مخصوص في الموقع

فعلاً التورنت عندي مش شغال وجربت ملفات كتيرة
و 3 برامج تورنت مختلفة وجهازين كمبيوتر مختلفين
وقلت الكلام ده للشركة النهاردة يقولولي أكيد العيب
من البرنامج بتاع التورنت بتاعك (حسبي الله ونعم الوكيل)

أنا مشترك في باقة ميجا بلس تحميل 100 جيجا بسرعة 16 ميجا
وبعد كده السرعة بتبقى 1 ميجا بعد الباقة ما تخلص
سؤالي لولاد الحلال اللي عندهم المشكلة دي ...
هل التورنت وقف عندكم عشان الباقة الأساسية خلصت
ولا الشركة قفلته نهائي على الكل؟؟؟
أنا استخدامي للنت عبارة عن 100% تورنت
وكده يبقى سنة حلوة يا جميل!

انا مشترك سرعة 4 ميجا وتحميل 200 جيجا واستخدامي عمره ما خلص السعة المتاحة ليا.
لكن التورنت لا يعمل ايضا. عندى برنامجين (utorrent & qbittorrent) كلاهما لا يعمل.
واصدقائى كذلك نفس المشكلة.
الموضوع مش موضوع ان الباقة خلصت. فى حاجة اكيد من عندهم.
احنا برامجنا صح ما فيهاش مشكلة.

[SanSiro20]

انا مشترك سرعة 4 ميجا وتحميل 200 جيجا واستخدامي عمره ما خلص السعة المتاحة ليا.
لكن التورنت لا يعمل ايضا. عندى برنامجين (utorrent & qbittorrent) كلاهما لا يعمل.
واصدقائى كذلك نفس المشكلة.
الموضوع مش موضوع ان الباقة خلصت. فى حاجة اكيد من عندهم.
احنا برامجنا صح ما فيهاش مشكلة.

يعني حتى لو استنيت لتجديد الاشتراك مش نافع
الأول الشركات قفلوا كل مواقع وبرامج الـ VPN
ومحدش اهتم عشان مفيش مواقع محجوبة في مصر
ودلوقتي قفلوا التورنت. طب ما يقفلوا النت خالص
بدل ما يكلفوا نفسهم، منهم لله

[HW79]

ياريت يا جماعة اللى يعرف حاجة مؤكدة عن سبب توقف التورنتات يبلغنا.
شكرا ليكم.

[qassemmedhat]

انا دلوقتي ال games علي ps4
fortnite - rainbow six siege
من امبارح بعاني جدا ومش شغالين كويس مع ان البلايستيشن داخل و بيحمل عادي يمكن احسن النهارده شويه بس لسه
ده غير ان فيه مواقع محجوبه ومواقع تانيه بطيئه جدا
و ال vpn اللي اتقفل وطبعا مبقتش عارف استخدم حاجه زي برنامج spotify

والدليل ان تي اي داتا اللي عامله كده ان لو نزلت متصفح اوبرا وشغلت ال vpn اللي فيه هيفتح المواقع المحجوبه دي و هيفتح المواقع البطيئه بسرعه جدا ( بالمناسبه ال vpn الوحيد اللي شغال بس اخره المتصفح ف مينفعش لالعاب او تورنت )

اتصلت بيهم قالولي مشكله وبتاع وفي مصر كلها والكلام الكدب ده لان ال vpn بقاله فتره كبيره

بفكر احول ل اتصالات كلمتهم وسآلت ان كانت الالعاب والمواقع متاحه قالولي اه كله متاح
بس مش عارف ان كانو كدابين ولا لا لو حد يقدر يفيد ان كان مشترك معاهم
خصوصا ان اسعارهم كويسه بالنسبه ل تي اي داتا
هل فعلا شغالين من غير مشاكل ولا نفس النصب والمشاكل

ايه الحل

[memmud]

للاسف من صباح الاربع الp2p و بعض مواقع التورنت و المواقع الاباحية و الاونلاين جيمينج تم ايقافهم بدون اي اسباب! لو حاولت تتصل تشتكي هيتقالك دي مشكلة عامة في مصر! طبعا كلنا عارفين مفيش مشكلة هتوقف حاجات معينة بالشكل ده عليها شائعات انها هتتوقف بقاله سنة! النهاردة الصبح كل حاجة رجعت طبيعي لمدة ساعتين عشان كدة عملت بوست ان المشكلة اتحلت بس للاسف رجعوا تاني وقفوا المذكور فوق! معرفش هم بيجسوا نبض الناس و يشوفوا هيخسروا عملاء او الناس هتسكت! ولا هم بيوفروا شوية فترة اجازة اخر العام