مشكله فى تثبيت ويندوز 10 من الفلاشه

[لوبل]

حاليا انا اعمل على نظام ويندوز 8.1 تم تثبيته من الفلاشه على بيوس uefi للوحه اسوس وقد كان تم تحويل الهارد الى نظام gpt قبل تثبيت الويندوز ونزل عادى واشتغل تمام مفيش مشاكل لما حاولت الان انزل الويندوز 10 قمت بحرقه على فلاشه ببرنامج

rufus وتم اتباع الخطوات الخاصه بالحرق بنظام gpt وتم اختيار التبويت من الفلاشه من اعدادات البيوس ولكن الجهاز يقلع كل مره من البارتيشن c الموجود عليه الويندوز وكان البيوس لايرى الفلاشه رغم اختيارى لها كخيار اول للبوت هل فى خطوه او اعداد لم اقم به صحيح والا المشكله فى نسخه الويندوز هى مساحتها 4.06 جيجا والفلاشه تم تهيئتها بنظام fat32 الفلاشه التى تم التبيت بها 16جيجا اضافه على اللموضوه قمت بالاقلاع من فلاشه عليها برنامج mimtool كنت استخدمته فى تحويل الهارد اللى gpt واقع النظام من الفلاشه عادى الان مش عارف ليه بيفشل الاقلاع من فلاشه الويندوز ارجو ان اكون نقلت الصوره تفصيليا واسف على الاطاله برجاء المساعده ولكم جزيل الشكر

[abdalhaliem]

مرحبا أخى الكريم

رجاء أولا قراءة هذا الموضوع جيداا


https://arabhardware.net/forum/showthread.php?t=434463


وملاحظه

أن كانت الخطوات التى قمت بها صحيحه من عدمه

عند التهيئه السليمه للفلاشه

يظهر لك خيار للبوت بخلاف أسم الفلاشه

كما بالصوره








وطبعا بعد التأكد من أعداداتك للبيوس وأختيارك للفلاشه

ومن الممكن أن تقوم بأرجاع البيوس لحاله المصنع أولا

ثم ظبط الأقلاع من الفلاشه

بالتوفيق

تحياتى

[لوبل]

تحياتى لحضرتك استاذ عبد الحليم وشاكر لك ردك بالفعل خيار البوت من الفلاشه بيظهر كما هو موضح بالصوره التى ارفقتها حضرتك ومفيش مشكله وبيتم اختياره كخيار اول للبوت لكن عند اعاده التشغيل البوت بيدخل على الويندوز المثبت على الهارد وكانه مش شايف الفلاشه وكما اسلفت سابقا انى بقدر ابوت على برنامج minitool من الفلاشه عادى يعنى لو فيه مشكله فى البيوس يبقى ميقدرش يبوت على اى حاجه تانيه لكنها المشكله دى خاصه بالفلاشه اللى عليها الويندوز فقط وجربت اغير الفلاشه برده الاقلاع بيتم على الهارد مش الفلاشه هل لازم الغى الهارد رغم انه gpt مش محتاج تحويل وهو بارتيشن واحد عليه النظام من فئه ssd ... على فكره انا لسه محدث البيوس بعد ما نزلت الويندوز 8.1 ,البورده لسه جديده اسوس ماكسيموس هيرو z370 هل فيه اعدادات للبيوس انا مش عاملها كامل تقديرى لحضرتك

[ryko2]

تحياتى لحضرتك استاذ عبد الحليم وشاكر لك ردك بالفعل خيار البوت من الفلاشه بيظهر كما هو موضح بالصوره التى ارفقتها حضرتك ومفيش مشكله وبيتم اختياره كخيار اول للبوت لكن عند اعاده التشغيل البوت بيدخل على الويندوز المثبت على الهارد وكانه مش شايف الفلاشه وكما اسلفت سابقا انى بقدر ابوت على برنامج minitool من الفلاشه عادى يعنى لو فيه مشكله فى البيوس يبقى ميقدرش يبوت على اى حاجه تانيه لكنها المشكله دى خاصه بالفلاشه اللى عليها الويندوز فقط وجربت اغير الفلاشه برده الاقلاع بيتم على الهارد مش الفلاشه هل لازم الغى الهارد رغم انه gpt مش محتاج تحويل وهو بارتيشن واحد عليه النظام من فئه ssd ... على فكره انا لسه محدث البيوس بعد ما نزلت الويندوز 8.1 ,البورده لسه جديده اسوس ماكسيموس هيرو z370 هل فيه اعدادات للبيوس انا مش عاملها كامل تقديرى لحضرتك

طيب فيه امكانية لتغيير الفلاشة؟يعنى لو فيه فلاشة تانية ممكن تنزل عليها الويندوز وتجرب

وممكن توضح أى نسخة اللى محملها على الفلاشة؟لان على حد علمى وارد يكون فيه مشكلة فى بوت الويندوز نفسه

وبعد إذنك إسمح لى أستغل مشاركتك فى توجيه استفسار لأستاذ عبد الحليم وليك لو تقدر تفيدنى

بالنسبة للموضوع المرفق بواسطة استاذ عبد الحليم فيه اثناء الشرح بيوضح ان لازم الهارد يكون بارتيشن واحد

معنى الكلام دة لو عندى هارد فيه داتا على بارتشينات تانى وعايز انزل ويندوز على السى لبايوس uefi لازم افضى الهارد كله وامسح البارتشينات ؟!!! اعتقد انى فاهم غلط او يمكن اكون مركزتش

[abdalhaliem]

أشكرك أخى الكريم

بقدر ابوت على برنامج minitool من الفلاشه

تلك الجمله أعلاه

تكفى لاألغاء الشك بالبيوس أو البورده عموماا

فطالما تستطيع التبويت من الفلاشه بأى صوره

فلا توجد مشاكل من البيوس أو البورده كما تفضلت ؟؟؟

عموماا مافهمته من مشاركتك الأخيره أنك تقوم بتثبيت

الويندوز من الفلاشه

والهارد ال ssd عليه ويندوز 8

أنا فهمت صح ؟؟

والهارد أنت متأكد أنه بتنسيق gpt

أعتقد ان الأمر كذلك

سأوضح لك بضعه نقاط

بالمشاركه التاليه

[abdalhaliem]

حسنا أخى الكريم

قبل كل شىء وقبل محاوله تثبيت ويندوز جديد

وأنت داخل ويندوز 8 التى تعمل عليه حالياا

رايت كليك على this pc

manage

disk management

وأفعل كما بالصوره








وأرفق الصوره هنا


وسنفترض أنك قمت بتهيئه الفلاشه كما يجب

من خلال برنامج rufus

وأن نسخه الويندوز لديك نسخه خام ( iso )

وأذا كنت غير متأكداا من النسخه التى لديك

قم بتنزيل نسخه


من هنا


وأرشح لك هذا الأصدار

هو قبل الأخير لكنه مجرب من قبلنا







بالنسبه لواجهه ( uefi ) وتنسيق ( gpt )

وخصوصاا على هارد ssd

المفروض لنجاح تثبيت الويندوز أن يقوم الويندوز نفسه بتهيئته

ستقوم بالتبويت

ببرنامج mini-tool partition

وعند الدخول ألى البرنامج

أول شىء تقوم بفعله

الوقوف على رأس الهارد وأفعل كما بالصوره








الأن أذا كان الهارد GPT وقمت بألغاء تقسيمه

فقط أضغط على ( APPLY )

ولاتقسم الهارد الأن







ولكن قم بتهيئه الهارد

عن طريق أسطوانه الويندوز

عن طريق زر NEW بالويندوز أثناء التثبيت

وتلك أهم نقطه بالموضوع

كالتالى








ستأتيك نافذه لتقسيم الهارد

لاتقم بتقسيمه فقط قم بالموافقه

سيتم تقسيم الهارد ألياا دون تدخل منك

كالصوره التاليه








فقط هذا كل شىء

وأذا أردت الأستفسار عن شىء لاتتردد

وبالنسبه لسؤال الأخ

ryko2

معنى الكلام دة لو عندى هارد فيه داتا على بارتشينات تانى وعايز انزل ويندوز على السى لبايوس uefi لازم افضى الهارد كله وامسح البارتشينات ؟!!! اعتقد انى فاهم غلط او يمكن اكون مركزتش

أذا كان الهارد بتنسيق gpt

فلا توجد مشكله

فقط أجعل الويندوز يتعامل مع قسم السى

ويقوم بتهيئته كما أوضحنا أعلاه

بالنسبه لهاردات ال ssd الوضع مختلف

فأحجامها صغيره ( 128 ) أو ( 256 )

وهى مخصصه للنظام فلذلك نجعلها قسم واحد

أنما هاردات hdd أحجامها كبيره

لذلك نستقطع جزء من الهارد لل c

ليقوم الويندوز بتهيئته كما ذكرنا أعلاه

تحياتى للجميع

[لوبل]

استاذ عبد الحليم التثبيت من الفلاشه والهارد ssd عليه ويندوز 8.1 والفلاشه تم تهيئتها بشكل صحيح والهارد بنظام gpt ومرفق صوره كما طلبت حضرتك





ونسخه الويندوز خام السؤال هنا استاذ عبد الحليم هل لابد من الغاء الهارد المثبت عليه الويندوز اولا كى يتم الاقلاع من الفلاشه وهل فى كل مره يتم فيه تثبيت الويندوز نقوم بالغاء الهارد اولا وجارى تحميل نسخه الويندوز المدرج رابطها من حضرتك لذياده التأكيد

استاذ ryko2 قمت بتجربه فلاشه اخرى فعلا ونفس المشكلله قائمه وتفضل اخى الكريم بالاستفسار براحتك فالمنتدى لكى نتعلم كلنا ونستفيد خاصه من خبرات اساتذه كبار مثل الاستاذ عبد الحليم ... وتحياتى لللجميع

[abdalhaliem]

استاذ عبد الحليم التثبيت من الفلاشه والهارد ssd عليه ويندوز 8.1 والفلاشه تم تهيئتها بشكل صحيح والهارد بنظام gpt ومرفق صوره كما طلبت حضرتك

تمام أخى الكريم

هل لابد من الغاء الهارد المثبت عليه الويندوز اولا كى يتم الاقلاع من الفلاشه

المفروض أن يتم الأقلاع بكل الأحوال

حتى مع ظهور رساله خطأ عند التثبيت

لاعلاقه لتهيئه الهارد بتبويت الفلاشه

حتى وأن لم يوجد هارد من الأساس

المفروض أن تقلع الفلاشه وسيتوقف التثبيت لاحقاا

ليخبرك بعدم وجود هارد ديسك

لكن الفلاشه ستقلع بكل الأحوال

موضوع عدم تبويت الفلاشه عليه

علامه أستفهام كبيره

عموماا بعد حرق النسخه التى تقوم بتنزيلها

سنرى كيف تسير الأمور

وهل فى كل مره يتم فيه تثبيت الويندوز نقوم بالغاء الهارد

أنظر أخى الكريم

تأمل معى تلك الصوره









ستجد أن من المفروض

أن يكون بارتيشن النظام بتنسيق ال ( gpt )


يكون كالأتى

1 - recovery ntfs 450 mb hidden

بارتيشن مخفى عباره عن أسترداد بيانات سريعه للنظام

وهو يختلف عن (recovery) العادى الذى نلجأ له فى حاله فشل النظام

2 - Active & boot 100 mb fat 32

ملفات البوت للنظام وتكون مخفيه أيضا ولكنها لو تلاحظ

ستكون بنظام (fat 32) لكى تتعامل مع نظام (uefi) الخاص باللوحه الأم

3 - other 16 mb hidden

16 ميجا أخرى أيضا يحجزها الهارد وتكون مخفيه

4 - total physical

هنا باقى مساحه قطاع ال c

بحسب الحجم التى قمت بتخصيصه لل c

من خلال شاشه تثبيت الويندوز كما قولنا

وتلك التقسيمات بما فيها من أحجام مختلفه

( حتى بالميجا )

لابد من ألغائها أولا

وجعل الويندوز يتكفل بأمر التقسيم والتهيئه الأحترافيه

تلك هى الطريقه المثاليه لتهيئه هارد ال gpt

أو القسم المستقطع

وأنت هنا تقوم بألغاء تقسيم الهارد

لأن الهارد كله عباره عن قسم للنظام

لكن بحاله الهاردات ال hdd الكبيره

ستقوم فقط بألغاء تقسيم قطاع ال c

الذى سيكون بنفس شكل الصوره أعلاه

وتلك الطريقه تجعل من الصعوبه بمكان

أن الويندوز يسقط

وبالتالى الحاجه لتثبيت غيره ستقل جداا

فالمنتدى لكى نتعلم كلنا ونستفيد خاصه من خبرات اساتذه كبار مثل الاستاذ عبد الحليم

العفو أخى الكريم

فالمنتدى ملىء بالعلم والخبرات

وماأنا ألا أقلهم خبره وعلماا

نجاهد لنيل رضاكم

فائق تحياتى للجميع

[لوبل]

تم حرق النسخه التى ارفقتها أستاذ عبد الحليم وتم الإقلاع بنجاح وتثبيت نسخه الويندوز 10 واضح ان المشكله كانت في نسخه الويندوز استفسار أخير هل تنصحنى بتحميل النسخه الاخيره من ويندوز 10 الإصدار 1709 شاكر جدا لحضرتك أستاذ عبد الحليم ولتعبك ومجهودك في المنتدى جعله الله في ميزان حسناتك الحقيقه انا تعلمت كثير من المنتدى فانا عضو قديم وجمعت أجهزة كثير بفضل الله سبحانه وتعالى وفضل الاخوه في المنتدى والمنتدى بخبرائه مرجع حقيقى لكل ما يتعلق بالكمبيوتر وتحياتى لكل الاخوه الاخرين الذين يساهمون في المنتدى بعلمهم واخص بالذكر الأستاذ إبراهيم الذى نفتقد اثرائه للمنتدى منذ فتره .... تقبل تحياتى استاذى الفاضل

[abdalhaliem]

تمام أخى الكريم كما توقعنا

نحمد الله على أنتهاء المشكله

هل تنصحنى بتحميل النسخه الاخيره من ويندوز 10 الإصدار 1709

المغزى الحقيقى لترشيحنا لك النسخه التى تسبقها 1703

أنها مجربه لفتره كبيره من قبلنا على العديد من الأجهزه

وأثبتت جدارتها وثباتها

لكن أكيد النسخه 1709

جيده جداا

فقط ينقصنا التجربه

ومادمت عندك أستعداد للتجربه

فلا توجد مشكله أقلها ستخبرنا بالنتيجه

لكى نقوم بتحميلها

فائق تحياتى لك

بالنيابه عنى

وعن أخى أبراهيم

وعن جميع أسره عرب هاردوير

[لوبل]

ان شاء تتم تجربتها لكن مينفعش اقول رأى والاساتذه كلهم موجودين فى المنتدى لا يفتى ومالك فى المدينه احنا بنتعلم من المنتدى دامت المحبه وشكرا لحضرتك ولذوقك

[abdalhaliem]

ان شاء تتم تجربتها لكن مينفعش اقول رأى والاساتذه كلهم موجودين فى المنتدى لا يفتى ومالك فى المدينه احنا بنتعلم من المنتدى دامت المحبه وشكرا لحضرتك ولذوقك

أنت أستاذ كبير مع مرتبه الشرف

لأسلوبك الراقى وأدبك الجم

دمت أخى الحبيب بكل ود

فائق تحياتى