مشكله عدم اغلاق الشاشه بعد الوقت المحدد ؟

**bode373** · 20-01-2018, 02:26

السلام عليكم

عندما اضبط وقت معين لاغلاق شاشه الكمبيوتر مثلا بعد 10 دقائق الشاشه لاتغلق مش عارف ايه السبب جربت اوقات مختلفه ولكن نفس المشكله جربت ايضا جميع الاوضاع برضه نفس الحكايه الكلام ده لسه ملاحظه النهارده تعريف الشاشه احدث تعريف الويندوز 10 كارت الشاشه gtx 960 الويندوز نازل مش مكمل شهر الامس والايام اللى الفاتت الشاشه كانت بتغلق عادى فى الوقت المحدد ؟

تحديث : بحثت فى موقع اجنبي لقيت واحد عنده نفس المشكله وشخص جاوب عليه انه game pad هى السبب وبالفعل شلت game pad والشاشه بالفعل طفت فى الوقت المحدد اوصلهم تانى ترجع المشكله تانى غيرت مكان usb نفس المشكله غيرت game pad نفسه برضه نفس المشكله مش عارف ايه علاقه game pad بأغلاق الشاشه فيه اى تفسير للكلام ده ؟

**whiteknights** · 20-01-2018, 09:59

حجز مكان لل USB بيجعل الويندوز تعتقد إنها مازالت فى حالة نشاط بطريقة ما و بالتالى لا تسمح للشاشة بالإنغلاق.. تماما مثل ترك فيديو VLC مفتوح الشاشة لن تنغلق ابدا إلا بعد غلق ال VLC
و لكنى لا أظن إن موضوع ال USB ده بيحدث مع ويندوز 7

**bode373** · 20-01-2018, 13:00

والحل ايه المشكله دى ماكنتش بتحصل معاى خالص وكانت شغاله على ويندوز 10 عادى جدا ايه اللى حصل جديد علشان تعمل كده ؟

**bode373** · 20-01-2018, 14:36

مارأيك اخى عبد الحليم فى هذه المشكله وهل قابلتك من قبل فى المنتديات الاجنبيه قابلت المشكله ناس كتير بالذات مع ويندوز 10 وللاسف ليس لها حل جذرى سوى غلق منافذ usb الواصل بها game pad او ازاله game pad تماما من منفذ usb الغريب انه من اول امس وكل شئ شغال طبيعى ما الذى حدث الله اعلم حاجه غريبه

**abdalhaliem** · 20-01-2018, 20:48

مرحبا أخى الكريم

أنا لاأجزم بشىء ألا وأكون متأكداا منه

ومشكلتك لم يحدث أن صادفتنا لاعلى جهازى

أو أى جهاز لعميل

ألا بحاله واحده فقط

أن تكون القطعه ( أى قطعه )

تعمل من خلال برامج بالخلفيه

أو متصله بتطبيق ما يعمل بالخلفيه

ماعدا ذلك لاتوجد أى مشاكل من هذا النوع

مع اى جهاز USB يتم أيصاله بالجهاز

وأحيانا بعض أنواع الأنتى فيرس

تراقب منافذ ال USB

لكنها لاتتسبب بهكذا مشكله ألا نادراا

لكن مالفت نظرى أنك تقول

أنك لم تكن تشتكى من تلك القصه

وفجأه وبلا مقدمات صارت عندك تلك المشكله

أذا كان وصفك دقيق

فهناك شىء جديد وطارىء

حدث بالويندوز

جرب تثبيت نسخه فريش

وأخبرنا بالنتيجه

تحياتى

**bode373** · 20-01-2018, 22:18

تمام سأثبت نسخه جديده وسأبلغك بالجديد

**bode373** · 21-01-2018, 04:03

تحديث : تم تثبيت ويندوز جديد

windows : 10 pro 64 bit

os build : 16299.192

version : 1709

بأخر تحديث من مايكروسوفت وكل حاجه شغاله تمام ورجعت الشاشه تقفل زى الاول حسب الوقت المظبوط كده بقى اقفل الابديت افضل ام اتركه لانى سمعت عن مشكله فايرس المعالجات وانه بيستهلك من قوه المعالج انا نوع المعالج اللى عندى intel xeon w3680 فما هو الافضل ؟

**abdalhaliem** · 21-01-2018, 18:33

كما توقعنا العيب كان سوفتوير

رأيى الخاص أقفل الأبديت ( بالضبه والمفتاح )

بالتوفيق أخى الكريم

تحياتى

**bode373** · 21-01-2018, 22:44

تحديث : المشكله رجعت تانى والشاشه رجعت متطفيش فى الميعاد المحدد ولكن المره دى عرفت سبب المشكله برنامج GeForce Experience البرنامج نزل ليه تحديث رقم 3.12.0.84 التحديث ده عمل مشكله ان الشاشه تفضل شغاله مع توصيل game pad الحل هو اغلاق خاصيه in-game overlay هترجع كل حاجه تشتغل تانى الى حين صدور تحديث للبرنامج يعالج المشكله دى انا كلمت الدعم الفنى للنفيديا وقالولى هنحاول نعالج المشكله دى فى اقرب وقت يعنى المشكله ولاطلعت من الويندوز ولا تحديث الويندوز بس مكنتش متوقع ان التحديث بتاع البرنامج هيغير حاجه فى الاوبشن بتاعه الاصدار اللى قبله عالطول كان شغال تمام بدون اى مشاكل بس الحمد الله انى اكتشفت المشكله واللا زمان الواحد كان بيلف حوالين نفسه .

**abdalhaliem** · 21-01-2018, 23:34

نحن لم نقل أن العيب بالويندوز ياعزيزى

كما توقعنا العيب كان سوفتوير

والتحديث الذى تذكره يعتبر سوفت وير

المقصود أن الجهاز

كهاردوير لاتوجد به مشكله

**bode373** · 21-01-2018, 23:56

استاذى الكريم عبد الحليم انا كلامى بخصوص الويندوز هو ان الواحد مابيصدق يسطب البرامج والتحديثات فعلشان كده الواحد بيشيل هم تغيير الويندوز ولكن هذا امر ضرورى بالطبع ان تأخذ خطوه خطوه الى ان نصل للحل وده طبعا بمساعدتك استاذى الكريم ومشرفين واعضاء المنتدى المحترم وشكرا جزيلا لحضرتك ولك تحياتى .