توقف كارت الشاشة عن العمل

**Nour Eldeen tarek** · 26-01-2018, 19:51

السلام عليكم ورحمه الله وبركاته اعضاء منتدانا الكرام اتمني ان تكونوا في تمام الصحة والعافية

واجهتني مشكلة في جهازي الشخصي اول مرة اقابلها وهي اني شغال علي الجهاز عادي فجأة توقف الجهاز عن العمل وجاب شاشة سودا ( قطع داتا )
عملت ريستارت الجهاز يعطي صافرة كارت الشاشة المهم بصيت علي الكارت لاقيت المروحة واقفة طلعت الكارت ونضفته ونضفت المشتت قبل هذه المراحل جربت كارت شاشة اخر الجهاز اشتغل بدون مشاكل
المهم جربت اشغل الكارت مرة اخري لا يعمل ولا حتي المعالج الرسومي للكارت لايسخن ولا اشعر بأي حرارة كأنه قطع باور كدة انا عاوز اعرف الكارت باظ والمعالج الرسومي اتحرق بسبب المروحة ولا ممكن تكون مشكلة خاصة بدايرة كهربا الكارت علما بأن الكارت نوعه Gigabyte Nvidia geforce gt440 2gb والكارت تمت صيانته بالقبل في توكيل gamma والمكشلة كانت في تغيير المروحة فقط
انا عاوز اعرف الكارت كدة اتحرق ولا ممكن تكون مشكلة في دايرة باور الكارت علما بأني عندي باور سبلاي من نوع HEC 350 watt

**abdalhaliem** · 26-01-2018, 20:04

مرحباا أخى الكريم

بالنسبه لمزود الطاقه

فأذا كان يعمل بدون مشاكل

فهو كافى

لأن الكارت لايستهلك الكثير من الطاقه

القصه بها بعض الصعوبه للجزم بحاله الكارت

هل بعدما قمت بتنظيف الكارت

هل كانت المراوح تعمل ؟؟؟

أخشى ماأخشاه أن تكون المروحه تعطلت

ولم تنتبه أليها ( وهذا وارد جداا )

فأرتفعت درجه حراره المعالج الرسومى بصوره مفرطه

كما أخبرتك أخى الكريم

الأحتمالات كلها وارده

وأن كنت من سردك لطريقه ماحدث معك

أميل ألى أرتفاع الحراره المفرط

لكن تبقى الأحتمالات كلها قائمه

وعليك التوجه ألى مركز صيانه

وياحبدا لو تتوجه لمن قام بصيانته من قبل

ندعوا الله أن تكون المشكله بدايره الباور

بالتوفيق أخى الكريم

**Nour Eldeen tarek** · 26-01-2018, 20:08

جزاك الله اخي الكريم
الكارت وديته قبل كدة لتوكيل جاما في مصر الجديدة والكارت كان شغال عادي لاكن المروحة كانت مش شغالة روحت عشان اغيرها بس
وبعد كدة الكارت كان شغال بعديها ب بفترة طويلة لمدة سنتين
سألت اكثر من صديق يعمل ف المجال قالي ان المشكلة زي ما حضرتك قولت بسبب الحرارة المفرطة وناتجة عن تعطل المروحة عن العمل
مع اني مثبت برنامج لقرأءة درجات الحرارة بس لم أنتبه لحرارة الكارت

**Nour Eldeen tarek** · 26-01-2018, 20:11

الغريب ان التشيب الخاصة بالكارت مش بتسخن كأن الكارت مش متركب اصلا حاسس ان الكارت كدة طار

**abdalhaliem** · 26-01-2018, 22:38

أنت عارف لما تكون بالجيش

وزميل ليك ينتقل ألى رحمه الله

وتكون مكلف بتبليغ أهله بخبر وفاته

هذا الشعور هو ماأحسه الأن تجاهك

( أريد أن أبلغك خبر وحش ومش عارف أجيبهالك أزاى )

لكن تشبث بشعره معاويه

فأعطال دايره الباور أيضا تجعل الكارت جثه هامده

لكن الأخيره ممكن تدارك الأمر معها

أنما لاقدر الله الشر بره وبعيد

( الذى ببالك ليس له حلا )

المهم خلى أيمانك بالله كبير

فائق تحياتى لك