انا قيست العرض بالمسطرة حوالى 16 سم
إيه specs اللى اضغط عليها دى؟
specs تعنى المواصفات
بعد دخولك لموقع الكيس
أضغط على ( specs )
لمعرفه أبعاد ومواصفات الكيس
منافذ الساتا المفروض انهم ستة فيه تلاتة فوق وتلاتة تحت
اللى فوق زيرو وواحد واتنين
واللى تحت تلاتة واربعة وخمسة
أليست تلك هى اللوحه ؟؟
ممكن المشكلة تكون إيه؟مع العلم ان الكابل لما بيركب فيهم بيركب عكس اللى فوق خلف خلاف مع بعض يعنى
لم أفهم ماتقصد تحديداا
كيف خلف خلاف ولما ؟؟؟
حقك عليا متعب أنا شويه
ماهو لازم يركبوا حسب وضعيه المنفذ
أنا كلمه خلف خلاف
هى اللى وقفت عندها
قم بنزع كل كابلات الساتا من المنافذ
وتجربه منفذ منفذ منفرد
جربت ياباشا زى ماقلت لى منفذ منفذ منفرد (طبعا من التلاتة السفليين اللى مكنوش شغالين)والتلاتة اشتغلوا عادى الحمدلله
و التلاتة اللى فوق اللى كانوا شغالين من قبل كدة وانا موصلهم جنب بعض جربت منهم واحد لوحده شغال عادى
يكون العيب كدة من إيه؟
فى حاجة بئا عامة عند التوصيل فى أى منفذ بما فيهم التلاتة اللى فوق اللى كانوا شغالين من قبل كدة عادى
إنى لما بوصل هارد الويندوز لوحده فى بداية تشغيل الجهاز لاول مرة لما بيوصل لعلامة الويندوز قبل مايدخل على الديسكتوب الكيسة بتفصل واكرر تشغيلها مرة تانية تشتغل عادى ومتفصلش والموضوع دة حصل عند التوصيل على أى منفذ .(شاكك فى حاجة معرفش لها صلة ولا لا انى لما كنت بسطب الويندوز افتكر انى كنت موصل هاردين فهل ممكن يكون فيه ملفات من الويندوز اتنسخت على هارد تانى ولما بيكون مش واصل اثناء تجربة هارد الويندوز لوحده يفصل اول مرة فى التشغيل وبعد كدة يشتغل فى المرة التانية؟
ملحوظة
انا موصل هارد الويندوز فى sata 1 والهارد التانى الكبير فى الحجم sata 0
المفروض دائماا
توصيل هارد النظام على منفذ ( 0 )
هذا يحدث أحيانااانى لما كنت بسطب الويندوز افتكر انى كنت موصل هاردين فهل ممكن يكون فيه ملفات من الويندوز اتنسخت على هارد تانى
فقط أذا كان على الهارد الأخر نسخه ويندوز قديمه
لا الهارد التانى مكنش عليه نسخة ويندوز
بس إيه سبب انى لما بشغل المنافذ مع بعض متشتغلش
ولما بشغل الهارد على اى منفذ فى اول تشغيلة للجهاز بعد التوصيل الجهاز يفصل ولازم اعيد تشغيله تانى هل دة له علاقة بتوصيله على منافذ تانية غير sata 0
منافذ الساتا ببعض اللوحات لابد من مراعاه ترتيب معين
قم بمراجعه المانويل الخاص ببوردتك
بعض اللوحات الترتيب بالمنافذ مطلوب
العبره أنهم يعملوا وليست بهم مشكله
؟؟؟؟
ممكن من أثار وضع الكولر
( معجون التبريد )
قم بمسح المعالج
بقطعه قماش قطنيه مبلله بالكحول
وتنظيفه جيداا
وكرر عمليه مسح المعالج
بالقماشه المبلله بالكحول
ألى تمام أزاله تلك الأثار
وهذا عن طريق أستعمالل أصبع السبابه
بداخل القماشه المبلله بالكحول
مع تغيير مكان القماشه دائما
تعامل دائماا برفق
يعنى لو فيه ضرر سنذكره لك !!!!!!طيب المسح فى المكان دة ملوش ضرر؟
قطعاا الأفضل تنظيفه
الكحول الطبى اللى بيكون موجود فى الصيدلية صح؟انا فاكر انك قلت لى قبل كدة مبيفرقش اى نوع كحول
ممكن يكون دة سبب الصوت اللى بيصدر؟
بمناسبة التنظيف بنسى اسألك من فترة رحت سألت فى مصر للبترول وموجدتش بنزين تنظيف وقالى متتعبش نفسك وتدور عليه عشان بئاله فترة مبينزلش
فيه بدايل له ولا البدايل لها اضرار محتملة؟بسمع ان التنر له اضرار
سألت على الكحول كمان فى الصيدلية ناقص بس قالولى ممكن تلائيه عادى لكن ناقص عندنا احنا يعنى محتاج بس ادور عليه بس فى حاجة
فيه كيس ابيض كدة جاى مع المشتت الكولر ماستر فيه مادة بيضاء كدة جيلاتينية معرفش دة كحول ناشف ولا إيه لانها عبارة عن مادة متماسكة ولو ضغطت عليها بتتفتت مشعارف دة إيه
انا كنت حطيت حتة منها على منديل ومسحت الجسم الخارجى للمعالج من المعجون القديم قبل التركيب بس مشعارف دة كحول ولا إيه بالظبط
أى كحول ياأخى
من الصيدليه من البقال
أبيض أحمر
لاتوجد مشكله
هو أنت حاتطهر جرح ؟؟
حتى الجروح نستعمل لها أى كحول
وبديل البنزين أكاى الأزرق
ولاداعى لأستخدام التنر لأنه من المذيبات
( بالنسبه لتنظيف المعالج أستعمل الكحول فقط وقم بتجفيفه جيداا )
مادة بيضاء كدة جيلاتينية
قم بتصويرها ولو يوجد عليها أى كلمات أكتبها
لاتستعمل شىء للمعالج قبل أن تعلم ماهو !!
التعديل الأخير تم بواسطة abdalhaliem ; 25-02-2018 الساعة 07:20
انا هعرف منك هى إيه المادة اللى فى الكيس عندى ومش هستخدمها دلوقتى هشترى الكحول زى ماقلت بس ألائيه لانى استغربت لما دخلت الصيدلية ملئتوش والمفروض انها صيدلية جديدة مكملتش سنة
هو ينفع اشيل المشتت واللوحة متثبتة فى مكانها ولا فيه مشكلة
المفضلات