بصوا يا أخوانا ارجوكم قبل مشرح مشكلتى اننا نصلى على النبى(صلى الله عليه وسلم)
دلوقت ياشباب اوصفلكم جهازى الاول
1:اللوحة الام:FoxConn(By Intel) 865G A01-PE Series
فيها Sound و LAN موجودين Built In
فيها مدخل SATA
فيها 4 بنوك للRAM بسعة 2 جيجا على الاكثر
2:المعالج:Intel(By Celeron) 2.4Ghz Cache 256 KB
3:كارت الشاشة: Nvidia(By GIGAByte) 128MB FX 5210
4:الذاكرة المؤقتة:Spectec 512 MB One Chip
وطبعا الهارد وسترن ديجيتال 80 جيجا بايت بالاضافة الى السى دى رايتر اسوس
دلوقت انا اتعاقد مع شركة انترنت فى مصر(نايل اونلاين) انهم يدخلوا على خط التليفون الخاص بى خدمة ال ADSL بسرعة 256 Kbps لوحدى بإتصال مباشر مع الروتر.الخدمة دخلت فعلا ولكن كان هناك CRC Errors كتيرة جدا.روحت مغير سلك التليفون من البوكس الى المنزل(حوالى 50 متر)
والاخطاء اختفت تماما..وال SNR Margin كويس.اللى بيحصل معايا ومجننى انى لما بحط كابل اللان فى جهازى الاقى لمبة ال ADSL فى الروتر تتطفى(بمعنى اصح الخط بيقع لما بحط كابل اللان فى جهازى)متفقين؟؟؟قولت طيب ايه المشكلة؟روحت واخد الروتر وجربته على جهاز واحد صاحبى جارى(هو حتى اللى جاب الجهاز عندى) وجربنا الجهاز بتاعه على نفس خط التليفون بتاعى ونفس الروتر ونفس الكابل,,والخط اشتغل زى الفل وموقعتش لمبة ال ADSL من الروتر.قولت يمكن المشكلة فى الروتر(رغم تجربته)..روحت جايب روتر من واحد صحبى وجربته عندى وعمل نفس المشكلة(الخط بيقع اول محط كابل اللان عندى انا فى جهازى)
قولت يمكن المشكلة فى كارت اللان(خصوصا وانها Built In)...روحت جايب كارته تانية جديدة..وعملت نفس المشكلة...روحت جايب سوتش وعملت وصلة صغيرة عليا..لقيت العجب العجاب...امر ال Ping على الروتر كل شوية بصورة عشوائية يفصل معايا خالص ويقطع لفترات عشوائية لدرجة تثير الجنون...طيب اجنك اكتر..والله العظيم حتى لما يكون امر البينج على الروتر فاصل وبيدى Request Timed Out والله بقدر اخش على الروتر وافاجأ ان الخط تمام وزى الفل وموقعش خالص...وطبعا اتصال الانترنت عندى بيتوقف لما البينج يفصل عندى على الروتر
وادى صورة توضيحية
أبوس ايديكم اللى يقولى ايه هو سبب المشكلة وعلاجها..والله العظيم ليه منى مكافأة
انا والله مش عارف اقعد على النت ولا عارف حتى اعمل دونلوود..كل شوية البينج يقع منى وبضطر انى ارستر الدونلوود(والكلام ده كله على سوتش..يعنى مستحيل طبعا فى الظروف دى انى احط كابل اللان بتاعى على الروتر مباشرة والا اللمبة هتقع خالص منى ومش هطول لا ابيض ولا اسود)
بالمناسبة نوع الروتر:TP-LINK 8800 وجربته عند ناس تانية واشتغل معاهم زى الفل والحمد لله يعنى مفيش عيب فى الروتر وغيرت كمان السبليتر ونزلت وندوز جديد وكل حاجة ممكن عملتها...
اسف للاطالة واتمنى سرعة الرد من اعضاء عرب هاردوير الكرام
المفضلات