احتاج مساعدتكم فى شراء كارت شاشة جديد فى حدود الميزانيه

**megalex** · 14-02-2018, 06:12

السلام عليكم

ان شاء الله ناوى اشترى كارت شاشه جديد فى حدود 2000 جنيه وبالمقارنه بالاسعار الفلكيه ملقتش غير الكارت ده فى حدود ميزانيتى

(Gigabyte GeForce GT 1030 OC 2GB (GV-N1030OC-2GI

فانا محتاج نصيحتكم ومحتاج اعرف منكم الكارت ده كويس وهيبقى متوافق مع الشاشه لانها قديمه والجهاز ككل ولا لاء ؟ ولو فى حاجة افضل منه فى حدود الميزانيه وجديد مش مستعمل يبقى تمام جدا واسف عالاطاله وجزاكم الله خيرا

مواصفات جهازى

المازر بورد :Gigabyte GA-B75H-D3H
البروسيسور : Intel Core i5-3470 @ 3.20GHz
الرام : (8G (4*2
الباور سبلاى : GIGABYTE GE-N400A-C2 400W
الشاشه : Sync Master 793s (سامسونج)
النظام : win 10 pro 64bit

**Yasser** · 14-02-2018, 06:41

ملقتش غير الكارت ده فى حدود ميزانيتى

كلامك صحيح بالنسبه للميزانيه لشراء الجديد فهو المتاح أمامك لكن على الرغم من انه من فئه الكروت الضعيفه لكنه سيمكنك من تجربه كثير من الالعاب فقط هناك موضوع شاشتك الcrt " القديمه ذات الظهر " كما فهمت من موديلها فهى لايدعمها الكارت الا من خلال محول معين hd to vga فى حدود 150 بالتقريب حسب النوع .....لكن يجب تحديث الشاشه لسلامه عينيك على الاقل .

**megalex** · 14-02-2018, 13:45

المشاركة الأصلية كتبت بواسطة Yasser

كلامك صحيح بالنسبه للميزانيه لشراء الجديد فهو المتاح أمامك لكن على الرغم من انه من فئه الكروت الضعيفه لكنه سيمكنك من تجربه كثير من الالعاب فقط هناك موضوع شاشتك الcrt " القديمه ذات الظهر " كما فهمت من موديلها فهى لايدعمها الكارت الا من خلال محول معين hd to vga فى حدود 150 بالتقريب حسب النوع .....لكن يجب تحديث الشاشه لسلامه عينيك على الاقل .

شكرا على اهتمامك وردك ااخى ياسر

حضرتك تقصد بتجربه الالعاب فقط ان الكارت هيشغل الالعاب بس مش على اعلى اعدادات ؟
وشاشتى فعلا حاليا نفس اللى حضرتك قولته موديل قديم بضهر وكويس جدا انا كنت لسه هسال على موضوع الكابل ده جزاك الله خيرا
وهل لو حدثت الشاشه عدد الفريمات هيقل بسبب ان الرزليوشن هيعلى لان الكارت متواضع ومش هيبقى قوى مع الشاشات الاقوى ام الموضوع ملهوش علاقه ؟

**Yasser** · 14-02-2018, 14:11

حضرتك تقصد بتجربه الالعاب فقط ان الكارت هيشغل الالعاب بس مش على اعلى اعدادات ؟

الالعاب الحديثه بشكل عام تشتغل لكن على low طبعا فأعلى أعدادات لكروت الفئه العليا وأكيد هناك نوعيه من الالعاب الحديثه لن تستطيع لعبها بمعدل اطارات مناسب

وهل لو حدثت الشاشه عدد الفريمات هيقل بسبب انالرزليوشن
هيعلى لان الكارت متواضع ومش هيبقى قوى مع الشاشات الاقوى ام الموضوع ملهوش علاقه ؟

كلما زادت الدقه أكيد بيزيد الحمل والمعالجه على الكارت وبيقل الاطارات المنتجه ....اعمل حسابك على 30 فريم بشكل عام فى الالعاب على دقه 1080 وجوده ضعيفه طبعا تتغير النسبه لو قلت دقه الشاشه او ساعدت رسوميات اللعبه نفسها وماشاء الله المعالج معك مناسب للالعاب وهيكون مساعد لكن صدقنى ولأن جهازك للألعاب فتغيير الشاشه أهم شىء للحفاظ على بصرك .

**megalex** · 14-02-2018, 16:29

المشاركة الأصلية كتبت بواسطة Yasser

الالعاب الحديثه بشكل عام تشتغل لكن على low طبعا فأعلى أعدادات لكروت الفئه العليا وأكيد هناك نوعيه من الالعاب الحديثه لن تستطيع لعبها بمعدل اطارات مناسب

كلما زادت الدقه أكيد بيزيد الحمل والمعالجه على الكارت وبيقل الاطارات المنتجه ....اعمل حسابك على 30 فريم بشكل عام فى الالعاب على دقه 1080 وجوده ضعيفه طبعا تتغير النسبه لو قلت دقه الشاشه او ساعدت رسوميات اللعبه نفسها وماشاء الله المعالج معك مناسب للالعاب وهيكون مساعد لكن صدقنى ولأن جهازك للألعاب فتغيير الشاشه أهم شىء للحفاظ على بصرك .

شكرا بجد على نصيحه الشاشه لانها فعلا بتتعب العين
وممكن حضرتك لو ترشحلى شاشه كويسه فى حدود 1500 اكون شاكر ليك
وهى الشاشه بيجى معاها كابلات زى مثلا hdmi ولا انا بشترى من بره
و الكارت ده بياخد الباور من المازر بورد الكلام ده صح
انا عارف انى تعبك معايا

**Yasser** · 14-02-2018, 19:10

الكارت فعلا يكتفي بالطاقه من منفذ pcie في اللوحه الام والشاشه المناسبه هي اي شاشه جديده 19 بوصه led بتكون اقل من الميزانيه المذكوره حتي وهي بمنفذ فجا الازرق فقط

**megalex** · 15-02-2018, 02:13

المشاركة الأصلية كتبت بواسطة Yasser

الكارت فعلا يكتفي بالطاقه من منفذ pcie في اللوحه الام والشاشه المناسبه هي اي شاشه جديده 19 بوصه led بتكون اقل من الميزانيه المذكوره حتي وهي بمنفذ فجا الازرق فقط

الف شكر يا غالى عالافاده ربنا يباركلك