النتائج 1 إلى 15 من 15

الموضوع: اريد شراء بندل جديد بميزانية 8000 جنيه أرجو المساعدة...

  1. #1
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    Lightbulb اريد شراء بندل جديد بميزانية 8000 جنيه أرجو المساعدة...

    السلام عليكم ورحمة الله وبركاته ...
    الميزانية المتاحة : 8000 جنيه
    المكان: القاهرة
    الاستخدام في : برامج photoshop- illustrator - after effect - 3d max - maya
    الاجزاء التي سأستخدمها مع البندل الجديد : كارت nividia gtx 480
    2 هارد ساتا 1 تيرا و 500 جيجا
    بور سبلاي 500 وات.

    (هل من الضروري تغيير الكيسة في الوقت الراهن)
    (لدي مشتت بتاع البروسيسور القديم هل يمكن استخدامه مع البروسيسور الجديد) - البروسيسور القديم - intel core 2quad Q6600

    اتمنى أيضًا لو تكرمتم ارشادي لأفضل المحلات في القاهرة، سواء في مول سفنكس او سوق العصر او البستان، للتوجه إليها مباشرة دون البحث كثيرًا.

  2. #2
    إداري الصورة الرمزية N3V3RMiND.2016
    تاريخ التسجيل
    Jan 2016
    المشاركات
    1,336
    الدولة: Egypt
    معدل تقييم المستوى
    777

    رد: اريد شراء بندل جديد بميزانية 8000 جنيه أرجو المساعدة...

    و عليكم السلام و رحمة الله و بركاته,

    ما هو نوع المشتت القديم؟

    لا يجب تغيير الكيس فى الوقت الراهن فقط تأكد من وجود مراوح تهويه لتهويه الكيس بشكل جيد

    اليك اقتراح تجميعه:

    Gigabyte GA-A320M-DS2 Socket AM4 Motherboard = 1300
    AMD RYZEN 5 1600X 6-Core 3.6GHz (4.0GHz Turbo) Socket AM4 95W Desktop Processor (YD160XBCAEWOF) = 4450
    Kingston HyperX FURY 16GB DDR4 2400MHz CL15 1.2V = 3000

    اجمالى = 8750


    و يمكنك التوجه لسوق العصر لأنه ربما يكون افضل من حيث توافر محلات و شركات اكثر بالاضافه انه ملاصق لمول اخر فالفرص اكبر فى ايجاد كل شئ.

  3. #3
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    رد: اريد شراء بندل جديد بميزانية 8000 جنيه أرجو المساعدة...

    جزاك الله كل خير على ترشيحك الرائع .. بس صار لي أسئلة أخرى بعد قراءة مراجعتك للمعالج rayzen و intel i5 ... وبما اني من مستخدمي برامج التكويد والرندر والتصميمات بشكل أساسي فلقد لاحظت تفوق intel في اغلب المقارنات الخاصة بهذه البرامج ..

    في الوقت الراهن أنا ابحث عن أداء جيد وثابت وليس كسر سرعة وما الخ .. بالكاد كل شغلي حيكون خفيف في هذه السنة بمشيئة الله، بس أنا في حاجة لتغيير جهازي لأنه صار قديم وبيعرقلني كثيرًا .. بس الأكيد استخدامي حيكون على الفوتوشوب بشكل أساسي هو والافتر ايفيكت و(3d max بشكل عادي لأني لسه بتعلم عليه).

    وللتوضيح أكثر فميزانية 8000 جنية دي كنت واضعها بحيث لو تبقى مبلغ منها وبعت البندل القديم ممكن اشتري هارد ssd او باور سبلاي أعلى لأني خايف ان ال 500 وات اللي عندي ميكنش مناسب وخاصة ان كارت gtx 480 بيستهلك لوحده 250 وات (مش عارف هل ده في اقصى استخدامه ولا في العادي حقيقةً).
    سؤال أخير .. المازربورد المقترحة حتكون مناسبة لشغلي لغاية امتى ولو كان مفضل اني اشتري اعلى منها واوفر فلوس رامه 8 جيجا لغاية ما تكون معايه فلوس واشتريها بعد كده.
    أرجو ألا أكون قد أثقلت عليك يا أستاذنا.

  4. #4
    إداري الصورة الرمزية N3V3RMiND.2016
    تاريخ التسجيل
    Jan 2016
    المشاركات
    1,336
    الدولة: Egypt
    معدل تقييم المستوى
    777

    رد: اريد شراء بندل جديد بميزانية 8000 جنيه أرجو المساعدة...

    وبما اني من مستخدمي برامج التكويد والرندر والتصميمات بشكل أساسي فلقد لاحظت تفوق intel في اغلب المقارنات الخاصة بهذه البرامج ..

    لا يا اخى الكريم بالنسبه لأعمال التكويد فالمعالج الذى اقترحته هو متفوق فى المراجعه و اليك مره اخرى النتائج من المراجعه:
    هذه نتائج التكويد باستخدام الHandbreak:




    كما موضح المعالج Ryzen 5 1600X انتهى من عمليه التكويد للفيديو فى مده و هى تقريبا 102 ثانيه
    اما المعالج Core i5-8400 فانتهى من العمليه فى مده 112 ثانيه

    مع العلم المعالجان فى نفس الفئه السعريه فسعرهم واحد اما المعالج Core i5-8600K فهو اغلى بحوالى 1200 جنيه من المعالجان Core i5-8400 و Ryzen 5 1600x
    و مع ذلك هو الاخر انهى العمليه فى مده زمنيه اطول من المعالج Ryzen 5 1600x!

    يتفوق المعالج Core i5-8400 فى العمل على برامج التصميم و الوسائط المتعدده و مثال من المراجعه:
    يتفوق المعالج Core i5-8400 فى البرامج الاتيه من المراجعه:


    Adobe CC After EffectsAdobe CC InDesign
    Adobe CC Photoshop Heavy
    Adobe CC Photoshop Light
    3ds Max 2015 (3D Real Time
    AutoCAD 2016 (2D
    AutoCAD 2016 (3D


    فوجهة نظرى هى ان كنت ستستخدم بشكل اكبر عمليات تكويد للفيديو فاذهب مع المعالج Ryzen 5 1600x بكل تأكيد
    اما لو كان الغالبيه العظمى لاستخدامك هى البرامج المشار اليها من تصميم و وسائط متعدده فاذهب مع المعالج Core i5-8400

    و لكن يجب العلم ان المعالج Core i5-8400 غير متوفر حاليا فى الاسواق المصريه نهائيا و حتى اللوحات الام الاقتصاديه المخصصه لمعالجات الجيل الثامن من انتل (Intel) لم تطلقها انتل للأسوق حتى الان و غير متوفر غير لوحات الZ370 الباهظه السعر و المخصصه لكسر السرعه!

    اما بالنسبه للباور فأنت محق مذكور على موقع الكارت GTX 480 انه اقل باور ينصح به هو 600 Watt (و لكنى لا اعلم حقيقه كم يستهلك الكارت غير مذكور على الموقع)
    و ايضا بالنسبه لشراء هارد SSD فينصح به بشده بالتأكيد سيعطيك فرق كبير جدا خاصه لبرامج التصميم و المونتاج.

    اللوحه الام المقترحه ستغطى احتياجك و لكن ان كنت بحاجه للوحه ام اعلى فسيبدأ السعر من 1800 جنيه تقريبا للوحه الام فقط!

    مثال اللوحات :
    Gigabyte GA-AB350M
    -Gaming 3 Socket AM4 Motherboard = 1750 (هذه اللوحه جيده جدا من حيث السعر و الامكانات)
    Gigabyte GA-AB350-Gaming 3 Socket AM4 Motherboard = 2500

    Asus PRIME B350-PLUS Socket AM4 Motherboard = 2000
    Asus ROG STRIX B350-F GAMING Socket AM4 Motherboard = 2500

    MSI B350M Gaming PRO Socket AM4 Motherboard = 1850
    MSI B350M MORTAR Socket AM4 Motherboard = 1650


    كما هو واضح الميزانيه هى من يحدد ما يمكننا تجميعه و لاكن بشكل اساسى ان كنت ستشترى من مصر فليس امامك حاليا الا المعالج Ryzen 5 1600x
    لعدم توافر المعالج Core i5-8400 و كان سعره فى حدود 4000-4200 حينما كان متوفر فى السوق المصرى و لكن يمكنك شرائه من على امازون لو تحب.
    ام ان كنت لست متعجل يمكنك انتظار شهر او شهرين لحين عودة المعالج Core i5-8400 مره اخرى الى الاسواق و ايضا تكون اللوحات الام الاقتصاديه الخاصه بالجيل الثامن من انتل قد خرجت للأسواق.

    وفقك الله لما فيه خير.

  5. #5
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    19,363
    الدولة: Egypt
    معدل تقييم المستوى
    1911

    رد: اريد شراء بندل جديد بميزانية 8000 جنيه أرجو المساعدة...



    مرحباا أخى الكريم

    الكارت فعلاا يحتاج 250 وات

    وهو يتم توصيله بكابلات 6pin + 8pin










    والمعالج المقترح

    AMD RYZEN 5 1600X

    يستهلك 95W

    https://www.amd.com/en/products/cpu/amd-ryzen-5-1600x


    بخلاف باقى عتاد الجهاز

    لذا لن يكفيك بأى حال من الأحوال

    باور 500 وات

    لكى تكون بالأمان

    أذهب مع 650 وات


    بالتوفيق

  6. #6
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    رد: اريد شراء بندل جديد بميزانية 8000 جنيه أرجو المساعدة...

    جزيل الشكر لحضراتكم .. بجد لساني عاجز عن الشكر .. وباين فعلا ان الموضوع معقد اكثر مما كنت اعتقد .. وكل كلامكم بيؤكد ان الانتظار شهرين حيكون أفضل بس الخوف ان كل حاجة تغلى عما هو متوقع .. لما يشوف المستوردين ان البوردات الاقتصادية حلت مشكلة السعر فيقوموا مغليين في سعر البروسيسورات الجيل الثامن وده المتوقع فعلا انه يحصل زي ما عملوا في حركة كروت الشاشة بالضبط .. والمستهلك مش قدامه غير انه يقول 500 جنيه زيادة احسن من 1500 جنيه على المازربورد.

    بالنسبة لي أنا استخدامي حيكون اساسي على الفوتوشوب والافترايفيكت واظن ان الاتنين دول بيعتمدوا بشكل كبير على البروسيسور اكتر من كارت الشاشة ومن المقارنات intel لا تزال متفوقة للأسف .. ولذلك بفكر اني أنتظر وأمري لله على الرغم من شدة حاجاتي له في تلك الأيام ..

    سؤال بخصوص هارد ssd هل بيركب على أي بوردة قديمة او جديدة .. بصراحة انا عمري ما اشتريته بس من كلامكم عنه في المواضيع انه بيتوصل باكثر من كابل .. ويا ترى أقل مساحة فيه كام وسعرها كام في السوق دلوقتي لأني بفكر اشتريه الايام دي .. لأن العيب الأساسي متمثل في الهارد اللي عندي وبفكر انه سبب تقل الجهاز ...

    عندي سؤال بخصوص الهاردوير المستعمل .. لو أنا عايز أبيع اجزاء الكمبيوتر القديمة بما فيهم باور سبلاي 500 وات عشان لو حبيت اجيب اعلى .. ايه انسب مكان اروحله عشان أبيع فيه.

  7. #7
    مشرف الاقسام التجارية
    تاريخ التسجيل
    Mar 2013
    المشاركات
    2,408
    الدولة: Egypt
    معدل تقييم المستوى
    111

    رد: اريد شراء بندل جديد بميزانية 8000 جنيه أرجو المساعدة...

    بنسة لسؤالك عن هاردات SSD فى أنواع بتكون SATA3 و دى بتركب على اى بوردة تكون داعمة للساتا 3
    و فى أنواع بتكون SSD M.2 و دى بتركب على البوردة الحديثة فقط الداعمة لل M.2

    بخصوص استفسارك انك خايف الاسعار تغلى فا انا مش بخوفك بس فعلا من المتوقع ارتفاع الأسعار اكتر و اكتر يعنى ممكن حضرتك تنزل تشترى دلوقتى البروسيسور و الرامات و كارت الشاشة و الباور صبلاى و تنتظر شهرين لما تنزل اللوحات الاقتصادية تروح تجبها مجرد اقتراح و القرار النهائى عندك

  8. #8
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    19,363
    الدولة: Egypt
    معدل تقييم المستوى
    1911

    رد: اريد شراء بندل جديد بميزانية 8000 جنيه أرجو المساعدة...

    الشكر لله أخى الكريم

    أولا بالنسبه لعمليه الشراء الأن

    نصيحه

    لاتشترى شىء الان

    وبعد فتره تقوم بشراء شئ ثانى

    ستتقيد بدعم الرامات والهارد وير الذى قمت بشراؤه

    للبورده التى ستختارها مستقبلا

    قم بشراء على الأقل

    رام + معالج + بورده مع بعض


    بالنسبة لي أنا استخدامي حيكون اساسي على الفوتوشوب والافترايفيكت واظن ان الاتنين دول بيعتمدوا بشكل كبير على البروسيسور اكتر من كارت الشاشة ومن المقارنات intel لا تزال متفوقة للأسف
    صحيح أن المعالج المركزى مهم بالنسبه لتلك البرامج

    لكن أيضاا المعالج الرسومى مهم جداا

    وتوجد كروت صنعت من أجل تلك الأعمال خصيصاا

    ككروت ال ( quadro )

    وتلك دلاله على أهميه المعالجه الرسوميه

    كما أن معالجات ( RYZEN ) لها باع كبير مع تلك البرامج

    ولأجهزه الأعمال عموماا

    بل تتفوق على أنتل بهذا الخصوص

    طبعا بالألعاب تختلف القصه تماماا

    ستجد أنتل تتفوق لسرعه وقوه النواه المنفرده داخل معالجاتها

    وبالنسبه لهارد ssd

    سواء كان

    sata3 / m.2

    أسعارهم طبيعى مرتفعه

    لذلك أقتناء مساحات كبيره للتخزين

    أقنصادياا صعب

    لكننا دائماا ننصح بأقتناء تلك الهاردات للنظام

    سيجعل الجهاز صاروخياا

    بالنسبه للنظام يكفيك هارد

    128gb / 256gb

    بأسعار تتفاوت حسب النوع والسرعه والحجم

    تبدأ بحوالى 1700


    عندي سؤال بخصوص الهاردوير المستعمل .. لو أنا عايز أبيع اجزاء الكمبيوتر القديمة بما فيهم باور سبلاي 500 وات عشان لو حبيت اجيب اعلى .. ايه انسب مكان اروحله عشان أبيع فيه
    ممكن تنشىء موضوع بقسم البيع بالمنتدى


    https://arabhardware.net/forum/forumdisplay.php?f=46


    لكن قم بقرائه قوانين ذلك القسم أولاا


    بالتوفيق

  9. #9
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    رد: اريد شراء بندل جديد بميزانية 8000 جنيه أرجو المساعدة...

    شكرًا لردودكم ونصايحكم .. بجد عرب هاردوير هو رقم واحد علطول وكان نفسي المتجر بتاعه يستمر كان زمان الواحد اشترى منه وهو مطمئن .. وبالنسبة للهارد ssd فأنا فعلا أنا حشتريه عشان النظام بس .. وأظن اني مش ححتاج اكثر من 128 جيجا وتقريبا سعره بيتراوح من 1050 -1200 جنيه .. وبالنسبة لاهمية كارت الشاشة فطبعًا يا أستاذ عبد الحليم كارت الجرافيك له اهمية في البرامج دي من حيث العرض بس المعالج هو الأساس في الرندر هو والرامات حتى في الاعدادت بتاعت الافتر ايفيكت مرتكزة على عدد الكور والكاشات والرامات .. لكن طبعًا لا جدال في برنامج زي الثري دي ماكس فكارت الشاشة هو رقم 1 قبل كل شيء .. بس طالما كروت الشاشة اسعارها في السماء فالواحد محتاج يعملها ميزانية لوحدها لأنها صارت اكنك رايح تشتري كمبيوتر جديد.

    بس دلوقتي صرت في حيرة بين طريقين ، الأول إني أشتري بروسيسور i3 جيل ثامن ومعاه مازربورد عالية (وأمري لله عشان حكم الميزانية) ورامات 16 واستخدمهم لغاية السنة الجاية وساعتها أبيع i3 واشتري I5 وبكدا مغيرش حاجة غير البروسيسور.

    أو إني أشتري I5 7600 ومعاه بورده بتدعمه وأظن دي موجودة عادي ومعاه رامات 16 ( وبيتهيألي إن الفرق بين الجيلين مش اللي هو الواااوو وده اللي باين من المقارنات) غير ان الاسعار بين الاتنين 7600 و 8600 فرق كبير اوي يقارب الألفين جنيه .. ومن المرجح انها ترتفع كمان مع صدور اللوحات الاقتصادية فساعتها ممكن أقضي نفسي بالجيل السابع لسنتين قدام لغاية ما حوار الجيل الثامن ده يستقر وأشتري بورده وبروسيسور مع بعض أو رامات كمان دا لو كان في امل ان ddr5 تنزل على نهاية 2019.
    أرجو افادتي لأن من الظاهر ان انتظار المجهول حيكون مش جايب همه.

  10. #10
    الإداره الصورة الرمزية abdalhaliem
    تاريخ التسجيل
    Jun 2005
    المشاركات
    19,363
    الدولة: Egypt
    معدل تقييم المستوى
    1911

    رد: اريد شراء بندل جديد بميزانية 8000 جنيه أرجو المساعدة...



    بحقيقه الأمر

    فأن معالج 8600k

    يتفوق على معالج 7600

    سواء العادى أو ال ( k )

    ب 6 أنويه مقابل 4

    وعدد خيوط معالجه 6 مقابل 4

    وعدد ميجا كاش 9 مقابل 6

    لا

    أنه يتفوق بصوره واضحه

    لكنى أتفهم ماتريده

    أنت قلق من المستقبل أو المجهول

    ومعك كل الحق لايستطيع

    كائناا من كان

    أن يضمن ماسيكون عليه الحال

    بعد بضعه أيام وليس شهور

    كما أن للميزانيه عامل مهم بالقصه

    بكل الأحوال المعالج 7600 ممتاز وليس سيئاا

    توكل على الله أذا كان يناسب ميزانيتك

    فقط نحن نريد لك الأفضل

    وبالنسبه لهارد ال ssd

    التى تقصده ماهو نوعه

    لأن الأنواع والخواص تفرق بالسعر

    كان في امل ان ddr5 تنزل على نهاية 2019
    غير معلوم ألى الأن

    لكن مع نزولها

    ستحتاج معالجات تدعمها ولوحات أيضاا

    وستكون ذو تردد وسعر مرتفع جداا


    بالتوفيق

  11. #11
    إداري الصورة الرمزية N3V3RMiND.2016
    تاريخ التسجيل
    Jan 2016
    المشاركات
    1,336
    الدولة: Egypt
    معدل تقييم المستوى
    777

    رد: اريد شراء بندل جديد بميزانية 8000 جنيه أرجو المساعدة...

    على فكره المعالج Core i5-8400 متوفر حاليا على امازون بسعر 179 دولار لو تحب تشتريه
    و السعر الكلى هايكون فى حدود 4000 الى 4100 جنيه مصرى متضمن الشحن.

    معالجات الجيل الثامن انخفضت اسعارها بشكل كبير جدا فى الاسواق العالميه منذ الاعلان عن معالجات AMD RYZEN الجيل الثانى.
    لكن للأسف معالجات الجيل الثامن لم تنخفض اسعارها فى السوق المصرى.

    فقط ان كنت ناوى على شرائه من الخارج تأكد انه يوجد فى مصر من البائعين من سيرضى ان يبيع لك لوحه ام بمفردها (بدون معالج)
    حيث ان البائعين فى مصر يرفضون بيع لوحات ام او معالجات بمفردها (لازم تشترى بندل على بعضه) و بصراحه انا مقاطع السوق المصرى من مده.


  12. #12
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    رد: اريد شراء بندل جديد بميزانية 8000 جنيه أرجو المساعدة...

    أنا لاحظت كده فعلا، بل في ناس مش بترضى تطلع قطعة واحدة منفصلة ويقلك انا بطلع الجهاز كله مع بعضه على الرغم من انهم محلات كويسة جدًا في مولات الكمبيوتر اللي في جامعة الدول .. فلما سألتهم وحبيت أستفسر عن السبب قالي عشان ربحه في الحته الواحده مش جايب همه وعشان اطلعهالك مفرده حضربلك عليها مكسبي في الجهاز كله وعشان كدا مستحيل يطلع قطعة واحدة إلا كارت الشاشة عشان سعره أصلا عالي فلما يزود 1.5 على سعره .. المستهلك مش بيهمه لأنه أكثر قطعة بتتغير وعليها طلب دائم وخاصة بتوع هندسة ..

    بس بالنسبة لشرائي من امازون هيه فكرة كويسة جدا بس أنا مش عارف ايه نظام التعامل فيها .. وازاي حستلم الحاجات دي .. ولو انت مجربها فياريت تقلي عن تجربتك وجزاك الله خيرًا.

  13. #13
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    رد: اريد شراء بندل جديد بميزانية 8000 جنيه أرجو المساعدة...

    core i5 8600k سعره على امازون 4400 .. دا فرق 1000 جنيه كاملة عن هنا .. انا مش عارف الشحن بينطبق على كل قطعة ولا بيتحسب على كله مرة واحدة فلو كده رجاءً افيدوني بتجميعة بندل تتوافق مع البروسيسور لو كان الشحن حيكون اوفرلي واحسن.

  14. #14
    إداري الصورة الرمزية N3V3RMiND.2016
    تاريخ التسجيل
    Jan 2016
    المشاركات
    1,336
    الدولة: Egypt
    معدل تقييم المستوى
    777

    رد: اريد شراء بندل جديد بميزانية 8000 جنيه أرجو المساعدة...

    اقتباس المشاركة الأصلية كتبت بواسطة M.Elsayed19 مشاهدة المشاركة
    core i5 8600k سعره على امازون 4400 .. دا فرق 1000 جنيه كاملة عن هنا .. انا مش عارف الشحن بينطبق على كل قطعة ولا بيتحسب على كله مرة واحدة فلو كده رجاءً افيدوني بتجميعة بندل تتوافق مع البروسيسور لو كان الشحن حيكون اوفرلي واحسن.
    انا تعاملت مع امازون اكثر من مره لكن كان عن طريق شركه وسيطه,
    الشركات الوسيطه وظيفتها هى ان تقوم بشراء اى منتج تقوم انت بطلبه منهم فيقومون بشرائه و شحنه الى مصر و توصيله الى باب منزلك و طبعا لهم عموله.

    نقطه اخرى و هى ان حساب الشراء من الخارج ليس كما تعتقد !
    يعنى كمثال سعر المعالج الذى طرحته لحسابه بالجنيه المصرى سيكون كالتالى:

    يتم زياده نسبه 14 فى المئه على السعر و هذه النسبه هى ضرائب على الجمرك تحصلها هيئه الضرائب المصريه عند وصول القطعه الى مصر
    و يجب معرفة ان لكل منتج نسبة ضرائب و نسبة جمارك تختلف تلك النسبه حسب نوع المنتج

    مثال :
    جميع منتجات الحاسب الالى يتم دفع عليها نسبه 14 فى المئه ضريبه على الجمرك و لكن لا يتم دفع جمارك.
    منتجات اخرى مثلا كالاجهزه الصوتيه من سماعات و ما شابه يتم دفع عليها ضرائب بالاضافه للجمارك ايضا مما يزيد سعرها بشكل كبير.

    بالنسبه لحساب سعر المعالج المطروح نسبه 14 فى المئه من سعر المعالج(سعر المعالج على امازون هو249.99) اذا 14% من السعر هى 35 دولار
    اذا المجموع هو 249.99 + 35 = 284.99 ثم يتم اضافة مبلغ الشحن الدولى و تسعير الشحن الدولى يختلف من شركه لأخرى لكن اليك بعض المعلومات للتوضيح:

    يمكنك عمل حساب على امازون و ذلك سيمكنك من ادخال بياناتك من عنوان و ما الى ذلك و هذا الحساب سيفيدك بأنه مجرد دخولك على صفحة اى منتج على مازون سيظهر لك بجانب المنتج المبلغ الكلى لتوصيل المنتج اليك و ايضا سيوضح لك ان كان المنتج متاح للشحن الى مصر ام لا(يوجد منتجات لا يرغب اصحابها او بائعوها من توصيلها الى بلاد معينه او لا يوجد لديهم امكانيه توصيلها او يكون منتج عليه عرض و غالبا تلك العروض تكون لمن هم داخل الولايات المتحده الامريكيه فقط! و هنا يجب توضيح الفوارق بين الشراء مباشره من امازون و الشراء عن طريق احدى الشركات الوسيطه:

    الشراء من على امازون:
    - يجب ان يكون الدفع عن طريق بطاقه ائتمانيه.
    - تحاسب غالبا بسعر الدولار الرسمى و هو حاليا فى حدود تقريبا17.8 جنيه.
    - يقوم امازون بشحن المنتج عن طريق شركة شحن من الشركتين اراميكس و DHL انت و حظك و لكنى لاحظت ان تلك الشركات هى الاغلى من حيث مصاريف الشحن (لم اجرب الشراء المباشر من امازون لكنى دخلت على صفحات تلك الشركات للتعرف على مصاريف الشحن لديهم و ايضا استشرت من قام بالشراء المباشر من امازون من احد الاصدقاء)
    - لو تبين ان المنتج به عيوب فيمكنك ارجاعه الى امازون و استبداله و لكن ربما يطلب منك امازون دفع مصاريف شحن دولى مره اخرى لارجاع المنتج اليهم.
    - اخيرا الشراء المباشر عن طريق امازون يوفر فى الوقت حيث يمكنك استلام المنتج فى وقت قصير.
    - لن تتمكن من شراء اى منتج عليه عرض او خصم مخصص لمن هم داخل الولايات المتحده الامريكيه.


    الشراء عن طريق شركه وسيطه:

    - توفر لك عدة طرق مختلف للدفع و هى الدفع عن طريق بطاقه ائتمانيه او الدفع عن طريق خدمة فورى او عن طريق محصل يأتى الى منزلك او عن طريق تحويل بنكى.
    - يقومون بشراء المنتج و تخليص كل الازم من جمارك و ضرائب و غيرها من الامور و انت عليك الدفع مقدما لكل تلك الاشياء قبل الشراء و سيتم توصيل المنتج الى منزلك.
    - لا تضمن الشركة الوسيطه المنتج هى فقط تقوم بشرائه و توصيله اليك و لو كان المنتج به عيوب و تريد ارجاعه الى امازون فعليك دفع مصاريف الشحن مره اخرى لتوصيل المنتج الى امازون فى الولايات المتحده.
    - الشركه الوسيطه ربما تحاسبك على سعر دولار اغلى من السعر الرسمى فشركه وسيطه تعاملت معها اكثر من مره و هى شركة "ادفعلى" تحاسبك حاليا على سعر دولار ب18.59 جنيه!
    - توفر الشركه الوسيطه مميزات كخصومات و ايضا مصاريف شحن اقل بكثير من شركات الشحن التى يستخدمها امازون.
    - تمكنك الشركه الوسيطه من شراء اى منتج من اى موقع تحب و ايضا تستطيع شراء المنتجات المخصصه لمن هم داخل الولايات المتحده الامريكيه فقط و ذلك لأن الشركه الوسيطه لهم مكتب داخل الولايات المتحده الامريكيه يقوم بشراء المطلوب ثم شحنه الى مكتب الشركه فى مصر ثم الى منزلك.

    اخيرا انا لدى حساب على مازون بالفعل لكنى لم استخدمه قبل ذلك فقط قمت بعمله لمقارنه السعر بين الشراء المباشر من امازون و الشراء عن طريق تحديدا شركة ادفعلى و وجدت ان الشراء عن طريق ادفعلى ارخص بشكل ملحوظ و اليك توضيح:
    هذا هو السعر الكلى الذى يظهر لى على امازون للمعالج:


    كما هو واضح السعر الكلى هو 249.99 + 54.15 = 304.14 دولار
    للحساب بالمصرى (الحساب بسعر الدولار الرسمى) 304.14*17.8 = 5414

    اما شركة وسيطه مثل ادفعلى فيكون الحساب كاتالى:
    تحاسبك الشركه بدفع 10 دولار مصاريف شحن دولى على كل نصف كيلو
    يعنى لو تريد شراء منتج وزنه 1 كيلو ستدفع مصاريف شحن دولى 20 دولار

    لو دخلت على موقع الشركه ستجد ان هناك عرض ينزل كل 24 ساعه عباره عن خصومات
    الشركه تأخذ عموله نسبتها 15 فى المئه من سعر المنتج

    يعنى سعر المعالج الكلى هو السعر على امازون + 14% مصاريف الضرائب + 15% مصاريف عموله ادفعلى + 10 دولار مصاريف شحن دولى(حيث ان المعالج وزنه تعدى ربع كيلو فيتم حسابك على ان وزنه نصف كيلو)
    المجموع :
    249.99+ 35 (ضرائب) + 37.5 (عمولة ادفعلى) + 10(شحن دولى) = 332.5 دولار (يتم استخدام عرض خصم الرسوم او العموله + الشحن الدولى و لكن يجب انتظار العرض عن طريق متابعة موقعهم كل 24 ساعه حتى يأتى ذلك العرض و انت و حظك ربما تنتظره ايام حتى يأتى او حتى اسابيع و لكن كل العروض تتكرر باستمرار)
    بعد استخدام العرض (حينما تجده) يتم خصم العموله و الشحن الدولى يبقى المجموع :
    332.5 - 37.5 (عمولة ادفعلى) - 10(شحن دولى) = 285 دولار
    بالمصرى 285*18.59 = 5298 جنيه

    يعنى السعر هو تقريبا نفس السعر فى السوق المصرى و لكن بالنسبه للتجار الامر مختلف تماما حيث ان لهم حسابات اخرى لأنهم يشترون المنتجات بالجمله فتكون ارخص بكثير غير ان الوكيل فى مصر هو من يشترى تلك المعالجات بسعر رخيص من الخارج و يدخل له مكسب و لذلك ان كان سعر شراء معالج من على امازون بسعر معين يجب ان يكون سعر نفس هذا المعالج فى السوق المحلى بسعر ارخص.

    ربنا يوفقك فى الانتهاء من قرائة موضوع التعبير الذى كتبته

  15. #15
    عضوية جديدة
    تاريخ التسجيل
    Feb 2018
    المشاركات
    7
    الدولة: Egypt
    معدل تقييم المستوى
    0

    رد: اريد شراء بندل جديد بميزانية 8000 جنيه أرجو المساعدة...

    ومالها المحلات بتاعتنا .. دي جميلة ومية ميه .. الموضوع فعلا معقد مش زي ما انا تخيلته ومشكور لمجهودك الكبير اوي ده .. دا انا حسيت انك رحت امريكا ورجعت تاني عشان تكتب الموضوع .. تسلم ايدك بجد .. طب دلوقتي لو توكلت على الله واشتريت core I3 8100 و مازربورد عالية ايه المازربورد الكويسة وسعرها برده مقبول لغاية ما الميزانية تتعدل وساعتها اشتري core i5 8600k .. ولا أستنى شهر كمان لعل وعسى المازربورد الاقتصادية تنزل .. انا بقيت في حيرة وتردد .. خايف اشتري وبعديها احس بالندم واضطر السنة الجاية اغير البندل كله ما عدا الرامات .. وناس تانية تقلك core i5 جيل ثامن منظره، و rayzen r5 احسن منه لكن i3 , i7 فعلا متفوقين وصفقة جيدة .. هيه الشركات دي عايزة ايه بالضبط تلاقي i 3 جيل ثامن يتقارب مع i5 جيل سابع .. يعني دلوقتي كل خطوة الواحد بيعملها بيعد يفكر هل حتكون جيدة ولا حنندم عليها دا ولا كأننا بنلعب شطرنج. بس أنا مستحيل اشتري جيل سابع خاااالص لأنه اللي حيشتري السنة دي جيل سابع حيضطر غصب عنه يغير السنة الجاية لجيل ثامن بوردة وبروسيسور عشان يقدر يحس بالفرق. الحرب بين amd و intel واحنا الضحايا مش كفاية ضحايا الدولار.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •