استفسار عن افضل شركة مصنعة للشاشات ومناسبة اسعار الاستيراد من عدمه

**ryko2** · 02-03-2018, 10:38

عادة لا مباخدش طبعا صناعة البائع لانه معروف انه بيكون عايز يحرك بضاعته اللى فيها ركود
بس فى اوقات نادرة بيكونه صح ودى قابلتها وانا عشان عارف ان عادة الاسوس صناعتها محترمة فاستغربت من اللى بيقوله وعشان كدة بسأل
بس فى حاجة وجدتها على منتدى اجنبى يقال ان الموديل دة من الأسوس بيظهر به ديدبيكسل بسرعة مشعارف مدى صحة المعلومة دى
الموديل اللى هو VS248HR

ونسيت تقولى برضه إيه الشاشات اللى بتقول انها افضل ومن حيث إيه؟ يمكن اجيبها بالقسط

**abdalhaliem** · 02-03-2018, 11:05

يقال ان الموديل دة من الأسوس بيظهر به ديدبيكسل بسرعة

ياأخى هذا كلام غير منطقى

بالظبط كتصورك

أن شاشتك القديمه تحدث بها المشاكل التى صادفتها

وبالنسبه للشاشات الأعلى فتوجد شاشات

على سبيل المثال بدقه أعلى

لكنها لن تفيدك لأن كارتك تلائمه تلك الدقه

1920X1080 / 1920X1200

المقصود ستقوم بدفع أموال بشىء لايناسبك

ناهيك عن السعر المبالغ فيه من 7000 وأنت طالع

بالمناسبه

أذا كنت تريد الذهاب مع الأستيراد لابأس

تحفظنا عليه فقط

أنه مستعمل وسعره مرتفع

**ryko2** · 02-03-2018, 16:01

شكرا ياباشا
الله يجازيك خير على تعبك معايا

**abdalhaliem** · 04-03-2018, 07:49

المشاركة الأصلية كتبت بواسطة ryko2

شكرا ياباشا
الله يجازيك خير على تعبك معايا

جزاك الله وأيانا خير الجزاء

بالتوفيق أخى الكريم

**ryko2** · 11-03-2018, 07:08

إيه الفرق بين الشاشتين دول غير ان الأسوس فيها dvi و audio out

ASUS VS248HR

Samsung S24D330H

وبالنسبة للوكلاء مترا افضل ولا QDS ؟بالنسبة لخدمة مابعد البيع

**ryko2** · 12-03-2018, 19:20

للرفــــــــــــــــــع

**ryko2** · 13-03-2018, 02:00

الحمدلله
اشتريت الشاشة دى
Samsung S24D330H
بس فى حاجة لاحظتها عايز اعرف ان كانت طبيعية ولا لا
وانا بركب كابل الإتش دى لاحظت ان الجزء اللى خارج منه المخارج الإتش دى والفيجا ومخرج الأدابتور لما بركب الكابل بحس ان الجزء دة بيتحرك لجوه شوية وبعدين لما بشيل إيدى بيرد لمكانه تانى كمان لو كان تثبيته مش محكم فهل دة أمر طبيعى ان يكون فيه هزة خفيفة عند الضغط على كابل الإتش دى او الفيجا؟
وجربت اضغط على مخرج الفيجا بصباعى بس مش اوى طبعا لاحظت ان الجزء دة بيتحرك لجوه وبيرد لمكانه تانى لما بشيل إيدى فالموضوع دة طبيعى فى بعض الموديلات ولا مش طبيعى؟

**abdalhaliem** · 13-03-2018, 06:11

بصراحه شديده

لم يصادفنى مدخل يتحرك ؟؟؟

لعل أحد الأخوه صادفه هذا الشىء

هل يحدث عدم ثبات للصوره

أو شىء من هذا القبيل

لقد شاهدت عده مراجعات لم يتطرق أحد لتلك المشكله

قم بالأستفسار من البائع عن تلك القصه

وأجعله يريك شاشه أخرى نفس الموديل

بالتوفيق

**ryko2** · 13-03-2018, 08:14

لا فيه ثبات فى الصورة
وبالنسبة لزر الAuto بضغط عليه بيطلعnot available

**ryko2** · 13-03-2018, 20:03

رجعت للبائع سألته وقالى عارف قصدك وقالى ان دة موجود فى كل شاشات السامسونج ال24
ولما طلبت منه يورينى حتة تانية من نفس الموديل عشان اتأكد قالى مينفعش افتح شاشة عشان بكود
وسألت محلين تانيين قالولى السامسونج كدة مشعارف بئا ياترى دة عيب مصنع ولا هى عموما كل شاشات السامسونج كدة
ولما طلبت منه ابدلها بموديل تاني زى الأسوس رفض وقالى طالما اتفتحت مينفعش
ولما قلت له مش فيه استبدال خلال 14 يوم؟قالى بس لو فيها مشكلة وبيقول ان اللى بقوله عليه مش مشكلة

وأدى الشاشات الجديدة اللى الواحد بياخدها بكارتونتها متبرشمة

**abdalhaliem** · 14-03-2018, 11:39

أين المشكله ؟؟؟؟

طالما لاتوجد مشكله لاتبتئس

أسئل عدد من التجار لعل هذا النوع هكذا

وكما طلبت

لعل أحد الأخوه عندهم شاشه نفس النوع

يفيدوك

أنا مرت على شاشات سامسونج كثيره

ليس بها تلك المشكله

( أذا سلمنا جدلاا أنها مشكله أساساا )

مره أشتريت شاشه تلفزيون للبيت

42 بوصه من كارفور

وعندما ذهبت للبيت وقمت بتشغيله

بائت جميع المحاولات بالفشل

وأتضح ان تلك الشاشه بها زر للباور أسفل أطار الشاشه

وهذا الزر تحرك من مكانه بك ودخل قليلاا ألى داخل الأطار

بحيث أنه لم يعد ظاهراا

تخيلت مشوار ألى كارفور وأرجاع الشاشه

تصدق وتآمن بأيه

قمت بفك الشاشه ورد المفتاح

وألى الأن الشاشه تعمل بكفائه تامه بعد مرور خمس سنوات

أنا لاأقصد أنك تقوم بعمل المثل أطلاقاا

ماقصدته طالما ليست هناك مشكله ظاهره

أذاا لابأس

وطالما البائع يعرف ماتقصده

أى أنها مشكله سئل عنها كثيراا

ألم تسأله مادام يقول هذا طبيعياا

مالفائده من تحرك المدخل ؟؟؟

ولماذا لم يذكر ذلك

لابموقع الشاشه ولا بأى مراجعه ؟؟؟؟

عموماا كما ذكرت اعلاه

أسئل عدد من التجار

أو أنتظر أحد الأخوه ممن أقتنوا تلك الشاشه

أو تجاهل الأمر برمته طالما لايسبب لك مشكله

بالتوفيق

**ryko2** · 15-03-2018, 06:38

هى المخارج مش بتتحرك بمعنى التحرك الفعلى يعنى زى ما فيه تاجر من التجار قالى دة نتيجة ان وراهم من جوه الشاشة فاضى فيه مسافة فاضية من جوه
فاللى بيحصل مثلا اثناء تركيب كابل الاتش دى واثناء ضغطة خفيفة لتثبيت الكابل بشعر ان المخرج بيتحرك معايا لجوه سنه بشكل يدى إيحاء انى بستعفى عليه وبعد مابشيل إيدى بيرد فى مكانه تانى

طيب بالنسبة انى لما بضغط على زر الAuto بيطلع لى Not available دة طبيعى ولا فيه حاجة؟

ولما سألت البائع على حاجة زى دى حسيت انه بيخمن يعنى بيقولى ممكن يكون عشان كارت الشاشة قديم قلت له مش قديم اوى يعنى قالى نوعه إيه قلت له 760oc
بيقولى فيه ناس كانت بيقابلها الموضوع دة مع الشاشات الحديثة بس كان الكارت قديم

بالنسبة لزر الباور فى الشاشات الحديثة لما بسيب الجهاز كم ساعة مفصول واجى اشغله طبيعى انى احتاج اشغل الشاشة من زر الباور تانى؟

**abdalhaliem** · 16-03-2018, 05:13

بالنسبة لزر الباور فى الشاشات الحديثة لما بسيب الجهاز كم ساعة مفصول واجى اشغله طبيعى انى احتاج اشغل الشاشة من زر الباور تانى؟

أخى الكريم الشاشات تختلف بخواصها

أنا معك أن الشاشه المفروض

أنها تعمل مع الجهاز

لكن هناك أنواع صادفتنى

بها حمايه لدائره الباور

فيتم فصلها تلقائياا

وكلمه Not available

معناها غير متاح

والأحتمال الأقرب للواقعيه

كون تعريف الشاشه يتطلب وضعيه معينه

وليس Auto

بالتوفيق

**ryko2** · 16-03-2018, 14:51

طب ممكن توضيح اكتر للجملة الاخيرة لو سمحت

كون تعريف الشاشه يتطلب وضعيه معينه

لو ممكن ضرب مثال توضيحى مع جزيل الشكر

**ryko2** · 16-03-2018, 22:34

استاذ عبد الحليم
بالنسبة لموضوع الأوتو خلاص فهمته لانى جربت على مخرج الفيجا واشتغل عادى
واضح انه مخصص للفيجا والدى فى أى مش الاتش دى

بس فى حاجة تانية عايز اقولك عليها عشان طلع عينى فى الموضوع دة

وانا بوصل على مخرج الفيجا D-Sub مبدئيا الكابل مبيعشقش بإحكام فى المخرج بسبب ان فيه جزء منه جوه الشاشة
مبيعشقش غير لما اربطه بالمسمارين والحقيقة انى كمان لما جربت اربط المسمارين مسمار واحد بس من الاتنين يربط والتانى لا لان اللى بيتربط بيتربط على حساب التانى
واستفسار هنا هل دة وارد ولا دى مشكلة؟
مع العلم ان المخرج لونه اسود مش ازرق والكابل بتاعى ازرق العادى يعنى(مش جاى مع الشاشة) فممكن يكون فيه كابل اسود بمسامير اطول شوية من الكابل الازرق ولا دى مشكلة حقيقية؟