#ازاى_تشترى_Workstation

**Muhammed Refaai** · 21-04-2018, 01:34

ناس كتير بتكون خايفة من الــ Workstation لأنه مستعمل ولأننا في مصر فــكلمة مستعمل بالنسبالنا يعنى الحاجه استهلكت حتي آخرها
ولكن لا .. برا بيغيروا باستمرار لان تقريبا كل سنه بتنزل موديلات جديدة وتحديثات جديدة
طيب .. ازاى تقدر تشترى جهاز و ميضحكش عليك ؟!!
1 - اشتري جهاز تقدر تعمله Upgrade ، ميكونش جهاز تستعمله سنة وخلاص ، يعنى جهاز يكون بيركب عليه Processor E5-26xx V1 & V2
و بما ان الأسعار غاليه .. فــ أنت ممكن تشتري جهاز يكون بيقبل Processor v2
وتركب عليه Processor v1 بحيث بعد كدا تقدر تشيل الــ Processor وتعمله upgrade بتكلفة قليلة
2 - أطلب من اللي بتشتري منه أنه يعملك stress test ع الجهاز .. وده برنامج بيحط الجهاز تحت ضغط شغل كأنك بتعمل Render ، و ده عشان تتأكد من أداء الجهاز و لو فى اى عيب الجهاز هيعمل Error
3 - بص على الـــ Matherboard و قواعد الــ Processor
4 - جرب كل الــ Port و الــ USB اللى فى الجهاز
5 - اشترى من مكان يديك ضمان .. مش يبيع و يجرى ��
6 - اشترى الــ Hard و الـــ VGA جديد ابعد عن الهاردات المستعملة والفيجا ، و هنا أنت معاك أداء عالى و ضمان الوكيل

أقصى حجم للخط 3