كل سنة واعضاء المنتدي الكرام بخير وسلام اولا ...... ورمضان كريم علينا جميعاً يارب
لو سمحت انا في مشكلة جامدة جداً والبدائل الي قدامي مش كتير ويكاد يكون مفيش قدامي اختيار
انا اشتريت لاب مستعمل من شهر 8 من واحد الله يسامحه ودلوقتى اللاب اتحرق في شهر 3 ( كارت الشاشة ) المهم انا نزلت بيه مول البستان طبعاً بعد ماروحت للراجل كذا مرة وشبه اتخانقت معاه من شدة الموقف وبعدين قالى مول البستان هيفيدوك اكتر انا روحت ولما فتح اللاب قالى المروحة بتاعت كرت الشاشة واقفة وفعلاً لما بصيت على درجة حرارة كرت الشاشة واللاب لسة شغال بتوصل 67
المهم اللاب اول ماجبته كان بيسخن وقولت للراجل الى جايبه منه قالى عادي ده من الجو وكل الاجهزة بتسخن ودلوقتى لما المروحة بتاعته وقفت من شدة الحرارة حرقت كرت الشاشة بتاع اللاب وانا قدامي حلين من كلام الناس في مول البستان :-
1- هو انهم هيعملوا تسخين على كرت الشاشة وبيبقولولي مش هنتحمل المخاطرة لو حصل حاجة ( انا مش فاهم ايه ممكن يحصل يعنى ) وكمان بيقولوا انه هيبوظ بعدها تانى
2- روحت لواحد من هناك قالي انه ممكن يعمل تحويل مسار ل Intel ولما انا روحت راجعت مواصفات اللاب لقيت مفيهوش غير كرت شاشة واحد بس HD 5730 ومفيش intel خالص فحاسس ان الموضوع فيه حاجة غريبة
3- اخر حل هو انى استعوض ربنا وابيع اللاب على حالة كده لان المحلات بتقول قطع غياره مش في مصر
اللاب انا اشتريته ب 4000 مستعمل
ودلوقتى لو هسخن هدفع 150 والعملية فيها مخاطرة ولو الراجل الى بيقول هيعمل تحويل مسار ده كلامه مظبوط هدفع 450 ج ولو هبيع اللاب على حالته هيجيب 1200 ج
ارجو من الخبراء الي في المنتدي يفيدوني لان للاسف عدم فهمى في الموضوع ده ضيعنى ومش عارف اتصرف ازاى ؟؟؟
اللاب نوعه Lenovo Y560 ومواصفاته
Core i5 520
Hard 750 GB وفيه مشكلة بطئ مش عادية الويندوز بينزل ف 3 ساعات
Ram 4 GB
VGA AMD Radeon HD 5730 1GB
المفضلات