مشكلة غريبة جدا برجاء المساعدة مع جزيل الشكر

**ryko2** · 17-08-2018, 17:06

مشعارف افك الكاوتشوك لانها بنفس مستوى باقى الجسم (مش لائيلها مالكة)
وبالنسبة للكابلات اللى رابطة المراوح ببعضها مشعارف افكها

وخايف استعفى عليها السلك يتقطع عن الراس ولا حاجة

**abdalhaliem** · 17-08-2018, 22:09

بالنسبه لموضوع

زياده المعجون عن الحد

فكما أوضح الأستاذ فوكسر

بخصوص قطعه الكاوتشوك

أنت تحاول أزالتها وأنت خائف

ياراجل جمد قلبك

القصه أنها تريد شىء مدبب

كرأس دبوس كبير مثلاا

بالنسبه لنا

نزيلها بسن الجفت عادى جداا

لاتخف لن يحدث شىء

الأيدى المرتعشه لاتصلح لأعمال الهاردوير

ليس معنى هذا التهور

لكن كل شىء له مايناسبه

السن المدبب كسن برجل الهندسه

أو دبوس قوى

من طرف الكاوتشه تستطيع أزالتها بسهوله

عيب لما أقولك أذهب لفنى يفكهالك

بعد مافكيت الكارت

حاتبقى مشكله

وبالنسبه لموصلات الطاقه

التى تربط المراوح ببعضها

هى أيضا نقوم بفكها

لأنها عاشق ومعشوق

أحيانا قد تجد صعوبه لأن الكارت

لم تتم صيانته من وقت شراؤه

لكن أن لم تستطع لاتوجد مشكله

لاتحاول معها بعنف حتى لاتتضرر الأسلاك

تستطيع تزييت المراوح

وهى متصله ببعضها عادى جداا

حاول مع الكاوتشه بهدوء

عيب لما حته كاوتشه تقف قدامك

أظن بعد الكلمتين دول

المفروض تاكل الكاوتشه بسنانك

بالتوفيق

**ryko2** · 17-08-2018, 22:14

ههههههههههههههه بصراحة انت سخنتنى

انتى حرضتنى على الكاوتشوك

هشوف ياباشا وارد عليك

بشكرك على تعبك معايا وبشكر استاذ بلاك فوكسر على تعبه معايا وتوضيحاته

الله يجازيكم خير فى أيام الخير اللى احنا فيها دلوقتى

**ryko2** · 17-08-2018, 23:35

بص يااستاذ عبد الحليم الصورة دى
عايز اقولك ان الكاوتشوك هنا مش زى اللى بيكون مغطى مسامير اللاب توب وبروح زقه بسن الجفت يطلع معايا لا دة الجسم بتاعه عامل زى الجسم المركزى للمروحة ولما بحاول ازقه من اى طرف بالجفت او بدبوس ابرة بيفلت محدثين الخدوش بالجسم زى ماانت شايف فى الصورة بالظبط .

**abdalhaliem** · 17-08-2018, 23:45

غريبه دى ؟؟؟؟

المهم موتور المروحه تحت هذا الجسم

ومدى قابليه هذا الجزء للأزاله

( أنت الوحيد الذى تستطيع الحكم عليه )

لأنك من تجلس أمامه وتحاول معه

مع أن المنطق يقول

أنه لابد أن يكون قابل للأزاله

لكنى سأسألك سؤال

هل عن تحريك المراوح بأصبعك يمينا ويساراا

تتحرك وتدور بكل سهوله ويسر أم لا

بأنتظارك

**ryko2** · 18-08-2018, 11:00

اه بتتحرك عادى بسلاسة

مينفعش احط زيت على اى جزء من الاجزاء المكشوفة تحت الاستيكر اللى ظاهرة فى الصورة وتوصل للموتور من الداخل ولا مش منطقى؟

**ryko2** · 18-08-2018, 11:34

بص ياباشا اللينك دة عليه كارت مشابه للكارت اللى عندى مع اختلاف ان اللى عندى جيل قديم طبعا
مشعارف ممكن تكون نفس الفكرة؟ولو نفس الفكرة بداية التحكم فى الفك كما بالصور اللى فى اللينك تكون ازاى
https://cryptomining-blog.com/tag/gpu-fan-repair/

**abdalhaliem** · 18-08-2018, 18:20

المشاركة الأصلية كتبت بواسطة ryko2

اه بتتحرك عادى بسلاسة

مينفعش احط زيت على اى جزء من الاجزاء المكشوفة تحت الاستيكر اللى ظاهرة فى الصورة وتوصل للموتور من الداخل ولا مش منطقى؟

طالما تتحرك بسلاسه

أذا لاتوجد أتربه بداخلها

والتزييت من الخارج منطقياا لن يفيد

المشاركة الأصلية كتبت بواسطة ryko2

بص ياباشا اللينك دة عليه كارت مشابه للكارت اللى عندى مع اختلاف ان اللى عندى جيل قديم طبعا
مشعارف ممكن تكون نفس الفكرة؟ولو نفس الفكرة بداية التحكم فى الفك كما بالصور اللى فى اللينك تكون ازاى
https://cryptomining-blog.com/tag/gpu-fan-repair/

تلك نوع من المراوح

غير منتشره لكنها موجوده

خصوصاا مع النسخ

Gigabyte Windforce

ستحتاج أولاا ألى فصل

ريش المروحه + جسم الموتور

عن الهيكل الأساسى للمروحه

وعادة ما يتم تثبيتها بثلاثة مسامير صغيره

لأن تلك المراوح تكون بالغالب عباره عن جزئين

الجزء العلوى به الشفرات أو الريش + الجزء الدوار من المحرك

( وهو مانقوم بتزييته بحال وضعيه أزاله الكاوتشه )

فى حين أن الجزء الثانى ( الأسفل )

يحتوى على الجزء الأساسى للمحرك

ولفصل الجزئين بحرص وعناية فائقه

عليك باستخدام ثلاثة أو أربعة من أصابعك للدفع بين الجزأين

بعض المراوح تنفصل بسهوله وبعضها تكون محكمه بعض الشىء

أهم شىء هو عدم السحب أو الدفع للريش حتى لاتنكسر

أتحدث عن جسم الموتور

أرجوا أن تكون فاهمنى

ثم تقوم بتزييت الجزئين

وأعاده كل شىء ألى مكانه

لكن بالطبع

أذا كانت المراوح تتحرك معك بكل سلاسه

فلا يوجد داعى لكل ذلك

عيد مبارك

**ryko2** · 18-08-2018, 19:41

إمتى تكون المراوح مبتتحركش بسلاسة؟يعنى إديلى علامة مميزة يعنى مثلا تكون لما بحركها بايدى تكون بتلف بصعوبة

**abdalhaliem** · 18-08-2018, 20:30

المشاركة الأصلية كتبت بواسطة ryko2

إمتى تكون المراوح مبتتحركش بسلاسة؟يعنى إديلى علامة مميزة يعنى مثلا تكون لما بحركها بايدى تكون بتلف بصعوبة

طيب أشرحالك أزاى دى !!!

بسلاسه يعنى بسلاسه

سهله جداا ههههههههههه

حرك الريشه بأصبعك بقوه

أذا دارت عده دورات بسهوله

فهى تدور بسلاسه

أنما لوحركتها بأصبعط بقوه

ولفت لفه واحده أو لفتين ووقفت

أذا هى لاتدور بسلاسه

**ryko2** · 18-08-2018, 22:32

ماشى تمام بس برضه انا عايز افهم ازاى اعرف افكها لفيما بعد
انا هتوكل على الله دلوقتى واحط المعجون واقفل الكارت واركبه
وإن شاء الله يشتغل بدون مشاكل

**ryko2** · 18-08-2018, 23:49

الحمدلله تم التوصيل والجهاز حاليا شغال بس يارب يفضل شغال وميعملش الفصل اللى فات دة
لكن فى حاجة
هى البيانات دى طبيعية وانا لسة موصل الكارت؟ومش مشغل ألعاب والتكييف شغال مع العلم ان بعد تشغيل الجهاز بخمس دقايق الحرارة حاليا 33

**ryko2** · 19-08-2018, 00:27

انا مشعارف شغلت لعبة far cry5 مفيش خمس دقايق
وخرجت ببص على البيانات وجدتها بالمنظر دة فهل دة طبيعى؟

**ryko2** · 19-08-2018, 00:32

**abdalhaliem** · 19-08-2018, 03:07

من خلال الصور التى أرفقتها

لاتوجد عندك أدنى مشكله

طبيعى أن يتم أرتفاع التردد والحراره

عند الضغط على الكارت

وتختلف تلك القيم حسب اللعبه نفسها

ومقدار ماتحتاج من معالجه رسوميه

لكن كل شىء على مايرام

ودرجات الحراره ممتازه

مبروك

وعيد مبارك