مشكلة غريبة جدا برجاء المساعدة مع جزيل الشكر

[mahmoudarman]

المشكله بكابل ال hdmi

[abdalhaliem]

أنت ذكرت أن الباور جديد ؟؟؟؟

عموماا أرفق قرائاته للأطمئنان

[ryko2]

اه ياباشا المفروض انه جديد مبئلوش شهرين والصورة المرفقة دى مع العلم ان الكارت مش واصل فى الكيسة حاليا

وانا حاليا موصله على الكيسة التانية ولحد دلوقتى الحمدلله شغال تمام
بس مش هقدر أتأكد غير لما اسيبه كم يوم ويمكن اسبوع على الاقل عشان اقدر احكم لان لما كنت بوصله على الكيسة التانية ممكن يشتغل يومين تلاتة ويرجع التخريف دة يحصل .

على فكرة المشاكل دى متلاحظتش غير بعد تركيب الباور الجديد لكن الحقيقة انها مظهرتش اول ماركبته الباور قعد شغال حوالى شهر او شهر ونصف والمشكلة دى مكنتش ظهرت

وبالنسبة للاخ العضو اللى بيقول كابل الاتش دى اتمنى انه يطلع الكابل بس اللى قالقنى انى جربت على مخرج الاتش دى كابل واصل لشاشة الكمبيوتر وكابل تانى جاى من التليفزيون وموصله على مخرج dvi من الكارت مركب فيه كونفرت لإتش دى ونفس النتيجة .

[abdalhaliem]

أحنا أتفقنا أننا ناخد الموضوع جزء جزء

علشان مانتوهش

ونطلع بنتيجه

أنسى الجهاز الجديد

وأنسى الكابل

وانسى الباور

خلينا بكارت الشاشه الأن

خليك مركز عليه بالجهاز القديم

ولو حتى لمده شهر ؟!

المهم نحيد الأحتمالات

الأحتمال تلو الأخر

وقرائات الباور جيده

تابعها من داخل البيوس

ومن خلال البرنامج بأستمرار

بأنتظار النتيجه

عيد مبارك

[ryko2]

تمام ياباشا
مش هتابع الباور سبلاى تانى دلوقتى عشان دة فى الجهاز الجديد
خلينى لما اشوف زى ما قلت لى استنى شوية لما نشوف الكارت انا موصله على الباور سبلاى ال550 وات الAntec القديم .

[abdalhaliem]

تمام

[ryko2]

رأيك اجرب اضغط على الكارت ببرنامج معين ولا بلاش ممكن يكون فيه ضرر؟

انا بسأل عشان مبقعدش على الجهاز التانى كتير حاليا بشغله وبسيبه شغال ساعة او ساعتين فى وضع الخمول وبطفيه .

وبعدين هو طبيعى ان يحصل احيانا اذا كانت الشاشة مفصولة من الباور وتم تشغيل الكيسة اولا والشاشة ثانيا ان متظهرش بيانات على الشاشة؟عشان دى حصلت معايا لكن بعد ماشغلت الشاشة وضغطت على ريستارت الجهاز اشتغل عادى جدا علما بانى موصل على شاشة تليفزيون توشيبا 32 .

[abdalhaliem]

لا جرب ألعب على الكارت

أنقل ألعاب على الجهاز القديم وألعب عليه

هو طبيعى ان يحصل احيانا اذا كانت الشاشة مفصولة من الباور وتم تشغيل الكيسة اولا والشاشة ثانيا ان متظهرش بيانات على الشاشة

يحدث هذا لكن بصوره نادره

وهو أن الجهاز يريد التعرف على مواصفات العرض بالشاشه

كال resolution وخلافه

[ryko2]

تمام
حاضر

[ryko2]

الفرق بينهم خامات التصنيع

+

القدره على الوصول لجودة صورة مثالية و كاملة و عالية الوضوح

( 4k )

وستجد أعلب الكابلات مطليه بالذهب

( gold plated )

عموماا الكابل الأخير لابأس به

( أقل كابل من راديو شاك = أفضل كابل من أى مكان أخر )

والسبب فى ذلك أن أغلب منتجاته تم أنتاجها خصيصاا له

لذلك ستجد ليبل أن هذا المنتج تم تصنيعه خصيصاا لراديو شاك

وأحيانا ستجد أن هذا المنتج تم أستيراده خصيصاا لراديو شاك

وطول الكابل حسب الحاجه

لأنه سيكون على حساب السعر

المهم حاول ألا يقل الكابل عن 1.4






بالتوفيق

استاذ عبد الحليم
لما حضرتك قلت لى ان المنتجات اللى عند راديو شاك اعدت له خصيصا تقصد تقول الاكسسوارات اللى بتكون ماركة راديو شاك ولا اى ماركة تانية برضه من اى براند غير راديو شاك بس يكون بيتباع عندهم؟
وكمان معرفتش برضه إيه الاصدار المناسب من كابلات الاتش دى المناسب للكارت؟

[abdalhaliem]

لا ليس شرطاا أن يكون من أنتاجه

فراديو شاك ليس منتجاا

ولكنه تاجر

المقصود أن راديو شاك

لايبيع منتج مجهول الهويه

أو ذو جوده متواضعه

و99% من منتجاته مكتوب أسفلها

تم أستيرادها خصيصاا لراديو شاك

وبالنسبه لكارتك

كابل hdmi v1.4

سيكون كافى لك

[ryko2]

طيب ولو كارت احدث زى 1070 بيحتاج فيرجن كم؟

ولو جبت فيرجن اعلى بيكون افضل ولا ميكونش مناسب؟

[abdalhaliem]

الموضوع تشعب كالعاده

كما قال سعد زغلول

( مافيش فايده )


عاده لو دخلت لموقع الكارت

ستجد مايدعمه الكارت من مخارج

بجانب Standard Display Connectors

وكارت 1070 على سبيل المثال

يدعم hdmi 1.4 + 2.0

[ryko2]

السلام عليكم

حصلت معايا مشكلة غريبة

وانا بشغل الجهاز النهاردة لاحظت ان الصورة مخططة ومكسرة فطفيت الجهاز وشغلته تانى اشتغل كويس وبعدها بشوية فصلته وسيبته حوالى ساعة وشغلته تانى وجدت نفس المشكلة بس مهما اطفى الجهاز واشغله المشكلة موجودة شكيت تكون المشكلة فى الشاشة فوصلت شاشة التليفزيون لاحظت نفس المشكلة مع العلم انها واصلة بكابل تانى خالص عشان كمان استبعد ان يكون الكابل شكيت فى كارت الشاشة فصلته وشيلته خالص من اللوحة ووصلت على منفذ الاتش دى اللى فى اللوحة نفسها وجدت النخبشة وعدم روقان الصورة اكتر مما كان عليه فى كارت الشاشة مع العلم ان وانا موصل كارت الشاشة كانت بتظهر صورة بيانات اللوحة بس وبعد كدة ومبتجيش حاجة على الشاشة لكن لما وصلت على منفذ اللوحة الصورة بايظة بس الويندوز ظهر ؤدامى عادى

دة الشكل الطبيعى للصورة


ودة اثناء توصيل كابل الاتش دى من اى شاشة من الشاشتين على الكارت الخارجى


ودى الصورة اثناء توصيل الاتش دى الخاص باللوحة


ودى الصورة اثناء التوصيل على مخرج الفيجا القديم الخاص باللوحة d-sub

ودلوقتى لما وصلت على منفذ الفيجا اللى فى اللوحة sub اشتغل عادى بدون اى مشاكل

محتاج اعرف المشكلة دى إيه؟

استاذ عبد الحليم هى المشكلة دى ممكن تكون راجعة لقصور فى الكهرباء أو المشترك اللى متوصل عليه كابل الباور سبلاى وكابل الادابتور الخاص بالشاشة؟

[abdalhaliem]

قصور كيف ؟؟؟

الكهرباء ضعيفه عندك مثلا

قم بقياس الكهرباء بالأفوميتر